«ءبىر بەلدەۋ، ءبىر جولدى» ءۇرتىس جوعارى ساپامەن بىرگە قۇرايىق
− ءتوراعا شي جينپيڭنىڭ بو - اۋ ازيا تالقى مىنبەرىنىڭ 2021 - جىلعى جىلدىق ءماجىلىسىنىڭ اشىلۋ سالتىندا سويلەگەن ارقاۋ ءسوزى تۋرالى
«حالىق گازەتىنىڭ» شولۋشىسى
2021.04.22 14:28 كەلۋ قاينارى : حالىق تورابى
«بولاشاقتى بەتكە العاندا، ءبىز ءارقايسى جاقپەن بىرگە <ءبىر بەلدەۋ، ءبىر جولدى> ۇزدىكسىز جوعارى ساپادا قۇرىپ، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن امالياتتا ايگىلەپ، اشىق، جاسىل، كىرشىكسىز بولۋ ۇستانىمىن اسقاقتاتىپ، جوعارى ولشەمدى، حالىق تۇرمىسىنا ءتيىمدى، باياندى بولۋ نىساناسىن قۇلشىنا جۇزەگە اسىرامىز». 4 - ايدىڭ 20 - كۇنى ءتوراعا شي جينپيڭ بو - اۋ ازيا تالقى مىنبەرىنىڭ 2021 - جىلعى جىلدىق ءماجىلىسىنىڭ اشىلۋ سالتىندا بەينە ەكران تاسىلىمەن ارقاۋ ءسوز سويلەپ، قازىرگى حالىقارالىق، وڭىرلىك جاعداي مەن دۇنيە جۇزىلىك حاۋىپ - قاتەر، سىن - سايىستى كوزدە ۇستاپ، ازيا مەن دۇنيە ءجۇزىنىڭ دامۋىن، گۇلدەنۋىن جەبەۋ جونىنەن جۇڭگو ۇستانىمى مەن جۇڭگو جوباسىن جان - جاقتى، جۇيەلى پايىمداپ، 4 جاقتان اناعۇرلىم تىعىز سەرىكتەستىك قاتىناس ورناتۋدى ايقىن العا قويىپ، ماجىلىسكە قاتىناسقان سيلى قوناقتاردىڭ جاپپاي قۇپتاۋىنا يە بولىپ، حالىقارالىق قوعامنىڭ قىزۋ اڭىسىن قوزعادى.
«ءبىر بەلدەۋ، ءبىر جولدى» بىرگە قۇرۋدىڭ تالپىنىسى − دامۋ، ارداقتايتىنى − ورتاق يگىلىككە كەنەلۋ، تاراتاتىنى − ءۇمىت. 2013 - جىلى ءتوراعا شي جينپيڭ وسى كەلەلى باستامانى العا قويعاننان بەرى جۇڭگو 171 مەملەكەتپەن جانە حالىقارالىق ۇيىممەن 205 بىرگە قۇرۋ سەلبەستىك كەلىسىمىنە قول قويىپ، 2 مىڭنان استام نىساندى بىرگە ورىستەتىپ، «ءبىر بەلدەۋ، ءبىر جولدى» بىرگە قۇرۋدىڭ ساپالى دامۋ بەتالىسىمەن ۇزدىكسىز العا باسۋىن ىلگەرىلەتتى. 2020 - جىلدان بەرى كۇردەلى حالىقارالىق جاعداي، اسىرەسە، جاڭا تيپتى ايدارشا ۆيرۋس وكپە قابىنۋ ىندەتىنىڭ سوققىسى الدىندا جۇڭگو قاتىستى ەلدەرمەن ءوزارا قارايلاسىپ، قيىنشىلىقتاردى بىرگە جەڭدى، ساۋدا بارىس - كەلىسى ارتۋدى ساقتاپ، قارجى قوسۋ سەلبەستىگى ۇزدىكسىز تەرەڭدەپ، ەركىن ساۋدا رايونى قۇرىلىسىندا تىڭ تابىستارعا قول جەتكىزىپ، مەحانيزم تۇعىرىن اناعۇرلىم كەمەلدەندىرىپ، «ءبىر بەلدەۋ، ءبىر جولدى» بىرگە قۇرۋدى ىلگەرىلەتۋدە تىڭ ىلگەرىلەۋشىلىككە، تىڭ ونىمدىلىككە قول جەتكىزدى. اماليات «ءبىر بەلدەۋ، ءبىر جولدى» بىرگە قۇرۋ دۇنيە ءجۇزى ەكونوميكاسىنىڭ ارتۋىنا جاڭا ءورىس اشىپ، حالىقارالىق ساۋدا مەن قارجى قوسۋعا جاڭا تۇعىر ازىرلەپ، دۇنيە ءجۇزى ەكونوميكاسىن جونگە سالۋدى كەمەلدەندىرۋگە جاڭا اماليات اشىپ، ءار ەلدىڭ حالىق تۇرمىسىنىڭ ىرىس - قۇتىن ارتتىرۋعا تىڭ ۇلەس قوسقانىن تولىق دالەلدەدى.
