اۆتونوميالى رايوندىق 13 - كەزەكتى حالىق ۇكىمەتى 159 - رەتكى ۇنەمىلىك ىستەر ءماجىلىسىن اشتى
2022.04.25 15:27 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي ياڭ 4 - ايدىڭ 23 - كۇنى ۇرىمجىدەن حابارلايدى. 4 - ايدىڭ 22 - كۇنى تۇستەن بۇرىن اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق 13 - كەزەكتى حالىق ۇكىمەتىنىڭ 159 - رەتكى ۇنەمىلىك ىستەر ءماجىلىسىن باسقارىپ اشىپ، اۆتونوميالى رايون ونەركاسىبىنىڭ جوعارى ساپالى دامۋى، زاڭمەن باسقارىلاتىن ۇكىمەت قۇرىلىسى، جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسىن كەمەلدەندىرۋ سياقتى قىزمەتتەردى اقىلداستى.
ءماجىلىس مىنالاردى اتاپ كورسەتتى: تالاي جىلدىق دامۋ ارقىلى رايونىمىز مۇناي حيميا ونەركاسىبى، ەلەكتر قۋاتى ونەركاسىبى، ءتۇستى مەتال، زاماناۋي كومىر حيميا ونەركاسىبى سياقتى ەنەرگيا بايلىعى كاسىپ سالالارىن تىرەك ەتكەن ونەركاسىپ كاسىپ سالاسى جۇيەسىن العاشقى ادىمدا قالىپتاستىردى. الايدا، ونەركاسىپتەندىرۋدىڭ دامۋى ءالى دە تولىق ەمەس، ونەركاسىپتىڭ جوعارى ساپالى دامۋعا تىرەك بولۋ قابىلەتىن جوعارىلاتۋعا تۋرا كەلىپ وتىر. رايونىمىزدىڭ وڭىرلىك ورىن باسىمدىعى مەن بايلىق باسىمدىعىن تولىق ساۋلەلەندىرىپ، مەملەكەتتىڭ بۇكىل ەلدە ءبىر تۇتاس ءىرى بازار قۇرۋى سىندى ەلەۋلى ورايدى مىقتى يگەرىپ، ونەركاسىپتە قۋاتتى رايون ستراتەگياسى مەن جاڭالىق اشۋ ارقىلى دامۋعا دەم بەرۋ ستراتەگياسىن بۇلجىماستان اتقارىپ، ونەركاسىپتىڭ نەگىزىن بەكەمدەپ، ونىمدىلىگىن ارتتىرۋ مەن تيبىن وزگەرتىپ، دارەجەسىن جوعارىلاتۋدى ۇزدىكسىز ىلگەرىلەتۋ كەرەك. كەلەلى نىسان قۇرىلىسىن بار كۇشپەن ىلگەرىلەتىپ، تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ نىساندارىن تياناقتاندىرۋعا باۋراپ، مۇناي حيميا ونەركاسىبىن، كومىر حيميا ونەركاسىبىن، ەلەكتر قۋاتىن، كرەمني نەگىزدى جاڭا ماتەريالداردى ۋاكىل ەتكەن ءبىر توپ كاسىپ سالالارى شوعىرىن قالىپتاستىرۋ كەرەك. شارۋاشىلىق - ساۋدا ورتاسىن ۇزدىكسىز ساپالىلاندىرىپ، بازار تۇلعالارىنىڭ ومىرشەڭدىگىن قاۋلاتىپ، دارىندىلارمەن قامتاماسىزداندىرۋ سەرپىنىن ارتتىرىپ، سيفرلى ەكونوميكانىڭ كولەمىن دامىتىپ، زورايتىپ، ونەركاسىپ سالاسىندا ەنەرگيا ۇنەمدەپ، كومىر قىشقىل گازىنىڭ شىعارىلۋىن ازايتۋدى ءتارتىپتى ىلگەرىلەتىپ، شينجياڭ ەرەكشەلىگىنە يە، ءار ۇلت حالقىنا تيىمدىلىك جەتكىزەتىن، جوعارى ساپالى دامۋعا تىرەك بولاتىن زاماناۋي ونەركاسىپ جۇيەسىن قۇلشىنا قالىپتاستىرىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ زاتتىق نەگىزىن بەكەمدەۋ كەرەك.
