شينجياڭ ۇيعۇر اۆتونوميالى رايونى شينجياڭعا قاتىستى اقپار جاريالاۋ ءماجىلىسىن اشتى
شينجياڭ ءار ۇلت بۇقاراسىنىڭ اشىق، ابىرويلى ەڭبەك ەتۋىن زاڭمەن قامتاماسىز ەتتى
2022.04.25 15:30 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جىڭ جو 4 - ايدىڭ 22 - كۇنى بەيجيڭنەن حابارلايدى. شينجياڭ ەجەلدەن حالىقارالىق قوعامنىڭ ابىرويلى ەڭبەك ۇستانىمىن بەلسەنە امالياتتا ايگىلەپ، ءار ۇلت ەڭبەكشىلەرىنىڭ ەركىن شارت - جاعدايدا قىزمەت ىستەۋىن كۇش سالا قامتاماسىز ەتىپ كەلەدى. ”1 - مامىر“ حالىقارالىق ەڭبەكشىلەر مەرەكەسى كەلۋ قارساڭىندا شينجياڭ ۇيعۇر اۆتونوميالى رايونى بەيجيڭدە شينجياڭعا قاتىستى اقپار جاريالاۋ ءماجىلىسىن اشىپ، قاتىستى ەڭبەك تاراۋلارىن، كاسىپورىنداردىڭ جاۋاپتىلارىن، مامان - وقىمىستىلاردى جانە ەڭبەكشىلەردىڭ ۋاكىلدەرىن ۇسىنىس ەتىپ، شينجياڭداعى ءار ۇلت بۇقاراسىنىڭ ەڭبەك ۇقىق - مۇددەسىنىڭ زاڭ بويىنشا قورعالۋى سياقتى جاقتارداعى جاعدايلار جونىندە جان - جاقتى تانىستىرۋ جاسادى.
”شينجياڭنىڭ ەڭبەكپەن جۇمىستاندىرۋدى قامتاماسىز ەتۋ ساياساتى جانە امالياتى حالىقارالىق ەڭبەك جانە ادامدىق ۇقىق ولشەمىنە بۇكىلدەي ۇيلەسەدى، حالىقارالىق ەڭبەكشىلەر ۇيىمىنىڭ قاتىستى باستامالارى رۋحىنىڭ جۇڭگونىڭ ۇلتتىق وڭىرلەرىندەگى تابىستى امالياتى سانالادى“. اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنىڭ مەڭگەرۋشىسى لي جۋان شينجياڭنىڭ ەجەلدەن ءار ۇلت ەڭبەكشىلەرىنىڭ زاڭدى ۇقىق - مۇددەسىن قورعاۋعا ءمان بەرىپ كەلە جاتقاندىعىن، جۇمىستاندىرۋعا قاتىستى ءبىرسىپىرا زاڭ، زاڭ ەرەجەلەر مەن ساياساتتاردى تياناقتاندىرۋ ارقىلى ءار ۇلت بۇقاراسىنىڭ تولىق جۇمىستانۋىن پارمەندى جەبەگەندىگىن ايتتى.
ەڭبەكشىلەردىڭ ۇقىق - مۇددەسىن قامتاماسىز ەتۋ ءۇشىن، شينجياڭداعى ءار دارەجەلى تاراۋلار بەرىك زاڭمەن باسقارۋ قامتاماسىزدىعىن ازىرلەدى. اۆتونوميالى رايوندىق ەڭبەك قامتاماسىزدىعىن باقىلاۋ - تەكسەرۋ باس اترەتىنىڭ باستىعى چىن چياڭ تانىستىرۋىندا ەڭبەكشىلەردىڭ ىستىق لەنياعا تەلەفون جالعاۋ سياقتى مۇددە قورعاۋ ارنالارى ارقىلى اشكەرەلەۋ، شاعىم ءتۇسىرۋ جۇمىستارىن جۇرگىزە الاتىندىعىن، ءار دارەجەلى ەڭبەك قامتاماسىزدىعىن باقىلاۋ - تەكسەرۋ قۇرىلىمدارى دەر كەزىندە تەكسەرىپ، انىقتاپ، زاڭ بويىنشا ءبىر جاقتى ەتىپ، ەڭبەكشىلەردىڭ زاڭدى ۇقىق - مۇددەلەرىنىڭ زيانعا ۇشىراماۋىنا شىنايى كەپىلدىك ەتەتىندىگىن ايتتى.
اۆتونوميالى رايوندىق ەڭبەك، كادرلار ءىسى داۋ - شارلارىنا تورەلىك ايتۋ مەكەمەسىنىڭ ورىنباسار باستىعى جياڭ جيە بىلاي دەدى: شينجياڭ ”ينتەرنەت + جاراستىرۋ“ قىزمەت وتەۋ تۇعىرىن ىسكە قوستى، ەڭبەكشىلەر ينتەرنەت جەلىسىندە تورەلىك ايتۋعا ءوتىنىش بەرە الادى، 2021 - جىلدىڭ سوڭىنا دەيىن ءار دارەجەلى جاراستىرۋ، تورەلىك ايتۋ قۇرىلىمدارىنىڭ ىستەردى تورەلىك ايتىپ شەشۋ مولشەرى ％97.2كە جەتتى.
