مارالباسى اۋدانى:
باقىلاۋ - باسقارۋدى كۇشەيتىپ، اناركول سۋ قويماسىنداعى سۋدىڭ ۇدايى تۇنىق بولۋىنا شىنايى كەپىلدىك ەتتى
2022.04.25 15:32 كەلۋ قاينارى : شينجياڭ گازەتى
ەرىكتى ءتىلشى پان يانيۇن، انار بۇلت / شينجياڭ گازەتىنىڭ ءتىلشىسى ۋاڭ يايۇن 4 - ايدىڭ 22 - كۇنى قاشقاردان حابارلايدى. تاياۋدا رەتتەۋ - تۇزەتۋ، جونگە سالۋ ارقىلى مارالباسى اۋدانى اناركول سۋ قويماسى باعىمشىلىق وڭىرىندەگى ديزەل مايىن ورتەيتىن 3 قايىق پايدالانۋدان قالدىرىلدى ءارى جاعاداعى ناسوس پۋنكتىنىڭ جانىنا ورنىعىپ، قايىقتىڭ ديزەل ماي ورتەيتىن موتورى الىنىپ تاستالدى.
تاياۋدا بۇقارا ورتالىق ەكولوگيالىق ورتانى قورعاۋدى قۋزاۋ - تەكسەرۋ 5 - گرۋپپاسىنا بەرگەن ارىز - ارمان اشكەرەلەۋىندە: مارالباسى اۋدانى اناركول سۋ قويماسىنىڭ سۋ ايدىنى باعىمشىلىعىن ناقتى كوتەرمەگە الۋشى كوتەرمەگە العان كەزىندە ديزەل ماي ورتەيتىن 20 نەشە قايىقتى بالىق اۋلاۋعا جالداعان، قايىقتىڭ موتورى سىرتىندا بولعاندىقتان، قىرۋار ماي بىلعانىشتارى سۋ قويماسىنا اعىپ كىرگەن، اۋلاۋ بارىسىنداعى تۇرمىستىق قوقىر - قوقسىقتار سۋ قويماسىنا تاستالعان، قاتىستى تاراۋلاردىڭ باقىلاۋ - باسقارۋى تياناقتى بولماعان.
قاشقار ايماقتىق پارتكوم مەن اكىمشىلىك مەكەمەسى ارىز - ارمان ءىسىن ءبىتىرۋدى وتكىزىپ العاننان كەيىن، تاباندا ورنالاستىرۋ جاسادى. مارالباسى اۋدانى تاپسىرىلعان ارىز - ارمان ءىسىن بەرىلگەن زامان ءبىتىرىپ، تياناقتانۋىن ءجىتى قاداعالاپ، اۋداندىق سۋ يگىلىگى مەكەمەسى، ەكولوگيالىق ورتا مەكەمەسى، اناركول اۋىلى سياقتى قاتىستى تاراۋلاردىڭ، ورىنداردىڭ نەگىزگى جاۋاپتىلارىن بىرلەسىپ ىسكە شارپىلعان سۋ الابىنا، ادامعا، قايىققا تەكسەرۋ جۇرگىزۋگە ۇيىمداستىرىپ، ماسەلەنى دەر كەزىندە رەتتەۋ - تۇزەتۋگە شىنايى كەپىلدىك ەتتى.
تەكسەرۋدە مىنالار انىقتالدى: اناركول سۋ قويماسى مارالباسى اۋدانىنداعى 3 اۋىل - قالاشىقتىڭ ەگىن سۋىن ۇستىنە الىپ كەلگەن، بۇل وسى اۋداننىڭ شوعىرلى اۋىز سۋ قاينارىنا جاتپايدى. سۋ قويماسىنىڭ سۋ ايدىنىندا ديزەلدى بالىق اۋلاۋ قايىعى، ديزەلدى موتورلى قايىق، ديزەلدى سەرۋەن قايىعى سياقتى ءتۇرلى قايىقتان 29ى بار بولىپ، تۇگەلدەي ارحيۆكە الىنعان. ديزەلدى بالىق اۋلاۋ قايىعىنا ۋاعىندا تەكسەرۋ جۇرگىزىلمەگەن، الايدا ماي اعۋ، ماي ءسىڭۋ حاۋپى ساقتالماعان. اۋلاۋ بارىسىندا ءىشىنارا تۇرمىستىق قوقىر - قوقسىقتاردى سۋ قويماسىنا تاستاۋ جايتى ساقتالعان. سونىمەن قاتار 3 - جاق قاشقار قالالىق قامدالاتىن سۋ، ىعىستىرىلعان سۋ ساپاسىن باقىلاۋ جانە تەكسەرۋ پۋنكتى اناركول سۋ قويماسى ناسوس پۋنكتىندەگى قايىق ماڭى، سۋ قويماسىنىڭ ورتالىق سۋ ايدىنى، سۋ قويماسىنىڭ سۋ قويا بەرۋ تيەگى سياقتى 3 ورىنداعى سۋدان ۇلگى الىپ تالداۋ جاساعاندا، ناتيجەدە ماي تەكتەس زاتتاردىڭ ولشەمنەن اسپاعانى، ەگىن سۋىنا ىقپال جاسامايتىندىعى كورسەتىلدى.
”ءبىز اناركول سۋ قويماسىن باسقارۋ پۋنكتىندەگى قىزمەتكەرلەردى جانە ماڭىنداعى اۋىل - قالاشىق بۇقاراسىن توسپانىڭ ءىشى - سىرتىنا، سۋ قويماسىنىڭ سۋ ايدىنىنا تور جايۋ سيپاتتى شارلاپ تەكسەرۋ جۇرگىزۋگە ۇيىمداستىرىپ، تاستالعان مينەرال سۋ بوتەلكەسىن تازالاپ، سۋ بەتىندە قالقىعان زاتتاردى ءسۇزىپ الدىق“، - دەدى اناركول سۋ قويماسىن باسقارۋ پۋنكتىنىڭ باستىعى ءالي مۋسا، - اناركول سۋ قويماسى مارالباسى اۋدانىنىڭ ”جاسىل وكپەسى“، مۇنان بىلاي كۇندەلىكتى سۋ قويماسىن شارلاۋ ءتۇزىمىن قاتاڭ تياناقتاندىرامىز، جۇمىس جۇرگىزۋدە كۇماندى جايت جانە قوقىر - قوقسىق تاستاۋ احۋالى بايقالسا دەر كەزىندە ءبىر جاقتى ەتەمىز. سونىمەن قاتار سۋ قويما قىزمەتكەرلەرىنە ەكولوگيالىق ورتانى قورعاۋ تاربيەسىن كۇشەيتىپ، اناركول سۋ قويماسى سۋىنىڭ ۇدايى تۇنىق بولۋىنا شىنايى كەپىلدىك ەتەمىز.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
