شىكۋمىننان نانحۋ كولىنىڭ جاعاسىنا دەيىن اۋەلگى ماقسات 100 جىلدىق تاريحي بارىستا بەكەمدەلە ءتۇستى
− باس شۋجي شي جينپيڭ بارعان قىزىل قاسيەتتى جەرلەر: شاڭحاي، جىجياڭ ءبولىمى
شينحۋا اگەنتتىگىنىڭ تىلشىلەرى / ياڭ جينجى، يۋان جىنيۇي، گو جيڭدان، تاڭ تاۋ
2021.05.18 16:40 كەلۋ قاينارى : شينجياڭ گازەتى
”بەتاشار“
پارتيانىڭ 18 - قۇرىلتايىنان بەرى جۇڭگو كوممۋنيستىك پارتياسى 1 - قۇرىلتايىنىڭ جۇرتىنان، جياشيڭ نانحۋ توڭكەرىستىك ەسكەرتكىش سارايىنان شيبايپوداعى 7 - كەزەكتى ورتالىق كوميتەتتىڭ ەكىنشى جالپى ءماجىلىسىنىڭ كونە جۇرتىنا دەيىن، يمىڭ بايىرعى رايونىنان شياڭجياڭ شايقاسى ەسكەرتكىش باقشاسىنا دەيىن... باس شۋجي شي جينپيڭنىڭ ”قىزىل ىزدەرى“ چاڭجياڭنىڭ وڭتۇستىگى مەن سولتۇستىگىنە تارادى. 5 - ايدىڭ 17 - كۇنىنەن باستاپ، گازەتىمىز ”جاڭا يدەيامەن جاڭا ساپارعا جەتەكشىلىك ەتۋ . قىزىل ىزدەر“ ايدارىن اشىپ، توعىسپالى حابارلاۋ تاسىلىمەن باس شۋجي شي جينپيڭنىڭ ”قىزىل ىزدەرىنە“ ءۇڭىلىپ، قىزىل قاسيەتتى جەرلەردىڭ توڭكەرىستىك تاريحىن قايتالاي ەسكە الىپ، كادرلار مەن بۇقارانىڭ قىزىل گەندى جالعاستىرۋداعى، جەرگىلىكتى ورىنداردىڭ بەت - بەينەسىن وزگەرتۋدەگى، حالىق تۇرمىسىنىڭ قۇت - ىرىسىن جاقسارتۋداعى جاندى امالياتىن بەينەلەيدى.
شاڭحاي، شيڭيە جولى 76 - ءنومىر، جۇڭگو كوممۋنيستىك پارتياسى 1 - قۇرىلتايىنىڭ جۇرتى؛
جىجياڭ، جياشيڭ نانحۋ كولى، توڭكەرىستىك قىزىل كەمەنىڭ ساپارعا شىققان جەرى.
100 جىلدىڭ الدىندا ورتاشا جاس شاماسى 28 جاستاعى جۇڭگو كوممۋنيستىك پارتياسى 1 - قۇرىلتايىنىڭ 13 ۋاكىلى شاڭحايداعى جاي كوشە شىكۋمىندە ”سونى ءورىس اشاتىن ءىرى وزگەرىس“ تۋدىرۋعا دايىندالدى؛ قۇرىلتاي ورتا جولدا ءۇزىلىس جاساپ ورىن اۋىستىرۋعا ءماجبۇر بولىپ، جياشيڭنىڭ نانحۋ كولىندەگى ءبىر كىشكەنە كەمەدە ”جۇڭگو كوممۋنيستىك پارتياسى جاساسىن!“ دەگەن اسقاق ءۇندى ۇزدىكسىز شىعانداتتى.
ماڭىزدى نىشاندىق مانگە يە جۇڭگو توڭكەرىسىنىڭ 2 بۇرىنعى جۇرتى قىزىل تاريحتىڭ بەتاشارىنا كۋا بولدى.
