تىنىشتىق قۇرىلىسىن كۇندەلىكتى تۇرمىسپەن توعىستىردى
− تىنىش جۇڭگو قۇرىلىسىنداعى وزات جەكە، اقشي اۋدانى اقشي قالاشىق پارتكومىنىڭ ورىنباسار شۋجيى، ساياسي - زاڭ كوميتەتىنىڭ شۋجيى ياڭ فىڭ تۋرالى
□ انار بۇلت / شينجياڭ گازەتىنىڭ ءتىلشىسى ۋاڭ نا
2022.01.13 15:38 كەلۋ قاينارى : شينجياڭ گازەتى
بىلتىر 12 - ايدىڭ 21 - كۇنى اقشي اۋدانى اقشي قالاشىعى ۋچۇي قىستاعىنداعى جاڭادان اشىلعان كورىنىس ءتۇيىنى ”كوشپەندى تايپا“ كوپتەگەن ساياحاتشىلاردى باۋرادى، كىسىنى قىزىقتىراتىن ءدامدى تاعامدار، كوڭىلدى ءان - ءبي... ساياحاتشىلاردى شاتتىق تەڭىزىنە شومىلدىردى.
جالىندى ”كوشپەندى تايپا“ − اقشي قالاشىعى ساياحات كاسىبى دامۋىنىڭ ىقشام كورىنىسى. تىنىشتىق بولماسا، دامۋ دا بولمايدى. سوڭعى جىلدارى اقشي قالاشىعى حالىق بۇقاراسىنىڭ ريزا بولۋىن ءتۇبىرلى ولشەم ەتىپ، تىنىشتىق قۇرىلىسى قىزمەتىن جاپپاي ىلگەرىلەتىپ، تۇتاس قالاشىق ەكونوميكاسىنىڭ تەز قارقىنمەن اقاۋسىز دامۋىنا ناقتى نەگىز قالادى. وسى ناتيجەنى بۇكىل قالاشىقتاعى پارتيا مۇشەلەرىنىڭ، كادرلاردىڭ جانە ءار ۇلت بۇقاراسىنىڭ ورتاق قۇلشىنۋىنان بولە قاراۋعا بولمايدى ءارى اقشي قالاشىق پارتكومىنىڭ ورىنباسار شۋجيى، ساياسي - زاڭ كوميتەتىنىڭ شۋجيى ياڭ فىڭنىڭ ەڭبەگى مەن قوسقان ۇلەسىنەن بولە قاراۋعا بولمايدى.
ياڭ فىڭ بۇرىن قارۋلى ساقشى جاۋىنگەرى بولاتىن. 2011 - جىلى قوسىننان شەگىنگەننەن كەيىن تىنىشتىق قۇرىلىسى قىزمەتىمەن اينالىسادى. 10 جىلدان بەرى ول ىلگەرىندى - كەيىندى اقشي اۋدانىنداعى كوپتەگەن اۋىل - قالاشىقتا نەگىزگى ساتىنىڭ قوعامدىق جونگە سالۋ قىزمەتىنە جاۋاپتى بولىپ، تىنىشتىق قۇرىلىسى قىزمەتى جونىنەن مول تاجىريبە توپتايدى.
2013 - جىلى 5 - ايدان 2020 - جىلى 11 - ايعا دەيىن ياڭ فىڭ اقشي اۋدانى ساپارباي اۋىلىندا قىزمەت ىستەدى. بۇل اۋىل 2018 - جىلى ”اۆتونوميالى رايون بويىنشا ۇزدىك تىنىش اۋىل - قالاشىق (ءمالى)“ بولىپ باعالاندى، بۇعان ونىڭ دا ءبىر كىسىلىك ۇلەسى سىڭگەن.
2018 - جىلى قاراستى رايونداعى بۇقارانىڭ تىنىشتىق قۇرىلىسى قىزمەتىن ءتۇسىنۋىن، ات سالىسۋىن، ريزالىعىن ارتتىرۋ ءۇشىن، ياڭ فىڭ وتباسىلارىن ارالاپ بۇقاراعا ورتتەن ساقتانۋ، ۇرىدان ساقتانۋ، الدامكوستىكتەن ساقتانۋ سياقتى حاۋىپسىزدىك جونىندەگى نەگىزگى ساۋاتتاردى ۇگىتتەيدى.
