لي كىچياڭ شەتەلدىك ماماندارمەن بىرگە كوكتەم مەرەكەسى بايلانىسىمەن اڭگىمە ءماجىلىسىن وتكىزدى
2021.02.03 16:09 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 2 - كۇنى، بەيجيڭ. ەسكىشە كالەندار بويىنشا كوكتەم مەرەكەسى كەلۋ قارساڭىندا، مەملەكەتتىك كەڭەستىڭ زۇڭليى لي كىچياڭ 2 - ايدىڭ 2 - كۇنى تۇستەن كەيىن حالىق سارايىندا جۇڭگودا قىزمەت ىستەيتىن شەتەلدىك مامانداردىڭ ۋاكىلدەرىمەن كەزدەستى ءارى ولارمەن اڭگىمە وتكىزىپ، پىكىر اۋىستىردى.
لي كىچياڭ الدىمەن جۇڭگوداعى شەتەلدىك ماماندارعا جانە جۇڭگونىڭ وسىزاماندانۋ قۇرىلىسى ىستەرىن قولداعان بارلىق حالىقارالىق دوستارعا مەرەكەلىك سالەم جولدادى جانە ىزگى تىلەك ءبىلدىردى. ول مىنانى ءبىلدىردى: جۇڭگو رەفورما جاساپ، ەسىك اشقاننان بەرى شەتەلدىك ماماندار توپ - توبىمەن جۇڭگوعا كەلىپ قىزمەت ىستەپ، جۇڭگونىڭ وسىزاماندانۋ قۇرىلىسىنا اقىل - پاراساتى مەن كۇش - قۋاتىن ارنادى، جۇڭگو حالقى بۇعان ءدان ريزا. شەتەل ماماندارىن جۇڭگو ۇكىمەتىنىڭ قىزمەتى جونىندە پىكىر ايتۋعا جانە ۇسىنىس بەرۋگە شاقىرۋ عىلمي، دەموكراتيالى شەشىم جاساۋدى جەبەۋگە ءتيىمدى، سونداي - اق ەل ءىشى مەن حالىقارانىڭ دامۋ اۋقىمىنا اناعۇرلىم ويداعىداي سايكەسكەندىك بولىپ تابىلادى.
ا ق ش، يتاليا، سينگاپور، نەپال، ۇلى بريتانيا، فرانسيا ەلدەرىنەن كەلگەن ماماندار جۇڭگو ەكونوميكاسى مەن فينانس، نەگىزدىك عىلمي زەرتتەۋ، جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ، وقۋ - اعارتۋ، عىلىم - تەحنيكادا جاڭالىق اشۋ، قورشاعان ورتانى قورعاۋ سياقتىلار جونىندە پىكىر جانە ۇسىنىس بەردى.
لي كىچياڭ مامانداردىڭ ءسوزىن تىڭداعاننان كەيىن بىلاي دەدى: وتكەن ءبىر جىلدا جاڭا تيپتى ايدارشا ۆيرۋس وكپە قابىنۋ ىندەتى جۇڭگونى قامتىعان دۇنيە جۇزىندەگى ءار ەلگە اۋىر سوققى بولدى. شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، بۇكىل ەل حالقىنىڭ بىرگە قۇلشىنۋىندا، جۇڭگو ەكونوميكاسى وڭاي - وسپاق قولعا كەلمەگەن ناتيجەلەرگە قول جەتكىزىپ، تۇتاس جىلدا وڭ ارتۋدى جۇزەگە اسىردى، شەتەلدىك ماماندار دا بۇعان بەلسەندى ۇلەس قوستى. ءبىز ىندەت سوققىسىنىڭ ەرەكشەلىگىنە نەگىزدەلىپ، باستىسى، بازار تۇلعالارىنىڭ دامۋى مەن نەگىزگى حالىق تۇرمىسىنىڭ قاجەتىن ارقاۋ ەتىپ، ماكرولىق ساياساتتى دالمە - ءدال، ءونىمدى شىعارىپ جانە اتقارىپ، ءارى دەر كەزىندە باتىلدىقپەن قيمىلداپ، ءارى «قاپتاتىپ سۋارۋدان» ساقتانىپ، ەكونوميكانى ءبىرشاما تەز قالپىنا كەلتىردىك جانە دامىتتىق، باستىسى، بازار كۇشى مەن بازار تۇلعالارىنىڭ ومىرشەڭدىك كۇشىنە سۇيەندىك، بۇل دا جۇڭگونىڭ ۇيلەسىمدى ساياسات بوداۋىمەن ءبىرشاما جاقسى ءىس جۇزىندىك ونىمدىلىككە قول جەتكىزۋىنە مۇمكىندىك جاسادى.
لي كىچياڭ بىلاي دەپ اتاپ كورسەتتى: ءالى دە كۇردەلى ءارى اۋىر بولىپ وتىرعان ىشكى – سىرتقى جاعداي مەن كوپتەگەن قيىنشىلىق، سىن – سايىس الدىندا، ءبىز ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ۇزدىكسىز ءبىر تۇتاس جوسپارلاپ، ماكرولىق ساياساتتىڭ ۇلاسپالىلىعىن، ورنىقتىلىعىن، باياندىلىعىن ساقتاپ، ەكونوميكالىق اينالىمنىڭ ۇيلەسىمدى ارالىقتى ساقتاۋىن ىلگەرىلەتىپ، جۇڭگو ەكونوميكاسىنىڭ نەگىزگى جاعدايىن اناعۇرلىم بەكەمدەپ، جۇڭگو ەكونوميكاسىنىڭ ۇزاق ۋاقىت جاقسارۋ اۋقىمىن ساقتايمىز.
لي كىچياڭ بىلاي دەپ دارىپتەدى: ەڭ ءىرى دامۋ ۇستىندەگى ەل رەتىندە، جۇڭگودا بازاردىڭ كومەسكى كۇشى زور، وسىزامانداندىرۋدى جۇزەگە اسىرۋ ءۇشىن ءالى دە ۇزاق جول باسۋعا تۋرا كەلەدى. ءبىز رەفورما جاساپ، ەسىك اشۋدى قوزعاۋشى كۇش ەتىپ، بازار مەن ۇكىمەتتىڭ قاتىناسىن ويداعىداي ءبىر جاقتى ەتىپ، جاڭا دامۋ جاعدايىن قۇلشىنا قالىپتاستىرامىز. جۇڭگو ۇكىمەتى سىرتقا ەسىك اشۋدى اناعۇرلىم زور تەبىنمەن ىلگەرىلەتىپ، ۇيرەنۋگە تاتيتىن بارلىق وزىق عىلمي ۇستانىم مەن زەرتتەۋ ادىستەرىن ۇيرەنەدى. اناعۇرلىم كوپ شەتەلدىك مامانداردىڭ جۇڭگوعا كەلىپ قىزمەت ىستەۋىن قارسى الامىز، جۇڭگو ۇكىمەتى شەتەل دارىندىلارىن باۋرايتىن ءتۇزىم جۇيەسىن ۇزدىكسىز كەمەلدەندىرىپ، شەتەل ماماندارىنىڭ جۇڭگودا قىزمەت ىستەۋىنە، تۇرمىس كەشىرۋىنە اناعۇرلىم كوپ قولايلىلىق جاراتادى.
مەملەكەتتىك كەڭەس زۇڭليىنىڭ ورىنباسارى ليۋ حى، مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترى ۋاڭ ي، مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى شياۋ جيە، مەملەكەتتىك ساياسي كەڭەس ءتوراعاسىنىڭ ورىنباسارى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ قاتارلىلار جوعارىداعى قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