پارتيانىڭ 19 - قۇرىلتايى جابىلعاننان كەيىن كوپ وتپەي، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ بەيجيڭنەن ارنايى شاڭحايعا جانە جىجياڭنىڭ جياشيڭىنە بارىپ، شاڭحايداعى جۇڭگو كوممۋنيستىك پارتياسى 1 - قۇرىلتايىنىڭ بۇرىنعى جۇرتىن جانە جىجياڭ جياشيڭىنىڭ نانحۋ كولىندەگى قىزىل كەمەنى قۇرمەتپەن كوردى.
بۇگىن ءبىز 3 اپپارات كوزى ارقىلى توڭكەرىستىڭ ۇشقىنىن ىزدەيمىز؛ ۋاقىت پەن كەڭىستىك توعىسىندا اۋەلگى ماقساتتىڭ ۋاقىت وتكەن سايىن بەكەمدەلە تۇسكەندىگىن ەسكە الامىز.
”پارتيا قۇرىلعان كەزدەگى ءاربىر مادەني مۇرالاردىڭ ءبارى اسا باعالى، ءار كورىنىس تۇگەلدەي تەرەڭ ويعا سالادى“
【ەرەكشە كورىنىس . شىكۋمىن】
2017 - جىلى 10 - ايدىڭ 31 - كۇنى، شاڭحاي، جۇڭگو كوممۋنيستىك پارتياسى 1 - قۇرىلتايىنىڭ جۇرتى.
شىكۋمىنعا كىرگەندە ءبىر كىتاپشا قويىلعان كورمە سورەسىنىڭ الدىندا شي جينپيڭ ۇزاق تۇرىپ بايىرقالاي قارادى. بۇل 1920 - جىلى 9 - ايدا باسپادان شىققان «كوممۋنيستىك پارتيا جارناماسىنىڭ» جۇڭگو تىلىندەگى اۋدارما نۇسقاسى. تۇسىندىرمەشى ونى ءبىر كوممۋنيستىڭ اكەسى كيىم قابىرىنا كومىپ ساقتاپ قالعاندىعىن ايتتى. باس شۋجي مۇنى ەستىپ نەشە قايتالاپ وتە باعالى ەكەن دەي كەلىپ: بۇل مادەني مۇرالار تاريحتىڭ كۋاسى، جاقسى ساقتاۋ، ويداعىداي پايدالانۋ كەرەك، - دەدى.
بورىشتى ومىرىنەن دە ماڭىزدى ساناعان جاۋاپكەرشىلىك − ءار ۇرپاق جۇڭگو كوممۋنيستەرىنىڭ ادال جۇرەگى. الىپ پارتيا تۋىنىڭ الدىنا كەلىپ، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ پارتياعا مۇشە بولۋ سەرتىن بىرگە قايتالاي ەسكە الدى، اسقاق تەبىندى سەرت ءۇنى قىزىل گەننىڭ تاسقىنداعان ومىرشەڭدىك كۇشىن ايگىلەدى.
【قىستىرما بايان】
”باس شۋجيدىڭ ءار رەتكى بايىرقالاي قاراۋى، زەر سالا كورۋى، سۇراستىرۋى تۇگەلدەي اۋەلگى ماقساتقا ءۇڭىلۋ جانە تاريحقا دەگەن قۇرمەت“. سول كەزدەگى كورىنىستى ەسكە العاندا، تۇسىندىرۋگە قاتىناسقان جۇڭگو كوممۋنيستىك پارتياسى 1 - قۇرىلتايى ەسكەرتكىش سارايىنىڭ تەتە اعا زەرتتەرمەنى ياڭ يۇي ادامدى جەلپىندىرەتىن كۇش - قۋاتتى ءالى دە سەزىنۋدە. ”باس شۋجي ايتقانداي، پارتيامىزدىڭ تۇتاس تاريحى جۇڭگو كوممۋنيستىك پارتياسىنىڭ 1 - قۇرىلتايىنان باستالعان، ءبىز قانشا الىستارعا بارساق تا كەلگەن جولىمىزدى ۇمىتپاۋىمىز كەرەك“.
