شىنجوۋ 13 - ءنومىرلى عارىش كەمەسىنىڭ عارىشكەرلەرى:
باتىلدىقپەن جاڭا ءداۋىردىڭ كۇرەسكەرلەرى، شىڭعا قۇلاش سەرمەۋشىلەرى بولامىز (كۇرەسكەرلەردىڭ جاستىق كوكتەمى)
«حالىق گازەتىنىڭ» ءتىلشىسى يۇي جيانبين
2022.05.05 16:33 كەلۋ قاينارى : حالىق تورابى
«جاڭا جىل قوڭىراۋى سوعىلۋ الدىندا تۇر. ءبىزدىڭ 3 عارىشكەرىمىز وسى ساتتە شەتسىز - شەكسىز عارىش كەڭىستىگىندە ‹ءىسساپاردا› ءجۇر». ءتوراعا شي جينپيڭ 2022 - جىلعى جاڭا جىلدى قۇتتىقتاۋ سوزىندە عارىشكەرلەر توبىن اۋىزعا العاندا، عارىشتا ءسوزدى تىڭداپ، كورىپ وتىرعان شىنجوۋ 13 - ءنومىرلى الەم كەمەسىنىڭ عارىشكەرلەرى جاي جىگاڭ، ۋاڭ ياپيڭ، يە گۋاڭفۋ ەرەكشە تەبىرەنىپ، زور شابىت الدى.
تاپسىرمانى ەستە بەرىك ساقتاپ، بورىشتى ادا ەتتى، شىنجوۋ 13 - ءنومىرلى عارىش كەمەسىندەگى عارىشكەرلەر توبى باتىلدىقپەن جاڭا داۋىردەگى جۇڭگو عارىش ىستەرىنىڭ كۇرەسكەرلەرى، شىڭعا قۇلاش سەرمەۋشىلەرى بولدى.
عارىشتا كابينادان شىقتى! بەيجيڭ ۋاقىتى 2021 – جىلى 11 - ايدىڭ 8 – كۇنى ساعات 1 دەن 16 مينۋت وتكەندە، شامامەن 6.5 ساعات كابينادان شىعۋ قيمىلى ارقىلى شىنجوۋ 13 – ءنومىرلى عارىش كەمەسىنىڭ عارىشكەرلەر توبى تىعىز سايكەسىپ، تۇڭعىش رەت كابينادان شىعۋ قيمىلىنىڭ بەلگىلەنگەن مىندەتىن تابىسپەن ورىندادى. جاي جىگاڭ، ۋاڭ ياپيڭ كەڭىستىك بەكەتىنىڭ وزەكتى بولمەسىنە امان - ەسەن قايتىپ كەلىپ، يە گۋاڭفۋمەن مىقتاپ قۇشاقتاستى.
183 كۇن! 2021 - جىلى 10 - ايدىڭ 16 - كۇنى عارىشقا ۇشۋدان 2022 - جىلى 4 - ايدىڭ 16 - كۇنى جەڭىسپەن ورالعانعا دەيىن، شىنجوۋ 13 - ءنومىرلى الەم كەمەسىنىڭ «اسەرىمىز جاقسى» اتىنداعى 3 ادامدىق گرۋپپاسى جارتى جىلعا سوزىلعان «عارىش كەڭىستىگىندەگى ءىسساپار» مىندەتىن تابىسپەن ورىنداپ، جۇڭگونىڭ عارىش رەكوردىن ارت - ارتىنان جاڭالاپ، جۇڭگو كەڭىستىك بەكەتىنىڭ رەسمي سالىنۋىنا بەرىك نەگىز قالادى.
جۇڭگو كەڭىستىك بەكەتىنىڭ تەرەزەسىنەن سىرتقا كوز سالساڭىز، كوك ءتۇستى جەر شارىنان تىرشىلىك تىنىسى جالىندايدى، توڭىرەگى قۇپيا سىرعا تولى شەتسىز - شەكسىز الەم. الەمنىڭ كوركەم كورىنىسىن ءوز كوزىمەن كورۋدىڭ استارىندا عارىشكەرلەردىڭ ءار جولعى ارمان ءۇشىن ۇشۋ سىندى قانات قاعۋ جاتتىعۋى جاتىر.
