سانجى قالاسى:
باعىمشىلىقتاعى كوڭ - قوقىرلار، ساسىق ءيىس جۇرتتىڭ مازاسىن العاندىقتان قاتىستى تاراۋلار تاباندا تەكسەرىپ، تۇزەتتى
2022.04.22 16:01 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ۋاڭ يايۇن، ەرىكتى ءتىلشى گاۋ يۇنجى 4 - ايدىڭ 19 - كۇنى ۇرىمجىدەن حابارلايدى. ”كوڭ - قوقىر تازالانعاننان كەيىن، قىستاقتىڭ اۋاسى ءتىپتى دە تازاردى. كوپشىلىكتىڭ قورشاعان ورتا تازالىعىن بىرگە قورعاپ، ءار كۇنى تازا، رەتتى تۇرمىس ورتاسىنان يگىلىكتەنۋىن ءۇمىت ەتەمىن“، - دەدى 4 - ايدىڭ 17 - كۇنى سانجى قالاسى ارليۋگۇڭ قالاشىعى گۋاڭدۇڭحۋ قىستاعىنىڭ تۇرعىنى ما جيانجۇڭ.
تاياۋدا بۇقارادان سانجى قالاسى ارليۋگۇڭ قالاشىعى گۋاڭدۇڭحۋ قىستاعىنداعى تۇرعىنداردىڭ ءبىرسىپىراسى اۋلالارىندا سيىر، قوي، تاۋىق سياقتى مال - قۇستاردى باعىپ، ماڭايدى ساسىتىپ جۇرتتىڭ مازاسىن الدى دەگەن اڭىس كەلدى. ارىز - ارماندى تاپسىرىپ العاننان كەيىن، سانجى قالاسى قالالىق اۋىل شارۋاشىلىق، اۋىل - قىستاق مەكەمەسىندەگى، ارليۋگۇڭ قالاشىعىنداعى قاتىستى جاۋاپتىلاردى ناق مايدانعا بارىپ، تەكسەرىپ انىقتاپ، تالداۋ جاساپ، تۇجىرىمداپ، جاۋاپكەرشىلىكتى تۇراقتاندىرۋعا ۇيىمداستىرىپ، قاتىستى جاۋاپتىلاردىڭ رەتتەۋ - تۇزەتۋدى تياناقتاندىرۋىن سوڭىنا ءتۇسىپ قۋزادى.
ۇعىسۋعا قاراعاندا، ارليۋگۇڭ قالاشىعى گۋاڭدۇڭحۋ قىستاعى 5 - اترەتىندە 24 باعىمشىلىق وتباسى بار ەكەن، مۇنىڭ ىشىندە 17 وتباسى 425 سيىر، 6 وتباسى 452 قوي، ءبىر وتباسى 2000 تاۋىق باققان. باعىمشىلىق كولەمى ءبىرشاما شاعىن بولعاندىقتان، بارلىعى بەلگىلەنگەن ولشەمگە جەتپەگەن، بۇل وتباسى باعىمشىلىعىنا جاتادى ەكەن. قىسقى اۋا رايىنىڭ اسەرىنەن، باقتاشىلار كوڭ - قوقىرلاردى دەر كەزىندە تازالاماعاندىقتان، كۇن جىلىنعاندا كوڭ - قوقىردان ساسىق ءيىس شىعىپ، جۇرتتىڭ مازاسىن العان.
”قىستاق تۇرعىندار كوميتەتى ارناۋلى ادام، ارناۋلى كولىك جىبەرىپ باقتاشىلاردىڭ جالپى بەتتىك تازالىق جۇرگىزۋىنە جەتەكشىلىك ەتتى، سونداي - اق كوڭ - قوقىرلاردى تازالاۋ جاعدايىن تەكسەرۋدى ۇدايىلاندىردى“. گۋاڭدۇڭحۋ قىستاعى 5 - اترەتىندەگى باقتاشى ساي لياڭي: ”مۇنان بىلاي ءبىز قورشاعان ورتانى قورعاۋ بىلىمدەرىن ۇيرەنۋدى، ءسوزسىز، كۇشەيتىپ، عىلمي باعۋ، قورشاعان ورتانى قورعاۋ بويىنشا جۇمىس جۇرگىزەمىز“، - دەدى.
