موڭعۇلكۇرەدەگى «قىزىل قالاشىق» حيكاياسى
موڭعۇلكۇرەدەگى «قىزىل قالاشىقتىڭ» بايۋ قۇپيالىعىن ىزدەۋ
2022.04.29 16:50 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى تاۋ شۋانكى 4 - ايدىڭ 24 - كۇنى بەيجيڭنەن حابارلايدى. 4 - ايدىڭ 23 - كۇنى ءتىلشى «قىزىل ءتۇستى شاعىن قالاشىق» اتالعان، شينجياڭ موڭعۇلكۇرە اۋدانى تۇعىلشىن قىستاعى مەن قۇروزەك قىستاعىنا بارىپ، بۇل جەرلەردىڭ قىزىل ەلەمەنتكە، قىزىل مادەنيەتكە سۇيەنىپ ەڭسە كوتەرىپ، اۋىل - قىستاقتى گۇلدەندىرگەن بەينەسىن كوردى.
قىستاققا كىرگەندە، جولدىڭ ەكى جاعىنداعى داۋالداردان قىزىل مادەنيەت ۇلگىسىندەگى ۇگىت سوزدەرىن، سۋرەتتەردى كورۋگە بولادى. بارلىق جەردە قىزىل ەلەمەنت لەبى ەسىپ، تام قابىرعاسىندا كورسەتىلگەن سول جىلدارداعى ايبىندى دا شۇعىلالى بەت - بەينە ادامداردىڭ كوز الدىنا ەلەستەي كەتەدى، بۇل ارانى ەكسكۋرسيالاعان ساياحاتشىلاردىڭ ءبارى اۋىز جاپپاي القاسادى.
تۇعىلشىن، قۇروزەك قىستاقتارى موڭعۇلكۇرە قالاشىعىنداعى مال شارۋاشىلىق جانە اۋىل شارۋاشىلىق قىستاعى. ەكى قىستاقتا 606 وتباسى، 3000 نان استام جان سانى بار. بۇرىن وسى قىستاقتىڭ ەگىنشىلەرى تەك ەگىن ەگىپ، مال باعۋعا سۇيەنىپ كۇنەلتەتىن، الايدا 5 جىلدىڭ الدىندا موڭعۇلكۇرە قالاشىعى بۇرىنعى زيالى جاستار سارايىنا سۇيەنىپ، قىزىل ءتۇستى تاربيە بازا ساياحاتىن دامىتۋدى العا قويدى.
تۇعىلشىن قىستاق تۇرعىندار كوميتەتى ءبىر جول ارقىلى مايەك فەرماسىنا جالعاسىپ جاتاتىن. بۇل ارا بۇرىن زيالى جاستار تۇرمىس كەشىرگەن، قىزمەت ىستەگەن ورىن ەدى. 50 نەشە جىل ءوتىپ كەتتى، بۇرىن مۇنداعى ۇيلەر ۇزاق جىلدار بويى جوندەلمەگەن، ءارى بوران ۇرلەپ، جاڭبىر شايىپ دەگەندەي، كونەرە تۇسكەن ەدى. سول جىلداردا زيالى جاستار تۇرمىس كەشىرگەن كورىنىستەردى قايتا قالپىنا كەلتىرىپ، قىزىل گەندى جالعاستىرۋ ءۇشىن، جەرگىلىكتى ۇكىمەت قارجى شىعارىپ زيالى جاستار سارايىن قايتالاي جوندەپ، كەزىندە زيالى جاستاردىڭ وسى ارادا تۇرمىس كەشىرگەندە ىستەتكەن زاتتارىن، تۇرمىستىق بۇيىمدارىن،ءوندىرىس قۇرالدارىن، سونداي - اق كىتاپ، گازەت سياقتى زاتتاردى جيناپ، رەتتەپ، جاڭا زيالى جاستار سارايىن سالدى، جاڭا زيالى جاستار سارايى بىرتىندەپ قىزىل ءتۇستى ساياحات بازاسىنا اينالدى، ءار جىلى ساياحاتشىلار كەلىپ ەكسكۋرسيالايتىن ءتۇيىندى جەر بولدى، 2020 - جىلى زيالى جاستار سارايى مەملەكەتتىك 4A دارەجەلى كورىنىس رايونى بولىپ باعالاندى.
موڭعۇلكۇرە اۋدانى موڭعۇلكۇرە قالاشىعى پارتكومىنىڭ جوراسى، ورىنباسار قالاشىق باستىعى سۇن شينليىڭ بىلاي دەدى: قىزىل گەندى قايتكەندە اۋىل - قىستاقتى گۇلدەندىرۋگەءسىڭىرىپ، «قىزىل تۇقىمدى»، «قىزىل شاعىن قالاشىقتا» تامىر تارتقىزىپ، تىڭ ومىرشەڭدىك كۇشكە يە ەتەمىز، مىنە بۇل موڭعۇلكۇرە اۋدانى موڭعۇلكۇرە قالاشىعىنىڭ «قىزىل شاعىن قالاشىق» قۇرۋداعى قۇلشىنۋ بەتالىسى. ءبىز زيالى جاستار سارايىنىڭ التىن ماڭدايشالىعىن ارقاۋ ەتىپ، كاسىپ اينالىسىن قۇرىپ، قىزىل مادەنيەتتى قورعاۋ مەن قىزىل ساياحاتتىڭ توعىسپالى دامۋىن بەلسەنە ىلگەرىلەتىپ، سەيىل - سەرۋەن ساياحاتىن، سەيىل - سەرۋەن اۋىل شارۋاشىلىعىن، اۋىل - قىستاق ساياحات كاسىبىن كەڭەيتىپ، اۋىل - قىستاقتىڭ قىزىل ساياحات مادەنيەت فاكتورىنىڭ جاڭا ۇلگىسىن بەلسەنە قاراستىردىق. قىستاق دارەجەلى ەلەكتروندىق ساۋداعا قىزمەت وتەۋ تەكشەسىن قۇرىپ، ىرىمشىك، ورگانيكالى سيىر، قوي، جىلقى ەتى سياقتى جەرگىلىكتى ەرەكشە ونىمدەر مەن زيالى جاستار ەستەلىك بۇيىمدارىن، ساياحات، مادەنيەت ونىمدەرىن اشۋدى، ساتۋدى ويداعىداي ىستەيمىز.