جاي جىگاڭ: بورىشتى ەستە بەرىك ساقتاپ، ماڭىزدى تاپسىرمانىڭ ۇددەسىنەن شىعامىن
عارىش كەڭىستىگىنە جورىق جاساعان كەزدە بۇيرىق بەرۋشى رەتىندە جاي جىگاڭ ەڭ الدا ءجۇردى. شىنجوۋ 7 - ءنومىرلى الەم كەمەسىنىڭ مىندەتىنەن كەيىن 55 جاستاعى ول تاعى دا جورىققا اتتانىپ، سەنىمىن اناعۇرلىم بەكەمدەدى. كەڭىستىك بەكەتىن قۇرۋدىڭ جاپالى دا كۇردەلى مىندەتى الدىندا ول بىلاي دەدى: «ءبىزدىڭ توبىمىز اۋەلگى ماقساتتى، بورىشتى ەستە بەرىك ساقتاپ، وتان مەن حالىقتىڭ ماڭىزدى تاپسىرماسىن جەردە قالدىرمايدى، وسى مىندەتتى باتىلدىقپەن ورىنداۋعا سەنىمىمىز كامىل، قۋاتىمىز قاپتال جەتەدى».
عارىشتان ورالعان جاي جىگاڭ ءوز ۋادەسىن ورىندادى، ول: «ەرەكشە جاقسى سەزىنىپ وتىرمىن، وتان مەن حالىققا مالىمەت: ءبىز ‹شىنجوۋ 13 – ءنومىرلى› عارىش كەمەسىنىڭ ۇشۋ مىندەتىن تابىسپەن ورىندادىق!» دەدى.
13 جىلدان كەيىن جۇڭگونىڭ تۇڭعىش رەت كابينادان شىققان عارىشكەرى رەتىندە وسى رەتكى عارىش بەكەتىنىڭ مىندەتىندە ەكى رەت كابينادان شىعۋ قيمىلىن ورىنداپ، قازىرگى «عارىشتا سەيىلدەۋ» رەت سانى ەڭ كوپ جۇڭگولىق عارىشكەرگە اينالدى.
جاي جىگاڭنىڭ ءتىلى قىزىقتى دا يۋمورلى بولىپ كەلەدى، ونىمەن قارىم – قاتىناستا بولاتىن عىلمي زەرتتەۋ قىزمەتكەرلەرى: «ول بار جەردە بارلىعىمىز قۋانىشقا بولەنەمىز، ول سونىمەن قوسا ۇستامدى، وتە تاجىريبەلى. جاي جىگاڭنىڭ قاسىندا جۇرسەك قۋانىشقا بولەنۋمەن بىرگە، سەنىم مەن وڭ ەنەرگياعا دا قول جەتكىزە الامىز» دەيدى.
شىنجوۋ 13 - ءنومىرلى الەم كەمەسىنىڭ مىندەتىن اتقاراتىن جاي جىگاڭ عارىش ىستەرىندەگى فيزيولوگيالىق قۋات جاعىندا باستان - اياق تاڭداۋلى دارەجەنى ساقتادى. بارلىق عارىشكەرلەر سياقتى جاي جىگاڭنىڭ كۇن سايىنعى جاتتىعۋىندا «قىزۋ ءسۇيۋ» دەگەن ەكى اۋىز دەمەۋشى بولىپ وتىردى.
«ەڭ قيىنى جاتتىعۋدىڭ قانشالىق قيىن، قىزمەتتىڭ قانشالىق قيىن، ۇيرەنۋدىڭ قانشالىق قيىن بولعانى ەمەس، قايتا قايتكەندە ءبىر جاي عانا ءىستى ەڭ جوعارى ولشەممەن جانە قىزۋ ىنتامەن جالىقپاي قايتا – قايتا ىستەي بەرۋ بولىپ تابىلادى» دەدى جاي جىگاڭ.
ول ءوزىن جاڭا مىندەتكە قاتىناسقان جاڭا عارىشكەر دەپ ساناپ، الدىمەن تالاپ بويىنشا جاتتىعۋدى ورىنداپ، ونان سوڭ عارىشكەر ۇستازىمەن پىكىر الماستىرىپ، ءوزىنىڭ عارىش تاجىريبەسىمەن ۇشتاستىرىپ، جاتتىعۋدىڭ باعىتتامالىلىعىن جوعارىلاتىپ وتىردى. جاي جىگاڭ بىلاي دەپ قارايدى: بۇل − ساقا عارىشكەر ىستەۋگە ءتيىستى ءىس، سوندا عانا بولاشاقتاعى ۇشۋ مىندەتىندە سۋبيەكتيۆ بەلسەندىلىكتى ساۋلەلەندىرىپ، ۇشۋعا جەتەكشىلىك ەتۋگە بولادى.
