شي جينپيڭ 35 - كەزەكتى افريكا وداعى باسشىلار ماجىلىسىنە قۇتتىقتاۋ تەلەگرامماسىن جولدادى
2022.02.08 14:58 كەلۋ قاينارى : شينجياڭ گازەتى
شينحۋا اگەنتتىگىنىڭ 2 - ايدىڭ 5 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 2 - ايدىڭ 5 - كۇنى 35 - كەزەكتى افريكا وداعى باسشىلار ماجىلىسىنە تەلەگرامما جولداپ، افريكا ەلدەرى مەن حالقىن قىزۋ قۇتتىقتادى.
شي جينپيڭ بىلاي دەپ اتاپ كورسەتتى: بيىل افريكا وداعى قۇرىلعاندىعىنىڭ 20 جىلدىعى. 20 جىلدان بەرى افريكا وداعى بىرلەسىپ ءوزىن قۇدىرەتتەندىرۋ تۋىن بيىك ۇستاپ، افريكاعا ۇيلەسەتىن دامۋ جولىن بەلسەنە قاراستىرىپ، ءوڭىردى ءبىر تۇلعالاندىرۋ قۇرىلىسىن ىلگەرىلەتۋدە ماڭىزدى جەتىستىككە قول جەتكىزىپ، افريكا ەلدەرىن جاڭا تيپتى ايدارشا ۆيرۋس وكپە قابىنۋ ىندەتىنە ىنتىماقتاسا قارسى اتتانۋعا سايكەستىرىپ، افريكانىڭ بەيبىتشىلىگىن، ورنىقتىلىعىن جانە دامۋىن پارمەندى قورعاپ، افريكانىڭ حالىقارالىق ىقپالى مەن ورنىن ۇزدىكسىز جوعارىلاۋعا جەتەكتەدى.
شي جينپيڭ بىلاي دەپ باسا دارىپتەدى: 2021 - جىلى جۇڭگو - افريكا قارىم - قاتىناسى قارىشتاپ دامىعان ءبىر جىل بولدى. بىلتىر 11 - ايدا جۇڭگو - افريكا سەلبەستىك تالقى مىنبەرىنىڭ 8 - كەزەكتى مينيستر دارەجەلىلەر ءماجىلىسى تابىسپەن وتكىزىلدى، مەن ماجىلىستە الداعى 3 جىلداعى افريكامەن سەلبەستىك جاساسۋدىڭ ”9 ءتۇرلى ينجەنەرياسىن“ جاريالاپ، ماجىلىسكە قاتىناسقان افريكا جاق باسشىلارىمەن بىرگە جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋدى ءبىر اۋىزدان قولدادىم. جاڭا جاعدايدا، جۇڭگو جاق افريكا جاقپەن بىرگە تالقى مىنبەرى ءماجىلىسىنىڭ جەتىستىكتەرىن بەلسەنە تياناقتاندىرىپ، ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ، الەمدىك دامۋ باستاماسىنىڭ افريكا وداعىنىڭ «2063 - جىلعا دەيىنگى كەڭەستىك تارتىبىمەن»، ەركىن ساۋدا رايونى قۇرىلىسىمەن ىشكەرىلەي ءتۇيىلىسۋىن ىلگەرىلەتىپ، جۇڭگو - افريكا سەلبەستىگىن اناعۇرلىم جوعارى ساپالى، اناعۇرلىم كەڭ سالالى دامۋعا جەتەكتەپ، جۇڭگو - افريكا دوستىعىنىڭ جاڭا تاراۋىن ۇزدىكسىز جازۋدى قالايدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