جۋىرداعى جىلداردان بەرى، موڭعۇلكۇرە قالاشىعى كورىكتى اۋىل - قىستاق قۇرىلىسى مەن اۋىل ـ قىستاقتى گۇلدەندىرۋ ستراتەگياسىن بەلسەنە اتقارىپ، جولداردى رەتتەۋ - جونگە سالۋدى، دەڭگەيىن جوعارىلاتۋدى، اۋىل - قىستاقتىڭ سۋ قۇرىلىسىن، باۋ - باقشا كورىنىس قۇرىلىسىن ىركەس - تىركەس اتقارىپ، جاڭاشا كاسىپ فورماتسياسىن جەتىلدىرىپ، «قىزىل ساياحات +» سىندى دامۋ فورماسىن قالىپتاستىرىپ، باياندى دامۋ قابىلەتىن كۇشەيتىپ، ءبىرتوپ قىزىل ءتۇس العان حالىقتىق تۇسەلحانانى ىركەس - تىركەس دامىتىپ، بۇقارانىڭ كىرىسىن جىل سايىن ارتتىردى.
قازىر تۇعىلشىن، قۇر وزەك قىستاعىنىڭ بەت - بەينەسى شىت جاڭا تۇسكە ەندى. قىزىل ەلەمەنتكە يە حالىقتىق تۇسەلحانا 25 كە جەتىپ، قىستاق تۇرعىندارى ساياحات ارقىلى اۋقاتتانۋدىڭ جۇردەك پويەزىنە وتىردى. 2021 - جىلى قىزىل شاعىن قالاشىق تۇعىلشىن، قۇروزەك قىستاعىنداعى بۇقارانىڭ جان باسىندىق كىرىسى 18 مىڭ 700 يۋانعا جەتتى.
قىزىل شاعىن قالاشىق نىسانى قۇرىلىسى وسى ارانىڭ قىستاق كەلبەتىندە وراسان زور وزگەرىستەر تۋدىرىپ قالماستان، قىستاق تۇرعىندارىنىڭ كورىكتى اۋىل - قىستاق قۇرۋ كۇشىن اناعۇرلىم ۇيىستىرىپ، بۇقارانىڭ ماقتانىش سەزىمىن، باقىت سەزىمىن كۇشەيتتى. تۇعىلشىن قىستاعىنىڭ تۇرعىنى جانار وقان قىزى تىلشىگە بىلاي دەدى: بۇرىن جولدىڭ ءبارى توپىراق جول بولاتىن، بىرنەشە جىلدان بەرى ساياحات ارقىلى قىستاق تۇرعىندارى اۋقاتتاندى، بارلىق وتباسىندا جەڭىل اۆتوكولىك بار، قالادان ءۇي ساتىپ الدى، شارۋالار كىرىس كىرگىزدى، ءۇيىنىڭ الدىندا تۇرىپ اق، اقشا تاپتى، قىزىل شاعىن قالاشىق بۇقاراعا ۇلكەن پايدا جەتكىزدى.
سۇن شينليىڭ بىلاي دەدى: قىزىل شاعىن قالاشىق جوبا قۇرىلىسىندا قالاشىق باستان - اياق قىزىل ەلەمەنتتى، حالىققا قولايلى فاكتورلاردى قۇرىلىسقا ءسىڭىرىپ، قىزىل گەننىڭ جالعاسۋىن كورنەكتىلەندىرىپ، قىستاقتىڭ بەت - بەينەسىن جاقسارتىپ، نەگىزدىك قۇرىلعى قۇرىلىسىن كۇشەيتىپ، شاعىن قالاشىق قۇرىلىسى بۇقارانىڭ تۇرمىسىن شىن مانىندە وزگەرتىپ، اۋىل - قىستاقتىڭ كوركەيۋىنە مۇمكىندىك جاسادى.
موڭعۇلكۇرە اۋداندىق مادەنيەت - ساياحات مەكەمەسىنىڭ ورىنباسار باستىعى حالينا قاپار قىزى بىلاي دەدى: موڭعۇلكۇرە اۋدانى تۇتاس وڭىرلىك ساياحات نەگىزدىك قۇرىلعى قۇرىلىسىن ۇزدىكسىز كەمەلدەندىرىپ، ساياحات ورتاسىن جاقسارتىپ، ساياحات كورىنىس تۇيىندەرىنىڭ قابىلداۋ قۋاتى مەن قىزمەت كورسەتۋ قابىلەتىن جوعارىلاتىپ، ەكولوگيالىق وركەنيەت، قىزىل مادەنيەت، تاريحي مادەنيەت ساياحات نىساندارىنىڭ دەڭگەيىن جوعارىلاتىپ، ساياحات كاسىبىنىڭ جوعارى ساپالى دامۋىن ىلگەرىلەتتى. (سوڭى)
حانزۋشادان اۋدارىپ، دايىنداعان: ارزىگۇل ابدەش قىزى
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
