جۇڭگو ەكونوميكاسىنىڭ جالپى مولشەرى تۇڭعىش رەت 100 تريلليون يۋاننان استى (جاڭا ساندى مالىمەت، جاڭا بايقاۋ)
جاڭالىق اشۋ ارقىلى جەتەكشىلىك ەتىلىپ، قۇرىلىم جاقسارىپ، دامۋ اناعۇرلىم ساپالىلاندى
2021.01.19 17:59 كەلۋ قاينارى : حالىق تورابى
جۇڭگو ەكونوميكاسى تىڭ بەلەسكە كوتەرىلدى!
مەملەكەتتىك ساناق مەكەمەسى 1 - ايدىڭ 18 - كۇنى مىنانى جاريالادى: العاشقى ەسەپكە نەگىزدەلگەندە، 2020 – جىلى ەلىمىزدىڭ ىشكى ءوندىرىس جالپى ءونىم قۇنى (GDP) تۇڭعىش رەت 100 تريلليون يۋاننان اسىپ، 101 تريلليون 598 ميلليارد 600 ميلليون يۋانعا جەتىپ، سالىستىرمالى باعا بويىنشا ەسەپتەگەندە، الدىنداعى جىلداعىدان %2.3 ارتقان.
− GDP دىڭ 100 تريلليون يۋاننان اسۋى وڭاي - وسپاق قولعا كەلگەن جوق، اسا باعالى، بۇل پارتيا ورتالىق كوميتەتىنىڭ تۇجىرىم جاساۋ، شەشىم جاساۋ، ارەكەت جاساۋ قۋاتىن ايگىلەدى.
2020 - جىلى ءجۇز جىلدا كەزدەسپەگەن جاڭا تيپتى ايدارشا ۆيرۋس وكپە قابىنۋ ىندەتى تۇتقيىل تۋىلىپ، دۇنيە ءجۇزى ەكونوميكاسى دۇنيە جۇزىلىك ەكىنشى سوعىس اياقتاعاننان بەرگى ەڭ اۋىر قۇلدىراۋعا تاپ بولدى. تۇتقيىل سوققى ەلىمىزدىڭ ءبىرىنشى توقسانداعى GDP ىن سايكەس مەزگىلدەگىدەن %6.8 تومەندەتىپ، ماۋسىمدىق ساناق ساندى مالىمەتى جارىققا شىققاننان بەرگى تۇڭعىش رەت كەرى ارتۋدى جارىققا شىعاردى.
«ەلىمىز دامۋىنىڭ وراسان زور كومەسكى كۇشى مەن قۇدىرەتتى قوزعاۋشى كۇشىن تولىق ساۋلەلەندىرگەندە عانا، بيىلعى ەكونوميكالىق، قوعامدىق دامۋدىڭ نىسانا - مىندەتتەرىن جۇزەگە اسىرۋعا بولادى». قىسىلتاياڭ ساتتە، ماڭىزدى كەزەڭدە شي جينپيڭ جولداستى ۇيىتقى ەتكەن پارتيا ورتالىق كوميتەتى ستراتەگيالىق تاباندىلىقتى ساقتاپ، جاعدايعا دۇرىس تۇجىرىم جاساپ، دەن قويا جوسپارلاپ، ورنالاستىرۋ جاساپ، باتىل ارەكەت قولدانىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلادى: ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن جۇرگىزۋمەن بىرگە، ءبىر تريلليون يۋان قازىنا قىزىل سيفرىن ارتتىرىپ، ءبىر تريلليون يۋانق ىندەتكە قارسى اتتانۋ ەرەكشە مەملەكەت زايومىن تاراتىپ، فينانس جۇيەسىنىڭ ناقتى ەكونوميكاعا ءبىر تريلليون 500 ميلليارد يۋان پايدا بەرۋىن ىلگەرىلەتىپ، تىڭنان ازايتىلعان باجى، اقى مولشەرىن 2 تريلليون 500 ميلليارد يۋانعا جەتكىزدى ...
