شينجياڭنىڭ كوپتەگەن سالاسى ورتالىقتىڭ مەجە ەسەپ ىشىندەگى قارجى قوسىپ قولداۋىنا يە بولدى
2021.08.05 17:19 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى شى شين 8 - ايدىڭ 3 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، بيىل جىل باسىنان بەرى رايونىمىزدىڭ دەنساۋلىق ساقتاۋ جانە سالاماتتىق، وقۋ - اعارتۋ، مادەنيەتتى قورعاۋ، جالعاستىرۋ سياقتى كوپتەگەن سالاسى ورتالىقتىڭ مەجە ەسەپ ىشىندەگى قارجى قوسىپ قولداۋىنا يە بولعان.
مۇنىڭ ىشىندە دەنساۋلىق ساقتاۋ جانە سالاماتتىق سالاسى 2021 - جىلى 1 - توپتا ورتالىقتىڭ مەجە ەسەپ ىشىندە ءبىر ميلليارد 51 ميلليون يۋان قارجىسىنا يە بولعان، مۇندا جۇقپالى اۋرۋلاردان ساقتانۋ، تىزگىندەۋدىڭ وسىزاماندانعان جۇيەسى قۇرىلىسى، اۋدان دارەجەلى شيپاحانالاردىڭ ولشەمىن جوعارىلاتىپ، يقۋاتىن كەڭەيتۋ قۇرىلىسى سياقتى 58 نىساندى قولداعان. وسى رەتكى قارجى قوسۋ جوسپارى «جالپى حالىقتىڭ دەنساۋلىعىن قامتاماسىز ەتۋ ينجەنەرياسى قۇرىلىسى جوباسى» مەن «وڭىرلىك ەمدەۋ ورتالىعى قۇرىلىسىنىڭ سىناق ءتۇيىن قىزمەتى جوباسىندا» ايقىندالعان قىزمەت مىندەتتەرىنە، سونداي - اق ”14 - بەسجىلدىق“ كەزىندە ورىستەتىلەتىن دەنساۋلىق ساقتاۋ جانە سالاماتتىق سالاسىنداعى كەلەلى ينجەنەريالارعا شوعىرلاندىرىلىپ، اۆتونوميالى رايوننىڭ ەمدەۋ - دەنساۋلىق ساقتاۋ نىساندارى قۇرىلىسىن قولداپ، ەمدەۋ - دەنساۋلىق ساقتاۋ قۇرىلىمدارىنداعى ءالسىز بۋىنداردىڭ نەگىزدىك قۇرىلعى شارت - جاعدايىن جالپى بەتتىك جاقسارتىپ، نەگىزگى ساتىداعى ەمدەۋ - دەنساۋلىق ساقتاۋ قۇرىلىمدارىنىڭ قىزمەت وتەۋ قابىلەتىن جوعارىلاتىپ، ساپالى ەمدەۋ بايلىعىنىڭ كەڭەيۋىن جانە وڭىردەگى بىركەلكى ورنالاسۋىن تەزدەتىپ، قۋاتتى الەۋمەتتىك دەنساۋلىق ساقتاۋ جۇيەسىن قۇرىپ، حالىق بۇقاراسىنىڭ سالاماتتىعىنا كەلەلى قامتاماسىزدىق ازىرلەگەن.
وقۋ - اعارتۋ سالاسى وقۋ - اعارتۋدا قۇدىرەتتى ەل قۇرۋعا دەم بەرۋدى ىلگەرىلەتۋ ينجەنەرياسى قۇرىلىسى بويىنشا 943 ميلليون يۋان قارجىعا يە بولدى، بۇل نەگىزدىك وقۋ - اعارتۋ ارقىلى كەدەيلىكتەن ارىلتۋ جەتىستىگىن بەكەمدەۋ، كاسىپتىك وقۋ - اعارتۋدا ءوندىرىس پەن وقىتۋدى توعىستىرۋ، جوعارى دارەجەلى وقۋ - اعارتۋدىڭ ماندىك دامۋى سىندى 3 ءىرى ارناۋلى تۇردەگى 86 قۇرىلىس نىسانىنا ورنالاستىرىلعان. وسى رەتكى قارجى قوسۋ جوسپارىندا بۇرىنعى اۋىر كەدەي وڭىرلەردىڭ نەگىزدىك وقۋ - اعارتۋ ارقىلى كەدەيلىكتەن ارىلتۋدان قامال الۋ جەتىستىگىن بەكەمدەۋدى قولداۋ، كاسىپتىك وقۋ - اعارتۋداعى ءوندىرىس پەن وقىتۋدىڭ توعىسۋىن تەرەڭدەتۋ، جوعارى وقۋ - اعارتۋدىڭ ماندىك دامۋىن جەبەۋ، وقۋ - اعارتۋ رەفورماسىنىڭ، دامۋىنىڭ ومىرشەڭدىك كۇشىن ارتتىرۋ، وقۋ - اعارتۋدا قۇدىرەتتى ەلدى جەدەل قۇرۋ سياقتى ءتۇيىندى مىندەتتەر تىعىز ارقاۋ ەتىلگەن.
