جۇڭگو مەن ليۆاننىڭ ديپلوماتيالىق قاتىناس ورناتقانىنىڭ 50 جىلدىعى بايلانىسىمەن
شي جينپيڭ مەن ليۆاننىڭ زۇڭتۇڭى اۋن ءبىر - بىرىنە قۇتتىقتاۋ تەلەگرامماسىن جولدادى
2021.11.10 16:35 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 9 - كۇنى، بەيجيڭ. مەملەكەت ءتوراعاسى شي جينپيڭ مەن ليۆاننىڭ زۇڭتۇڭى ميشەل اۋن 11 - ايدىڭ 9 - كۇنى ءبىر - بىرىنە قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتادى.
شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ليۆان ديپلوماتيالىق قاتىناس ورناتقاننان بەرى ەكى ەل قاتىناسى ورنىقتى دامىدى. جۇڭگو مەن ليۆاننىڭ ءار سالاداعى سەلبەستىگى كۇن سايىن تەرەڭدەدى، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى ءتۇسىنىپ، ءبىرىن - ءبىرى قولداپ، ۇلكەندى - كىشىلى ەلدەردىڭ تەڭ تۇرعىدا مامىلە جاساۋىنىڭ، ءبىر - بىرىنە پايدا جەتكىزىپ، تەڭ يگىلىككە كەنەلۋىنىڭ ۇلگىسىن ورناتتى. مەن جۇڭگو - ليۆان قاتىناسىنىڭ دامۋىنا ايرىقشا ءمان بەرەمىن، اۋن زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن وراي ەتىپ، ەكى جاقتىڭ ساياسي سەنىمدىلىگىن بەكەمدەپ، ناقتى سەلبەستىكتى تەرەڭدەتىپ، جۇڭگو مەن ليۆاننىڭ دوستىق سەلبەستىك قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايمىن. جۇڭگو جاق ليۆان جاقتىڭ ىندەتكە قارسى اتتانۋىنا، ەكونوميكانى دامىتۋىنا، حالىق تۇرمىسىن جاقسارتۋىنا ۇزدىكسىز كومەك بەرىپ، قولداۋ كورسەتەدى.
اۋن قۇتتىقتاۋ تەلەگرامماسىندا مىنانى ءبىلدىردى: ليۆان مەن جۇڭگو ديپلوماتيالىق قاتىناس ورناتقان 50 جىلدان بەرى ەكى ەل ساياسي، ەكونوميكا جانە مادەنيەت سياقتى سالالاردا سىندارلى سەلبەستىك ورىستەتتى. ليۆان جاق جۇڭگو جاقتىڭ ليۆاننىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قولداعانىنا، ليۆاننىڭ ادىلەتتى ىستەرىن قولداعانىنا، ليۆاننىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىن قولداعانىنا العىس ايتادى. ليۆان جۇڭگومەن قاتىناستى قاستەرلەيدى، جۇڭگونىڭ دامۋ جەتىستىكتەرىنە جوعارى باعا بەرەدى، ليۆان - جۇڭگو سەلبەستىگىن اناعۇرلىم كۇشەيتىپ، ەكى ەل حالىقتارىنا باقىت جاراتۋدى ءۇمىت ەتەمىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
