كوكتەم مەرەكەسى كەزىندە اۋىلعا قايتقاندا اۋاشالانۋ قاجەت پە؟ سول جەردىڭ وزىندە كوكتەم مەرەكەسىن وتكىزۋدى قالاي قامتاماسىزداندىرۋ كەرەك؟
2021.01.19 18:02 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 17 – كۇنى، بەيجيڭ. تاقىرىبى: كوكتەم مەرەكەسى كەزىندە اۋىلعا قايتقاندا اۋاشالانۋ قاجەت پە؟ سول جەردىڭ وزىندە كوكتەم مەرەكەسىن وتكىزۋدى قالاي قامتاماسىزداندىرۋ كەرەك؟
شينحۋا اگەنتتىگىنىڭ ءتىلشىسى ۋەي يۇيكۇن
كوكتەم مەرەكەسى تاياپ قالدى، ەل ىشىندەگى ىندەتتىڭ بىتىراڭقى تارالۋى مەن ءىشىنارا شوعىرلى تارالۋى قاباتتاسۋ جاعدايى جارىققا شىعىپ، ىندەتتەن ساقتانۋ - تىزگىندەۋ قىسىمى ءبىرشاما زورايدى. ەندەشە، بيىل كوكتەم مەرەكەسىندە اۋىلىنا قايتقاندا اۋاشالانۋ قاجەت پە؟ ۇيگە قايتار جولدا نەلەرگە كوڭىل ءبولۋ كەرەك؟ سول جەردىڭ وزىندە كوكتەم مەرەكەسىن وتكىزۋ قامتاماسىزداندىرىلا ما، جوق پا؟
كوكتەم مەرەكەسى كەزىندە اۋىلعا قايتقاندا وڭاشالانۋ جانە نۋكلەين قىشقىلىن تەكسەرتۋ قاجەت پە؟
ءبىر جىل ەڭبەك، قىزمەت ىستەگەننەن كەيىن كوكتەم مەرەكەسىندە اۋىلعا قايتىپ وتباسىنداعىلارمەن باس قوسۋ كوپتەگەن ادامنىڭ تىلەگى ەدى. الايدا قازىر ىندەتتەن ساقتانۋ - تىزگىندەۋ جاعدايى اۋىر دا كۇردەلى، جەر - جەردىڭ اۋىلىنا قايتۋعا قاتىستى ساياساتى دا ۇقسامايدى.
ءتىلشى كوپ جەردىڭ ساياساتىن سالالاپ، مىنانى بايقادى: حاۋىپ - قاتەرى ورتاشا، جوعارى وڭىرلەردەگى ادامداردىڭ كوكتەم مەرەكەسىندە اۋىلىنا قايتۋى ءۇشىن، كوبىنەسە شوعىرلى اۋاشالانۋ ءارى نۋكلەين قىشقىلىن تەكسەرتۋى؛ حاۋىپ - قاتەرى تومەن رايوندارداعى ادامدار كوكتەم مەرەكەسىندە اۋىلىنا قايتقاندا كوبىنەسە سالاماتتىق جاسىل سيفرىن كورسەتۋى قاجەت ەكەن.
بەيجيڭ، تيانجين، شىنياڭ، حىفەي، ۋحان سياقتى كوپتەگەن جەر حاۋىپ - قاتەرى ورتاشا، جوعارى رايوندارداعى ادامداردىڭ كوكتەم مەرەكەسىندە اۋىلىنا قايتپاق بولسا، شوعىرلى اۋاشالانۋى جانە نۋكلەين قىشقىلىن تەكسەرتۋى قاجەت ەكەنىن ايقىن بەلگىلەگەن. مىسالى، حاۋىپ - قاتەرى ورتاشا، جوعارى رايوندارداعى ادامدار بەيجيڭگە بارماق بولسا، 14 كۇن شوعىرلى اۋاشالانۋىنا، سونداي - اق نۋكلەين قىشقىلىن تەكسەرتۋىنە تۋرا كەلەدى؛ حىفەيگە بارماق بولسا، 14 كۇن شوعىرلى اۋاشالانۋىنا، 2 رەت نۋكلەين قىشقىلىن تەكسەرتۋىنە تۋرا كەلەدى؛ ۋحانعا بارماق بولسا، 14 كۇن شوعىرلى اۋاشالانۋىنا ءارى 2 رەت نۋكلەين قىشقىلىن جانە ءبىر رەت انتيدەنەنى تەكسەرتۋىنە تۋرا كەلەدى.