«‹شىنجوۋ – 7› عارىش كەمەسىنىڭ مىندەتىن اتقارۋ ءۇشىن، مەن 10 جىل دايىندالدىم، ‹شىنجوۋ – 13› عارىش كەمەسىنىڭ مىندەتىن اتقارۋ ءۇشىن تاعى 13 جىل دايىندالدىم. ۇزاق كۇتۋدى باستان كەشىرۋ ۇزاق ۋاقىتتىق دايىندىقتى باستان كەشىرگەنگە جەتپەيدى. ەكى رەتكى ۇشۋدىڭ ۇقسامايتىنى، مىندەتتىڭ مازمۇنى مەن ۋاقىتى، ۇقسايتىنى، اۋەلگى ماقسات، بورىش جانە ماڭگى وزگەرمەيتىن وتاننىڭ عارىش ىستەرىن قىزۋ ءسۇيۋ» دەدى جاي جىگاڭ.
ۋاڭ ياپيڭ: جاپادان قورىقپادىم، جەڭىلىسكە ماڭگى مويىمادىم
«شىنجوۋ – 13» عارىش كەمەسى مىندەت وتەپ ورالدى، ۋاڭ ياپيڭ جۇڭگو ايەلدەرىنەن ءبىرىنشى بولىپ كابينادان شىعىپ عارىش كەڭىستىگىنە قادام تاستادى.
ۋاڭ ياپيڭ «عارىش وقىتۋشىسى» سالاۋاتىمەن جۇرتقا تانىس. 6 اي عارىشتا تۇرۋ مىندەتىن ورىنداعان ول جۇڭگونىڭ عارىش بەكەتىنە تۇڭعىش رەت كىرگەن ايەل عارىشكەرگە، عارىشتا تۇرۋ ۋاقىتى ەڭ ۇزاق جۇڭگو عارىشكەرىنە، سونداي - اق تۇڭعىش رەت كابينادان شىققان جۇڭگولىق ايەل عارىشكەرگە اينالدى.
2013 - جىلعى «شىنجوۋ – 10» الەم كەمەسىندەگى عارىشتا ساباق ءوتۋ اياقتاعاننان كەيىن، ۋاڭ ياپيڭ كوپتەگەن بالانىڭ حاتىن تاپسىرىپ الدى، حاتتاردا ءبىلىم ىزدەۋ قىزعىندىلىعى باسا بەينەلەنگەن ەدى. كوپتەگەن ادام: «ەندى قاي كەزدە عارىشتا ساباق وتەسىز؟» دەپ سۇراعان بولاتىن
بالالاردىڭ ءۇمىتىن ارقالاپ، 8 جىل قاجىماي - تالماي قۇلشىنۋ ارقىلى ۋاڭ ياپيڭ تاعى دا ارمانعا قۇلاش سەرمەپ، «تيانگۇڭ ساباقحاناسىنىڭ» «مىنبەسىنە» شىقتى. «شىنجوۋ – 13» الەم كەمەسىنىڭ مىندەت وتەۋى كەزىندە ول جاي جىگاڭ، يە گۋاڭفۋلارمەن بىرگە عارىشتا 2 رەت ساباق ءوتۋ قيمىلىن ورىندادى، مازمۇنى باي، عىلمي جابدىقتارى اناعۇرلىم وزىق بولدى.
ۋاڭ ياپيڭ جونىنەن العاندا، «شىنجوۋ - 10» عارىش كەمەسىنىڭ مىندەتى ونىڭ عارىشقا ۇشۋ ارمانىن جۇزەگە اسىرۋىنىڭ باستالۋى ەدى. ول عارىشكەر بولعاننان باستاپ ۇزدىكسىز ءبىلىم ىزدەۋ جولىنا قادام تاستادى. عارىشكەرلەر ۇلكەن اترەتىنە كىرگەن العاشقى جىلى ۋاڭ ياپيڭنىڭ اۋا ديناميكاسى، استرونوميا، جوعارى دارەجەلى ماتەماتيكا، عارىش مەديتسيناسى سياقتى 30 نەشە ساباقتى جۇيەلى ۇيرەنۋى كەرەك بولدى. كۇندىز ساباق كەستەسى ىعى – جىعى ءتىزىلىپ، كەشتە تاپسىرما ورىنداپ، پىسىقتاۋ جاساپ وتىردى، ونىڭ جازۋ ۇستەلىندەگى ۇستەل شىراعى تۇنگى ساعات 12 دەن بۇرىن ءسونىپ كورگەن ەمەس.
