بەيجيڭ 2022 - جىلعى قىسقى وليمپيادا سپورت جارىسى قارسى الۋ قوناعاسىندا سويلەنگەن ءسوز
(2022 - جىلى 2 - ايدىڭ 5 - كۇنى)
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
2022.02.08 14:58 كەلۋ قاينارى : شينجياڭ گازەتى
قۇرمەتتى باح ءتوراعا،
قۇرمەتتى ارىپتەستەر،
حانىمدار، مىرزالار، دوستار:
جۇڭگو حالقى مەرەيلى كوكتەم مەرەكەسىن شاتتانا تويلاپ جاتقان قۋانىشتى كۇندەردە جاڭا، كونە دوستارمەن بەيجيڭدە باس قوسقاندىعىما مەن ايرىقشا قۋانىشتىمىن. اۋەلى، مەن جۇڭگو ۇكىمەتى مەن حالقى اتىنان، حانىمىم اتىنان جانە ءوز اتىمنان، بەيجيڭ قىسقى وليمپيادا سپورت جارىسىنا قاتىناسۋ ءۇشىن جۇڭگوعا كەلگەن سيلى قوناقتاردى قىزۋ قارسى الامىن! بەيجيڭ قىسقى وليمپيادا سپورت جارىسىنا كوڭىل بولگەن جانە قولداۋ كورسەتكەن ءار ەل ۇكىمەتىنە، ءار ەل حالقىنا جانە حالىقارالىق ۇيىمدارعا شىن جۇرەكتەن العىس ايتامىن! سونىمەن بىرگە، مەن وسىندا وتىرعان دوستاردىڭ جاڭا تيپتى ايدارشا ۆيرۋس وكپە قابىنۋ ىندەتى اكەلگەن قيىندىقتار مەن قولايسىزدىقتاردى جەڭىپ، سوناۋ الىستان بەيجيڭگە كەلىپ، قىسقى وليمپيادا سپورت جارىسى ءۇشىن الاقايلاپ، جۇڭگوعا دەم بەرگەندىگىنە ەرەكشە راقىمەت ايتامىن.
كەشە كەشتە بەيجيڭ قىسقى وليمپيادا سپورت جارىسى مەملەكەتتىك دەنە تاربيە الاڭىندا رەسمي باستالدى. اراعا 14 جىل سالىپ، وليمپيادانىڭ قاسيەتتى الاۋى بەيجيڭدە تاعى ءبىر مارتە تۇتانىپ، بەيجيڭ دۇنيە ءجۇزى بويىنشا تۇڭعىش ”قوس وليمپيادا قالاسى“ بولدى. جۇڭگو جاسىل، بىرگە يگىلىكتەنۋ، اشىق، پاك بولۋ سىندى وليمپيادا سپورت جارىسىن وتكىزۋ ۇستانىمىن ۇستانىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن بار كۇشپەن ەڭسەرىپ، حالىقارالىق قوعامعا بەرگەن ايبىندى ۋادەسىن مۇقيات ورىنداپ، بەيجيڭ قىسقى وليمپيادا سپورت جارىسىنىڭ ۋاعىندا، ءساتتى وتكىزىلۋىنە شىنايى كەپىلدىك ەتتى.
اناعۇرلىم كوپ ادامدى قار - مۇز سپورتىنا قاتىناستىرۋ وليمپيادا سپورتىندا بولۋعا ءتيىستى ءمان. جۇڭگو قىسقى وليمپيادا سپورت جارىسىن وتكىزۋگە دايىندالۋ جانە قىسقى وليمپيادا سپورتىن جالپىلاستىرۋ ارقىلى قار - مۇز سپورتىنىڭ جاي بۇقارا وتباسىلارىنا دەيىن جەتۋىنە مۇمكىندىك جاساپ، 300 ميلليون ادامدى قار - مۇز سپورتىنا قاتىناسۋعا باستاۋ نىساناسىن جۇزەگە اسىرىپ، الەمدىك وليمپيادا ىستەرى ءۇشىن تىڭ ۇلەس قوستى.
حانىمدار، مىرزالار، دوستار!
ەجەلدەن بەرى وليمپيادا سپورتى ادامزاتتىڭ بەيبىتشىلىككە، ىنتىماققا، العا باسۋعا دەگەن تاماشا تالپىنىسىن ارقالاعان.
