شي جينپيڭ پارتيا سىرتىنداعى قايراتكەرلەرمەن بىرگە كوكتەم مەرەكەسىن قارسى الدى
ج ك پ ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە شىنايى سالەم جولدادى جانە مەرەكەلىك تىلەك ءبىلدىردى
ۋاڭ ياڭ، حان جىڭ قاتىناستى
2021.02.02 16:45 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 1 - كۇنى، بەيجيڭ. جۇڭحۋا ۇلتىنىڭ ءداستۇرلى مەرەكەسى سيىر جىلعى كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 2 - ايدىڭ 1 - كۇنى تۇستەن كەيىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن ءبىر ارادا باس قوسىپ، مەرەكەنى بىرگە قارسى الدى. شي جينپيڭ ج ك پ ورتالىق كوميتەتى اتىنان دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە شىنايى سالەم جولدادى جانە مەرەكەلىك تىلەك ءبىلدىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ قاتىناستى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى ۋان ىشياڭ، جۇڭگو دەموكراتيالىق وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى چىن جۋ، جۇڭگو ادىلەت پارتياسى ورتالىق كوميتەتىنىڭ ءتوراعاسى ۋان گاڭ، 3 - قىركۇيەك ءىلمي قوعامى ورتالىق كوميتەتىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ جانە پارتيادا، توپتا جوق قايراتكەرلەردىڭ ۋاكىلى چىن پيڭيۋان، يە شياۋگاڭ قاتارلىلار ۇسىنىس بويىنشا قاتىناستى. ۇسىنىس بويىنشا قاتىناسقانداردان تاعى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ بۇرىنعى ءتوراعالارى، ءبىرىنشى ورىنباسار ءتوراعالارى جانە ءتوراعانىڭ ۇنەمىلىك ىستەرگە جاۋاپتى ورىنباسارلارى بار.
ۋان ىشياڭ دەموكراتيالىق پارتيا - توپتاردىڭ ورتالىق كوميتەتتەرى، مەملەكەتتىك ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر اتىنان ءسوز سويلەدى. ول مىنانى ءبىلدىردى: 2020 – جىل جاڭا جۇڭگو تاريحىنداعى ەرەكشە، بەلەستىك مانگە يە ءبىر جىل بولدى. شي جينپيڭ جولداستى ۇيىتقى ەتكەن ج ك پ ورتالىق كوميتەتى پارتيا مەن مەملەكەتتىڭ ءتۇرلى ىستەرىن ءبىر تۇتاس جوسپارلاپ ىلگەرىلەتىپ، حالىق رازى بولاتىن، دۇنيە ءجۇزى كوز تىككەن، تاريح بەتىنەن ماڭگى وشپەيتىن ۇلى تابىستارعا قول جەتكىزدى. جاڭا ءبىر جىلدا دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، سەلبەستىكتىڭ اۋەلگى ماقساتىن ۇمىتپاي، قيىنشىلىقتان تايسالماي، ءورىس اشا ىلگەرىلەپ، ج ك پ 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە كورسەتىلگەن بەتالىس بويىنشا، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اقىل - پاراساتى مەن كۇش - قۋاتىن ارنايدى.
ۋان ىشياڭنىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول مىنالاردى دارىپتەدى: 2020 جىل جاڭا جۇڭگو تاريحىنداعى ەرەكشە ءبىر جىل بولدى. قاتاڭ دا كۇردەلى جاعداي، مىندەت، بۇرىن بولىپ كورمەگەن حاۋىپ - قاتەر، سىن - سايىس الدىندا، ج ك پ ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ءبىر نيەتپەن سەلبەسىپ، قيىندىقتاردان تايسالماي العا ۇمتىلىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، رەفورما جاساۋدى، ەسىك اشۋدى تەرەڭدەتۋ مەن سىرتقى قىسىمعا توتەپ بەرۋدى ءبىر تۇتاس جوسپارلاپ، «التىنى ورنىقتىرۋ» قىزمەتىن ءبىر تۇتاس ويداعىداي يگەرىپ جانە «التىنى قورعاۋ» مىندەتىن تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، كەدەيلىكتەن ارىلتۋدان قامال الۋدىڭ شەشۋشى جەڭىسىنە قول جەتكىزدى. قاجىرلىلىقپەن قۇلشىنۋ ارقىلى ىندەتتەن ساقتانۋ - تىزگىندەۋدە كەلەلى ستراتەگيالىق تابىستارعا قول جەتتى، ەكونوميكانىڭ ارتۋىندا تەرىس ماننەن وڭ مانگە الدىمەن بۇرىلىس جاسالدى، كەدەيلىكتەن ارىلتۋدان قامال الۋ مىندەتى ۋاعىندا ورىندالدى، «13 - بەسجىلدىق» جوسپار تابىسپەن اياقتادى، «14 - بەسجىلدىق» جوسپار جاپپاي جاسالىپ، جاپپاي دوڭگەلەك داۋلەتتى قوعام قۇرۋدا ۇلى تاريحي تابىستارعا قول جەتتى. بۇل − جۇڭگو كوممۋنيستىك پارتياسىنىڭ پارمەندى باسشىلىعىنىڭ ناتيجەسى، سونداي - اق دەموكراتيالىق پارتيا - توپتاردى، ساۋدا - ونەركاسىپشىلەر بىرلەستىگىن جانە پارتيادا، توپتا جوق قايراتكەرلەردى قامتىعان بۇكىل ەلدەگى ءار ۇلت حالقىنىڭ جۇدىرىقتاي جۇمىلىپ، قايسارلىقپەن كۇرەس جۇرگىزۋىنىڭ ناتيجەسى.
شي جينپيڭ بىلاي دەپ اتاپ كورسەتتى: ءبىر جىلدان بەرى دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ج ك پ ورتالىق كوميتەتىنىڭ ۇندەۋىنە ءۇن قوسىپ، نازاردى پارتيا مەن مەملەكەتتىڭ وزەكتى قىزمەتىنە شوعىرلاندىرىپ، قىزمەت جاۋاپكەرلىگىن ادا ەتىپ، جاڭا جاعدايعا، جاڭا مىندەتتىڭ تالابىنا سايكەسىپ، وزىندىك قۇرىلىستى جاپپاي كۇشەيتىپ، تىڭ ناتيجەلەرگە قول جەتكىزدى. ىندەتكە قارسى اتتانۋدىڭ ەرەكشە ساتىندە دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر جۇڭگو كوممۋنيستىك پارتياسىمەن تاباندىلىقپەن نيەتتەس بولىپ، ءبىر مايداندا تۇرىپ، بىرگە ىستەپ، تار جول، تايعاق كەشۋلەردەن بىرگە ءوتىپ، ءبىر - بىرىنە ادال بولىپ، ىندەتتەن ساقتانۋ - تىزگىندەۋ توسقاۋىل شايقاسىندا جەڭىسكە جەتۋگە اقىل كورسەتىپ، ءادىس - امال قاراستىرىپ، ج ك پ ورتالىق كوميتەتىنىڭ عىلمي شەشىم جاساۋىنا، دەموكراتيالىق شەشىم جاساۋىنا ماڭىزدى پايدالانۋ ماتەريالىن ازىرلەدى. كوپشىلىك ماسەلەنى نىشان ەتۋدەن جازباي، ساياسي پارتيا قۇرىلىسىن ىلگەرىلەتۋدە جاڭا بەينە كورسەتتى. كوپشىلىك ىندەتتىڭ ءتيىمسىز ىقپالىن جەڭىپ، ءتۇرلى فورمالارمەن كەدەيلىكتەن ارىلتۋدان قامال الۋعا دەموكراتيالىق باقىلاۋ جۇرگىزۋدى ىشكەرىلەي ورىستەتىپ، سالالار بويىنشا كومەك بەرىلەتىن ولكە، اۆتونوميالى رايونداردىڭ كەدەيلىكتەن ارىلتۋدان قامال الۋ مىندەتىن ورىنداۋىنا اقىل - پاراساتى مەن كۇش - قۋاتىن ارنادى. شي جينپيڭ ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ مىنالاردى دارىپتەدى: 2021 جىل − «14 بەسجىلدىق» جوسپاردى اتقارىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋداعى ءبىرىنشى جىل، ءبىز جۇڭگو كوممۋنيستىك پارتياسى قۇرىلعانىنىڭ 100 جىلدىعىن سالتاناتپەن قۇتتىقتايمىز. كوپشىلىكتىڭ ج ك پ 19 - قۇرىلتايى مەن پارتيا 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، جۇڭگو كوممۋنيستىك پارتياسىمەن ىنتىماقتاسا كۇرەس جاساپ، جاپا - ماشاقاتتا بىرگە بولعان شۇعىلالى بارىستى جالپى بەتتىك قورتىندىلاپ جانە ايگىلەپ، قالىڭ مۇشەلەردى داڭقتى داستۇرگە مۇراگەرلىك ەتۋگە جانە ونى ساۋلەلەندىرۋگە جەتەكتەپ، جۇڭگوشا سوتسياليستىك مۇرات - سەنىمدى بەكەمدەپ، جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىندە تاباندى بولىپ جانە ونى كەمەلدەندىرىپ، جاڭا دامۋ ساتىسىن يگەرۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ جاعدايىن ورناتۋدى ارقاۋ ەتىپ، بەلسەنە ۇسىنىس بەرىپ، ورتاق تانىمدى كەڭ كولەمدە توپتاپ، العان بەتتەن قايتپايتىن كۇرەسكەرلىك بەينەمەن، بوران - شاشىننان تايسالمايتىن رۋحاني كۇيمەن، جاڭا داۋىردەگى كوپ پارتيا سەلبەستىگى ىستەرىنىڭ تىڭ داستانىن جازۋىن ءۇمىت ەتەمىن.