عارىش كەڭىستىگىنە قايتا ورالعان سوڭ، كەڭىستىك بەكەتىنىڭ مىندەتى الدىندا، ۋاڭ ياپيڭ جاپادان قورىقپايتىن، ماڭگى مويىنسال بولمايتىن دارالىعىن تاعى ءبىر رەت ايگىلەدى. كەڭىستىك بەكەتىنىڭ مىندەتىندە كابينادان شىعۋ قيمىلى اسا زور كوتەرىمدىلىكتى قاجەت ەتەتىن قيمىل بولىپ تابىلادى. سالماعى 100 كيلوگرام كەلەتىن كابينا سىرتى كيىمىمەن 5 - 6 ساعات قىزمەت ىستەگەندە، قولى دىرىلدەگەندە قالام ۇستاي المايتىن. ءوز قابىلەتىن جوعارىلاتۋ ءۇشىن، ۋاڭ ياپيڭ جاتتىعۋ كۇشەمەلىلىگىن ارتتىرادى، ءتىپتى كوپتەگەن دەمالىستان باس تارتادى. ونىڭ دەنە قۋاتىنا جاتتىقتىرۋ تاربيەشىسى بىلاي دەيدى: ءار جولى ۋاڭ ياپيڭ كابينادان شىعۋ مىندەتىنە قاراتا بىلەك كۇشىن ماشىقتاندىرىپ، شويىن دوپتى ۇستاپ، شالقالاپ جاتىپ، كوتەرگىشتى كوتەرەتىن. دەنە قۋاتى جاتتىعۋىندا ول ۇنەمى ەڭ سوڭىنان قايتىپ ءجۇردى. ءار جولى سۋ استى جاتتىعۋىن تامامداعاندا ۋاڭ ياپيڭ تابىسقا جەتكەندەي سەزىنەتىن.
عارىش بەكەتىندە مىندەت وتەپ قايتىپ كەلگەننەن كەيىن جاڭا عارىش رەكوردىن جاراتۋدان سىرت، ۋاڭ ياپيڭ ۇشۋدان بۇرىنعى ارمانىن دا جۇزەگە اسىردى: الەم كەڭىستىگىندە تاعى دا كوركەم جەر شارىنا كوز جىبەرىپ، جۇڭگو عارىش بەكەتىندە وزگەشە جاڭا جىلدى وتكىزىپ، كابينادان شىعىپ عارىشپەن تانىستى...
«مەن ءالى دە بالالاردىڭ عىلىم جولىنداعى ارمانىن ارقالاپ تاعى دا عارىشقا ۇشىپ، جاڭا ىزدەنىستەردى ورىنداپ، ءبىلىم ارقىلى شەكسىز جۇلدىزدى اسپاندى جارقىراتۋدى ارماندايمىن» دەگەن ۋاڭ ياپيڭ كەلەسى رەتكى ۇشۋدى اسىعا كۇتۋدە.
يە گۋاڭفۋ: ىستىق ىقىلاسپەن سەنىمىمدى بەكەمدەپ، قاجىرلىلىقپەن قۇلشىنامىن
العاشقى ۇشۋىنىڭ ءوزى 6 ايعا جالعاستى، وسىنى ويلاعاندا 80 – جىلداردىڭ تۇلەگى يە گۋاڭفۋ ماقتانىشپەن بىرگە، سىناقتى دا سەزىنەدى. ول نىق سەنىممەن: «سەنىم نەشە ۇرپاق عارىشكەرلەردىڭ ۇزدىكسىز كۇرەس جاساۋىنان، ۇشۋ توبىنىڭ ىنتىماقتاسا سەلبەسۋىنەن، سونداي - اق ءوزىمنىڭ 11 جىلدىق قۇلشىنا كۇرەس جۇرگىزۋىمنەن كەلدى» دەدى.
«مەن دە عارىشقا ۇشۋ ارمانىمدى جۇزەگە اسىردىم، وتانعا ماقتانىشپەن مالىمەت بەرە الامىن!» «شىنجوۋ – 13» الەم كەمەسىنىڭ مىندەت ورىنداۋى بارىسىندا يە گۋاڭفۋ مىندەتتى ءساتتى ورىندادى، ءبىر جاعىنان، الەم كەڭىستىگىنىڭ ۇشى - قيىرسىز ەكەنىن تولىق سەزىندى، سونداي - اق الەم كەڭىستىگى تۇرعىسىنان كوركەم جەر شارىن تاماشالاپ، وتانىمىزدىڭ تاماشا تاۋ – وزەندەرىنەن كوز ايىم بولدى.
جۇڭگونىڭ ەكىنشى توپتاعى عارىشكەرى سانالاتىن يە گۋاڭفۋ عارىش مىندەتىن تۇڭعىش رەت اتقاردى، ءبىراق جۇرت الدىندا تۇڭعىش رەت بوي كورسەتىپ وتىرعان جوق.