ارليۋگۇڭ قالاشىعىنىڭ باستىعى تان يۇڭجيە بىلاي دەپ تانىستىردى: ارليۋگۇڭ قالاشىعى قاراستى جەرلەردى باسقارۋدى كۇشەيتىپ، جايشىلىقتا ارالاپ تەكسەرۋ مەن وتباسىلارىن ارالاپ جاعداي ۇعىسۋ تەبىنىن ارتتىرىپ، ءارقايسى قىستاقتاعى باعىمشىلىق كاسىپورىندارى مەن باعىمشىلىق وتباسىلارىنا «جۇڭحۋا حالىق رەسپۋبليكاسىنىڭ حايۋاناتتاردى ىندەتتەن ساقتاۋ زاڭىن»، «مال، ءۇي قۇس باعىمشىلىعى لاستانۋىنان ساقتانۋ، باسقارۋ ءادىسى» سياقتى زاڭ ەرەجەلەردى ۇگىتتەپ، كوڭ - قوقىردى زارارسىزداندىرىپ ءبىر جاقتى ەتۋدىڭ ماڭىزدىلىعىن باسا دارىپتەپ، باعىمشىلىق كاسىپورىندارى مەن باعىمشىلىق وتباسىلارىنىڭ قورشاعان ورتانى قورعاۋ تانىمىن ونان ارى جوعارىلاتىپ، وسى تەكتەس ماسەلەلەردىڭ ەندىگارى تۋىلماۋىنا شىنايى كەپىلدىك ەتەدى.
سانجى قالالىق اۋىل شارۋاشىلىعى، اۋىل - قىستاق مەكەمەسى ءاربىر باعىمشىلىق كاسىپورىندارىنىڭ، باعىمشىلىق وتباسىلارىنىڭ مال، ءۇي قۇس باعىمشىلىق الاڭىنداعى (وتباسى) كوڭ - قوقىرلاردى بايلىققا اينالدىرىپ پايدالانۋ جوسپارىن جانە ەسەبىن جاساۋعا قۋزاۋ سالىپ، كوڭ تىڭايتقىشىنان پايدالانۋ فورماسىن ايقىنداپ، كوڭ تىڭايتقىش بايلىعىنان پايدالانۋ كەلىسىمى مەن مال، ءۇي قۇسى باعىمشىلىق الاڭىنداعى كوڭ - قوقىرلاردى ءبىر جاقتى ەتۋ، رەتتەۋ، جونگە سالۋ ۋادەناماسىنا قول قويىپ، باعىمشىلىق وتباسىلارىنىڭ مال، ءۇي قۇسى كوڭ - قوقىرىن قالا، قالاشىق، قىستاق 3 دارەجە بىرلەسىپ اتتانىسقا كەلىپ، ارالاپ تەكسەرۋ ءتۇزىمىن ورناتادى.
سونىمەن قاتار، سانجى قالالىق اۋىل شارۋاشىلىق جالپىلىق زاڭ اتقاۋ ۇلكەن اترەتى باعىمشىلىق كاسىپورىندارى مەن باعىمشىلىق وتباسىلارىنا ۋاق - ۋاق نەمەسە كەز كەلگەن ۋاقىتتا قۋزاۋ - تەكسەرۋ جۇرگىزىپ، باعىمشىلىق كاسىپورىندارى مەن باعىمشىلىق وتباسىلارىنىڭ كوڭ - قوقىردى، قوقىر - قوقسىقتى ءبىر جاقتى ەتۋىن ولشەمگە جەتكىزۋگە شىنايى كەپىلدىك ەتتى.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
