الدىڭعى 3 ايدا شينجياڭنىڭ يمپورت - ەكسپورت جالپى قۇنى سايكەس مەزگىلدەگىدەن ％34.9 ارتتى
2022.04.22 16:01 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى چىن چياڭۋي 4 - ايدىڭ 19 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، ءبىرىنشى ماۋسىمدا شينجياڭنىڭ يمپورت - ەكسپورت جالپى قۇنى 37 ميلليارد 830 ميلليون يۋان بولىپ، سايكەس مەزگىلدەگىدەن ％34.9 ارتقان، تۇتاس مەملەكەتتىڭ ارتۋ قارقىنىنان 24.2 پايىز جوعارى بولعان، تۇتاس مەملەكەت بويىنشا 24 - ورىندا بولىپ، بىلتىرعى سايكەس مەزگىلدەگىدەن ءبىر ورىن جوعارىلاعان، باتىس بولىكتەگى 12 ولكە، رايون، قالا بويىنشا 6 - ورىندا بولىپ، ءبىر ورىن جوعارىلاعان.
ءبىرىنشى ماۋسىمدا شينجياڭنىڭ ەكسپورت جالپى قۇنى 31 ميلليارد 350 ميلليون يۋان بولىپ، سايكەس مەزگىلدەگىدەن ％50 ارتقان، تۇتاس مەملەكەتتىڭ ارتۋ قارقىنىنان 36.6 پايىز جوعارى بولعان. 3 - ايداعى يمپورت - ەكسپورت مولشەرى الدىڭعى ساناق مەزگىلىندەگىمەن سالىستىرعاندا 2 ەسە ارتۋدى جۇزەگە اسىرىپ، شينجياڭنىڭ سىرتقى ساۋداسىندا ورنىقتى ارتۋ جاعدايى جارىققا شىققان.
ءۇرىمجى كەدەنىنىڭ ساناعىنا نەگىزدەلگەندە ءبىرىنشى ماۋسىمدا جۇڭگو شينجياڭىنىڭ ”ءبىر بەلدەۋ، ءبىر جول“ بويىنداعى مەملەكەتتەرمەن، وڭىرلەرمەن بولعان يمپورت - ەكسپورت جالپى قۇنى سايكەس مەزگىلدەگىدەن 50 پايىزعا جۋىق ارتقان. ”ءبىر بەلدەۋ، ءبىر جول“ بويىنداعى مەملەكەتتەرمەن جانە RCEP (وڭىرلىك جان - جاقتى ەكونوميكالىق سەلبەستىك قارىم - قاتىناس كەلىسىمى) مەملەكەتتەرىمەن بولعان يمپورت - ەكسپورت جالپى قۇنى جەكە - جەكە 34 ميلليارد 910 ميلليون يۋان، 2 ميلليارد 430 ميلليون يۋان بولىپ، سايكەس مەزگىلدەگىدەن جەكە - جەكە ％49.8، ％35.3 ارتقان. قىرعىزستانعا بولعان ساۋدا قۇنى قاۋىرت ارتىپ، 14 ميلليارد 590 ميلليون يۋانعا جەتىپ، سايكەس مەزگىلدەگىدەن 11.6 ەسە ارتىپ، شينجياڭنىڭ سىرتقى ساۋدا يمپورت - ەكسپورت جالپى قۇنىنىڭ ％38.6ىن ۇستاعان.
ءبىرىنشى ماۋسىمدا تۇتاس شينجياڭداعى 12 ايماق، وبلىس، قالا يمپورت - ەكسپورتتىڭ سايكەس مەزگىلدەگىدەن ارتۋىن جۇزەگە اسىردى. اسىرەسە، ءۇرىمجى قالاسى مەن قاشقار ايماعىنىكى سايكەس مەزگىلدەگىدەن جەكە - جەكە ％31.9 جانە ％171.4 ارتقان، ەكەۋىنىڭ جيىنتىعى شينجياڭ سىرتقى ساۋدا يمپورت - ەكسپورت جالپى قۇنىنىڭ ％47.5ىن يەلەگەن. سىرتقى ساۋدا بويىنشا الدىڭعى 10 ورىنداعى ايماق، وبلىس، قالانىڭ ىشىندە التاي ايماعى، اقسۋ ايماعى، شىحىزى قالاسىنىكى جەكە - جەكە سايكەس مەزگىلدەگىدەن ％631.9، ％247، ％148.7 ارتقان. شينجياڭنىڭ 4 كەشەندى قورعامالى باجى اۋماعىنىڭ يمپورت - ەكسپورت ساۋدا جالپى قۇنى سايكەس مەزگىلدەگىدەن ％117.6 ارتقان.