ساياساتتىق كەشەندى شارالار دالمە – ءدال اتقارىلىپ، مىعىم بىرىككەن كۇش قالىپتاستىرىلدى. جۇڭگو ىندەتتى الدىمەن تىزگىندەپ، جۇمىستى، ءوندىرىستى الدىمەن قالپىنا كەلتىرىپ، ەكونوميكانىڭ ارتۋىندا تەرىس ماننەن وڭ مانگە بۇرىلىس جاساۋدى الدىمەن جۇزەگە اسىردى. 2020 – جىلعا جالپىلاي نازار سالساق، جۇڭگو ەكونوميكاسىنىڭ ماۋسىمدىق ارتۋ قارقىنى %6.8-، %3.2، %4.9، %6.5 بولىپ، قيىن – قىستاۋ ساتتە ارتۋ جاعدايى جارىققا شىقتى، مەجەمەن جۇڭگو دۇنيە ءجۇزى ەكونوميكاسىندا وڭ ارتۋدى جۇزەگە اسىرعان بىردەن – ءبىر نەگىزگى ەكونوميكالىق تۇلعاعا اينالۋ مۇمكىن، دۇنيە ءجۇزى ەكونوميكاسىنداعى ۇلەسى دە 2019 – جىلعى %16.3 تەن %17 اينالاسىنا كوتەرىلىپ، تاريحتاعى ەڭ جوعارى ورە جاراتىلۋى مۇمكىن. جاڭا جۇڭگو تاريحىنداعى ەرەكشە ءبىر جىلدا حالىق رازى بولاتىن، كۇللى دۇنيەنىڭ نازارىن اۋدارعان، تاريحتان ورىن الارلىق جاۋاپ قايتارىلدى.
− GDP دىڭ 100 تريلليون يۋاننان اسۋىندا بىرگە كۇرەس جۇرگىزۋ، دامۋدان بىرگە يگىلىكتەنۋ اۋقىمى شوعىرلى بەينەلەندى، بارلىق ادامنىڭ تابىس سەزىمى ارتا ءتۇستى.
يۇننان ولكەسىنەن الىنعان مالىمەتكە قاراعاندا، ليسۋ، دۋلۇڭ، نۋزۋ جانە پۋمي ۇلتتارى تۇتاس ۇلت بولىپ كەدەيلىكتەن ارىلعان، 88 كەدەي اۋدان كەدەيلىكتەن ارىلعان!
گۋاڭشي ولكەسىنەن الىنعان مالىمەتكە قاراعاندا، رۇڭشۇي مياۋزۋ اۆتونوميالى اۋدانى قاتارلى 8 كەدەي اۋدان كەدەيلىك قالپاعىن الىپ تاستاعان، 54 كەدەي اۋدان كەدەيلىكتەن ارىلعان!
...
2020 - جىلى قۋانىشتى حابار ارت - ارتىنان تارالدى. 11 - ايدىڭ 23 - كۇنى گۇيجوۋ ولكەسى بۇكىل ولكەدەگى قالعان 9 كەدەي اۋداننىڭ كەدەي اۋدان قاتارىنان شەگىنىپ شىققانىن جاريالادى. سونىمەن ەلىمىزدەگى 832 كەدەي اۋداننىڭ بارلىعى كەدەيلىك قالپاعىن الىپ تاستادى. 8 جىل ۇزدىكسىز كۇرەس ارقىلى ءبىز جاڭا داۋىردەگى كەدەيلىكتەن ارىلتۋدان قامال الۋدىڭ نىسانا - مىندەتتەرىن ۋاعىندا ورىنداپ، كەدەيلىكتەن ارىلتۋدان قامال الۋدىڭ شەشۋشى شايقاسىندا شەشۋشى جەڭىسكە قول جەتكىزدىك.
