شي جينپيڭ بەلورۋسسيانىڭ زۇڭتۇڭى لۋكاشەنكومەن تەلەفوندا سويلەستى
2022.01.11 16:39 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 10 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 10 - كۇنى تۇستەن كەيىن بەلورۋسسيانىڭ زۇڭتۇڭى لۋكاشەنكومەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جاڭا جىلدىڭ باسىندا سىزبەن تەلەفوندا سويلەسكەنىمە وتە قۋانىشتىمىن. جاڭا عانا وتكەن ءبىر جىل جۇڭگو مەن بەلورۋسسيا ەكى ەل جونىنەن دە كەلەلى ماڭىز الادى. مەن ءتۇرلى فورمالار ارقىلى سىزبەن تىعىز قاتىناستى جالعاستىرىپ، جۇڭگو – بەلورۋسسيا قاتىناسىنىڭ ۇزدىكسىز العا دامۋىن ىلگەرىلەتۋگە پەيىلمىن.
شي جينپيڭ بىلاي دەپ دارىپتەدى: بيىل − جۇڭگو مەن بەلورۋسسيانىڭ ديپلوماتيالىق قاتىناس ورناتقانىنىڭ 30 جىلدىعى. 30 جىلدان بەرى جۇڭگو - بەلورۋسسيا قاتىناسىنىڭ دامۋىندا سۇبەلى تابىستارعا قول جەتتى. ەكى جاق ءبىر - بىرىنە سەنەتىن، سەلبەسىپ تەڭ يگىلىككە كەنەلەتىن جان - جاقتى ستراتەگيالىق سەرىككە اينالدى. ەكى جاقتىڭ «ءبىر بەلدەۋ، ءبىر جولدى» بىرگە قۇرۋ سەلبەستىگى ورنىقتى ىلگەرىلەپ، ەكى جاقتى ساۋدا سوماسى 30 جىلدا 50 ەسە ارتىپ، جۇڭگو - بەلورۋسسيا ونەركاسىپ باقشاسى، جۇڭگو - ەۆروپا كەزەكشى پويەزى سياقتى ءبىر توپ ءىرى نىسان تياناقتانىپ، جەمىس بەردى، عىلىم - تەحنيكا، وقۋ - اعارتۋ، مادەنيەت، ساياحات، ەمدەۋ سياقتى سالالارداعى اۋىس - كۇيىس اناعۇرلىم تەرەڭدەپ، مەملەكەت پەن مەملەكەتتىڭ دوستىق بارىس - كەلىسىنىڭ، ءوزارا ءتيىمدى سەلبەستىگىنىڭ ۇلگىسىن ورناتتى. جۇڭگو بەلورۋسسيامەن بىرگە قۇلشىنىپ، ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعىن تىڭ باستاما ەتىپ، ەكى جاقتىڭ ساياسي سەنىمدىلىگىن ارتتىرىپ، ەكى ەلدىڭ ءوزارا ءتيىمدى سەلبەستىگىن تەرەڭدەتىپ، جۇڭگو مەن بەلورۋسسيانىڭ جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز تىڭ تابىستارعا قول جەتكىزۋىن ىلگەرىلەتۋگە پەيىل. ەكى جاق ەكى جاقتى ساۋدا كولەمىن كەڭەيتىپ، جاڭالىق اشۋ، جاسىل دامۋ، سيفرلى دامۋ سياقتى سالالارداعى سەلبەستىكتى كۇشەيتىپ، جۇڭگو - ەۆروپا كەزەكشى پويەزدەرىنىڭ ورنىقتى اينالىمىنا جانە باياندى دامۋىنا كەپىلدىك ەتۋى كەرەك. ەكى جاق ۆاكسينا سەلبەستىگىن ۇزدىكسىز كۇشەيتۋى كەرەك.
شي جينپيڭ بىلاي دەپ دارىپتەدى: قازىر حالىقارالىق جانە وڭىرلىك جاعدايدا كۇردەلى وزگەرىستەر تۋىلۋدا، جۇڭگو مەن بەلورۋسسيا بىرلەسكەن مەملەكەتتەر ۇيىمى سياقتى كوپ جاقتى ورىنداردا ءونىمدى سەلبەسىپ، قارسى جاقتىڭ ءوز ەلىنىڭ وزەكتى مۇددەسىن قورعاۋىن باتىل قولداپ، جۇڭگو - بەلورۋسسيا سەلبەستىگىنىڭ ستراتەگيالىق قۇنىن ايگىلەدى. جاڭا جاعدايدا ەكى جاق ۇزدىكسىز تىعىز سايكەسىپ، ناعىز كوپ جاقتىلىقتى امالياتتا ايگىلەپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاۋى، حالىقارالىق ادىلدىك پەن تۋراشىلدىقتى قورعاۋى كەرەك. جۇڭگو سىرتقى كۇشتەردىڭ بەلورۋسسيانىڭ ىشكى ىستەرىنە كيلىگۋىنە قارسى تۇرادى، بەلورۋسسيانىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن بۇرىنعىداي قولدايدى. ەكى جاق بۇكىل ادامزاتتىڭ ورتاق قۇندىلىعىن دارىپتەپ، حالىقارالىق قوعامدى دۇرىس دەموكراتيالىق كوزقاراس پەن ادامدىق ۇقىق كوزقاراسىن ورناتۋعا جەتەكتەپ، دۇنيە جۇزىلىك دامۋ دارىپتەمەسى مەن بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كۇن ءتارتىبىن تياناقتاندىرۋدى ىلگەرىلەتۋى كەرەك.
لۋكاشەنكو جۇڭگو كوممۋنيستىك پارتياسىنىڭ عاسىرلىق مەرەي تويىن تاعى ءبىر رەت قۇتتىقتادى. لۋكاشەنكو مىناى ءبىلدىردى: بەلورۋسسيا حالقى جۇڭگو حالقىنا شىنايى دوستىق سۇيىسپەنشىلىكپەن قارايدى، جۇڭگونىڭ باستان - اياق بەلورۋسسيا جاققا مىعىم ساياسي جانە ادامگەرشىلىك قولداۋ كورسەتكەنىنە العىس ايتادى. قازىرگى حالىقارالىق، وڭىرلىك جاعدايدا تەرەڭ دە كۇردەلى وزگەرىس جاعدايىندا، بەلورۋسسيا جۇڭگومەن تىعىز قاتىناس جاساۋدى، سايكەسۋدى ءۇمىت ەتەدى. بەلورۋسسيا جاق بيىل بەلورۋسسيا مەن جۇڭگونىڭ ديپلوماتيالىق قاتىناس ورناتقانىنىڭ 30 جىلدىعىن وراي ەتىپ، بەلورۋسسيا - جۇڭگو قاتىناسىن تىڭ دەڭگەيگە كوتەرۋگە پەيىل، جۇڭگومەن بىرگە قۇلشىنىپ، بەلورۋسسيا - جۇڭگو ونەركاسىپ باقشاسىن ويداعىداي دامىتىپ، ىندەتكە قارسى اتتانۋ، جۇڭگوشا شيپاگەرلىك، ءدارى - دارمەك سەلبەستىگى، سونداي - اق ساۋدا، قارجى قوسۋ، وقۋ - اعارتۋ سياقتى سالالارداعى سەلبەستىكتى تەرەڭدەتۋدى ءۇمىت ەتەمىز. بەلورۋسسيا باستان - اياق جۇڭگونىڭ باتىل سەلبەستىك سەرىگى بولادى. جۇڭگو حالقىنىڭ كوكتەم مەرەكەسىنە قۇتتى بولسىن ايتامىن!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