بىرنەشە جىلدىڭ الدىندا يتاليانىڭ ساردينيا ارالىندا ءۇستى – باسى بالشىققا شىلانعان 6 عارىشكەر 6 كۇن، 6 ءتۇن ۇڭگىردەگى جاتتىعۋدى باستان كەشىردى. ولاردىڭ بىرەۋى جۇڭگولىق يە گۋاڭفۋ بولاتىن. ول جۇڭگو عارىشكەرلەرىنىڭ ۋاكىلى رەتىندە ا ق ش، رەسەي، يسپانيا، جاپونيادان كەلگەن 5 عارىشكەرمەن بىرگە ەۆروپا عارىش مەكەمەسى ۇيىمداستىرعان 15 كۇندىك ۇڭگىر جاتتىعۋىنا قاتىناستى.
ۇڭگىر جاتتىعۋىنىڭ ماقساتى بولاشاقتا باسقا پلانەتاعا قادام تاستاعاندا، ادامزاتتىڭ بەيتانىس ورتاعا ۇيلەسۋ قۋاتىن ازىرلەۋىنە مۇمكىندىك جاساۋ ءۇشىن بولىپ تابىلادى. يە گۋاڭفۋ شەشۋشى نىسانداردى بارلاۋ گرۋپپاسىنىڭ جاۋاپتىسى رەتىندە گرۋپپا مۇشەلەرىنىڭ بىرگە سەلبەسۋىندە بارلاۋ - ولشەۋ مىندەتىن ورىنداپ، توپتىڭ سەنىمىنە يە بولدى. ەرەن قابىلەتىنە سۇيەنگەن يە گۋاڭفۋ ەڭ سوڭىندا قوسىندى باستاپ شىتىرمان سارايعا ۇقسايتىن ۇڭگىردەن امان - ەسەن شىقتى. كاسىپتەس حالىقارالىق عارىشكەر سوندا: «يە گۋاڭفۋ بۇل مىندەتتى اتقارعان سوڭ مەن توتەنشە الاڭسىز بولدىم» دەدى.
ۇشقىش بولعان كەزىندە يە گۋاڭفۋ پسيحيكالىق ساپاسى مەن كەمەلدى ۇشۋ ونەرىن ايگىلەدى. ءبىر جولى ول سوعىس ۇشاعىن جۇرگىزىپ قايتىپ كەلۋ بارىسىندا قويۋ تۇمانعا تاپ بولادى، ونىڭ ۇستىنە سول كەزدە تەرىس باعىتتا قونادى، سىرعىما جولدى كورە المايدى. ول شۇعىل جاعدايعا بايىپتىلىقپەن توتەپ بەرىپ، ەڭ سوڭىندا ۇشاقتى سىرعىما جولعا امان – ەسەن تۇسىرەدى.
ۇشقىشتىڭ ۇنەمى ۇشۋ كۇيىنە ۇقسامايتىنى، عارىشكەرلەردىڭ كاسىپتىك ومىرىندە تەك ەكى ءتۇرلى كۇي عانا بولادى: ۇشۋ جانە ۇشۋعا دايىندالۋ، ال باسىم كوپ ۋاقىتى دايىندىقپەن وتەدى. يە گۋاڭفۋ بىلاي دەپ قارايدى: بۇل بارىس تا − ءبىر ءتۇرلى جاتتىعۋ، ءومىردىڭ قىزىعى ۇزاق ءارى جاپالى كۇرەس بارىسىندا بەينەلەنەدى. سوندىقتان مەن ۇنەمى ەڭ جاقسى بەينەمەن جاتتىعۋعا دايىندالامىن.
«شىنجوۋ – 13» الەم كەمەسىنىڭ عارىشقا ادام الىپ ۇشۋ مىندەتىنىڭ تولىق تابىستى بولۋى عارىش بەكەتىنىڭ شەشۋشى تەحنيكانى دالەلدەۋ ساتىسىنداعى مىندەتتىڭ تولىق ورىندالعانىن، جۇڭگو عارىش بەكەتىنىڭ قۇرىلىس سالۋ كەزەڭىنە وتكەنىن ايگىلەيدى.
عارىشقا ۇشۋ قيالعا قانات بىتىرەدى، عارىش كەڭىستىگىندەگى ارمان بىرتىندەپ ىسكە اساتىن بولادى، عارىشكەرلەردىڭ: «ارمان بار جەردە كۇرەس بولادى، كۇرەس جۇرگىزسەك بولعانى، ءسوز جوق، ارمانىمىز ىسكە اسادى!» دەگەن ورتاق تىلەگى بار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
