شينحۋا اگەنتتىگى كولەمدى ادەبي حابار تاراتتى
«بەس قۇرلىق، ءتورت مۇحيتتى تەربەگەن ءداۋىردىڭ قۋاتتى ءۇنى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ الەمدىك ۇلەسى تۋرالى شولۋ»
2022.02.08 14:59 كەلۋ قاينارى : شينجياڭ گازەتى
شينحۋا اگەنتتىگىنىڭ 2 - ايدىڭ 6 - كۇنى بەيجيڭنەن بەرگەن حابارى. شينحۋا اگەنتتىگى 2 - ايدىڭ 6 - كۇنى «بەس قۇرلىق، ءتورت مۇحيتتى تەربەگەن ءداۋىردىڭ قۋاتتى ءۇنى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ الەمدىك ۇلەسى تۋرالى شولۋ» اتتى كولەمدى شولۋ تاراتتى.
ماقالادا بىلاي دەلىندى: كوكتەم مەرەكەسىنىڭ 5 - كۇنى، بارشا وتباسىلاردا شام جامىراعان كەز. بەيجيڭ حالىق سارايىنىڭ شىعىس زالى، باس شۋجي شي جينپيڭ بىرلەسكەن مەملەكەتتەر ۇيىمىنىڭ باس حاتشىسى گۋتەرەستى اتتاندىرىپ سالىپ، سول كۇنگى ديپلوماتيالىق قيمىلدارىن اياقتاتقاندا، ساعات كەشكى 8دى كورسەتكەن ەدى.
بەيجيڭ قىسقى وليمپيادا سپورت جارىسى ءدال بارىس جىلى كوكتەم مەرەكەسىنە تۋرا كەلدى. بىرنەشە كۇننەن بەرى باس شۋجي شي جينپيڭ جۇڭگوعا كەلگەن شەتەلدىڭ مەملەكەت باسشىلارىمەن، ۇكىمەت باسشىلارىمەن، پاتشا اۋلەتى مۇشەلەرىمەن جانە حالىقارالىق ۇيىمداردىڭ جاۋاپتىلارىمەن بىرگە قىسقى وليمپيادا سپورت جارىسىنىڭ باستالۋ سالتىنا قاتىناستى، ولارعا قارسى الۋ قوناعاسىن بەردى، رەسەيدىڭ زۇڭتۇڭى پۋتين، حالىقارالىق وليمپيادا كوميتەتىنىڭ ءتوراعاسى باح قاتارلى حالىقارالىق ساياسي قايراتكەرلەرمەن، حالىقارالىق ۇيىمداردىڭ جاۋاپتىلارىمەن جەكە - جەكە بەتپە - بەت ءجيى ءديدارلاسۋ وتكىزدى.
پارتيا 18 - قۇرىلتايىنان بەرى شي جينپيڭ جولداس باستى ۋاكىل بولعان جۇڭگو كوممۋنيستەرى جۇڭگو ساۋالىنا، دۇنيە ءجۇزى ساۋالىنا، حالىق ساۋالىنا، ءداۋىر ساۋالىنا ءبىرسىپىرا ستراتەگيالىق يدەيالارمەن جانە جاڭاشىل ۇستانىمدارمەن جاۋاپ بەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاراتىپ، جۇڭگو حالقىن ىنتىماقتاستىرىپ، باستاپ جالعاستىرا كۇرەس جۇرگىزىپ، ادامزات وركەنيەتىنىڭ جاڭا فورماتسياسىن جاساپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بۇكىل ادامزاتقا ورتاق قۇندىلىقتاردى اسقاقتاتىپ، ادامزاتتىڭ بەيبىتشىلىگى مەن دامۋ ىستەرىن جەبەۋدى اينىماس مۇرات ەتىپ، الماعايىپ وزگەرىس ۇستىندەگى دۇنيە جۇزىندە ادامزات وركەنيەتىنىڭ العا باسۋى ءۇشىن ماڭىزدى ۇلەس قوستى.
ماقالا 4 بولىمنەن قۇرالدى: دۇنيەنىڭ دۇرىس جولى، وركەنيەتتىڭ جاڭا تاراۋى − جۇڭگونىڭ باسقارۋى ارقىلى ادامزات وركەنيەتىنىڭ جاڭا فورماتسياسىن جاساپ، ادامزات قوعامىنىڭ وسىزاماندانۋعا بەت الۋى ءۇشىن شت جاڭا جول تالعامىن ازىرلەدى؛ اشىق، سيىسىمدى بولىپ، ءداۋىر تولقىنىنىڭ الدىڭعى لەگىندە ءجۇرۋ − جوعارى دەڭگەيدە سىرتقا ەسىك اشۋ ارقىلى ءار ەلدىڭ سەلبەسىپ تەڭ يگىلىككە كەنەلۋىنە، بىرگە دامۋىنا جەتەكشىلىك ەتىپ، كۇللى دۇنيە ءجۇزىنىڭ دامۋ - گۇلدەنۋىنە قۋاتتى قوزعاۋشى كۇش ۇستەدى؛ بارشا الەم ءبىر شاڭىراق، ءبىر نيەتپەن كۇش بىرىكتىرىپ قيىندىقتى جەڭۋ − تاعدىرلاستىق ۇستانىم ارقىلى دۇنيە جۇزىندەگى ءار ەلمەن دوستىق بارىس - كەلىس جاساسىپ، قول ۇستاسا قاتار ىلگەرىلەپ، ادامزاتتىڭ العا باسۋىنىڭ دۇرىس بەتالىسىنا جەتەكشىلىك ەتتى؛ ورتاق قۇندىلىق، بولاشاققا جول كورسەتۋ − جاراسىمدى بولۋمەن بىرگە، ءوز ەرەكشەلىگىن ساقتاۋ، ۇلى بىرلىككە ۇمتىلۋ بارىسىندا جاھاندىق ورتاق تانىم ۇيىستىرىپ، ادامزات وركەنيەتىنىڭ العا باسۋىنا رۋحاني جەتەكشىلىك ازىرلەدى.
ماقالادا مىنالار اتاپ كورسەتىلدى: ”ورتاق دۇنيە ءجۇزى، ورتاق ارمان“. 2008 - جىلى تۇڭعىش رەت وليمپيادا سپورت جارىسىن وتكىزگەن جۇڭگو دۇنيە جۇزىنە دارقان قۇشاعىن اشىپ، دۇنيە ءجۇزىن ورتاق ارمانمەن باۋرادى؛
”بولاشاققا بىرگە اتتانۋ“. 2022 - جىلى وليمپيادانىڭ قاسيەتتى الاۋى بەيجيڭدە تاعى ءبىر مارتە تۇتانىپ، بەس قۇرلىق، ءتورت مۇحيتتان كەلگەن ىنتىماق كۇشىن ۇيىستىردى.
بولاشاققا بىرگە اتتانايىق! جاڭا داۋىردەگى جۇڭگو ادامزاتتىڭ تاعدىرلاس ورتاق تۇلعاسىن قۇرۋ تۋىن ۇزدىكسىز بيىك ۇستاپ، ءار ەلمەن بىرگە ادامزات وركەنيەتىنىڭ العا باسۋى سىندى اسقاق ءىس ءۇشىن جىگەرلەنە ىلگەرىلەۋدىڭ اناعۇرلىم جالىندى الاۋىن لاۋلاتىپ، اناعۇرلىم شۇعىلالى ءۇمىت ساۋلەسىن جارقىراتادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