ساپارباي اۋىلىنا قاراستى ءوڭىردىڭ ％90ى اسقار تاۋ، قۇزار شىڭ، تىك قۇلاما، جىرا - جىلعا بولىپ كەلەدى، جاپالى جاراتىلىستىق شارت - جاعداي وتباسىلارىن ارالاپ ۇگىت جۇرگىزۋگە بەلگىلى قيىندىق تۋدىرادى. سول كەزدە تاۋ قويناۋىندا مال باعاتىن 40 نەشە مالشى وتباسى بار بولاتىن، ياڭ فىڭ قىزمەتتەستەرىمەن بىرگە اۆتوكولىكپەن 2 ساعاتتان استام جول باسىپ، ودان اتقا ءمىنىپ 2 ساعاتتان ارتىق جول ءجۇرىپ، مال شارۋاشىلىق وڭىرىنە ارەڭ جەتەدى. تاۋ قويناۋىنداعى مال شارۋاشىلىق وڭىرىندە ياڭ فىڭ قىزمەتتەستەرىمەن بىرگە كيىز ۇيلەردى ارالاپ، تىنىشتىق قۇرىلىسى بىلىمدەرىن ۇگىتتەيدى، سونداي - اق مالشىلارعا قاجەتتى تۇرمىستىق بۇيىمدار جەتكىزىپ بەرىپ، مالشىلاردىڭ تىنىشتىق قۇرىلىسى قىزمەتىنە ات سالىسۋ بەلسەندىلىگى مەن ىرىقتىلىعىن ارتتىرادى.
2020 - جىلى 11 - ايدا ياڭ فىڭ اقشي قالاشىعىنا اۋىسىپ كەلەدى. بۇل قالاشىق قىرعىزستانمەن شەكارالاس، سىرتپەن تۇتاسقان 3 تاۋ ساعاسى بار. ادال، سەنىمدى، ىسىلعان، عىلمي، جارامدى شەكارا قورعاۋشىلار قوسىنىن قۇرۋ شەكارا حاۋىپسىزدىگىن، ورنىقتىلىعىن قورعاۋ جونىنەن ماڭىزدى مانگە يە. ياڭ فىڭ شەكارا سىزىعىن بويلاپ شارلاۋ قىزمەتىن ورىستەتۋدەن، شەكارا قورعاۋشىلارىنان حال سۇراۋدان جازبايدى، تاۋ اسىپ، تاس باسۋ، قاتقان نان كەمىرۋ دەگەندەر ادەتتەگى ءىس ەدى.
بيىل 1 - ايدىڭ ءبىر كۇنى ياڭ فىڭ شارلاۋ جۇرگىزۋ بارىسىندا تاۋ جولىنىڭ ءبىراز جەرىنەن اتىن جەتەكتەپ جاياۋ وتۋگە تۋرا كەلەدى، ءجۇرىپ كەلە جاتقان جولىنداعى تاس كەنەت بوساپ، اتى ۇركىپ، شىلبىرىن تارتا جونەلگەندە تاۋدان قۇلاپ كەتە جازدايدى. ياڭ فىڭ جارالانعان وڭ اياعىن سۇيرەتىپ باسىپ، مىندەت اتقاراتىن ورىنداردى قالدىرماي ارالاپ شىعادى.
ياڭ فىڭ اقشي قالاشىعىنا مىندەتكە تاعايىندالعاننان كەيىن، ۋاقىتپەن جارىسۋداي كوكەي تەستىلىك سەزىم جانە استە بويكۇيەزدىككە سالىنباۋداي جاۋاپكەرشىلىك سەزىممەن تىنىشتىق قۇرىلىسى قىزمەتىن ورىستەتتى. ونىڭ قول تەلەفونى 24 ساعات اشىق تۇرادى، قول تەلەفون ءنومىرى تۇتاس قالاشىقتاعىلارعا جاريا؛ ول قاراستى رايونداعى قىستاقتاردى، الەۋمەتتىك اۋماقتاردى، مال شارۋاشىلىق وڭىرلەرىن، مەكتەپتەر مەن كاسىپورىنداردى تۇگەلدەي ارالاپ، بۇقارادان كەڭ كولەمدە ۇسىنىس - پىكىر تىڭداپ، جيناپ، تىنىشتىق قۇرىلىسى قىزمەتىن بۇقارانىڭ كۇندەلىكتى تۇرمىسىمەن توعىستىردى.
قازىر اقشي قالاشىعىنىڭ قوعامدىق كەلەلى جاعدايى ۇزدىكسىز ورنىقتى بولىپ، بۇقارانىڭ حاۋىپسىزدىك سەزىمى بارىنشا جوعارىلادى. بۇل ياڭ فىڭدى ايرىقشا جىگەرلەندىردى: ”مەن تىنىش جۇڭگو، تىنىش شينجياڭ قۇرىلىسىنا بار كۇشىمدى سالامىن“، - دەدى ول.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