【ەرەكشە كورىنىس . نانحۋ كولىنىڭ جاعاسى】
سول كۇنى تۇستەن كەيىن باس شۋجي شي جينپيڭ مەن ساپارلاستارى توڭكەرىستىك اعا بۋىنداردىڭ ىزىمەن شاڭحايدان پويەزعا وتىرىپ جياشيڭعا بارىپ، نانحۋ كولىندەگى قىزىل كەمەنى قۇرمەتپەن كوردى. 100 جىلدىڭ الدىنداعى جاز كۇنى شاڭحايدا اشىلىپ جاتقان جۇڭگو كوممۋنيستىك پارتياسىنىڭ 1 - قۇرىلتايى شاڭحايداعى فرانسيا جالعا العان جەردىڭ شارلاۋشىلارىنىڭ كەدەرگىلىك جاساۋ سەبەبىنەن شۇعىل ورىن اۋىستىرىپ، جىجياڭنىڭ جياشيڭىنىڭ نانحۋ كولىندەگى ءبىر شاعىن كەمەدە ۇزدىكسىز اشىلىپ، كەمەدە قۇرىلتايدىڭ بارلىق كەڭەستىك تارتىپتەرىن اياقتاتتى.
نانحۋ توڭكەرىستىك ەسكەرتكىش سارايىندا شي جينپيڭ ۇزاق بايىرقالاپ تۇردى. سول جىلى تۇتاس بارىستا بىرگە بولعان تۇسىندىرمەشى يۋان جيڭنىڭ ءالى ەسىندە، باس شۋجي سارايداعى ءاربىر سۋرەتتى، ءار ابزاتس جازۋدى زەر سالا كورىپ، اسىلىندە جارىم ساعات بولادى دەپ تۇراقتاندىرىلعان ەكسكۋرسيانىڭ ۋاقىتى ءبىر ساعاتقا ۇزاردى. بۇل ارادا كورمەگە قويىلعان ناقتى زاتتار جانە سۋرەتتەر مەن شاڭحايداعى جۇڭگو كوممۋنيستىك پارتياسى 1 - قۇرىلتايى جۇرتىنىڭ كورمەسى ءبىر - بىرىنە ايعاق بولىپ، جۇڭگو كوممۋنيستىك پارتياسى دۇنيەگە كەلۋىنىڭ تاريحي جالپى بەينەسىن ەگجەي - تەگجەيلى ەستەلىككە العان.
باس شۋجي شي جينپيڭ اتاپ كورسەتكەندەي، شاڭحايداعى پارتيا 1 - قۇرىلتايىنىڭ جۇرتى، جياشيڭنىڭ نانحۋ كولىندەگى قىزىل كەمە پارتيامىزدىڭ ارمانعا قانات قاققان جەرى. پارتيامىز وسى جەردە دۇنيەگە كەلىپ، وسى جەردەن ساپارعا اتتانىپ، وسى جەردەن باستاپ بۇكىل ەلگە بيلىك جۇرگىزدى. بۇل ارا پارتيامىزدىڭ ءتۇپ تامىرى.
【قىستىرما بايان】
”5 جىلعا تاياۋ ۋاقىتتا نانحۋ توڭكەرىستىك ەسكەرتكىش سارايىن 8 ميلليون 920 مىڭ ادام - رەت ەكسكۋرسيالادى، ولار پارتيانىڭ تاريحىنان ماڭگى ۇمىتىلماس اۋەلگى ماقساتتى قايتالاي ەسكە الىپ، ۋاقىت وتكەن سايىن جاڭارعان رۋحتى سەزىندى. ءىرى پارتيا مەن شاعىن كەمە، تارلاندىق پەن جاستىق كوكتەم، بورىش پەن جاۋاپكەرشىلىك، ءاربىر تەبىرەنىس تۇگەلدەي اۋەلگى ماقساتتان كەلگەن“، - دەدى يۋان جيڭ.
