لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
«14 - بەسجىلدىق» جوبا «باعدارلاماسىندا» جانە ارناۋلى جوسپاردا بەلگىلەنگەن كەلەلى نىسانداردى جەدەل ىلگەرىلەتىپ، ۇتىمدى قارجى قوسۋدى كەڭەيتۋدى ورنالاستىردى؛ ءدارى - دارمەك پەن ەمدەۋدە پايدالانىلاتىن قىمبات ماتەريالداردى شوعىرلى، مولشەرلى ساتىپ الۋدى ۇدايىلاندىرىپ، تۇزىمدەندىرىپ ورىستەتىپ، ناۋقاستاردىڭ ءدارى - دارمەك اۋىرتپالىعىن ونان ارى تومەندەتۋدى ۇيعاردى
2022.01.11 16:52 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 10 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 10 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، «14 - بەسجىلدىق» جوبا «باعدارلاماسىندا» جانە ارناۋلى جوسپاردا بەلگىلەنگەن كەلەلى نىسانداردى جەدەل ىلگەرىلەتىپ، ۇتىمدى قارجى قوسۋدى كەڭەيتۋدى ورنالاستىردى؛ ءدارى - دارمەك پەن ەمدەۋدە پايدالانىلاتىن قىمبات ماتەريالداردى شوعىرلى، مولشەرلى ساتىپ الۋدى ۇدايىلاندىرىپ، تۇزىمدەندىرىپ ورىستەتىپ، ناۋقاستاردىڭ ءدارى - دارمەك اۋىرتپالىعىن ونان ارى تومەندەتۋدى ۇيعاردى.
ءماجىلىس بىلاي دەپ اتاپ كورسەتتى: ج ك پ ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرۋدە قاتىستى تاراۋلار «14 – بەسجىلدىق» جوبا «باعدارلاماسىندا» بەلگىلەنگەن ماڭىزدى تۇيىندەرگە تۋرالانىپ، مەملەكەت دارەجەلى ارناۋلى جوبالاردى جاساۋ قىزمەتىن عىلمي، ءونىمدى تۇردە ويداعىداي ىستەپ، نىسانا - مىندەتتەردى ونان ارى اشالاپ، مەڭگەرۋگە بولاتىن ساياساتتار مەن ناقتى نىسانداردى العا قويدى. قازىر 44 ارناۋلى جوبا نەگىزىنەن جاسالىپ بولدى، ىركەس - تىركەس باسىپ تاراتىلدى، اتقارىلدى. قازىرگى جاعدايدى تياناق ەتىپ، ۇزاق بولاشاقتى كوزدە ۇستاپ، «14 - بەسجىلدىق» ارناۋلى جوبانىڭ اتقارىلۋىن پارمەندى، ءتارتىپتى ىلگەرىلەتۋ كەرەك.
ءماجىلىس بىلاي دەپ اتاپ كورسەتتى: قازىر ەكونوميكالىق اينالىم تار جول، تايعاق كەشۋدەن ءوتۋ وتكەلىندە تۇر. ورتالىقتىڭ ەكونوميكالىق قىزمەت ءماجىلىسىنىڭ تالابىنا ساي، ارتۋدى ورنىقتىرۋدى اناعۇرلىم كورنەكتى ورىنعا قويىپ، ىشكى سۇرانىمدى ۇلعايتۋ ستراتەگياسىن باتىل اتقارىپ، «اقشانى بەيپىل تاراتپاۋدان» جازباي، سوڭعى تۇتىنۋ مەن ۇتىمدى قارجى قوسۋدى باعىتتامالى تۇردە كەڭەيتۋ كەرەك، بۇل ەكونوميكانىڭ جاڭا قۇلدىراۋ قىسىمىنا توتەپ بەرىپ، ءبىرىنشى توقسانداعى جانە الدىڭعى جارتى جىلداعى ەكونوميكانىڭ ورنىقتى اينالىمىنا كەپىلدىك ەتۋدە ماڭىزدى مانگە يە. ءبىرىنشى، «14 – بەسجىلدىق» جوبا «باعدارلاماسىندا» بەلگىلەنگەن 102 كەلەلى ينجەنەريا نىسانى مەن ارناۋلى جوباداعى ءتۇيىندى نىسانداردىڭ اتقارىلۋىن جەدەل ىلگەرىلەتۋ كەرەك. استىق، ەنەرگيا حاۋىپسىزدىگى، وزىق جاساۋ كاسىبى جانە جوعارى تەحنيكالى شارۋاشىلىق، قاتىناس، زات اينالىمى جانە توراپتىق حابارلاسۋ سياقتى نەگىزدىك قۇرىلعىلار، قالالارداعى قامتاماسىزدىق تۇرعىن ءۇي سياقتى ءتۇيىندى سالالارداعى قۇرىلىستاردى ارقاۋ ەتىپ، سايكەستىرۋ مەحانيزمىن ورناتىپ، قارجى قۇراۋ، جەردەن پايدالانۋ، ەنەرگيادان پايدالانۋ سياقتى فاكتورلاردى قامتاماسىزداندىرۋدى ويداعىداي ىستەۋ كەرەك. جوسپارعا ەنگىزىلگەن، شارت - جاعدايى ازىرلەنگەن وبيەكتىلەرگە قاتىستى رەسمياتتەردى قاراپايىمداندىرۋ، اسىرەسە، الدىڭعى مەزگىلدە دالەلدەنىپ كوپ جىل بولعان كەلەلى سۋ يگىلىگى نىساندارىن جەدەل اتقارىپ، جىلۋ ورنىنا جۇمىس بەرۋ سياقتى تاسىلدەردى قولدانىپ، ۋاقىتشا جۇمىسقا ورنالاسا الماعان ءىشىنارا شارۋا جۇمىسكەرلەردىڭ جۇمىس ىستەپ، كىرىس كىرگىزۋىنە مۇمكىندىك جاساۋ كەرەك. جاڭادان جۇمىس باستاعان نىساندارعا قارجى قوسۋ تومەندەگەن جەرلەردىڭ قىزمەتتى كۇشەيتۋىنە جەتەكشىلىك ەتىپ، قارجى قوسۋدىڭ سەرپىلمەۋ جاعدايىن وڭاۋ كەرەك. ەكىنشى، قارجىنىڭ نىسانعا ىلەسۋ تالابىنا ساي، وتكەن جىلدىڭ 4 – توقسانىندا تاراتىلعان ءبىر تريلليون 200 ميلليارد يۋان جەرگىلىكتى ۇكىمەتتىڭ ارناۋلى زايوم قارجىسىن ناقتى نىساندارعا تەز ارادا تياناقتاندىرۋ كەرەك. بيىل بەرىلگەن ارناۋلى قارىزدى تاراتۋدى مىقتى يگەرىپ، ورتالىقتىڭ مەجە ەسەبىنەن ويداعىداي پايدالانىپ، سالىنىپ جاتقان جانە تەز ارادا جۇمىس باستاۋعا بولاتىن نىسانداردى ءتۇيىندى تۇردە ورنالاستىرىپ، ءتىپتى دە كوپ قوعامدىق قارجى قوسۋعا دەم بەرىپ، ءبىرىنشى توقساندا ءتىپتى دە كوپ ناقتى قىزمەت مولشەرىن قالىپتاستىرۋعا كۇش سالۋ كەرەك. ءۇشىنشى، قارجى قوسۋ نىساندارىن تەكسەرىپ بەكىتۋ ءتۇزىمى رەفورماسىن تەرەڭدەتىپ، ۋادە بەرۋ ءتۇزىمى، وڭىرلىك باعالاۋ سياقتى جاڭالىق اشۋ شارالارىن اتقارۋ كەرەك. ىركىندى مال - مۇلىكتى جانداندىرۋدىڭ ساياساتتىق شارالارىن زەرتتەپ شىعارۋ كەرەك.
