شي جينپيڭ مالتانىڭ زۇڭتۇڭى ۆەللامەن تەلەفوندا سويلەستى
2022.01.11 16:49 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 10 - كۇنى، بەيجيڭ. مەملەكەت ءتوراعاسى شي جينپيڭ 1 - ايدىڭ 10 - كۇنى تۇستەن كەيىن مالتانىڭ زۇڭتۇڭى ۆەللامەن تەلەفوندا سويلەستى. ەكى ەل باسشىلارى ءبىر - بىرىنە جاڭا جىل قۇتتى بولسىن ايتتى.
شي جينپيڭ بىلاي دەپ اتاپ كورسەتتى: جۇڭگو مەن مالتا − ۋاقىتتىڭ سىنىنان وتە الاتىن كونە دوستار، جاقسى دوستار. جارتى عاسىردىڭ الدىندا ەكى ەلدىڭ اعا بۋىن باسشىلارى الىستى بولجاپ، جۇڭگو مەن مالتانىڭ دوستىق قاتىناسىن بىرگە ورناتتى. 50 جىلدان بەرى حالىقارالىق جاعداي قالاي وزگەرسە دە، جۇڭگو مەن مالتانىڭ قاتىناسى باستان - اياق اقاۋسىز، ورنىقتى دامىدى، ەكى ەلدىڭ دوستىعى ۇزدىكسىز تەرەڭدەپ، ءار سالاداعى سەلبەستىكتە سۇبەلى تابىستارعا قول جەتتى. حالىقارالىق فينانس داعدارىسى مەن جاڭا تيپتى ايدارشا ۆيرۋس وكپە قابىنۋ ىندەتى سياقتى سىن - سايىس الدىندا، ەكى جاق باستان - اياق ءبىر - بىرىنە قارايلاسىپ، ءبىرىن - ءبىرى قولداپ كەلەدى. جۇڭگو - مالتا قاتىناسى ۇلكەن - كىشىلىگى، قوعامدىق ءتۇزىمى، تاريحي مادەنيەتى تۇرلىشە ەلدەر قاتىناسىنىڭ ۇلگىسىنە اينالدى.
شي جينپيڭ بىلاي دەپ دارىپتەدى: جۇڭگو مەن مالتا ديپلوماتيالىق قاتىناس ورناتۋدىڭ 50 جىلدىعىن قارسى الادى. جۇڭگو مالتامەن بىرگە قۇلشىنىپ، جۇڭگو - مالتا قاتىناسىنىڭ اناعۇرلىم زور دامۋىن ىلگەرىلەتۋگە پەيىل. ەكى جاق ءوزارا قۇرمەت ەتۋدە، ءوزارا سەنىم ارتۋدا تاباندى بولىپ، وزدەرى تاڭداعان دامۋ جولىنا ۇزدىكسىز قۇرمەت ەتىپ جانە قولداۋ كورسەتىپ، ءوزارا كوڭىل ءبولىپ وتىرعان ماسەلەلەر جونىندە پىكىرلەسۋدى، سايكەسۋدى جالعاستىرۋى كەرەك. ناقتى سەلبەستىكتى تەرەڭدەتىپ، «ءبىر بەلدەۋ، ءبىر جولدى» بىرگە قۇرۋدى ىلگەرىلەتىپ، ەكونوميكا - ساۋدا، قارجى قوسۋ، ەمدەۋ - دەنساۋلىق ساقتاۋ، تازا ەنەرگيا، قاتىناس، زات اينالىمى سياقتى ءتۇيىندى سالالارداعى سەلبەستىكتى كەڭەيتۋ كەرەك. مادەنيەت اۋىس - كۇيىسى مەن جۇڭگوشا شيپاگەرلىك، ءدارى - دارمەك سەلبەستىگىن نىعايتىپ، وقۋ - اعارتۋ، جاستار، ساياحات سياقتى سالالارداعى اۋىس - كۇيىس پەن سەلبەستىكتى كەڭەيتىپ، جۇڭگو – مالتا دوستىعىنىڭ اناعۇرلىم كوپ جالىندى كۇشىن جەتىلدىرۋ كەرەك. مالتا باستان - اياق جۇڭگو - ەۆروپا قاتىناسىن ىلگەرىلەتەتىن بەلسەندى كۇش بولىپ كەلەدى. جۇڭگو مالتامەن جۇڭگو - ەۆروپا سەلبەستىگىنىڭ جالپى بەتالىسىن بىرگە قورعاپ، جۇڭگو - ەۆروپا قاتىناسىنىڭ اقاۋسىز، ورنىقتى دامۋىن جەبەۋگە پەيىل.