”جۇمىسشى ۇيىمى تەڭ تۇرعىدا كەڭەسۋ جانە توپتىق توقتام ءتۇزىمى ارقىلى ەڭبەك قاتىناسىن سايكەستىرىپ، كاسىپورىندارداعى جۇمىسشى - قىزمەتشىلەردىڭ ەڭبەك ۇقىق - مۇددەسىن قورعايدى“. اۆتونوميالى رايوندىق باس جۇمىسشى ۇيىمىنىڭ ورىنباسار ءتوراعاسى ەلدوس مۇرات تانىستىرۋىندا قازىر بۇكىل رايوندا كاسىپورىندارداعى ەڭبەك قاتىناسى ساندى مالىمەتتەرىن قاداعالايتىن 30 ءتۇيىن اشىلعاندىعىن، ەڭبەك قاتىناسىن قاداعالاۋعا ارناۋلى ادام جاۋاپتاندىرىلعاندىعىن ايتتى.
شينجياڭ تيانيۇن ورگانيكالى اۋىل شارۋاشىلىعى شەكتى سەرىكتەستىگىنىڭ باسالقاسى جاڭ شيۋ بىلاي دەدى: سەرىكتەستىگىمىز 8 ساعاتتىق جۇمىس تۇزىمىنە قاتاڭ بويسۇنادى، مول ءونىم الار مەزگىلدە سەرىكتەستىك الدىمەن جۇمىسشى ۇيىمىمەن جانە ەڭبەكشىلەرمەن كەڭەسىپ، ۇستەمە جۇمىس ەڭبەكاقىسىن تولەيدى جانە اۋىسىپ ىستەۋگە، دەمالىس تولىقتاپ بەرۋگە ورنالاستىرىپ، قىزمەتشىلەردىڭ قۋانىشتى كوڭىل كۇيمەن قىزمەتكە كىرىسۋىنە مۇمكىندىك جاسايدى.
ءۇرىمجى قالاسىنداعى ءبىر مۇناي سەرىكتەستىگىنىڭ قىزمەتشىسى قايسار مامەت ءوزىنىڭ جۇمىس قاراستىرۋ، جۇمىستانۋ بارىسىن ايتىپ بەردى، ول بىلاي دەدى: جۇمىسقا كەلگەندەگى العاشقى ءىسىم سەرىكتەستىكپەن ەڭبەك توقتامىن جاساسۋ بولدى، ”اق قاعاز، قارا جازۋمەن“ ءوزىم يگىلىكتەنەتىن ۇقىقتار مەن ارقالايتىن مىندەتتەر انىق جازىلدى.
ۇزاق جىلدان بەرى ەڭبەك ۇقىق - مۇددەلەرىن قورعاۋدى زەرتتەۋمەن اينالىسىپ كەلە جاتقان شينجياڭ قوعامدىق عىلىمدار اكادەمياسى زاڭ عىلىمىن زەرتتەۋ ورنىنىڭ اعا زەرتتەۋشىسى چىن چي زاڭدىق ءتۇزىم دەڭگەيى مەن ناقتى تياناقتانۋ دەڭگەيىنەن قاراعاندا، شينجياڭداعى ءار ۇلت ەڭبەكشىلەرىنىڭ نەگىزگى ۇقىق - مۇددەسىنىڭ جان - جاقتى قورعالعاندىعىن ايتتى.
”ابىرويلى ەڭبەك ىستەۋدى جۇزەگە اسىرۋ − ادامزات قوعامىنىڭ جالپى ورتاق تانىمىنا جانە ارمانىنا اينالدى“. شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى شۇي گۇيشياڭ مىنالاردى ءبىلدىردى: شينجياڭ حالىقارالىق ەڭبەكشىلەر ۇيىمىنىڭ قاتىستى شارتتارى مەن باستامالارى رۋحىنا بويسۇنىپ، مەملەكەتتىڭ زاڭ - ساياسات بەلگىلەمەلەرىن قاتاڭ اتقارىپ كەلەدى، ءار ۇلت ەڭبەكشىلەرى ءوز كۇشىمەن، ءوز ەركىمەن كاسىپ تاڭداۋ ۇقىعىنان شىن مانىندە يگىلىكتەنۋدە. قازىر شينجياڭداعى ءار ۇلت بۇقاراسى اشىق، ابىرويلى ەڭبەك ەتۋدە، ولاردىڭ ماڭدايىنان تامعان ءار تامشى تەر، جاساعان ءار قۇلشىنىستارى تۇگەلدەي قۇرمەتكە بولەنىپ، قارىمجىعا يە بولىپ وتىر.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