قازىر عاسىرلىق وزگەرىس پەن عاسىرلىق ىندەت ارالاسىپ، قاباتتاسىپ، دۇنيە ءجۇزى اۋمالى - توكپەلى وزگەرىس كەزەڭىنە ءوتتى، ورنىقسىزدىق، تۇراقسىزدىق كورنەكتى جوعارىلادى. ءار ەلدىڭ تاعدىرى تىعىز بايلانىستى، ادامزات − تار جول، تايعاق كەشۋدەن بىرگە وتەتىن تاعدىرلاس ورتاق تۇلعا، ءوزارا بايلانىستى جەبەپ، اشىق، سيىسىمدى بولۋدان جازباۋ − دۇنيە جۇزىلىك داعدارىسقا توتەپ بەرۋدە جانە ۇزاق بولاشاقتىق دامۋدى جۇزەگە اسىرۋدا، ءسوز جوق، باسىپ وتەتىن جول، مۇندا «ءبىر بەلدەۋ، ءبىر جولدى» بىرگە قۇرۋ حالىقارالىق سەلبەستىگى ماڭىزدى رول اتقارادى، بۇل − ىندەت بىزگە سالعان تەرەڭ وي. «ءبىز اناعۇرلىم تىعىز دەنساۋلىق ساقتاۋ سەلبەستىك، سەرىكتەستىك قاتىناسىن، اناعۇرلىم تىعىز ۇلاسۋ، تۇتاسۋ سەرىكتەستىك قاتىناسىن، اناعۇرلىم تىعىز جاسىل دامۋ سەرىكتەستىك قاتىناسىن، اناعۇرلىم تىعىز اشىق، سيىسىمدى سەرىكتەستىك قاتىناسىن ورناتامىز». ءتوراعا شي جينپيڭ ورتاعا قويعان وسى 4 جاقتاعى سەرىكتەستىك قاتىناس جۇڭگونىڭ اشىق، سيىسىمدى بولۋ ۇستانىمىنان جازباي، ءوزارا پايدا جەتكىزىپ، تەڭ يگىلىككە كەنەلۋدى جۇزەگە اسىراتىن بەرىك مايدانىن بەينەلەدى، جۇڭگونىڭ ءىس جۇزىندىك ارەكەت ارقىلى بىرگە دامۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋعا ءتيىستى ۇلەس قوسۋداعى ءىرى ەلدىك جاۋاپكەرلىگىن ايگىلەدى.
