لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ۇنەمىلىك قازىنالىق قارجىنى توتە جەتكىزۋ مەحانيزمىن اناعۇرلىم ويداعىداي اتقارىپ، قازىنالىق قارجىنىڭ كاسىپورىندارعا تيىمدىلىك جاساۋ، حالىققا پايدا جەتكىزۋ رولىن اناعۇرلىم ويداعىداي ساۋلەلەندىرۋدى ورنالاستىردى؛ «جۇڭحۋا حالىق رەسپۋبليكاسىنىڭ جەر باسقارۋ زاڭىن اتقارۋ ەرەجەسىن (وزگەرىس ەنگىزىلگەن جوبا)» ماقۇلدادى
2021.04.22 14:26 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 21 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 4 - ايدىڭ 21 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ۇنەمىلىك قازىنالىق قارجىنى توتە جەتكىزۋ مەحانيزمىن اناعۇرلىم ويداعىداي اتقارىپ، قازىنالىق قارجىنىڭ كاسىپورىندارعا تيىمدىلىك جاساۋ، حالىققا پايدا جەتكىزۋ رولىن اناعۇرلىم ويداعىداي ساۋلەلەندىرۋدى ورنالاستىردى؛ «جۇڭحۋا حالىق رەسپۋبليكاسىنىڭ جەر باسقارۋ زاڭىن اتقارۋ ەرەجەسىن (وزگەرىس ەنگىزىلگەن جوبا)» ماقۇلدادى.
ءماجىلىس مىنالاردى اتاپ كورسەتتى: قازىنالىق قارجىنى تىكە جەتكىزۋ مەحانيزمىن اتقارۋ − ماكرولىق تىزگىندەۋدە جاڭالىق اشۋدىڭ ماڭىزدى شاراسى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، وتكەن جىلى ورتالىق قازىنا ءبىر تريلليون 700 ميلليارد يۋان توتە جەتكىزىلەتىن قارجى ءتۇسىرىپ، قالا، اۋدانداردىڭ نەگىزگى ساتىلارىندا سالىقتى ازايتىپ، اقىنى تومەندەتۋ شاراسىن اتقارۋدا «قىسىلعاندا وتىن جەتكىزىپ بەرۋ» رولىن ساۋلەلەندىرىپ، ەكونوميكانى ورنىقتىرۋعا ماڭىزدى تىرەك ازىرلەدى. «ۇكىمەت قىزمەتىنەن باياندامانىڭ» تالابىنا ساي، بيىل توتە جەتكىزۋ مەحانيزمى ۇدايىلانادى، بۇل وتكەن جىلعى توتە جەتكىزىلگەن قارجىنىڭ بارلىعى ارتقان قارجى بولۋىمەن ۇقسامايدى، بيىل نەگىزىنەن ساقتالعان قارجى بولادى، رەفورما جاساۋ ارقىلى قارجىنى ءبولۋ پايداسىنىڭ اۋقىمى رەتتەلەدى، ورتالىق قازىنانىڭ حالىق تۇرمىسى كومەك قاراجاتىنىڭ ءتۇرلى قارجىسى جالپى تۇلعالىق جاقتان توتە جەتكىزۋ كولەمىنە ەنگىزىلىپ، قارجىنىڭ جالپى مولشەرى 2 تريلليون 800 ميلليارد يۋانعا جەتكىزىلەدى. قازىر ورتالىق قازىنادان 2 تريلليون 600 ميلليارد يۋان توتە جەتكىزىلەتىن قارجى ءتۇسىرىلدى، مۇنىڭ ىشىندە 2 تريلليون 200 ميلليارد يۋاننان استامى قارجىدان پايدالانۋشى ورىنعا جەتكىزىلدى. كەلەسى قادامدا بىرىنشىدەن، توتە جەتكىزىلگەن قارجىنى