”تەك اۋەلگى ماقساتتى ۇمىتپاعاندا عانا، تاريحتى، اعا بۋىنداردى الاڭسىز ەتۋگە بولادى“
【ۇلاسپالى كورىنىس. شىكۋمىن】
جۇڭگو كوممۋنيستىك پارتياسى 1 - قۇرىلتايىنىڭ جۇرتىنان باتىسقا قاراي 800 مەتر قاشىقتىقتاعى جەر، بايىرعى يۇيياڭلي، جۇڭگو كوممۋنيستىك پارتياسىن قۇرۋ گرۋپپاسى قۇرىلعان جەر؛ سولتۇستىككە قاراي شامامەن ءبىر كيلومەتر قاشىقتىقتاعى جەر، فۋدىلي، جۇڭگو كوممۋنيستىك پارتياسى 2 - قۇرىلتايىنىڭ جۇرتى؛ وڭتۇستىككە قاراي شامامەن 500 مەتر قاشىقتىقتاعى جەر، چىڭيۇيلي، «كوممۋنيستىك پارتيا جارناماسىنىڭ» جۇڭگو تىلىندەگى العاشقى تولىق اۋدارما نۇسقاسى باسىلعان يوۋشين باسپاحاناسىنىڭ كونە جۇرتى...
بيىك عيماراتتار اسپانمەن بوي تالاسقان شاڭحايدا بارلىق جەردەن شىكۋمىنليدەگى قىزىل تاريحتى − 600 نەشە جەردەگى قىزىل ىزدەردى، جۇرتتاردى جانە ەسكەرتكىش قۇرىلعىلارىن كورۋگە بولادى، قىزىل گەن قالانىڭ قان تامىرىمەن توعىسىپ كەتكەن. قىزىل جەر بەلگىسى تالانتتىلاردىڭ اۋەلگى بەينەسىن ايگىلەپ، ءتىپتى كوپ جاستاردى قۇلاشىن كەڭ جايعان ايبىندى 100 جىلدى سەزىنۋگە باۋرادى.
”گۇلدى ونىڭ قابىرىنىڭ الدىنا قويعان كەزىمدە ىشتەي قاتتى قايعىردىم، ونىڭ بەينەسىن اقىرى انىق كوردىم“. جۇڭگو كوممۋنيستىك پارتياسىنىڭ 1 - قۇرىلتايىنىڭ جۇرتىنان شامامەن 7 كيلومەتر قاشىقتىقتا لۇڭحۋا قۇرباندار قابىرستانى بار. «ويانعان جىلداردا» چىن چياۋنياننىڭ رولىن سومداعان جاس اكتەر ما چييۋە چىن ياننيان، چىن چياۋنيان قۇربانداردىڭ قابىرى الدىندا ءيىلىپ تاعزىم ەتتى. جاس توڭكەرىسشىلەر ۇزاق ۇيقىدا جاتىر، ءبىراق رياسىز اۋەلگى ماقسات ۋاقىت پەن كەڭىستىكتەن ءوتىپ، جاڭا داۋىردەگى جاستاردى ءالى دە جىگەرلەندىرۋدە.
كونە جۇرتتاردى پارتيا تاريحىنىڭ ”ساباقحاناسىنا“، مادەني ەسكەرتكىش تاريحي ماتەريالدارىن پارتيا تاريحىنىڭ ”وقۋلىعىنا“، قاھارمان قۇربان ۇلگىلەردى پارتيا تاريحىنىڭ ”وقىتۋشىلارىنا“ اينالدىردى − جۇرگىزىلىپ جاتقان پارتيا تاريحىن ۇيرەنۋ تاربيەسىندە شاڭحاي قىزىل قالانىڭ داڭقتى تاريحىنىڭ شۇعىلاسىن شاشتىردى.
