ەلىمىزدىڭ عىلىمي تەكسەرۋ جۇرگىزۋ اترەتىنىڭ مۇشەلەرى چومالاڭما شىڭىنا ءساتتى شىقتى
2022.05.05 16:24 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 4 – كۇنى چومالاڭما لاگەرىنەن بەرگەن حابارى. 5 – ايدىڭ 4 – كۇنى تۇستە، چومالاڭما شىڭىنا عىلىمي تەكسەرۋ جۇرگىزۋ اترەتىنىڭ 13 مۇشەسى چومالاڭما شىڭىنا ءساتتى شىقتى. بۇل ەلىمىزدىڭ چومالاڭما شىڭىنا عىلىمي تەكسەرۋ جۇرگىزۋ اترەتىنىڭ تۇڭعىش رەت تەڭىز دەڭگەيىنەن 8000 مەتردەن استام بيىكتىكتەگى شىڭعا شىعۋى، چيڭحاي – شيزاڭ ۇستىرتىندە عىلىمي تەكسەرۋ – زەرتتەۋ جۇرگىزۋ تاريحىندا ءداۋىر بولگىش مانگە يە.
بۇل جولى چومالاڭما شىڭىنا شىعۋ بارىسىندا، عىلىمي تەكسەرۋ جۇرگىزۋ اترەتىنىڭ مۇشەلەرى دۇنيە جۇزىندەگى تەڭىز دەڭگەيىنەن ەڭ بيىك جەردەگى اۆتوماتتى اۋا رايى ستانسياسىن قۇرۋدى ورىندادى. سول كۇنى تاڭ ءسارى ساعات 3 تە، دىچيڭ وۋجۋ گرۋپپا باستىعى بولعان چومالاڭما شىڭىنا عىلىمي تەكسەرۋ جۇرگىزۋ قىزمەت گرۋپپاسى عىلىمي زەرتتەۋ اسپاپتارىن الىپ، شىڭعا شىعۋعا اتتانعان، ءبىرىنشى مىندەت — اۋا رايى ستانسياسىن قۇرۋ بولاتىن. وسى ءۇشىن ولار بىرنەشە اي بويى قايتا – قايتا جاتتىعۋ جاساپ، اتقارۋ بارىسىن جەتىك يگەرگەن.
جۇڭگو عىلىم اكادەمياسى چيڭحاي – شيزاڭ ءۇستىرتى زەرتتەۋ مەكەمەسىنىڭ زەرتتەرمەنى جاۋ حۋابياۋ: «ەلىمىزدىڭ چومالاڭما شىڭىنىڭ اۋا رايىن ساتىلى تۇردە باقىلاۋ جۇيەسىن قۇرۋىنىڭ تەڭىز دەڭگەيىنەن بيىك جەردەگى مۇزدىقتار مەن قاسات قاردىڭ وزگەرىسىن باقىلاۋدا الاتىن ءمانى زور»، — دەدى.
5 – ايدىڭ 4 – كۇنى عىلىمي تەكسەرۋ اترەتىنىڭ مۇشەلەرى تۇڭعىش رەت «جەر شارىنىڭ جوتاسىندا» جوعارى دالدىكتەگى راداردان پايدالانىپ، شىڭنىڭ توبەسىندەگى قاردىڭ قالىڭدىعىن ولشەدى.
چومالاڭما شىڭىنىڭ ەتەگىندەگى تەڭىز دەڭگەيىنەن 5200 مەتر بيىكتىكتەگى جەرگە ورنالاسقان باس شتاپتىڭ ءماجىلىس اشۋعا ارنالعان شاتىرىندا، جۇڭگو عىلىم اكادەمياسىنىڭ اكادەميگى، 2 – رەتكى چيڭحاي – شيزاڭ عىلىمي تەكسەرۋ جۇرگىزۋ اترەتىنىڭ باستىعى ياۋ تاندۇڭ: «‹شىڭداعى بورىش› چومالاڭما شىڭىنا عىلىمي تەكسەرۋ جۇرگىزۋ، شىڭعا شىعۋ، باقىلاۋ، ۇلگى الۋ مىندەتى ءساتتى ورىندالدى!»، — دەپ جاريالادى. كوپشىلىك دۋ قول شاپالاق سوعىپ، ءبىر – بىرىمەن قول الىسىپ قۇتتىقتادى.
تانىستىرۋعا قاراعاندا، عىلىمي تەكسەرۋ اترەتى الدا كوپ ءتۇرلى عىلىمي تەكسەرۋ – زەرتتەۋ مىندەتتەرىن اتقارماقشى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