پايدالانۋدىڭ ماڭىزدى ءتۇيىنىن كورنەكتىلەندىرۋ كەرەك. ەكونوميكانىڭ ورنىقتىلىق بارىسىندا بەكەمدەلۋىن جەبەۋدى كوزدە ۇستاي وتىرىپ، توتە جەتكىزىلگەن قارجىنى ءىشىنارا كەزەڭدىك ساياساتتاردىڭ «شەگىنۋ» ىقپالىنىڭ ماڭىزدى شارالارىنىڭ ءبىرى ەتىپ، نەگىزىنەن، جۇمىستانۋعا، حالىق تۇرمىسىن، بازاردى قامتاماسىز ەتەتىن نەگىزگى تۇلعالارعا جۇمساپ، قارجىنىڭ بۇقارانىڭ ارمان - تىلەگىنە، كاسىپورىنداردىڭ ارمان - تىلەگىنە قاراي ويىسۋىنا، سونداي - اق نەگىزگى ساتىنىڭ ەڭبەكاقىسىنا، جۇمىس اينالىسىنا كەپىلدىك ەتۋگە مۇمكىندىك جاساپ، ءتىپتى دە كوپ قازىنا كۇشىن شوعىرلاندىرىپ، مىندەتتى وقۋ - اعارتۋ، نەگىزگى ەمدەۋ، نەگىزگى تۇرعىن ءۇي سياقتى نەگىزگى حالىق تۇرمىسىنا قوسىلىمدى ارتتىرىپ، اۋىل شارۋاشىلىعىنا، ەگىنجاي، سۋ يگىلىگى قۇرىلىسىنا قولداۋ كورسەتۋ كەرەك. ەكىنشى، جەرگىلىكتى ورىنداردى اسىپ قالعان توتە جەتكىزىلگەن قارجىنى پايدالانۋعا قۋزاپ، قاتىستى ساياساتتاردىڭ دەر كەزىندە تياناقتانىپ، كۇشكە يە بولۋىنا كەپىلدىك ەتۋ كەرەك. جەرگىلىكتى ورىنداردى ورتالىقتىڭ توتە جەتكىزىلگەن قارجىسى نەگىزىندە جەر جاعدايىنا قاراي جەرگىلىكتى قازىنا قارجىسىن توتە جەتكىزۋ كولەمىن كەڭەيتۋگە جەتەكتەۋ كەرەك. ولكە دارەجەلى ۇكىمەتتەر ۇزدىكسىز «اقشانى ۋاقىتتىق ۇستاپ تۇرۋشى» بولىپ، «قاراپ وتىراتىن نۇسقاۋشى» بولماي، اناعۇرلىم كوپ قازىنا كۇشىن تومەنگە ءتۇسىرىپ، نەگىزگى ساتىنىڭ ساياساتتى تياناقتاندىرۋدى يگەرۋ قابىلەتىن كۇشەيتۋى كەرەك. ءۇشىنشى، قارجىنى باقىلاۋ - باسقارۋدى قاتايتۋ كەرەك. قازىنا، قازىنالىق باقىلاۋ جانە قاتىستى تاراۋلار باقىلاۋدى كۇشەيتىپ، جەرگىلىكتى ورىنداردىڭ قارجى ءبولۋ، بوساتۋ جانە پايدالانۋ جاعدايىن يكەمدى قاداعالاپ، ورىن تەپكەن ماسەلەلەردى دەر كەزىندە بايقاپ جانە تۇزەتىپ، قاتىستى جەرلەر مەن جاۋاپتى ادامدارعا قاراتا جاعدايعا قاراي حابارلاندىرۋ شىعارىپ سىنداۋ، شاقىرىپ اڭگىمەلەسۋ شارالارىن قولدانىپ، جالعان مالىمدەۋ، الداپ الۋ، ۇستاپ قالۋ، باسقاعا جۇمساۋ سياقتى زاڭعا، بەلگىلەمەگە قايشى ارەكەتتەردى شەتىنەن ادا - كۇدە تەكسەرىپ، جاۋاپكەرلىكتى قاتاڭ قۋزاپ جانە جاۋاپقا تارتىپ، تىكەلەي جەتكىزىلگەن قارجىنىڭ ەڭ قاجەتتى ورىنعا جۇمسالۋىنا كەپىلدىك ەتىپ، كاسىپورىندارعا تيىمدىلىك جاساۋ، حالىققا تيىمدىلىك جاساۋ ونىمدىلىگىن اناعۇرلىم ويداعىداي ساۋلەلەندىرۋى كەرەك.
