شي جينپيڭ تەلەگرامما جولداپ تۇڭلۇننىڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بولىپ سايلانعانىن قۇتتىقتادى
2021.01.18 16:18 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 15 - كۇنى، بەيجيڭ. 1 - ايدىڭ 15 - كۇنى ج ك پ ورتالىق كوميتەتىنىڭ باس شۋجيى شي جينپيڭ تۇڭلۇنگە تەلەگرامما جولداپ، ونىڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بولىپ سايلانعانىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەدى: ءسىزدىڭ لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى بولىپ سايلانعانعىڭىزدان قۋانا حابار الدىم، مەن جۇڭگو كوممۋنيستىك پارتياسى ورتالىق كوميتەتى اتىنان ءارى ءوز اتىمنان ءسىزدى ءارى ءسىز ارقىلى لاوس حالىق توڭكەرىستىك پارتياسى جاڭا كەزەكتى ورتالىق كوميتەتىنىڭ باسشىلىق كوللەكتيۆىن قىزۋ قۇتتىقتايمىن.
لاوس حالىق توڭكەرىستىك پارتياسىنىڭ 10 - قۇرىلتايىنان بەرى باس شۋجي بەنياڭ باس بولعان لاوس پارتياسى ورتالىق كوميتەتىنىڭ پارمەندى باسشىلىعىندا لاوستىڭ سوتسياليستىك قۇرىلىس ىستەرىندە ماڭىزدى ىلگەرىلەۋشىلىككە قول جەتتى، ساياسي، قوعام ورنىقتى بولدى، ەكونوميكا ۇزدىكسىز دامىدى، حالىق تۇرمىسى ۇزدىكسىز جاقساردى. جاڭا جاعدايدا لاوس حالىق توڭكەرىستىك پارتياسىنىڭ 11 - قۇرىلتايى تابىسپەن اشىلىپ، پارتيا مەن مەملەكەت ىستەرىنىڭ دامۋى جونىندە ءبىرقىدىرۋ ورنالاستىرۋ جانە جايعاستىرۋ جاسادى، بۇل كەلەلى ماڭىزعا يە. مەن باس شۋجي تۇڭلۇن جولداس باس بولعان جاڭا كەزەكتى لاوس پارتيا ورتالىق كوميتەتىنىڭ باسشىلىعىندا لاوس پارتياسىنىڭ، ءسوز جوق، لاوس حالقىن ءبىر تىلەكپەن ىنتىماقتاسۋعا، بەلسەنە ىلگەرىلەۋگە باستاپ، لاوستىڭ سوتسياليزم ىستەرىنىڭ تىڭ دا اناعۇرلىم زور تابسىقا جەتۋىن ىلگەرىلەتەتىنىنە سەنەمىن.
جۇڭگو مەن لاوس − تاۋ - وزەنى جالعاسقان سوتسياليستىك دوس كورشى ەلدەر. ەكى پارتيا، ەكى مەملەكەتتىڭ بۇرىنعى كەزەكتەردەگى باسشىلارىنىڭ دەن قويا جەتىلدىرۋىندە جانە زور كۇشپەن ىلگەرىلەتۋىندە جۇڭگو - لاوس قاتىناسى ۇزدىكسىز تەرەڭدەپ جانە دامىپ، ەكى ەل مەن ەكى ەل حالىقتارىن ۇزدىكسىز باقىتقا كەنەلتتى. دۇنيە ءجۇزى اۋمالى - توكپەلى وزگەرىس مەزگىلىنە وتكەن جاعدايدا مەن باس شۋجي تۇڭلۇنمەن بىرگە جۇڭگو مەن لاوس ەكى پارتيا، ەكى ەل قاتىناسىنا ساياسي جەتەكشىلىكتى كۇشەيتىپ، ءداستۇرلى دوستىقتى ساۋلەلەندىرىپ، اۋىس - كۇيىس، سەلبەستىكتى تەرەڭدەتىپ، سوتسياليزم ىستەرىن ىلگەرىلەتىپ، جۇڭگو مەن لاوستىڭ تاعدىرلاس ورتاق تۇلعا قۇرىلىسىن قول ۇستاسا ىلگەرىلەتىپ، ءوڭىردىڭ بەيبىتشىلىگى مەن ورنىقتىلىعىن، گۇلدەنۋى مەن دامۋىن قورعاۋعا بەلسەندىلىكپەن بىرگە ۇلەس قوسۋدى قالايمىن.
ءسىزدىڭ جاڭا باسشىلىق ورنىندا اناعۇرلىم زور تابىسقا جەتۋىڭىزدى تىلەيمىن!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
