لي جانشۋ ەگيپەت قاۋىم پالاتاسىنىڭ باستىعى گەباليمەن كەڭەس وتكىزدى
2021.04.22 14:27 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 21 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 4 - ايدىڭ 20 - كۇنى بەيجيڭدەگى حالىق سارايىندا بەينە ەكران تاسىلىمەن ەگيپەت قاۋىم پالاتاسىنىڭ باستىعى گەباليمەن كەڭەس وتكىزدى.
لي جانشۋ بىلاي دەدى: جۇڭگو مەن ەگيپەتتىڭ دوستىعى ارىدان باستاۋ الادى. ەگيپەت − جاڭا جۇڭگومەن تۇڭعىش رەت ديپلوماتيالىق قاتىناس ورناتقان اراب جانە افريكا مەملەكەتى. ديپلوماتيالىق قاتىناس ورناتقان 65 جىلدان بەرى ەكى ەل قاتىناسى ءتۇرلى حالىقارالىق اۋمالى - توكپەلى جاعدايدىڭ سىنىنان ءوتىپ، باستان - اياق اقاۋسىز، ورنىقتى دامىپ، جۇڭگو مەن اراب ەلدەرىنىڭ، جۇڭگو مەن افريكانىڭ ىنتىماقتاسا سەلبەسۋىنىڭ، ءوزارا پايدا جەتكىزىپ، تەڭ يگىلىككە كەنەلۋىنىڭ ۇلگىسىنە اينالدى. تاياۋ جىلداردان بەرى ءتوراعا شي جينپيڭ مەن سيسي زۇڭتۇڭ تىعىز بارىس - كەلىستى ساقتاپ، جۇڭگو - ەگيپەت قاتىناسىنىڭ جوعارى دەڭگەيدە تەز دامۋىنا بىرگە جەتەكشىلىك ەتتى. جۇڭگو جۇڭگو - ەگيپەت قاتىناسىنا باستان - اياق ستراتەگيالىق جانە ۇزاق بولاشاقتىق تۇرعىدان قاراپ، ەگيپەتتى جۇڭگونىڭ ديپلوماتيالىق جالپى جاعدايىنىڭ ماڭىزدى ورنىنا قويدى. جۇڭگو ەگيپەتپەن بىرگە ەكى ەل باسشىلارىنىڭ ماڭىزدى ورتاق تانىمىن مۇقيات تياناقتاندىرىپ، ءداستۇرلى دوستىقتى جانە ءار سالاداعى ناقتى سەلبەستىكتى تەرەڭدەتىپ، جۇڭگو مەن ەگيپەتتىڭ جالپى بەتتىك ستراتەگيالىق سەرىكتەستىك قاتىناسىن ۇزدىكسىز دامىتۋدى قالايدى.
لي جانشۋ بىلاي دەپ اتاپ كورسەتتى: جۇڭگو مەن ەگيپەت دامۋ ۇستىندەگى ەلدەر، ءوزارا ءتيىمدى سەلبەستىك پەن سايكەسۋدى كۇشەيتىپ، ءبىر - ءبىرىنىڭ وزەكتى مۇددەسىنە ساياتىن جانە نازار اۋدارىپ وتىرعان كەلەلى ماسەلەلەردە ۇزدىكسىز ءبىرىن - ءبىرى قولداپ، دۇنيە ءجۇزىنىڭ كوپ ۇيەكتەنۋى مەن ەكونوميكانىڭ جاھاندانۋىن ىلگەرىلەتىپ، قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋدى ءۇمىت ەتەمىز. جۇڭگو قازىر جاڭا دامۋ جاعدايىن بەلسەنە قالىپتاستىرۋدا، بۇل جۇڭگو مەن ەگيپەتتىڭ سەلبەستىگىنە اناعۇرلىم كەڭ ءورىس ازىرلەيدى، دامۋ ستراتەگياسىن ۇشتاستىرۋدى كۇشەيتىپ، دامۋ ورايىنان بىرگە يگىلىكتەنۋگە پەيىلمىز. ىندەتتىڭ سايىسى الدىندا، جۇڭگو مەن ەگيپەت ءبىر - بىرىنە قارايلاسىپ، تار جول، تايعاق كەشۋلەردەن بىرگە ءوتۋدىڭ تىڭ داستانىن جازدى، ىندەتكە قارسى اتتانۋ سەلبەستىگىن كۇشەيتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى ىلگەرىلەتۋدى ءۇمىت ەتەمىز. ەگيپەت − جۇڭگو - افريكا، جۇڭگو - اراب ەلدەرى سەلبەستىك مەحانيزمىنىڭ ماڭىزدى مۇشەسى، جۇڭگو ەگيپەتتى قامتىعان افريكا ەلدەرىمەن، اراب ەلدەرىمەن بىرگە ءبىرىن - ءبىرى قولداپ، «ءبىر بەلدەۋ، ءبىر جولدى» بىرگە قۇرۋ، ەكونوميكالىق، قوعامدىق دامۋدى ىلگەرىلەتۋ سياقتى جاقتاردا تىزە قوسا سەلبەسىپ، جۇڭگو مەن افريكانىڭ، جۇڭگو مەن اراب ەلدەرىنىڭ سەلبەستىك قاتىناسىن ونان ارى دامىتۋعا پەيىل.