شي جينپيڭ بىلاي دەپ اتاپ كورسەتتى: دەموكراتيالىق پارتيا - توپتار، ساۋدا - ونەركاسىپشىلەر بىرلەستىگى جانە پارتيادا، توپتا جوق قايراتكەرلەر ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن ۇزدىكسىز جوعارىلاتىپ، قالىڭ مۇشەلەر مەن بايلانىس ورناتقان بۇقارانى جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم جونىندەگى ساياسي تانىمدى، يدەيالىق تانىمدى، نازاريالىق تانىمدى، سەزىمدىك تانىمدى ۇزدىكسىز كۇشەيتۋگە جەتەكتەپ، جۇڭگو كوممۋنيستىك پارتياسىمەن ءبىر نيەت، ءبىر تىلەكتە بولۋ، ىنتىماقتاسا كۇرەس جۇرگىزۋ سىندى ساياسي قاسيەتتى باستان - اياق ساقتاۋى كەرەك. ج ك پ ورتالىق كوميتەتىنىڭ كوپ پارتيا سەلبەستىگى ىستەرى جونىندەگى جاڭا ورنالاستىرۋلارىن، جاڭا تالاپتارىن تەرەڭ ءتۇسىنىپ، زەرتتەۋ، جوبالاۋ قىزمەتىنىڭ ساياسي دەڭگەيىن، نازاريالىق دەڭگەيىن، داۋىرلىك دەڭگەيىن جوعارىلاتىپ، قىزمەت قابىلەتىن جوعارىلاتىپ، باتىلدىقپەن جاۋاپكەرلىك ارقالاپ، ىسكەرلىك كورسەتىپ، سانالى تۇردە جۇڭگو كوممۋنيستىك پارتياسىنىڭ جاقسى اقىلشىسى، جاقسى كومەكشىسى، جاقسى قىزمەتتەسى، جۇڭگوشا سوتسياليزم ىستەرىنىڭ باستان كەشۋشىسى، امالياتتا ايگىلەۋشىسى، قورعاۋشىسى، جاقتاۋشىسى بولۋ كەرەك. پارتيا مەن ۇكىمەتتىڭ ورتاق تانىمدى ۇيىستىرۋ، قايشىلىقتاردى شەشۋ، پىكىردى اڭىس ەتۋ، ورنىقتىلىقتى قورعاۋ سياقتى قىزمەتتەردى ويداعىداي ىستەۋىنە كومەكتەسىپ، جاڭا داۋىردە جۇڭگوشا سوتسياليزمدە تاباندى بولۋ جانە ونى دامىتۋ ءۇشىن زەيىن - زەردەنى، كۇش - قۋاتتى ءتىپتى دە ويداعىداي شوعىرلاندىرۋ كەرەك.