【قىستىرما بايان】
”بوز بالا اتتاندى الىس ساپارعا، ەسكى شابادانىن تولتىرىپ ارمانعا...“ تاياۋدا شاڭحاي قالاسى جيڭان رايونىنىڭ ءتول قىزىل دراماسى − «فۋدىلي» كوممۋنيستەردىڭ كيىمى كومىلگەن قابىردا ساقتالعان حۇجاتتار جونىندەگى حيكايالاردى ساحناعا الىپ شىقتى، مۇنى نەگىزىنەن ورتاشا جاس شاماسى 28 جاس اينالاسىنداعى جاستار ۇجىمى دايىنداعان. ”100 جىلدىق ’ۋاقىت پارقىن‘ شىعارىپ تاستاساق، اعا بۋىندار، ءىس جۇزىندە، بىزبەن ’قاتارلاس ادامدار‘. ولار ومىرلەرىمەن اۋەلگى ماقساتتى، بورىشتى امالياتتا ايگىلەپ، بىزگە ۇلىلىقتىڭ وسىنداي ناقتى ەكەنىن، قۇربان بەرۋدىڭ تايشان تاۋىنان دا قادىرلى ەكەنىن كورسەتتى“، - دەدى ”90 - جىلداردىڭ تۇلەگى“، «فۋدىليدىڭ» سەناريسشىسى ۋ بيڭ.
【ۇلاسپالى كورىنىس . نانحۋ كولىنىڭ جاعاسى】
”نانحۋ كولى بۇيرالانا تولقيدى، شاعىن قىزىل كەمە ساپارعا جول باستادى...“ جياشيڭ قالاسىنىڭ 1 - بالاباقشاسىندا تاربيەشى يۋان يىڭ بالالارعا «قىزىل كەمە ولەڭىن» ۇيرەتىپ جاتتى، ”قىزىل كەمە رۋحى“ ارناۋلى تاقىرىپتىق تاربيە وقىتۋ ماتەريالىنان الىنعان وسى ولەڭ تىلگە جەڭىل، جۇرەككە جىلى تيەدى. بۇگىنگى كۇندە جياشيڭنىڭ ”قىزىل كەمە رۋحى“ ارناۋلى تاقىرىپتىق وقىتۋى بۇكىل قالاداعى مەكتەپكە دەيىنگى تاربيەدەن ورتا مەكتەپكە دەيىنگى ءارقايسى وقۋ كەزەڭىن قامتىدى ءارى ”قىزىل كەمە رۋحىن“ وقۋشىلاردىڭ ءمورال تاربيەسى امالياتىمەن جانە كاسىپتىك ءومىر جوباسىمەن تىعىز بايلانىستىردى.
نانحۋ كولىنىڭ جانىنداعى جياشيڭ شۋەيۋانىندا ءبىر توپ وقىتۋشى - وقۋشى پارتيا قۇرىلعان العاشقى تۇستاعى داڭقتى جىلداردى «اۋەلگى ماقسات» اتتى پيەسا ەتىپ قۇراستىردى، جۇڭگو كوممۋنيستىك پارتياسىنىڭ 1 - قۇرىلتايىنىڭ ناقتى تاريحي ماتەريالىنداعى ەستەلىكتەردى نەگىزگى كورىنىس ەتىپ، ”قىزىل كەمە رۋحىنىڭ“ داۋىرلىك تارتىمدىلىعىن قايتا ايگىلەدى. 2017 - جىلى تۇڭعىش رەت قويىلعاننان بەرى نەشە كەزەك وقۋشىلار «اۋەلگى ماقساتتى» ورىنداپ، پارتيا تاريحىن ۇيرەندى، ۇجىمدا ىلگەرىندى - كەيىندى 200 نەشە ادام پارتياعا مۇشە بولۋ ءوتىنىشىن تاپسىردى.