حاۋىپ - قاتەرى تومەن رايوندارداعى ادامداردىڭ كوكتەم مەرەكەسىندە اۋىلىنا قايتۋىنا قاراتا، بۇكىل ەلدىڭ جەر - جەرىندە دە ىندەتتەن ساقتانۋ تالابى ايقىن ورتاعا قويىلدى. بەيجيڭ مىنالاردى تالاپ ەتتى: حاۋىپ - قاتەرى تومەن رايوندارداعى ادامدار «بەيجيڭ نيەتتەستەرى» (京心相助) قولدانىس جۇيەسى نەمەسە App دەتالى ارقىلى جەكە ينفورماتسياسىن تىزىمگە الدىرىپ، ءوزى تۇرعان الەۋمەتتىك اۋماق جانە ورىنمەن الدىن الا بايلانىس جاساۋى كەرەك؛ ۋحان مىنالاردى تالاپ ەتتى: حاۋىپ - قاتەرى تومەن رايونداردان ۋحانعا قايتۋشىلار 7 كۇن ىشىندەگى نۋكلەين قىشقىلىن تەكسەرتۋ ناتيجەسى بولىمسىز بولۋ ىسپاتىن الۋى كەرەك، دەنە تەمپەراتۋراسى قالىپتى، سونداي - اق سالاماتتىق ءنومىرى جاسىل جانە ءجۇرىس – تۇرىس كارتوچكاسىن كورسەتۋى كەرەك؛ شاڭحاي، نانجيڭ، گۇيياڭ، كۇنميڭ سياقتى جەرلەر سالاماتتىق جاسىل ءنومىرى بولسا، دەنە تەمپەراتۋراسى قالىپتى بولسا، كىرۋىنە بولاتىنىن ايقىن بەلگىلەدى.
مەملەكەتتىك دامۋ جانە رەفورما كوميتەتى مەڭگەرۋشىسىنىڭ ورىنباسارى ليان ۋەيلياڭ تاياۋدا اشىلعان كوكتەم مەرەكەسى كەزىندەگى تاسىمال مەملەكەتتىك تەلەۆيزور - تەلەفون ماجىلىسىندە بىلاي دەدى: ىندەتتەن ساقتانۋ - تىزگىندەۋدى بيىلعى كوكتەم مەرەكەسى كەزىندەگى تاسىمال قىزمەتىندە ماڭداي الدى ورىنعا قويۋ كەرەك.
تىلشىلىكتى قابىلداعان قاتىستى ماماندار مىنانى ءبىلدىردى: كوكتەم مەرەكەسى كەزىندەگى تاسىمالدا ىندەتتەن ساقتانۋ - تىزگىندەۋ قىزمەتىن ويداعىداي ىستەۋ ءۇشىن، ادامدار شىعاتىن جەرلەر مەن كىرەتىن جەرلەردىڭ قاتىستى تاراۋلارى بايلانىس جاساۋدىڭ ىركىلىسسىز ارناسىن الدىن الا ورناتۋى ءارى شۇعىل جاعدايعا توتەپ بەرۋ جوباسىن ويداعىداي جاساۋى كەرەك. بۇدان سىرت، ىندەتتەن ساقتانۋ شارالارىن ءتىپتى دە تىڭعىلىقتى ىستەۋ كەرەك، مىسالى، نۋكلەين قىشقىلىن قاي جەردە تەكسەرتۋگە بولاتىنىن، قىزعاندا، جوتەلگەندە قاي جەرگە بارىپ كورىنۋگە بولاتىنىن اۋىلداستارعا ءتۇرلى جولدارمەن ۇعىندىرىپ، كوپشىلىكتىڭ مەرەكەنى كوڭىلدى وتكىزۋىنە مۇمكىندىك جاساۋ كەرەك.