شينجياڭنىڭ شەكارالىق شاعىن سوماداعى ساۋدا تاسىلىندەگى يمپورت - ەكسپورت ساۋدا قۇنى 19 ميلليارد 940 ميلليون يۋان بولىپ، سايكەس مەزگىلدەگىدەن ％60.2 ارتقان. ادەتتەگى ساۋدا تاسىلىندەگى يمپورت - ەكسپورتى 13 ميلليارد 490 ميلليون يۋان بولىپ، قۇلدىراۋدان جوعارىلاۋدى جۇزەگە اسىرعان. باجىسىز زات تاسىمالى تاسىلىندەگى يمپورت - ەكسپورت سايكەس مەزگىلدەگىدەن ％172.6 ارتقان. سىرتقا كوتەرمەگە بەرىلگەن ينجەنەريا ەكسپورتى تاسىلىندەگى ەكسپورت سايكەس مەزگىلدەگىدەن ％298.1 ارتقان.
ءبىرىنشى ماۋسىمدا شينجياڭنىڭ حالىقتىق كاسىپورىندارىنىڭ سىرتقى ساۋدا يمپورت - ەكسپورتى سايكەس مەزگىلدەگىدەن 50 پايىزعا جۋىق ارتقان. تاۋار ءتۇرى بويىنشا قاراعاندا، كيىم - كەشەك پەن كيىم - كەشەك قوسالقى بۇيىمدارى، ماشينا - ەلەكتر ونىمدەرى، اياق كيىم، مەتال كەنى، سونداي - اق كەن قيىرشىعى، اۋىل شارۋاشىلىق ونىمدەرى سىندى باستى يمپورت - ەكسپورت تاۋارلارى ءالى دە تاماشا ارتۋ جاعدايىن ساقتاۋدا.
ءۇرىمجى كەدەنىنىڭ تالداۋ جاساۋىنا نەگىزدەلگەندە يمپورتتىڭ السىزدەۋ بولۋى ءالى دە شينجياڭنىڭ سىرتقى ساۋدانى دامىتۋىنداعى ءبىر كەلەڭسىز ءتۇيىن بولىپ سانالادى. بيىل جىل باسىنان بەرى حالىقارالىق قىرۋار تاۋارلاردىڭ باعاسىنىڭ كۇرت قىمباتتاۋىنىڭ اسەرى يمپورت مولشەرى تومەندەۋدىڭ جالپى قۇنعا جاسايتىن ىقپالىن بەلگىلى دەڭگەيدە دولايلاستىردى.
بيىل جىل باسىنان بەرى ءۇرىمجى كەدەنى شينجياڭنىڭ اشىق تيپتەگى ەكونوميكاسىنىڭ جوعارى ساپالى دامۋىنا دەم بەرۋ ءۇشىن 14 ءتۇرلى شارانى العا قويىپ، سىرتقى ساۋدانى ورنىقتىرۋعا، شەتەل قارجىسىن ورنىقتىرۋعا ساياتىن ءتۇرلى ساياساتتىڭ تياناقتانۋىن ناقتى يگەرۋگە كۇش ۇستەپ، كاسىپورىنداردىڭ قيىنشىلىعىن جەڭىلدەتۋ ساياساتىنىڭ قولداۋ تەبىنىن ۇزدىكسىز نىعايتتى؛ جاڭا كاسىپ كۇيىنىڭ، جاڭا ۇلگىنىڭ دامۋىن قولداپ، شەكارا اتتاعان ەلەكتروندى ساۋدانىڭ دامۋىن بار كۇشپەن جەبەپ، ”ورتالىق قالا + شەكارا وتكەلى“ شەكارا اتتاعان ەلەكتروندى ساۋدا ورنالاستىرۋىن ساپالىلاندىرۋدى ىلگەرىلەتىپ، سىرتقى ساۋدانىڭ جاڭا ارتۋ ءتۇيىنىن اناعۇرلىم كەڭەيتتى.
ءۇرىمجى كەدەنى مىنالاردى ۇسىنىس ەتتى، كاسىپورىندار RCEP تابىسىن مىقتى يگەرىپ، جاڭا گۇلدەنگەن بازارلاردى كۇش سالا كەڭەيتىپ، باسىمدىققا يە ونىمدەر ەكسپورتىن كەڭەيتىپ، حالىقارالىق باسەكەلىك قۋاتىن ۇزدىكسىز جوعارىلاتىپ، توڭىرەكتەگى ەلدەرمەن بولعان كوپ سالالى سەلبەستىكتى بەكەمدەۋى، تەرەڭدەتۋى كەرەك.
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
