تۇرعىن ءۇي جيناق قورى تۇزىمىمەن اناعۇرلىم كوپ يكەمدى كاسىپتەنۋشىلەردى يگىلىككە كەنەلتەيىك
حالىق گازەتىنىڭ ءتىلشىسى ديڭ يتيڭ
2022.04.29 17:30 كەلۋ قاينارى : حالىق تورابى
تۇرعىن ءۇي جيناق قورى تۇرعىنداردىڭ تۇرعىن ءۇي ماسەلەسىن شەشىم ەتۋدە ماڭىزدى رول اتقارادى. ادەتتە تۇرعىن ءۇي جيناق قورىن تاپسىرۋدا جۇمىسشى – قىزمەتكەر ءبىر ءبولىمىن، مەكەمە ورىن سايكەستى تۇردە ءبىر ءبولىمىن تاپسىرادى. الايدا، جولداما جەتكىزۋشى، ينتەرنەت ارقىلى شاقىرىلاتىن تاكسي شوفەرى، جەكەشە ونەركاسىپشىلەر مەن ساۋداگەرلەر، ۋاقىتتىق جۇمىس ىستەيتىن ەڭبەكشىلەر قاتارلى يكەمدى كاسىپتەنۋشىلەردىڭ بارلىعىندا تۇراقتى قىزمەت ورنى جوق، ولار قايتكەندە تۇرعىن ءۇي جيناق قورى تۇزىمىنە قاتىناسىپ، سايكەستى ۇقىق – مۇددەدەن يگىلىكتەنىپ، قالادا اناعۇرلىم ويداعىداي قونىستانىپ، قىزمەتىن كوڭىلدى ىستەي الادى؟
2021 – جىلى تۇرعىن ءۇي جانە قالا – اۋىل قۇرىلىسى مينيسترلىگى چۇڭچيڭ، چىڭدۋ، گۋاڭجوۋ، شىنجىن، سۋجوۋ، چاڭجوۋ قاتارلى 6 قالادا يكەمدى كاسىپتەنۋشىلەردى تۇرعىن ءۇي جيناق قورى تۇزىمىنە قاتىناستىرۋدى تۇيىندە سىناق ەتتى. تۇيىندە سىناق ەتكەن قالالاردىڭ جاعدايىنان الىپ قاراعاندا، ناقتى ساياسات ۇقساماعانىمەن، يكەمدى كاسىپتەنۋشىلەر يگىلىكتەنەتىن نەگىزدىك ۇقىق – مۇددەلەر جالپى جاقتان بىردەي. باستىسى بەلگىلەمە بويىنشا جەكەلىك تابىس باجىسىن الاتىن كولەمنەن شىعارۋ جانە ساقتاعان اقشانىڭ وسىمىنەن يگىلىكتەنۋ، تۇرعىن ءۇي جيناق قورىنداعى اقشانى شىعارىپ ءۇي مايلاۋعا، ءۇي ساتىپ الۋعا رۇقسات بەرۋ، تۇرعىن ءۇي جيناق قورىنا بايلانىستى تومەن ءوسىمدى بانكە قارىزىنان يگىلىكتەنۋ قاتارلىلار، بۇل ءتۇزىمىنىڭ جالپىعا تيىمدىلىگىن ايگىلەدى. وسى نەگىزدە، ءارقايسى قالالار ءتيىمدى ساياساتتار جاعىندا ىزدەنىس جاسادى.
تۇرعىن ءۇي جيناق قورىنا تاپسىراتىن ناقتى سوما ءار جەردە ءار ءتۇرلى. يكەمدى كاسىپتەنۋشىلەر ۇنەمى ءبىر جەردە تۇرمايدى، كىرىستەرى دە تۇراقتى بولمايدى، گۋاڭجوۋدا يكەمدى كاسىپتەنۋشى ءوزىنىڭ ايىنا تاپسىراتىن سوماسىن ءوزى تۇراقتاندىرا الادى، تاپسىرۋ نەگىزدىك سانى گۋاڭجوۋدىڭ ەڭ تومەنگى ەڭبەكاقى ولشەمىنەن تومەن بولماۋى كەرەك، تاپسىرۋ سالىستىرماسى %10 تەن تومەن بولماۋى كەرەك، يكەمدى كاسىپتەنۋشى ءوزى دەربەس تاڭداي الادى. مۇنان سىرت، تۇيىندە سىناق ەتەتىن 6 قالادا تۇگەلدەي «ساقتاعان قاراجات پەن بانكە قارىزىن ءبىر – بىرىمەن بايلانىستىرۋ» اتقارىلعان، ساقتاعان قاراجات سوماسى، ساقتاعان ۋاقىتى قاتارلىلار بويىنشا قانشا قارىز بەرۋگە بولاتىنىن تۇراقتاندىرادى.
يكەمدى كاسىپتەنۋشى تۇرعىن ءۇي جيناق قورىن تاپسىرۋ ءىسىن قالاي بىتىرە الادى؟ ۇعىسۋعا قاراعاندا، تۇيىندە سىناق ەتەتىن 6 قالادا دا ينتەرنەت ارقىلى جانە ينتەرنەتتەن تىس بىتىرۋگە بولادى. قازىر ەلىمىزدە يكەمدى كاسىپتەنۋشىلەردىڭ سانى 200 ميلليون ادام اينالاسىندا. تۇرعىن ءۇي جانە قالا – اۋىل قۇرىلىسى مينيسترلىگى تۇرعىن ءۇي جيناق قورىن باقىلاۋ – باسقارۋ مەڭگەرمەسىنىڭ قاتىستى جاۋاپتىسىنىڭ تانىستىرۋىنشا، كەلەسى قادامدا وسىنداي تۇيىندە سىناق ەتۋدى ۇزدىكسىز ورنىقتى ىلگەرىلەتىپ، امالياتتىق تاجىريبەلەر بارىسىندا ىزدەنىس جاساپ، دەر كەزىندە قورىتىندىلاپ جانە جالپىلاستىرىپ، تۇرعىن ءۇي جيناق قورى تۇزىمىمەن اناعۇرلىم كوپ يكەمدى كاسىپتەنۋشىلەردى يگىلىككە كەنەلتۋگە مۇمكىندىك جاسايىق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