ءماجىلىس مىنالاردى اتاپ كورسەتتى: تاياۋ جىلداردان بەرى ءدارى - دارمەك پەن ەمدەۋدە پايدالانىلاتىن قىمبات ماتەريالداردى شوعىرلى، مولشەرلى ساتىپ الۋ رەفورماسى ۇزدىكسىز ىلگەرىلەتىلىپ، بازارلاندىرۋ مەحانيزمى ارقىلى ءدارى - دارمەك باعاسىنىڭ جوعارىلاۋى ءونىمدى تۇردە تەجەلدى، وتكەن جىلدىڭ سوڭىنا دەيىن ەمدەۋ قامسىزداندىرۋى مەن ناۋقاستاردىڭ شىعىسى 260 ميلليارد يۋان ۇنەمدەلدى، سونىمەن بىرگە، ءدارى - دارمەك كاسىپورىندارىنىڭ ءتىپتى دە كوپ زەيىن - زەردەسىن ءونىمدى زەرتتەپ اشۋعا، ساپاسىن جوعارىلاتۋعا جۇمساۋىنا دەم بەرىلدى. كەلەسى قادامدا شوعىرلى، مولشەرلى ساتىپ الۋدىڭ ۇدايىلانۋىن، تۇزىمدەنۋىن ءارى قارقىنىن تەزدەتىپ، ءدارى - دارمەك باعاسىن ۇزدىكسىز تومەندەتىپ، ناۋقاستى يگىلىككە كەنەلتۋ كەرەك. ءبىرىنشى، سوزىلمالى اۋرۋلاردى، ۇنەمى كەزدەسەتىن اۋرۋلاردى ءتۇيىن ەتىپ، مەملەكەتتىك دەڭگەيدەگى ءدارى - دارمەكتەردى شوعىرلى ساتىپ الۋدى ۇزدىكسىز ىلگەرىلەتۋ كەرەك، جەر - جەردىڭ مەملەكەتتىڭ شوعىرلى ساتىپ الۋىنان تىسقارى ءدارى – دارمەككە قاراتا ولكە دارەجەلى نەمەسە ولكە اتتاعان بىرلەسىپ ساتىپ الۋدى ورىستەتۋىنە بولادى. بيىل جىل سوڭىنان بۇرىن مەملەكەت پەن ولكە دارەجەلى شوعىرلى جيناپ ساتىپ الىناتىن ءدارى - دارمەك ءاربىر ولكەدە 350 دەن اسۋى كەرەك. ەكىنشى، ەمدەۋدە پايدالانىلاتىن قىمبات ماتەريالداردى شوعىرلى ساتىپ الۋ قامتىمىن بىرتىندەپ كەڭەيتىپ، بۇقارا نازار اۋدارىپ وتىرعان سۇيەك بولىمىنە جۇمسالاتىن ماتەريال، ءدارى شارشا قالتاسى، ءتىس ءوسىرۋ سياقتىلارعا قاراتا جەكە - جەكە مەملەكەت پەن ولكە دارەجەلى دەڭگەيدە شوعىرلى ساتىپ الۋ كەرەك. ءۇشىنشى، تاڭدالعان ءدارى - دارمەكپەن جانە سارىپ ەتىلگەن ماتەريالدارمەن ۇزاق ۋاقىت ورنىقتى قامداۋعا كەپىلدىك ەتىپ، باقىلاپ - باسقارۋدى كۇشەيتىپ، تاڭدالعان ونىمدەردىڭ باعاسىن تومەندەتكەندە ساپاسىنىڭ تومەندەمەۋىنە كەپىلدىك ەتۋ كەرەك. ەمدەۋ قۇرىلىمدارى تاڭدالعان ونىمدەردى ۇيلەسىمدى تۇردە الدىمەن پايدالانۋى كەرەك. ءتورتىنشى، ەمدەۋ قامسىزداندىرۋى قارجىسىنىڭ قالدىق سوماسىن جيناۋ، پايدالانۋ ساياساتىن تياناقتاندىرىپ، ەڭبەكاقى ءتۇزىمى رەفورماسى ىلگەرىلەتىپ، ەمدەۋ قىزمەتكەرلەرىنىڭ كىرىسىن ۇيلەسىمدى جوعارىلاتىپ، بەلسەندىلىگىن ءتىپتى دە ارتتىرۋ كەرەك.
ءماجىلىس باسقا ىستەردى دە اقىلداستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