ۇيگە قايتار جول حاۋىپسىز، ىركىلىسسىز بە؟
بيىلعى كوكتەم مەرەكەسى تاسىمالى − ىندەتتەن ساقتانۋ - تىزگىندەۋ ۇدايىلانعاننان كەيىنگى تۇڭعىش كوكتەم مەرەكەسى تاسىمالى. «ۇيگە قايتار جول حاۋىپسىز، ىركىلىسسىز بە؟»، «جەكە ادام نەلەرگە كوڭىل ءبولۋى كەرەك» دەگەن ماسەلەلەر قوعام نازار اۋدارىپ وتىرعان قولامتالى تۇيىنگە اينالدى.
قاتىناس - تاسىمال مينيسترلىگى مينيسترىنىڭ ورىنباسارى ليۋ شياۋميڭ مىنانى ءبىلدىردى: قاتىناس - تاسىمال تاراۋلارى ادام كۇشى بايلىعى جانە قوعامدىق قامتاماسىزداندىرۋ، مادەنيەت جانە ساياحات سياقتى تاراۋلارمەن بەلسەنە سايكەسىپ، قاتىستى قىزمەتتەردى ويداعىداي ىستەپ، نازاردى جولاۋشىلاردى اتتاندىرۋدان بۇرىنعى جەتەكشىلىك ەتۋگە جانە باسقارۋعا شوعىرلاندىرىپ، تاسىمال جاعىنداعى ۇيىمداستىرۋدى كۇشەيتىپ، تاسىمال قۋاتىن عىلمي ورنالاستىرىپ، قاۋىرت كوبەيۋدەن ساقتانۋ، جولاۋشى مولشەرىن تىزگىندەۋ قىزمەتىن شىن مانىندە ىلگەرىلەتەدى.
ليۋ شياۋميڭ تاعى بىلاي دەدى: «جولاۋشى تاسىمال الاڭدارىنىڭ، پۋنكتتەرىنىڭ جانە قاتىناس - تاسىمال قۇرالدارىنىڭ ديزەنفەكسيالاۋ، اۋا الماستىرۋ جيىلىگىن ارتتىرىپ، ۇشاق، پويەز، ۇزاق جولدى جولاۋشىلار اۆتوبۋزى، ءتۇيىندى سۋ ايدىندارىنداعى سۋ جولى جولاۋشى تاسىمالى سياقتى قاتىناس - تاسىمال قۇرالدارىندا شىن اتى – ءجونى بويىنشا بەلەت ساتىپ الۋدى، ءنومىر بويىنشا وتىرۋدى تياناقتاندىرىپ، تەمپەراتۋرانى ولشەۋ، ماسكى تاعۋ، ءبىر مەتر ارالىق ساقتاۋ سياقتى قورعانۋ شارالارىن قاتاڭ اتقارۋ كەرەك».
بۇدان سىرت، كەيبىر رايونداردا ىندەتتەن ساقتانۋ سالاماتتىق ءنومىرىن ءوزارا تانىماۋ، ادامداردىڭ ءجۇرىس - تۇرىس ونىمدىلىگى تومەندەۋ، سونداي - اق ەكىلىك سيفردى جايمالاپ تەكسەرۋدەن ادامدار توپتالۋ ماسەلەسىنە قاراتا، بيىلعى كوكتەم مەرەكەسى كەزىندە سالاماتتىق سيفرى بۇكىل ەلدى تانىتىلادى.
ەگەر ۇيگە قايتار جولدا تۇتقيىل ىندەت پايدا بولىپ، قاتىناستى باسقارۋ، مەڭگەرۋ شارالارى قولدانىلعاندا، جولاۋشىلار اعىنى كەنەت وزگەرگەن كەزدە قايتۋ كەرەك؟ ليۋ شياۋميڭ مىنانى ءبىلدىردى: جەر - جەر تاسىمالدى ۇيىمداستىرۋ، حاۋىپسىزدىككە شۇعىل توتەپ بەرۋ، ساقتانۋ - تىزگىندەۋ شارالارى، جولاۋشىلار اعىنىن تۇجىرىمداۋ سياقتىلاردى ارقاۋ ەتىپ، شۇعىل جاعدايعا توتەپ بەرۋ جوباسىن كۇنى بۇرىن جاسايدى، سونداي - اق شۇعىل جاعدايعا توتەپ بەرۋ تاسىمال قۋاتىن، قامتاماسىزداندىرۋ قوسىنىن جانە ىندەتتەن ساقتانۋ زاتتىق ماتەريالدارىن زاپاس ساقتاۋدى شىنايى كۇشەيتىپ، تاسىمال قۋاتىنىڭ حاۋىپسىز، سەنىمدى بولۋىنا، ىندەتتەن ساقتانۋ بۇيىمدارىنىڭ قالىپتى اينالىمىنا كەپىلدىك ەتەدى.