ءماجىلىس مىنالاردى اتاپ كورسەتتى: زاڭمەن باسقارىلاتىن ۇكىمەت قۇرىلىسى − مەملەكەتتى جاپپاي زاڭمەن باسقارۋداعى ءتۇيىندى مىندەت جانە تۇلعالىق ينجەنەريا، مەملەكەتتى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋدىڭ ماڭىزدى تىرەگى. زاڭمەن باسقارىلاتىن ۇكىمەت قۇرىلىسىنىڭ كوكەي تەستىلىگىن، ماڭىزدىلىعىن تولىق تانىپ، پارتيا ورتالىق كوميتەتى، مەملەكەتتىك كەڭەس باسىپ تاراتقان «زاڭمەن باسقارىلاتىن ۇكىمەت قۇرىلىسىن اتقارۋ باعدارلاماسىندا (2021 − 2025 - جىل)» العا قويىلعان ”زاڭمەن باسقارىلاتىن ۇكىمەت قۇرىلىسىندا جاپپاي سەرپىلىس جاساۋ“ تالابىن مۇقيات دايەكتىلەندىرىپ، اۆتونوميالى رايوندىق پارتكومنىڭ شينجياڭدى زاڭمەن باسقارۋدى ىلگەرىلەتۋ جونىندەگى ورنالاستىرۋىن جاپپاي تياناقتاندىرىپ، ماسەلەنى باعدار ەتۋگە تاباندى بولىپ، زاڭ بويىنشا اكىمشىلىك جۇرگىزۋدى قاتايتىپ، ۇكىمەت فۋنكتسياسىندا بۇرىلىس جاساپ، فۋنكتسياسى عىلمي، ۇقىق - جاۋاپكەرشىلىگى زاڭدا بەلگىلەنگەن، زاڭ اتقارۋى قاتاڭ، اشىق تا ءادىل، زەردەلى دە جوعارى ءونىمدى، پاك تە سەنىمدى، حالىق رازى بولاتىن زاڭمەن باسقارىلاتىن ۇكىمەتتى جاپپاي قۇرىپ، پارتيا 20 - قۇرىلتايىنىڭ جەڭىسپەن اشىلۋىن ۇزدىك ناتيجەمەن قارسى الۋ كەرەك.
ءماجىلىس مىنالاردى اتاپ كورسەتتى: سالاماتتى جۇڭگو ستراتەگياسى مەن جالپى حالىقتىق دەنە شىنىقتىرۋ مەملەكەتتىك ستراتەگياسىن ىشكەرىلەي اتقارىپ، دەنە تاربيەدە قۋاتتى رايون قۇرىلىسىن جەدەلدەتىپ، قالا مەن اۋىلدى ءبىر تۇتاس جوسپارلايتىن، ءادىل دە قولجەتىمدى، قىزمەت وتەۋى قولايلى، جۇمىس جۇرگىزۋى جوعارى ءونىمدى، قامتاماسىزداندىرۋى پارمەندى بولعان اناعۇرلىم جوعارى ورەدەگى جالپى حالىقتىق دەنە شىنىقتىرۋ الەۋمەتتىك قىزمەت وتەۋ جۇيەسىن قۇرۋ كەرەك. جالپى حالىقتىق دەنە شىنىقتىرۋ ورىن، قۇرىلعى قىزمەت وتەۋلەرىمەن قامداۋدى مولايتىپ، جالپى حالىقتىق دەنە شىنىقتىرۋ جارىس قيمىلدارىن كەڭ كولەمدە ورىستەتىپ، دەنە تاربيە مەن دەنساۋلىق ساقتاۋدىڭ توعىسۋىن، دەنە تاربيە مەن ساياحاتتىڭ توعىسۋىن تەرەڭدەتىپ، جالپى حالىق دەنە شىنىقتىراتىن قوعامدىق راي قالىپتاستىرۋ كەرەك.
ءماجىلىس باسقا دا ىستەردى اقىلداستى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