شي جينپيڭ بىلاي دەپ دارىپتەدى: كەلەر ايدا جۇڭگو بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزەدى، قازىر ءتۇرلى دايىندىق قىزمەتتەرى نەگىزىنەن ورىندالىپ بولدى. جۇڭگو حالىقارالىق قوعامنىڭ قولداۋىندا ۇنەمشىل، حاۋىپسىز، تارتىمدى قىسقى وليمپيادا سپورت جارىسىن وتكىزىپ، وليمپيادا رۋحىن ساۋلەلەندىرىپ، ءار ەلدى قول ۇستاسا تىلەكتەس بولىپ، بولاشاققا بىرگە ۇمتىلۋعا شابىتتاندىرادى. جۇڭگو مالتانى قامتىعان حالىقارالىق قوعاممەن بىرگە قۇلشىنىپ، ناعىز كوپ جاقتىلىقتى امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى قول ۇستاسا ىلگەرىلەتۋگە پەيىل.
ۆەللا مىنانى ءبىلدىردى: مالتا مەن جۇڭگونىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاۋ قارساڭىندا ءتوراعا مىرزامەن تەلەفوندا سويلەسكەنىمە توتەنشە قۋانىشتامىن. مەن ءسىزدىڭ مالتا - جۇڭگو قاتىناسىنا بەرگەن بەلسەندى باعاڭىزدى، سونداي - اق ەكى جاق قاتىناسىنىڭ دامۋى جونىندەگى پىكىرىڭىزدى تولىق قۇپتايمىن. مالتا مەن جۇڭگو ديپلوماتيالىق قاتىناس ورناتقاننان بەرى ەكى ەلدىڭ سەلبەستىگى ناتيجەلى بولدى، ەكى جاقتىڭ دوستىعى جاڭا تيپتى ايدارشا ۆيرۋس وكپە قابىنۋ ىندەتى سياقتى ءتۇرلى سىن - سىناقتىڭ سىنىنان ءوتتى، ەكى جاقتى قاتىناس كۇن سايىن كەمەلدەنىپ، ەرەكشە تابىستارعا قول جەتكىزدى، بۇنى مەملەكەت پەن مەملەكەت قاتىناسىنىڭ ۇلگىسى دەۋگە بولادى. مالتا مالتا مەن جۇڭگونىڭ دوستىق قاتىناسىن ونان ارى دامىتۋعا باتىل كۇش سالادى، جۇڭگومەن جوعارى جىكتەگىلەردىڭ بارىس - كەلىسىن كۇشەيتىپ، ءار سالاداعى ناقتى سەلبەستىكتى تەرەڭدەتۋدى قالايدى. مالتا «ءبىر بەلدەۋ، ءبىر جولدى» بىرگە قۇرۋ الا كەلگەن باعالى ورايدى قاستەرلەيدى، جۇڭگومەن قاتىستى سەلبەستىكتى ۇزدىكسىز ىلگەرىلەتۋگە پەيىل. مالتا - جۇڭگو قاتىناسىنىڭ الداعى 50 جىلدا ءتىپتى دە جاقسى دامىپ، ەكى ەل حالىقتارىنا ءتىپتى دە كوپ باقىت جاراتۋىن ءۇمىت ەتەمىن. مالتا ءبىر جۇڭگو ساياساتىن باتىل اتقارادى، كوپ جاقتىلىقتى باتىل قولدايدى. مالتا ەۆروپا - جۇڭگو قاتىناسىنىڭ دامۋىن ىلگەرىلەتۋدە بەلسەندى رول اتقارۋعا پەيىل. مالتا جۇڭگونىڭ حالىقارالىق قوعامنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا ۆاكسينا جاعىنان كومەك بەرىپ، دۇنيە ءجۇزىنىڭ كليمات وزگەرىسىنە توتەپ بەرۋىنە بەلسەندى ۇلەس قوسقانىن القايدى، جۇڭگومەن سەلبەستىكتى كۇشەيتۋدى ءۇمىت ەتەدى. بەيجيڭ قىسقى وليمپيادا سپورت جارىسىنىڭ ءساتتى وتكىزىلۋىن تىلەيمىن!
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