ءتوراعا شي جينپيڭ بىلاي دەپ دارىپتەدى: «<ءبىر بەلدەۋ، ءبىر جول> − كوپشىلىك قول ۇستاسا العا تارتاتىن نۇرلى داڭعىل جول، بەلگىلى ءبىر جاقتىڭ مەنشىگىندەگى شاعىن جولى ەمەس. قىزىعاتىن ەلدەردىڭ بارلىعى بىرگە ات سالىسسا، بىرگە سەلبەسسە، بىرگە يگىلىككە كەنەلەدى». «ءبىر بەلدەۋ، ءبىر جولدى» ۇزدىكسىز جوعارى ساپامەن بىرگە قۇرۋدا جۇڭگونىڭ شىنايى تىلەگى، ءتىپتى، ناقتى ارەكەتى بار. بولاشاققا بەت العاندا، ءبىز ىندەتتەن ساقتانۋ - تىزگىندەۋ، الەۋمەتتىك دەنساۋلىق ساقتاۋ، ءداستۇرلى ءدارى - دارمەك سياقتى سالالاردا ءار جاقپەن سەلبەستىكتى كەڭەيتەمىز، ءار ەل حالقىنىڭ باس اماندىعى مەن دەنساۋلىعىن بىرگە قورعايمىز؛ ءار جاقپەن قول ۇستاسىپ، نەگىزدىك قۇرىلعىلاردىڭ «قاتتى بولشەك تۇرعىسىنان ۇلاسۋىن»، سونداي - اق ەرەجە - ولشەمدەردىڭ «جۇمساق بولشەك تۇرعىسىنان ۇلاسۋىن» كۇشەيتىپ، ساۋدا جانە قارجى قوسۋ سەلبەستىك ارناسىن ىركىلىسسىزدەندىرىپ، جىبەك جولى ەلەكتروندى ساۋداسىن بەلسەنە دامىتىپ، توعىسپالى دامۋدىڭ نۇرلى بولاشاعىن بىرگە اشامىز؛ جاسىل نەگىزگى قۇرىلىس، جاسىل ەنەرگيا، جاسىل فينانس سياقتى سالالارداعى سەلبەستىكتى كۇشەيتىپ، «ءبىر بەلدەۋ، ءبىر جول» جاسىل دامۋ حالىقارالىق وداعى، «ءبىر بەلدەۋ، ءبىر جول» جاسىل قارجى قوسۋ پرينسيبى سياقتى كوپ جاقتى سەلبەستىك تۇعىرىن كەمەلدەندىرىپ، جاسىل ءتۇستى «ءبىر بەلدەۋ، ءبىر جولدى» بىرگە قۇرۋدىڭ نەگىزگى استارىنا شىن مانىندە اينالدىرامىز؛ اشىق، سيىسىمدى بولۋ رۋحى بويىنشا، قاتىناسۋدى قالايتىن قاتىستى جاقتارمەن بىرگە قۇلشىنىپ، «ءبىر بەلدەۋ، ءبىر جولدى» «كەدەيلىكتى ازايتۋ جولى»، «ەكونوميكانى ارتتىرۋ جولى» ەتىپ قۇرىپ شىعىپ، ادامزاتتىڭ بىرگە گۇلدەنىپ - كوركەيۋىنە بەلسەندى ۇلەس قوسامىز.
وتكەنگە كوز جىبەرسەك، باستاما تەرەڭ تامىر تارتىپ، سۇبەلى تابىستارعا قول جەتكىزدى؛ بولاشاققا كوز جىبەرسەك، قول جەتكەن ناتيجەگە قاناعاتتانباي، ونان ارى ىلگەرىلەي ءتۇسۋىمىز قاجەت. «ءبىر بەلدەۋ، ءبىر جولدى» جوعارى ساپامەن ۇزدىكسىز بىرگە قۇرىپ، «ءبىر بەلدەۋ، ءبىر جولدى» ىنتىماقتاسا وتىرىپ سىن - سايىسقا توتەپ بەرۋدىڭ سەلبەستىك جولىنا، حالىقتىڭ سالاماتتىق حاۋىپسىزدىگىن قورعاۋدىڭ سالاماتتىق جولىنا، ەكونوميكانىڭ، قوعامنىڭ قالپىنا كەلۋىن جەبەيتىن قايتا گۇلدەنۋ جولىنا، دامۋ كومەسكى كۇشىن اشاتىن ارتۋ جولىنا اينالدىرساق، ءار ەلدىڭ سەلبەستىگىنە اناعۇرلىم كوپ وراي ازىرلەپ، دۇنيە ءجۇزى ەكونوميكاسىنىڭ قالپىنا كەلۋى مەن ارتۋىنا اناعۇرلىم مىعىم قوزعاۋشى كۇش ۇستەي الامىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