ءماجىلىس «جۇڭحۋا حالىق رەسپۋبليكاسىنىڭ جەر باسقارۋ زاڭىن اتقارۋ ەرەجەسىن (وزگەرىس ەنگىزىلگەن جوبا)» ماقۇلدادى. جوبادا بىلاي دەپ بەلگىلەندى: ەگىستىك جەردى، اسىرەسە، ماڭگىلىك نەگىزگى ەگىنجايلاردى باسقارۋ، قورعاۋدى كۇشەيتۋ، ەگىستىك جەردى قورعاۋدىڭ قىزىل سىزىعىن قاتاڭ ساقتاۋ، اۋىل شارۋاشىلىعىنا پايدالانىلاتىن جەردى، اسىرەسە، ەگىستىك جەردى قۇرىلىسقا پايدالانۋدى قاتاڭ تىزگىندەۋمەن بىرگە، ەگىستىك جەردىڭ ورماندى جەرگە، جايىلىمعا، تاعى باسقا اۋىل شارۋاشىلىعىنا پايدالانىلاتىن جەرلەرگە اينالدىرىلۋىن تەجەۋدى اناعۇرلىم ايقىنداپ، ەگىستىك جەردى «يەمدەنۋ مەن تولىقتاۋدى تەڭگەرۋ» ءتۇزىمىن قاتاڭ اتقارۋ كەرەك. جوبادا جەردى وتكىزىپ الۋ ءتارتىبى اشالاندىرىلىپ، جەردى وتكىزىپ الۋدى الدىن الا حابارلاندىرۋ ءتۇزىمى ورناتىلىپ، وتكىزىپ الۋعا تولەم بەرۋ ارناعا ءتۇسىرىلىپ، بىلاي دەپ بەلگىلەندى: قاتىستى قاراجاتتار تولىق تياناقتانباعان جاعدايدا جەردى وتكىزىپ الۋدى بەكىتۋگە بولمايدى، جەرى وتكىزىپ الىنعان شارۋالاردىڭ جاعدايدان حاباردار بولۋ ۇقىعىن، قاتىناسۋ ۇقىعىن، باقىلاۋ ۇقىعىن قامتاماسىزداندىرۋ كەرەك. جوبادا شارۋالاردىڭ ۇيلەسىمدى قورا - جايلىق جەر قاجەتىن قامتاماسىزداندىرۋ، قورا - جايلىق جەردى باسقارۋدى ارناعا ءتۇسىرۋ ايقىن بەلگىلەندى، شارۋالاردىڭ زاڭ بويىنشا العان قورا - جايلىق جەر ۇقىق - مۇددەسىن قامتاماسىزداندىرۋ دارىپتەلدى. جوبادا تاعى جەردى باقىلاۋ - تەكسەرۋ ءتۇزىمى اشالاندىرىلىپ، باقىلاۋ - تەكسەرۋ شارالارى كۇشەيتىلىپ، يكەمدى شارلاۋ - تەكسەرۋ سياقتى مەحانيزمدەر ورناتىلدى، سونداي - اق ەگىستىك جەردى ءبۇلدىرۋ، جەردى زاڭسىز يەمدەنۋ، جەردى قايتا يگەرۋ بورىشىن وتەۋدەن باس تارتۋ سياقتى زاڭعا قايشى ارەكەتتەرگە قاراتا جازالاۋ تەبىنى ارتتىرىلىپ، ەگىستىك جەردى استىقتان باسقاعا پايدالانۋ ارەكەتىنە قاراتىلعان جازالاۋ بەلگىلەمەسى قوسىلدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