حالىق ءۇشىن داميمىز، دامۋدا حالىققا سۇيەنەمىز، دامۋ تابىسىنان حالىقتى يگىلىكتەندىرەمىز. GDP دىڭ 100 تريلليون يۋاندىق زور بەلەسكە كوتەرىلۋى − جالپى حالىقتىڭ بىرگە كۇرەس جاساۋىنىڭ ارقاسى، جاپپاي دوڭگەلەك داۋلەتتى قوعام قۇرۋ جولىندا بىردە - ءبىر ادامنىڭ قاعىس قالۋىنا بولمايدى، كەدەيلىكتەن ارىلىپ، اۋقاتتانۋدا بىردە - ءبىر ادامنىڭ قاعىس قالۋىنا بولمايدى. 2020 - جىلى ەلىمىز مۇلدەم كەدەيلىك پەن وڭىرلىك تۇلعالىق كەدەيلىكتى جويىپ، «ب م ۇ - نىڭ 2030 - جىلعا دەيىنگى باياندى دامۋ كۇن ءتارتىبى» بويىنشا كەدەيلىكتى ازايتۋ نىساناسىن 10 جىل بۇرىن جۇزەگە اسىردى، ونىڭ ۇستىنە كەدەيلەر سانى ءبىرشاما كوپ گۋاڭشي، سىچۋان، گۇيجوۋ، يۇننان، گانسۋ، نيڭشيا، شينجياڭ سياقتى 7 ولكە، اۆتونوميالى رايوندا اۋىل - قىستاق تۇرعىندارىنىڭ كىسى باسىنا تۋرا كەلەتىن يگەرىلمەلى ورتاشا كىرىسىنىڭ ارتۋ قارقىنى بۇكىل ەلدەگى اۋىل - قىستاق تۇرعىندارىنىڭ كىسى باسىنا تۋرا كەلەتىن يگەرىلمەلى ورتاشا كىرىسىنىڭ ارتۋ قارقىنىنان 0.2 - 1.7 پايىز جوعارى بولدى.
وسىنداي تاڭداي قاقتىرارلىق تابىستار جۇڭگونىڭ كەدەيلەردى دالمە - ءدال سۇيەمەلدەۋ ۇستانىمىن ب م ۇ - نىڭ ءماجىلىس قۇجاتىنا ەنگىزدى، ب م ۇ - نىڭ باس حاتشىسى گۋتتەرەس جۇڭگونى «كەدەيلىكتى ازايتۋ سالاسىنداعى دۇنيە جۇزىلىك رەكوردتى ساقتاۋشى» دەپ القادى.
− GDP دىڭ 100 تريلليون يۋاننان اسۋى جاڭالىق اشۋ ارقىلى جەتەكشىلىك ەتۋدەن، قۇرىلىمدى جاقسارتۋدان، دامۋدىڭ ءتىپتى دە ساپالى بولۋىنان دەرەك بەردى.
«چاڭ – ى − 5» اي شارىنا ءساتتى قوندى ءارى ۇلگى الىپ قايتا ورالدى، «تيانۋىن − 1» مارستى بارلاۋ جابدىعى ءساتتى ۇشىرىلدى، «جەتىقاراقشى − 3» دۇنيە جۇزىلىك جاساندى سەرىك باعىتتاۋىش جۇيەسى رەسمي اشىلدى، «9 تاراۋلى اريفمەتيكا» كۆانتتىق كومپيۋتەرى ءساتتى زەرتتەپ جاسالدى...
ىندەتتىڭ سوققىسىنا ۇشىراعانىمەن، جۇڭگونىڭ جاڭالىق اشا دامۋى ءالى دە قايسارلىقپەن العا باسىپ كەلەدى. مەملەكەتتىك ساناق مەكەمەسىنىڭ باستىعى نيڭ جيجى بىلاي دەدى: ءبىز جاڭا دامۋ ۇستانىمىن بۇلجىتپاي دايەكتىلەندىرىپ، ساپالى دامۋدى ىلگەرىلەتىپ، ەكونوميكالىق ارتۋدىڭ ساپاسى مەن ونىمدىلىگىن ورنىقتى جوعارىلاتتىق. ەلىمىزدىڭ قوعامدىق وندىرگىش كۇشى تىڭ ورەگە جەتتى.
