«قىسقى وليمپيادا سپورت جارىسىنا ءبىز دە ات سالىسامىز!» (كوكتەم مەرەكەسىندە نەگىزگى ساتىعا بارۋ)
«حالىق گازەتىنىڭ» تىلشىلەرى جۋ حۇڭ، لي جياديڭ
2022.01.17 16:35 كەلۋ قاينارى : حالىق تورابى
العى ءسوز
جۇرتشىلىق كوكتەم مەرەكەسىن قاشان دا اسىعا كۇتەدى. بەيجيڭ قىسقى وليمپيادا سپورت جارىسى، مۇگەدەكتەر وليمپيادا سپورت جارىسى اشىلۋ الدىندا تۇر، پارتيانىڭ 20 - قۇرىلتايى بيىل سوڭعى جارتى جىلدا اشىلادى، جۇڭحۋا ۇلتىنىڭ ۇلى گۇلدەنۋى نىق قاداممەن العا باسۋ جولىنا ءتۇستى. قايسار، گۇلدەنىپ - كوركەيگەن جۇڭگونىڭ بارلىق جەرىندە ەرلىكپەن العا ۇمتىلعان، تالىقپاي تالپىنعان كۇرەس حيكايالارى شەرتىلۋدە.
بۇگىننەن باستاپ گازەتىمىز «كوكتەم مەرەكەسىندە نەگىزگى ساتىعا بارۋ» ارناۋلى ايدارىن اشتى، تىلشىلەر شار تاراپقا بارىپ، كوكتەم مەرەكەسى كەزىندەگى جۇرتشىلىلقتىڭ تىنىس – تىرشىلىگىنە نازار اۋدارىپ، ءسىزدى باستاپ كۇن سايىن جاڭالانعان دامۋ مەن وزگەرىسكە كۋا بولىپ، ۇرپاقتان - ۇرپاققا جالعاسقان ۇلى ىستەردى جىرلاپ، اسقاق جىگەرمەن العا باسقان ءداۋىر اۋقىمىن سەزىنەدى.
جىگەرى تاسقىنداعان جاڭ ليانحۋا توقىما توقۋدا. سول قولىنىڭ سۇق ساۋساعىمەن اق ءتۇستى ءجىپتى ورامالاپ، وڭ قولىمەن ينەنى ۇستاپ ساباقتاپ جاتىر. ينە توقتاۋسىز قوزعالىپ، كوپ وتپەي سالالى جىپتەر ءبىر شوق گۇلدى پىشىنگە اينالدى.
1 - ايدىڭ 15 - كۇنى ەسكىشە كالەندار بويىنشا 1 - ايدىڭ 13 - كۇنى تيانجين قالاسى بينحاي جاڭا رايونى شينچىڭ قالاشىعى لياڭزى قىستاعىنىڭ تۇرعىندار قيمىل ورتالىعىندا 59 جاستاعى جاڭ ليانحۋا مەن اپەكەلى - سىڭلىلەر توقىماشىلىقپەن شۇعىلدانىپ جاتتى.
«تۇرلىشە گۇلدەردى توقۋ ءۇشىن تۇرلىشە ينە قولدانۋ كەرەك، ەڭ قيىنى وسى جاسىل جاپىراق» دەدى جاڭ ليانحۋا. ول توقىماشىلىققا قىزىعادى، جۇمىستى تىندىرىمدى ىستەيدى. «ينەنى ءىلىپ تارتقاندا 4 رەت قىسقا الىپ، ءبىر رەت ۇزىن الىپ كىدىرۋ، 3 رەت ۇزىن، 6 رەت ونان دا ۇزىن الىپ ءبىر ىلمەك شىعارۋ كەرەك...» جاڭ ليانحۋا تاقپاقتاتا وتىرىپ توقىماسىن جالعاستىردى. «جاپىراق ۇشىن» دا سالىپ بولدى. «ەكى جاعى بىردەي 26 رەت ىلىنەدى، ءبىر ءىلىم كەم بولسا، ‹جاپىراق› ءپىشىنى شىقپاي قالادى». 15 مينۋتتاي وتكەندە جاڭ ليانحۋا ينەنى قويىپ، ريزالىقپەن كۇلىپ الدى.
جاڭ ليانحۋانىڭ كۇلكىسىنىڭ استارىندا مول كىرىس جاتىر، ءبىر تال جاسىل جاپىراق 2 يۋان، ءبىر شوق گۇل 7 يۋان، ءبىر ايدا از بولعاندا مىڭ يۋاننان استام اقشا تابادى؛ ول بۇل ارادا ءبىر جفعىنان كوڭىل سەرگىتىپ، ءبىر جاعىنان كىرىس كىرگىزەدى، سىرلاس دوستارى دا بار.
2 جىلدىڭ الدىندا جاڭ ليانحۋا مەن كۇيەۋى سىرت جەردەن لياڭزى قىستاعىنا كوشىپ باردى. كۇيەۋى تيانجين پورتىنان قىزمەت تاپتى. ءبىراق جاڭ ليانحۋا اياق اۋرۋىنا شالدىعادى، ول: «ەكى ادىم جۇرسەم اۋىرسىنىپ شىداماي قالامىن، جۇمىستا، تۇرمىستا زور قولايسىزدىققا تاپ بولدىم» دەدى.