جەر - جەردىڭ ىندەتتەن ساقتانۋ ساياساتىنان قاراعاندا، دەنە تەمپەراتۋراسىن مۇقيات باقىلاپ - ولشەۋ، تۇتاس بارىستا ماسكى تاعۋ ۇيگە قايتار جولداعى جەكەلەردىڭ قورعانۋ ولشەمى بولىپ تابىلادى. جۇڭگو ينجەنەريا اكادەمياسىنىڭ اكادەميگى، تيانجين جۇڭگوشا شيپاگەرلىك، ءدارى - دارمەك داشۋەسىنىڭ مەكتەپ باستىعى جاڭ بولي مىنانى ۇسىنىس ەتتى: كوكتەم مەرەكەسى كەزىندە شوعىرلانۋدى ازايتۋ كەرەك، ەرەكشە جاعداي بولماسا، سىرتقا شىعىپ ساياحاتتاۋدى مۇمكىندىكتىڭ بارىنشا ورنالاستىرماعان ءجون، ماسكى تاعۋ، قول جۋۋ، اۋا الماستىرۋ داعدىلارىنان جازباي، مەملەكەت مەرەكەسى كەزىندەگى سياقتى اعىلىپ جۇرمەۋ كەرەك.
سول جەردىڭ وزىندە كوكتەم مەرەكەسىن وتكىزۋدى قالاي قامتاماسىزداندىرۋعا بولادى؟
«بيىلعى كوكتەم مەرەكەسىندە ۇيگە قايتپاي، سەرىكتەستىكتە اقشا تاۋىپ، شەتىنەن جۇمسايمىن»، «اۋىلعا قايتىپ 14 كۇن اۋاشالانعاننان گورى، وسىندا قالىپ 4 – 5 مىڭ يۋان ۇنەمدەپ قالعان ءتيىمدى»، ىندەتتەن ساقتانۋ - تىزگىندەۋدىڭ قاتاڭ دا كۇردەلى جاعدايى الدىندا سول جەردىڭ وزىندە كوكتەم مەرەكەسىن وتكىزۋ ءبىر ءتۇرلى تالعامىعا اينالدى.
29 جاستاعى حۋناندىق ۋاڭ جيڭ بەيجيڭدە كوكتەم مەرەكەسىن وتكىزۋدى تاڭدادى، ول بىلاي دەدى: قازىرگى ىندەتتەن ساقتانۋ - تىزگىندەۋدىڭ قيىنعا سوعىپ وتىرعانىن تۇسىنەمىن، وسى جەردە كوكتەم مەرەكەسىن وتكىزۋىمنىڭ ءوزى اتا - انامنىڭ، تۋىس - تۋعانىمنىڭ، دوس - جاراندارىمنىڭ اماندىعى ءۇشىن، بۇل مەنىڭ كوكتەم مەرەكەسىن تۇڭعىش رەت سىرت جەردە وتكىزۋىم بولماق.
ءتىلشىنىڭ العاشقى ساناعىنا قاراعاندا، قازىر بۇكىل ەلدەگى 25 ولكە، اۆتونوميالى رايون، توتە قاراستى قالا «سول جەردىڭ وزىندە كوكتەم مەرەكەسىن وتكىزۋدى» دارىپتەگەن، ۋاڭ جيڭ سياقتى كوپتەگەن ادام ۇكىمەتتىڭ دارىپتەمەسىنە ءۇن قوسقان. جۇڭگو مەملەكەتتىك تەمىر جول توبى شەكتى سەرىكتەستىگى باس ديرەكتورىنىڭ ورىنباسارى لي ۋىنشيننىڭ تانىستىرۋىنشا، بيىل كوكتەم مەرەكەسى قارساڭىندا پويەز بەلەتىن الدىن الا ساتۋ سايكەس مەزگىلدەگىدەن %60 كە جۋىق تومەندەگەن، مەجەمەن بۇكىل ەل بويىنشا تەمىر جولدا كوكتەم مەرەكەسى كەزىندەگى جولاۋشى تاسىمال مولشەرى 296 ميلليون ادام - رەتكە تومەندەيدى ەكەن.