− GDP دىڭ 100 تريلليون يۋاننان اسۋىنىڭ استارىندا مەملەكەتتىڭ جالپىلىق قۋاتىنىڭ ۇزدىكسىز جوعارىلاۋى جاتىر. 2020 - جىلى ەلىمىزدە استىقتىڭ جالپى ءتۇسىمى تاريحتاعى ەڭ جوعارى دەڭگەيگە جەتىپ، ءۇرتىس 6 جىل ءبىر تريلليون 300 ميلليارد جىڭنان استام بولىپ، دۇنيە ءجۇزى بويىنشا 1 - ورىندى يەلەدى؛ جاساۋ كاسىبىنىڭ ارتقان قۇنى ءۇرتىس 11 جىل دۇنيە ءجۇزى بويىنشا 1 - ورىندى يەلەدى؛ جوعارى قارقىندىق تەمىر جول تاسىمالىنىڭ جالپى ۇزىندىعى 38 مىڭ كيلومەترگە جەتىپ، جوعارى قارقىندىق تاس جولدىڭ ۇزىندىعى 155 مىڭ كيلومەتردەن اسىپ، 5G تەرمينالىنىڭ جالعانۋ سانى 200 ميلليوننان اسىپ، وسى 3 جاقتان دا دۇنيە ءجۇزى بويىنشا 1 - ورىندى يەلەدى.
− GDP دىڭ 100 تريلليون يۋاننان اسۋىنىڭ استارىندا قۇرىلىمدى ساپالىلاندىرۋ ەرەكشەلىگى كورنەكتىلەندى. 2020 – جىلى ەلىمىزدىڭ ءۇشىنشى كاسىپ سالاسىنىڭ ارتقان قۇنىنىڭ GDP داعى سالىستىرماسى %54.5 بولىپ، الدىنداعى جىلداعىدان 0.2 پايىز جوعارىلادى؛ ەڭ سوڭعى تۇتىنۋ شىعىسىنىڭ GDP داعى سالىستىرماسى %54.3 كە جەتىپ، كاپيتالدىڭ قالىپتاسۋ جالپى سوماسىنان 11.2 پايىز جوعارى بولدى.
− GDP دىڭ 100 تريلليون يۋاننان اسۋىنىڭ استارىندا جاسىل دامۋ جۇرت نازارىن اۋداردى. 2020 - جىلى ەلىمىزدىڭ بىرلىك GDP ىنىڭ ەنەرگيا سارىپ ەتۋى تومەندەپ، تازا ەنەرگيا تۇتىنۋ مولشەرىنىڭ ەنەرگيا تۇتىنۋ جالپى مولشەرىندەگى ارا سالماعى وتكەن جىلداعىدان ءبىر پايىز جوعارىلادى؛ بۇكىل ەلدەگى ايماق دارەجەلى جانە ودان جوعارى دارەجەدەگى 337 قالانىڭ PM2.5 قويۋلىعى سايكەس مەزگىلدەگىدەن %8.3 تومەندەدى؛ سۋ ساپاسى جاقسى بولۋ (Ⅰ—Ⅲ ءتۇرى) قيما بەتىنىڭ سالىستىرماسى 8.5 پايىز جوعارىلادى.
− GDP دىڭ 100 تريلليون يۋاننان اسۋىندا ءوزى تابىسقا جەتكەندە كۇللى الەمگە جاردەمدەسۋ، دۇنيە ءجۇزى ەكونوميكاسىنىڭ دامۋىنا ءتىپتى دە كوپ وڭ ەنەرگيا قوسۋ ۇستانىمى بەينەلەندى.
2020 – جىلى 11 - ايدىڭ 15 - كۇنى 8 جىلدىق كەلىسسوزدى باستان كەشىرۋ ناتيجەسىندە «وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىنە» رەسمي قول قويىلدى. كەلىسىم قامتىعان 15 مۇشە ەلدىڭ حالىق سانى كولەمى، ەكونوميكالىق جالپى مولشەرى جانە ساۋدا ۇلەسى جەكە – جەكە دۇنيە ءجۇزى بويىنشا شامامەن %30 ۇلەستى ۇستايدى، بۇل دۇنيە جۇزىندەگى ەڭ ۇلكەن ەركىن ساۋدا رايونىنىڭ رەسمي قالىپتاسقانىن بىلدىرەدى.