شي جينپيڭ مىنالاردى دارىپتەدى: ج ك پ 19 - كەزەكتى ورتالىق كوميتەتىنىڭ بەسىنشى جالپى ءماجىلىسى ەلىمىزدىڭ الداعى 5 جىلداعى جانە 15 جىلداعى دامۋىنا ايقىن باعدار كورسەتىپ، جاپپاي سوتسياليستىك وسىزاماندانعان مەملەكەت قۇرۋعا ايبىندى جوبا جاسادى. كوپشىلىكتىڭ دارىندىلار شوعىرلانۋ، اقىل - پاراسات شوعىرلانۋ ابزالدىعىن تولىق ساۋلەلەندىرىپ، ستراتەگيالىق، ماكرولىق زەرتتەۋ جۇرگىزىپ، ج ك پ ورتالىق كوميتەتىنىڭ شەشىم جاساۋىنا اناعۇرلىم كوپ ناقتى، جارامدى شارالار مەن ۇسىنىستار بەرۋىن ءۇمىت ەتەمىن. كەدەيلىكتەن ارىلتۋدان قامال الۋ بويىنشا دەموكراتيالىق باقىلاۋدىڭ جاقسى تاجىريبەلەرىنەن، جاقسى ادىستەرىنەن ۇلگى الىپ، جاڭا ارناۋلى دەموكراتيالىق باقىلاۋ قىزمەتىن ويداعىداي جوسپارلاۋ، ورنالاستىرۋ كەرەك. مەملەكەتتىك ساۋدا - ونەركاسىپشىلەر بىرلەستىگى جالپىلىق مەنشىككە جاتپايتىن شارۋاشىلىقتىڭ اقاۋسىز دامۋىن جانە جالپىلىق مەنشىككە جاتپايتىن شارۋاشىلىق سالاسىنداعى قايراتكەرلەردىڭ اقاۋسىز جەتىلۋىن جەبەۋ نەگىزگى تاقىرىبىن ارقاۋ ەتىپ، قىزمەت جاۋاپكەرلىگىن اتقارىپ، رولىن ساۋلەلەندىرىپ، ساياسي جەتەكشىلىكتى جانە يدەيالىق جەتەكشىلىكتى كۇشەيتۋى كەرەك. پارتيا سىرتىنداعى زيالىلاردىڭ كاسىپتىك ابزالدىعىن ساۋلەلەندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ىلگەرىلەتۋ سياقتى جاقتاردا تىڭ ۇلەس قوسۋ كەرەك.
شي جينپيڭ بىلاي دەپ اتاپ كورسەتتى: ج ك پ ورتالىق كوميتەتى بيىل بۇكىل پارتيادا جۇڭگو كوممۋنيستىك پارتياسىنىڭ پارتيا تاريحىن ۇيرەنۋ تاربيەسىن ورىستەتىپ، بۇكىل پارتيانى اۋەلگى ماقساتتى ۇمىتپاي، بورىشتى ەستە بەرىك ساقتاۋعا شابىتتاندىرىپ، جاڭا داۋىردە پارتيا قۇرىلىسىن ۇزدىكسىز كۇشەيتۋدى ۇيعاردى. دەموكراتيالىق پارتيا - توپتار مەن پارتيادا، توپتا جوق قايراتكەرلەر جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتاۋمەن ۇشتاستىرىپ، جۇڭگو كوممۋنيستىك پارتياسىمەن ىنتىماقتاسا سەلبەسكەن كۇرەس بارىسىن جاپپاي ەسكە الىپ، داڭقتى ءداستۇردى ساۋلەلەندىرىپ، سەلبەستىك اۋەلگى ماقساتىنان جازباي، وزىندىك قۇرىلىستى كۇشەيتۋى كەرەك. ج ك پ ورتالىق كوميتەتىنىڭ جۇڭگوشا سوتسياليستىك ساياسي پارتيا قۇرىلىسى جونىندەگى شەشىمدەرى مەن ورنالاستىرۋلارىن ۇزدىكسىز دايەكتىلەندىرىپ، يدەيالىق - ساياسي قۇرىلىستى اناعۇرلىم كورنەكتى ورىنعا قويىپ، نازاريامەن قارۋلانۋدى ۇزدىكسىز كۇشەيتۋ كەرەك. ساۋدا - ونەركاسىپشىلەر بىرلەستىگىنىڭ وزىندىك قۇرىلىسى مەن پارتيادا، توپتا جوق ۋاكىل قايراتكەرلەر قوسىنى قۇرىلىسىن كۇشەيتىپ، جالپى جاعدايعا قىزمەت وتەۋ بارىسىندا قىزمەت جاۋاپكەرلىگىن اناعۇرلىم ويداعىداي وتەۋ كەرەك.
ديڭ شۋەشياڭ، يوۋ چۋان، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