سول جەردىڭ وزىندە كوكتەم مەرەكەسىن وتكىزۋدىڭ استارىندا ىندەتتەن ساقتانۋ – تىزگىندەۋ ماسەلەسى تۇر، ءۇي ىشىندەگىلەرمەن باس قوسۋدان باس تارتۋ بارىسىندا قوسىلاتىن ۇلەس قاستەرلەۋگە تاتيدى. سوندىقتان جەر - جەر، تاراۋلار ناقتى شارالاردى العا قويىپ، قالىپ قالعان ادامدارعا مەرەكە شۋاعىن سەزىندىرۋى كەرەك.
مەملەكەتتىك دامۋ جانە رەفورما كوميتەتى مىنالاردى تالاپ ەتتى: مەرەكە كەزىندە ساۋدا سارايلارىنىڭ، ەرەن بازارلاردىڭ قالىپتى اينالىمىنا، زات اينالىمى قۇرىلعىلارىنىڭ قالىپتى اينالىمىنا، تۇرمىستىق بۇيىمداردى وندىرەتىن كاسىپورىنداردىڭ قالىپتى جۇمىس ىستەۋىنە كەپىلدىك ەتىپ، حالىق تۇرمىسىنا قاتىستى ماڭىزدى تاۋارلارمەن قامداۋدىڭ جانە باعانىڭ جالپى جاقتان ورنىقتى بولۋىن ءتۇرلى شارالاردى قاتار قولدانىپ قامتاماسىز ەتۋ كەرەك؛
جىجياڭ، فۋجيان، گۋاڭدۇڭ سياقتى ولكەلەردىڭ ءىشىنارا ايماق، قالالارى كاسىپورىنداردى قىزمەت ورنىندا قالعان ادامدارعا سيلىق اقشا تاراتۋ، تاماقتانۋ شارت - جاعدايىن جاقسارتۋ، مادەنيەت، ساياحات قيمىلدارىن ورنالاستىرۋ سياقتى شارالاردى قولدانۋعا شابىتتاندىرۋدى العا قويدى، بۇعان كاسىپورىندار جابال ءۇن قوسۋدا؛
اۋرۋدى تىزگىندەۋ ورتالىعى اعىندى رەتتەۋ ارقىلى قالا تۇرعىندارىنا حاۋىپسىز قيمىل كەڭىستىگىن ازىرلەيدى...
سول جەردىڭ وزىندە كوكتەم مەرەكەسىن وتكىزۋگە كەپىلدىك ەتۋدەن سىرت، ءىشىنارا رايوندار شارالار مەن جوبالاردى اشالاپ، ۇيدە قالعان بالالار، قاراۋسىز قارتتار سياقتى ەرەكشە قاۋىمنىڭ مەرەكەنى الاڭسىز، جايلى وتكىزۋىنە بار كۇشپەن كومەكتەسۋدە.
قاتىستى ماماندار مىنانى ءبىلدىردى: كوكتەم مەرەكەسى كەزىندە جۇمىس ورنىندا تابانداپ ىستەيتىندەردىڭ، اسىرەسە، دەنساۋلىق ساقتاۋ، ىندەتتەن ساقتانۋ سياقتى ورىنداردا مىندەت وتەيتىن ەرەكشە قاۋىمنىڭ تۇرمىسىن ويداعىداي قامتاماسىز ەتىپ، ءۇن - ءتۇنسىز بوداۋ بەرەتىن وسى قاراپايىم قاھارماندارعا قاراتا ەرتەرەك ورنالاستىرۋ جاساپ، ءتۇرلى قىزمەت وتەۋ، قامتاماسىزداندىرۋ قىزمەتىن ناقتى، ەگجەي - تەگجەيلى ىستەپ، ولاردىڭ قىزمەت ورنىندا كوكتەم مەرەكەسىن كوڭىلدى وتكىزۋىنە مۇمكىندىك جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
