كوكتەم مەرەكەسىن تۇرعان جەرىندە قارسى الۋ ساياساتىن اتقارۋدا ساقتانۋ شارالارىن ساتى سايىن ۇستەمەلەۋگە بولمايدى
2022.01.14 15:44 كەلۋ قاينارى : حالىق تورابى
ىندەت تاراعاننان بەرگى ءۇشىنشى رەتكى كوكتەم مەرەكەسى تاياپ قالدى، سىرت جەردە جۇرگەندەر اتتانعانىنا ۇزاق بولعان اۋىلىنا قايتۋدى، تۋىس – تۋعانىمەن مارە – سارە باس قوسۋدى اڭسايدى. الايدا، ءىشىنارا جەرلەردە ىندەت قايتا تاراعاندىقتان، كوپ جەر كوكتەم مەرەكەسىن تۇرعان جەرىندە قارسى الۋدى دارىپتەۋدە.
جۇرتتىڭ ءجۇرىس – تۇرىسىن ازايتۋ ارقىلى ۆيرۋستىڭ تارالۋ ىقتيمالدىعىن تومەندەتۋگە بولادى، ىندەتتەن ساقتانۋدىڭ مۇنداي شاراسى الدەقاشان الەۋمەتتىڭ ورتاق تانىمىنا اينالعان. ونىڭ ۇستىنە، وميكروننىڭ تەبىنى دە قاتتى، كەي جەردە ىندەتتەن ساقتانۋ جاعدايى كۇردەلى، ءتۇرلى تۇراقسىزدىقتارعا تولى، ىندەتتەن ساقتانۋ – تىزگىندەۋدە ءبىر ءسات بوساڭسۋعا بولمايدى. كوكتەم مەرەكەسىندە اۋىلعا قايتپاۋدى، كوكتەم مەرەكەسىن تۇرعان جەرىندە وتكىزۋدى دارىپتەۋ — ىندەتتەن ساقتانۋ – تىزگىندەۋدىڭ ءونىمدى شاراسى، جۇرتتىڭ كوبى مۇنى ابدەن تۇسىنەدى ءارى قولدايدى. ءبىر مەزەت اۋىلعا قايتپاي قالۋ ارقىلى ۇزاق ۋاقىتتىق تىنىشتىققا قول جەتكىزۋ، جەكەلەر ءۇشىن دە، قوعام ءۇشىن دە جاقسى ءىس، ونىڭ ۇستىنە بۇل ءاربىر ادامنىڭ قوعام الدىنداعى جاۋاپتىلىق جىگەرىن ايگىلەيدى.
كوپ جەر جۇرتتى كوكتەم مەرەكەسىن تۇرعان جەرىندە وتكىزۋگە شابىتتاندىرۋ ءۇشىن ناقتى شارالاردى دا ورتاعا قويىپ، جۇرتتى شىنايى يگىلىككە كەنەلتكەن. مىسالى، جىجياڭنىڭ نيڭبو قالاسى، انحۇيدىڭ حىفەي قالاسى، ۋحۋ قالاسى قاتارلى جەرلەر باسقا جەردەن كەلىپ جۇمىس ىستەپ جاتقان جۇمىسكەرلەرگە ناق اقشامەن تارتۋ تاراتاتىنىن جاريالادى، بۇل شارا پارمەندى دە مەيىرلى شارا بولدى.
ناقتىلاي ايتساق، حاۋىپ – قاتەر دارەجەسى ورتاشا، جوعارى جەرلەردە قاتىستى ىندەتتەن ساقتانۋ بەلگىلەمەلەرىن قاتاڭ اتقارىپ، شارت – جاعدايى بار، حاۋىپ – قاتەرى تومەن جەرلەردە كوكتەم مەرەكەسىن تۇرعان جەرىندە وتكىزۋ ساياساتىن اتقارۋدا «بارلىعىن ءبىر تاياقپەن ايداماۋ»، جۇرتتىڭ ءجۇرىس – تۇرىسىن رايونعا، تۇرگە ءبولىپ باسقارۋدى عىلىمي، دالمە – ءدال ورىستەتۋ، ىندەتتەن ساقتانۋ – تىزگىندەۋ شارالارىن تياناقتاندىرۋمەن بىرگە، ادامداردىڭ حاۋىپسىز، ءتارتىپتى ءجۇرىس – تۇرىسىنا كەپىلدىك ەتۋ كەرەك، بۇل ىندەتتەن عىلىمي تۇردە ساقتانۋ تالاپتارى مەن جول – جوسىنعا دا ۇيلەسەدى.