【قىستىرما بايان】
”ءبىر رەتكى پيەسا ءبىر رەتكى جاندى پارتيا تاريحى ۇگىت - لەكسياسى، سونداي - اق نانىمى بار جاستاردىڭ ءتىپتى كوپ جاستارعا ايتقان نانىم حيكاياسى. تاريح كۇرەسپەن وتكەن كۇندەردى ەستە بەرىك ساقتاپ قانا قويماي، وتە - موتە، بىزگە كۇرەس جۇرگىزۋ بولاشاعىن كورسەتىپ بەردى“، - دەدى «اۋەلگى ماقسات» پيەساسىنىڭ جەتەكشى وقىتۋشىسى ۋاڭ جينچاۋ.
”حالىقتى ۇزدىكسىز باستاپ، اناعۇرلىم باقىتتى دا تاماشا تۇرمىس جاراتتى“
【تولىق كورىنىس . شىكۋمىن】
حۋاڭپۋجياڭ وزەنىن بويلاي كوز جىبەرگەندە، 5.5 كيلومەتر ۇزىندىقتا سوزىلىپ جاتقان شاڭحاي ياڭپۋ بينجياڭ اۋماعىنىڭ وڭتۇستىك بولەگىندەگى قالىڭ ونەركاسىپ جۇرناقتارى ەندىگارى ”ونەركاسىپتىك تات باسقان ءوڭىر“ بولۋدان قالدى، نەگىزگى تاقىرىبى ايقىن، سىرتقى فورماسى ەرەكشە 7 ايالداما ساياحاتشىلاردىڭ بينجياڭنىڭ كوركەم كورىنىسىن تاماشالاۋىنا، سونىمەن بىرگە دامىلداپ تىنىعىپ ”تۇرمىستىڭ كوركەم كورىنىسىنەن“ ءلاززات الۋىنا مۇمكىندىك جاسايدى.
حۋاڭپۋجياڭ وزەنىنىڭ قارسى جاعاسىندا جۇڭگوداعى ءبىرىنشى بيىك عيمارات شاڭحاي ورتالىعىنىڭ 22 - قاباتىنداعى لۋجيازۇي فينانس ورتالىعىنىڭ پارتيا مۇشەلەرى، بۇقارا قىزمەت وتەۋ سەنترىنىڭ ورنى كەڭ، قيمىلى باي مازمۇندى، لۋجيازۇيدەگى كاسىپورىندار، اق جاعالىلار وسى جەردەن ۇيىمنىڭ، وتباسىنىڭ مەيىرىن سەزىنە الادى.
كوجە قاتىق، استىق، سۋ، توك، كومىر، گاز... شاڭحاي قالاسىنىڭ چىڭيۇن زالىنداعى ۇلكەن ەكراننان ”ءبىر جەلىدە ءبىر تۇتاس باسقارۋ“ حالىق تۇرمىسىن قامتاماسىز ەتۋ تۇرىندەگى ”تابىس سەزىمى“ ساندى مالىمەتتەرى ءسات سايىن كورىنىپ تۇرادى؛ تۇرعىنداردىڭ قولىنداعى جىلجىمالى تەرمينالدا ”ءبىر جەلىدە ءبىر تۇتاس ءبىتىرۋ“ ارقىلى ”ءبىر ءىستى جوعارى ءونىمدى ءبىتىرۋدى“ نىسانا ەتكەن − اسا ۇلكەن قالانى سيفرلى جونگە سالۋدىڭ ”ەكى جەلىسى“ حالىق ءۇشىن قىزمەت ىستەۋدەگى جاسامپازدىق كۇشىن ايگىلەدى.
【قىستىرما بايان】
”100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى، جۇڭگو كوممۋنيستەرىنىڭ اۋەلگى ماقساتى حالىققا دەگەن قالتقىسىز سۇيىسپەنشىلىكتەن كەلگەن“، - دەدى جۇڭگو كوممۋنيستىك پارتياسى شاڭحاي قالالىق كوميتەتى پارتيا مەكتەبىنىڭ ۇنەمىلىك ىستەرگە جاۋاپتى ورىنباسار مەكتەپ باستىعى شۇي جيانگاڭ، - پارتيانىڭ دۇنيەگە كەلۋى شاڭحايعا وزگەشە رۋحاني جىگەر - قايرات باعىشتاپ، ”حالىقتىڭ قالاسىن حالىق قۇرۋ، حالىقتىڭ قالاسى حالىق ءۇشىن ىستەۋ“ ۇستانىمىن جاڭا داۋىردە ءتىپتى دە جالىنداتتى ءارى جالعاستىردى.