2020 - جىلى 1 - ايدا تيانجين قالالىق ايەلدەر بىرلەستىگى «ايەلدەردىڭ وتباسى قولونەر شەبەرحاناسى» نىسانىن باستاپ، قولمەن توقۋ تەحنيكاسىنا باۋلۋ كۋرسىن اشىپ، مەيىر باعىشتايتىن الەۋمەتتىك يگىلىك ۇيىمدارىنىڭ، مەيىر باعىشتايتىن كاسىپورىنداردىڭ قاتىناسۋىن ىلگەرىلەتىپ، «شەبەرلىك + تاپسىرىس» بويىنشا وتباسىندا يكەمدى كاسىپتەنۋ ۇلگىسىن قالىپتاستىردى. لياڭزى قىستاعىنىڭ ءتۇبىتتى ءجىپ توقۋدى ەرەكشەلىك ەتكەن قولونەر شەبەرحاناسى وسىلايشا قۇرىلدى. «سىناپ كورىڭىز». جاڭ ليانحۋا سىناقتان وتكەننەن كەيىن وسى قولونەر شەبەرحاناسىنىڭ ءبىر مۇشەسىنە اينالدى.
2021 - جىلى 10 - ايدا قولونەر شەبەرحاناسى راۋشانگۇل، لاۆر جانە تورعىن دوپ جاساۋ سىندى 3 ءتۇرلى گۇل توقۋ تاپسىرىسىن تاپسىرىپ الدى، ءاربىر گۇل جاپىراقشاسىنىڭ ءوزارا پارقى ميلليمەترمەن ەسەپتەلەدى.
«قانشالىق كۇش سالعان سايىن ورەمىزدى سونشالىق ايگىلەي الامىز!». جاڭ ليانحۋا اپەكە - سىڭلىلەرىن باستاپ، وقىتۋ كەسكىنى مەن كورسەتپە سىزبالار بويىنشا قايتا - قايتا وي جۇگىرتىپ، قاراپايىم دا جوعارى ءونىمدى توقۋ ءتاسىلىن قورىتىندىلادى. 2 ايدان استام ۋاقىت ىشىندە 731 تال راۋشانگۇل، 6 مىڭ 203 تال لاۆر، ءبىر مىڭ 563 تال تورعىن دوپ جانە 7 مىڭ 624 تال جاسىل جاپىراق ونىمدەرىن تاپسىردى. ءونىم جوعارى دارەجەدە جاقسى باعا الىپ، بىرنەشە كۇننىڭ الدىندا تاعى دا جاڭا تاپسىرىس بەرىلدى.
«قانداي ورىن ازىرلەگەن؟ قاجەت ەتكەن ءونىمىمىز كوركەمونەر بۇيىمدارىنا ۇقسايدى ەكەن، ونىڭ ۇستىنە مولشەرى دە كوپ». مۇنىڭ سىرى كوپشىلىكتىڭ كوكەيىندە جۇمباق بولىپ كەلەدى.
وسى جىلى جاڭا جىلعا كەلگەندە عانا جۇمباق شەشىلدى. سول كۇنى لياڭزى قىستاعى پارتيا ياچەيكاسى شۋجيىنىڭ ورىنباسارى لي حۇڭيۇي شەبەرحاناعا كەلىپ تەبىرەنە: «اپەكە - سىڭلىلەر، ءبىزدىڭ كىم ءۇشىن گۇل توقىپ جاتقانىمىزدى بىلەسىزدەر مە؟ مۇنىڭ قۇپياسى اشىلدى، قىسقى وليمپيادا ءۇشىن ەكەن!» دەدى.
كوپشىلىك ونى قاۋمالاپ الدىك، لي حۇڭيۇي قول تەلەفونىن دەرەۋ اشىپ، اقپاراتتىق حابارلاردى تاپتى، 2022 - جىلى بەيجيڭ قىسقى وليمپيادا سپورت جارىسى مەن مۇگەدەكتەر قىسقى وليمپيادا سپورت جارىسى قولونەر ءتۇبىت جىبىنەن قۇرالعان گۇل شوعىن سيلىق تاراتۋ شوعى ەتىپتى، بۇلار روزا گۇلى، راۋشانگۇل، مەرۋەرت گۇل، تورعىن دوپ، لاۆر جانە زايتۇن سياقتى گۇلدەردەن قۇرالىپتى، بۇلار «ماڭگى سولمايتىن» ءتۇبىت گۇلى ەكەن، بۇلاردىڭ كەيبىرەۋى لياڭزى قىستاعىنىڭ قولونەر شەبەرحاناسىندا جاسالىپ جاتىپتى.
«قىسقى وليمپيادا سپورت جارىسىنا ءبىز دە ات سالىساتىن بولدىق!»، «دۇنيە جۇزىنە لياڭزى قىستاعىنداعى اپەكە - سىڭلىلەردىڭ ونەرىن كورسەتەيىك!»، «سپورتشىلار سيلىق العاندا، تەلەۆيزوردا بىرگە سۋرەتكە تۇسەمىن!»... جاڭ ليانحۋا سول كۇنى قولونەر شەبەرحاناسىندا شەبەرلەرمەن بىرگە مەرەكە وتكىزگەندەي دۋمانعا بولەندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