ۇعىسۋعا قاراعاندا، وسى نىسانداردىڭ ءساتتى جۇرگىزىلۋى − رايونىمىزدىڭ بۇرىنعى اۋىر كەدەي وڭىرلەرىنىڭ وقىتۋ جۇرگىزۋ نەگىزىن اناعۇرلىم جاقسارتىپ، نەگىزدىك وقۋ - اعارتۋدىڭ عىلمي دارەجەمەن قامداۋىن كەڭەيتىپ، ءار ۇلت بۇقاراسىنىڭ ءبىلىم الۋ ۇقىعىن پارمەندى قامتاماسىز ەتەدى؛ كاسىپتىك شۋەيۋان، مەكتەپتەردىڭ نەگىزدىك قۇرىلعى ورەسىن جوعارىلاتىپ، كاسىپتىك وقۋ - اعارتۋدا ءوندىرىس پەن وقىتۋدىڭ توعىسۋىن، مەكتەپتەر مەن كاسىپورىنداردىڭ سەلبەستىگىن تەرەڭدەتىپ، كاسىپتىك شۋەيۋان، مەكتەپتەردىڭ كوتەرۋ قۋاتىن كەڭەيتەدى؛ جوعارى وقۋ - اعارتۋدىڭ ماندىك دامۋىن ۇزدىكسىز ىلگەرىلەتىپ، جوعارى مەكتەپتەردىڭ جاڭاشىل جوعارى جىكتەگى دارىندىلاردى باۋلۋىن كۇشەيتىپ، جوعارى وقۋ - اعارتۋدىڭ رايونىمىزدىڭ ەكونوميكالىق، قوعامدىق دامۋىنداعى تىرەكتىك، جەتەكشىلىك رولىن جوعارىلاتادى ەكەن.
”14 - بەسجىلدىق“ كەزىندە مادەنيەت پەن ساياحاتتىڭ توعىسۋىن جانە جوعارى ساپالى دامۋىن ىلگەرىلەتۋ ءۇشىن، اۆتونوميالى رايوندىق دامۋ جانە رەفورما كوميتەتى مادەنيەتتى قورعاۋ، جالعاستىرۋ جانە ونى پايدالانۋ ينجەنەرياسى بويىنشا 2021 - جىلى ورتالىقتىڭ مەجە ەسەپ ىشىندەگى 224 ميلليون يۋان قارجىسىن ءتۇسىرىپ، رايونىمىزداعى 11 مەملەكەتتىك مادەنيەت باقشاسىن، مەملەكەتتىك ءتۇيىندى مادەني ەسكەرتكىشتەردى قورعاۋ جانە ارحەولوگيالىق قازبا، مەملەكەتتىك باقشا سياقتى ماڭىزدى جاراتىلىستىق مۇرالاردى قورعاۋ، كورسەتۋ، ماڭىزدى ساياحات نەگىزدىك قۇرىلعى قۇرىلىستارى سياقتى نىسانداردى قولداعان. وسى رەتكى قارجى قوسۋ جوسپارىنىڭ ماقساتى − ورتالىقتىڭ مەجە ەسەپ ىشىندەگى قارجى قوسۋىنىڭ جەتەكشىلىك ەتۋ، باستاۋ رولىن تولىق ساۋلەلەندىرىپ، ءبىر توپ مەملەكەتتىك مادەنيەت باقشاسى سىندى ماڭىزدى بەلگى سيپاتتى نىسان قۇرىلىستارىن پارمەندى ىلگەرىلەتىپ، مادەنيەت مۇرالارى بايلىعىن قورعاۋدى جانە سيفرلاندىرىپ كورسەتۋدى كۇشەيتۋ، بايىرعى جۇرتتار، دەرەكتەر شوعىرلانعان ءتۇيىندى وڭىرلەردەگى ارحەولوگيا قۇرىلىمدارىنىڭ مادەني ەسكەرتكىشتەردى قازۋ، ساقتاۋ، زەرتتەۋ قابىلەتىن جوعارىلاتىپ، ءتۇيىندى كورىنىس وڭىرلەرىنىڭ ساياحات نەگىزدىك قۇرىلعىلارى شارت - جاعدايىن جاقسارتىپ، مەملەكەتتىك باقشالاردى نەگىزگى تۇلعا ەتكەن تابيعي قورعالاتىن جەرلەر جۇيەسىن العاشقى قادامدا قۇرىپ، جۇڭحۋانىڭ تاڭداۋلى، ءداستۇرلى مادەنيەتىنىڭ جالعاسۋىن، دامۋىن جەبەۋ.
مۇنان سىرت، رايونىمىزدىڭ قوعامدىق قىزمەت وتەۋ قۇرىلعىلارىنىڭ تومەنگى شەگىنە تولىق كەپىلدىك ەتۋ ينجەنەرياسى، جالپى حالىقتىق دەنە شىنىقتىرۋ قۇرىلعىلارىنىڭ ولىقىلىقتارىن تولىقتاۋ ينجەنەرياسى، اۋىل - قىستاقتىڭ قونىس ورتاسىن رەتتەۋ، جونگە سالۋ، ەكولوگيانى قورعاۋ تىرەك جۇيەسى، كەلەلى سۋ يگىلىگى، جوعارى ولشەمدى اتىز جانە ساپالى ماقتا بازالارى قۇرىلىسى سياقتى نىساندار دا جەكە - جەكە ورتالىقتىڭ مەجە ەسەپ ىشىندەگى قارجى قوسۋىنا يە بولعان.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