【تولىق كورىنىس . نانحۋ كولى جاعاسى】
2005 - جىلى جياشيڭداعى بارلىق قىستاقتارعا تاس جول تۇتاستىرىلىپ بولدى؛ 2018 - جىلى قالا، اۋىلداعى ءبىر تۇتاس نەگىزگى ەمدەۋ قامسىزداندىرۋى ساياساتى شىعارىلدى؛ اۋىل - قىستاق تۇرعىندارىنىڭ جان باسىندىق ورتاشا قولداعى تابىسى ءۇرتىس 16 جىل تۇتاس ولكە بويىنشا ءبىرىنشى بولدى... بۇل كۇندەرى جياشيڭدا قارتايعاندا كۇتىمگە الىناتىن، بالالار وقي الاتىن بولدى، كورىنىسى كوركەم، ادامى بەرەكەلى، حالىق بۇقاراسى شىنايى تابىس سەزىمىنە، باقىت سەزىمىنە، حاۋىپسىزدىك سەزىمىنە بولەنىپ، جوعارى ورەلى، بىركەلكى دامۋدىڭ تاماشا كارتيناسىن ايشىقتادى.
جياشيڭ قالاسىنداعى ”96345“ الەۋمەتتىك اۋماق قىزمەت وتەۋ كومەك سۇراۋ ورتالىعىندا وسى ورتالىقتىڭ پارتيا ياچەيكاسىنىڭ شۋجيى لو يەچيڭ مەن قىزمەتتەستەرى ءار كۇنى جۇزدەگەن، مىڭداعان كومەك سۇراۋ تەلەفوندارىن قابىلدايدى. قۇرىلعان 10 نەشە جىلدان بەرى وسى ورتالىق جيىنى 4 ميلليون 400 مىڭنان استام رەت كومەك سۇراۋ تەلەفونىن قابىلداپ، ءبىتىرۋ مولشەرى ％100، رازى بولۋ مولشەرى ％99.95 بولعان.
100 جىلدىڭ الدىندا ءبىر قىزىل كەمە جياشيڭنىڭ نانحۋ كولىنەن اتتانىپ، ءبىر ۇلتتى وتاندى جويىلۋدان قۇتقارۋدىڭ ايبىنى اسقاق ەپوسىن جازۋعا باستادى؛ 100 جىلدان كەيىن نانحۋ كولىنىڭ تۇنىق سۋى سول قالپى تۇر، قىزىل جەر شىت جاڭا تۇسكە ەندى.
【قىستىرما بايان】
”قىزىل كەمە جۇڭگو كوممۋنيستەرىنىڭ اۋەلگى ماقساتى مەن نانىمىن شوعىرلاندىردى، ءبىراق نانىم جۇرتشىلىقتان قول ۇزگەن، نەگىزسىز ەلەس ەمەس، قايتا بۇكىل ىنتا - پەيىلمەن حالىق ءۇشىن قىزمەت ىستەۋدە ايگىلەنەدى“، - دەدى لو يەچيڭ. كىشكەنتاي قىزىل كەمە بۇل كۇندەرى اسقاق الىپ پاروحودقا اينالىپ، ءبىر ميلليارد 400 ميلليون حالىقتىڭ جۇڭگو ارمانىن تيەپ، تولقىن جارا، جەلكەن جايىپ الىسقا ساپار شەگىپ بارادى.
(شينحۋا اگەنتتىگىنىڭ 5 - ايدىڭ 16 - كۇنى شاڭحايدان بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