ساياساتتى ساتى سايىن شىنايى اتقارۋ كەرەك، الايدا شارالاردى ساتى سايىن ۇستەمەلەمەۋ كەرەك. بۇل تەك جەرگىلىكتى ۇكىمەت پەن قاتىستى تاراۋلاردىڭ جىگەرىن ايگىلەپ قويماي، جەر – جەردىڭ ىندەتتەن ساقتانۋ – تىزگىندەۋ بارىسىنداعى جونگە سالۋ قۋاتىنا جۇرگىزىلەتىن تاعى ءبىر رەتكى سىناق سانالادى.
وسى جاعىندا وسى ەكى جىلدان بەرى بايقالعان سوراقى ىستەر از ەمەس، حاۋىپ – قاتەر دارەجەسى تومەن جەردەن اۋىلىنا قايتقان بۇقارانى زورلىقپەن اۋاشالاعاندار بار، قايتىپ كەتۋگە «قاتاڭ» كەڭەس بەرگەندەر دە تابىلادى، قيت ەتسە جولدى جاۋىپ، ەسىكتى تاقاعاندار دا جوق ەمەس. تۇپتەپ كەلگەندە، ەڭ جاقسىسى قايتىپ كەلمە دەگەندىك.
مۇنداي ارەكەتتەردىڭ بارلىعى ۇكىمەت ىسىندە جالقاۋلىق تانىتۋ، بويكۇيەزدىككە سالىنۋدىڭ بەينەلەرى، ءتىپتى جونگە سالۋ قۋاتىنداعى ۇلىعاۋسار ولقىلىق دەۋگە بولادى، ىندەتتەن ساقتانۋدى ۇدايىلاندىرۋ تالابىمەن وت پەن سۋداي وتاسپايدى، جونگە سالۋ جۇيەسى مەن جونگە سالۋ قۋاتىن وسىزامانداندىرۋ ۇلى بەتالىسىمەن دە كەرەعار كەلەدى. وتە – موتە، ەكى رەتكى كوكتەم مەرەكەسىنىڭ دەمالىسىندا ىندەتتەن ساقتانۋ – تىزگىندەۋ جاعىندا تاجىريبەلەر جيناعان جاعدايدا، جەر – جەردىڭ ىندەتتەن ساقتانۋ – تىزگىندەۋ قۋاتى مەن قامتاماسىزداندىرۋ ورەسى سايكەستى جوعارىلاعان بولۋى كەرەك، ادەتتەگىدەن تىس قاتاڭ باسقارۋ تاسىلدەرىنە شەكتەن تىس سۇيەنىپ الماعان ءجون.
جۇڭگولىقتاردىڭ كوكتەم مەرەكەسىنە بولعان سۇيىسپەنشىلىگى ەرەكشە. مەرەكەنى كوڭىلدى، بەرەكەلى بەينەدە باس قوسىپ وتكىزۋدى اڭسايدى. كوكتەم مەرەكەسى تاياپ كەلە جاتقاندا، تاعى ءبىر رەت دابىل قاعىپ، ەسكەرتۋ جاساپ قويعانىمىز قاجەت دەپ بىلەمىز، «بايقاعان سايىن ەمدەپ وتىرۋ» نەگىزىندە، عىلىمي، دالمە – ءدال بولۋىنا كۇش سالۋىمىز قاجەت، جەر – جەردىڭ جاعدايىنا قاراي تۇرگە ءبولىپ جەتەكشىلىك ەتىپ، وڭىرگە ءبولىپ شارا قولدانۋ، ىندەتتەن ساقتانۋ شارالارىن قاتاڭ تياناقتاندىرۋمەن بىرگە، بۇقارانىڭ ءوندىرىسى مەن تۇرمىسىنا جاسايتىن ىقپالىن بارىنشا ازايتۋ، بۇقارانىڭ كوكتەم مەرەكەسىن اقاۋسىز، بەرەكەلى وتكىزۋىنە شارت – جاعداي ازىرلەۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