− ءبىز وليمپيادا سپورتىنىڭ اۋەلگى ماقساتىن ەسىمىزدە بەرىك ساقتاپ، دۇنيە ءجۇزىنىڭ بەيبىتشىلىگىن بىرگە قورعاۋعا ءتيىسپىز. وليمپيادا سپورتى بەيبىتشىلىك ءۇشىن تۋعان، بەيبىتشىلىكتىڭ ارقاسىندا وركەندەگەن. بىلتىر 12 - ايدا بىرلەسكەن مەملەكەتتەر ۇيىمى جينالىسى ءبىر اۋىزدى كەلىسىممەن وليمپيادا كەزىندە سوعىستى توقتاتا تۇرۋ تۋرالى قارار ماقۇلداپ، دەنە تاربيە ارقىلى بەيبىتشىلىكتى جەبەۋدى ۇندەپ، حالىقارالىق قوعامنىڭ ورتاق جۇرەك ۇنىنە ۋاكىلدىك ەتتى. ءوزارا قۇرمەت ەتۋگە، تەڭ تۇرعىدا سيلاسۋعا، كەڭەسۋگە، اقىلداسۋعا تاباندى بولىپ، الاۋىزدىقتان ارىلۋعا، قاقتىعىستاردى جويۋعا قۇلشىنىپ، باياندى بەيبىت دۇنيە ءجۇزىن بىرگە قۇرۋىمىز كەرەك.
− ءبىز وليمپيادا سپورتى رۋحىن اسقاقتاتىپ، حالىقارالىق قوعامعا ورتاق سىن - سايىستارعا ىنتىماقتاسا توتەپ بەرۋگە ءتيىسپىز. جاڭا تيپتى ايدارشا ۆيرۋس وكپە قابىنۋ ىندەتى ءالى ورشۋدە، كليمات وزگەرىسى، لاڭكەستىك قاتارلى الەمدىك ماسەلەلەردىڭ تولاستايتىن ءتۇرى جوق. حالىقارالىق قوعام ”اناعۇرلىم ىنتىماقتى“ بولۋعا ءتيىس. ءار ەل تەك ىنتىماقپەن سەلبەسىپ، بولاشاققا بىرگە اتتانعاندا عانا، بۇلارعا ءونىمدى توتەپ بەرە الادى. ناعىز كوپ جاقتىلىقتى امالياتتا ايگىلەپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، حالىقارالىق زاڭدى نەگىز ەتكەن حالىقارالىق ءتارتىپتى قورعاپ، جاراسىمدى، سەلبەسەتىن حالىقارالىق ۇلكەن شاڭىراقتى بىرگە قۇرۋىمىز كەرەك.
− ءبىز وليمپيادا سپورتىنىڭ باس ماقساتىن امالياتتا ايگىلەپ، ادامزاتتىڭ العا باسۋ ىستەرىن ۇزدىكسىز ىلگەرىلەتۋگە ءتيىسپىز. وليمپيادا سپورتىنىڭ نىساناسى ادامنىڭ جان - جاقتى دامۋىن جۇزەگە اسىرۋ. ءداۋىر اعىمىنا ۇيلەسىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتاردان جازباي، تۇرلىشە وركەنيەتتەردىڭ ارالاسۋىن، ءوزارا ۇلگى الۋىن جەبەپ، ادامزاتتىڭ تاعدىرلاس ورتاق تۇلعاسىن بىرگە قۇرۋىمىز كەرەك.
حانىمدار، مىرزالار، دوستار!
”ءزىلزالا تورسىلداق ءۇنىن جامىلعان، قوش ايتىپ تاعى ءبىر جىل بارادى، كوكتەم سامالى سيلادى جىلىلىق ساعىنعان، كەل دوسىم، كوتەرگىن تۋسۋ شارابىن“. جۇڭگو جاڭا عانا ەگىنشىلىك كالەندارى بويىنشا بارىس جىلىن قارسى الدى. بارىس − كۇش - قايراتتىڭ، جۇرەكتىلىكتىڭ، جان قيارلىقتىڭ سيمۆولى، وليمپيادا ساڭلاقتارىنىڭ بارىستاي قايراتتى بولىپ، تاماشا ناتيجەگە جەتۋلەرىن تىلەيمىن. مەن كوپشىلىكتىڭ بىرگە قۇلشىنۋىندا بەيجيڭ قىسقى وليمپيادا سپورت جارىسىنىڭ ۇنەمشىل، حاۋىپسىز، تارتىمدى وليمپيادا سالتاناتتى جينالىسى رەتىندە، ءسوز جوق، تاريح بەتىنەن وشپەس ورىن الاتىندىعىنا سەنەمىن.
سوڭىندا مەن كوپشىلىكتىڭ بىرگە توست كوتەرۋىن ۇسىنامىن،
حالىقارالىق وليمپيادا سپورتىنىڭ قارىشتاي دامۋى ءۇشىن،
ادامزاتتىڭ بەيبىتشىلىگى مەن دامۋىنىڭ اسقاق ىستەرى ءۇشىن،
ءارقايسى سيلى قوناقتاردىڭ جانە ولاردىڭ وتباسىنداعىلاردىڭ دەنساۋلىعى ءۇشىن،
توست كوتەرەيىك!
(شينحۋا اگەنتتىگىنىڭ 2 - ايدىڭ 5 - كۇنى بەيجيڭنەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