لي جانشۋ مىنالاردى دارىپتەدى: زاڭ شىعارۋ قۇرىلىمدارىنىڭ بارىس - كەلىسى − ەكى ەل قاتىناسىنىڭ ماڭىزدى قۇرامداس بولەگى. جۇڭگو مەملەكەتتىك حالىق قۇرىلتايى ەگيپەت قاۋىم پالاتاسىمەن اۋىس - كۇيىستى، سەلبەستىكتى ۇزدىكسىز كۇشەيتىپ، ەكى ەل باسشىلارى كەلىسكەن ماڭىزدى ورتاق تانىم مەن ەكى جاقتى سەلبەستىك كەلىسىمىنىڭ تياناقتانۋىن ىلگەرىلەتۋدى قالايدى. ەكى جاق جوعارى جىكتەگىلەردىڭ بارىس - كەلىس جاعدايىن ۇزدىكسىز ساقتاپ، ارناۋلى كوميتەتتەر مەن دوستىق گرۋپپالاردىڭ سالالار بويىنشا اۋىس - كۇيىسىن كۇشەيتۋى؛ جاستاردىڭ اۋىس - كۇيىسىن ىلگەرىلەتىپ، ەكى ەل دوستىعىنىڭ جاڭا ۇرپاقتارىن جەتىلدىرۋى؛ ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وعان وزگەرىس ەنگىزىپ جانە ونى شىعارىپ، ءار سالاداعى ناقتى سەلبەستىككە زاڭدىق تىرەك ازىرلەۋى؛ مەملەكەتتى زاڭمەن جونگە سالۋ، ەكونوميكانى دامىتۋ سياقتى جاقتاردا تاجىريبە اۋىسۋدى ىلگەرىلەتىپ، كوپ جاقتى ورىندار مەن ىستەردە سايكەسۋ مەن سەلبەسۋدى جيىلەتۋى كەرەك.
گەبالي بىلاي دەدى: ەگيپەت پەن جۇڭگو − دۇنيە جۇزىندەگى وركەنيەتتى بايىرعى ەلدەر، ەكى ەل قاتىناسى بەرىك ءارى قويۋ. ەگيپەت «ءبىر جۇڭگو» ساياساتىن باتىل اتقارادى. جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايمىن. «ءبىر بەلدەۋ، ءبىر جول» اياسىنداعى سەلبەستىكتى كۇشەيتىپ، ءتىپتى دە كوپ تابىسقا قول جەتكىزۋدى ىلگەرىلەتۋگە پەيىلمىز. جۇڭگو ىندەتكە قارسى اتتانۋدا وراسان زور تابىسقا قول جەتكىزدى، ەكى جاقتىڭ ىندەتكە قارسى اتتانۋ سەلبەستىگىن تەرەڭدەتۋگە اسىعامىز. زاڭ شىعارۋ قۇرىلىمدارىنىڭ ءار جىكتەگى، ءار جاقتاعى اۋىس - كۇيىسىن كۇشەيتىپ، ەگيپەت پەن جۇڭگونىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز دامۋىن جەبەۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