ىندەتىنىڭ تۇتقيىل شابۋىلداۋىندا، ەكونوميكانىڭ جاھاندانۋى تەرىس اعىمعا تاپ بولعان كەزدە جۇڭگو دارالانۋعا ۇمتىلمادى، جەڭىس بىزگە ءتان دەپ داندايسىمادى، ەسىكتى جاۋىپ الىپ جابىق جۇمىس جۇرگىزبەدى، قايتا ەل ىشىندەگى ءىرى اينالىمدى نەگىزگى تۇلعا ەتكەن، ەل ءىشى مەن حالىقارانىڭ قوس اينالىسى ءبىرىن - ءبىرى جەبەيتىن جاڭا دامۋ جاعدايىن جەدەل قالىپتاستىرىپ، دۇنيە جۇزىنە ءتىپتى دە جاقسى ۇلەس قوستى.
جۇڭگو تاۋارلارىنىڭ شەكارا اتتاعان زات اينالىمى بارعان سايىن ورنىقتىلىققا بەت الدى. 2020 - جىلى جۇڭگو - ەۆروپا كەزەكشى پويەزىنەن جيىنى 12 مىڭ 400 كەزەك قاتىناپ، قىسىلتاياڭ جاعدايدا %50 ارتتى، جالپىلىق اۋىر ساندىق مولشەرى %98.4 كە جەتىپ، ەۆروپاداعى 21 مەملەكەتكە، 97 قالاعا قاتىناپ، سول جەرلەردىڭ ءوندىرىس تىزبەگىنىڭ ۇزىلمەۋىن، تۇرمىس قامداۋىنىڭ ۇزىلمەۋىن قامتاماسىزداندىردى.
جۇڭگونىڭ قارجى قوسۋ شارتى بارعان سايىن تومەندەدى. 2020 - جىلى شەتەل ساۋداگەرلەرىنىڭ قارجى قوسۋىنا رۇقسات ەتۋدەگى شەكتەلگەن سالالار ءتىزىمى جاسالىپ، قىزمەت وتەۋ كاسىبىنىڭ، جاساۋ كاسىبىنىڭ، اۋىل شارۋاشىلىعىنىڭ ەسىك اشۋ دەڭگەيى جوعارىلاتىلدى، بۇكىل ەل بويىنشا جانە ەركىن ساۋدا سىناق رايوندارى بويىنشا شەكتەلگەن سالالار تىزىمدىگىنىڭ قىسقارتۋ سالىستىرماسى جەكە - جەكە %17.5 كە، %18.9 كە جەتتى.
جۇڭگونىڭ اشىق ۇستالعان ەسىگى بارعان سايىن ايقارا اشىلدى. تۇڭعىش رەتكى جالپى تۇلعا بويىنشا جەلىدە وتكىزىلگەن گۋاڭجوۋ ساۋدا جارمەڭكەسىنەن 99 ءتۇرلى جاڭالىق اشۋ تۇرىندەگى تابىس العاش تاراتىلعان كيىم - كەشەك ساۋدا جارمەڭكەسىنە دەيىن، ودان ساۋداعا كەلىسۋگە نيەت ءبىلدىرۋ سوماسى 72 ميلليارد 600 ميلليون دوللاردان اسقان يمپورت - ەكسپورت كورمەسىنە دەيىن... 2020 - جىلى دۇنيە جۇزىلىك ساۋدا زور مولشەردە تارايعان جاعدايدا ەلىمىزدىڭ زات يمپورت - ەكسپورت جالپى سوماسى تاريحتاعى ەڭ جوعارى دەڭگەيگە جەتىپ، الدىنداعى جىلداعىدان %1.9 ارتىپ، دۇنيە ءجۇزى ەكونوميكاسىنىڭ قالپىنا كەلۋىنە ءتىپتى دە پارمەندى قوزعاۋشى كۇش ۇستەدى.
«ەكى 100 جىلدىقتىڭ» تاريحي توعىسۋ تۇيىنىندە تۇرىپ الىسقا كوز تاستاساق، شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جاڭا دامۋ كەزەڭىن دۇرىس يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ جاعدايىن جەدەل قالىپتاستىرساق بولعانى، «جۇڭگو» اتتى ەكونوميكانىڭ الىپ كەمەسى، ءسوز جوق، بوران - شاشىننان تايسالماي، تولقىن جارا ىلگەرىلەپ، جاڭا جورىقتا ەرلىكپەن العا باساتىن بولادى!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
