شي جينپيڭ گەرمانيانىڭ زۇڭليى شولتسپەن بەينە ەكراندا ديدارلاستى
2022.05.10 16:43 كەلۋ قاينارى : حالىق تورابى
 |
5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە گەرمانيانىڭ زۇڭليى شولتسپەن بەينە ەكراندا ديدارلاستى.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
شينحۋا اگەنتتىگى، 5 - ايدىڭ 9 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 9 - كۇنى تۇستەن كەيىن گەرمانيانىڭ زۇڭليى شولتسپەن بەينە ەكراندا ديدارلاستى.
شي جينپيڭ بىلاي دەپ اتاپ كورسەتتى: قازىر حالىقارالىق جاعدايدا ءۇرتىس كۇردەلى وزگەرىستەر تۋىلۋدا، دۇنيە ءجۇزىنىڭ حاۋىپسىزدىگى، دامۋى ءدوپ كەلگەن قيىنشىلىقتار مەن سىن - سايىس كورنەكتى كوبەيۋدە، بۇل اۋمالى - توكپەلى، وزگەرگەن داۋىرگە اناعۇرلىم كوپ ورنىقتىلىق پەن تۇراقتىلىق ۇستەۋدى شۇعىل قاجەت ەتىپ وتىر. جۇڭگو دا، گەرمانيا دا − ماڭىزدى ىقپالعا يە ءىرى ەلدەر. قازىرگى جاعدايدا جۇڭگو مەن گەرمانيا ەكى ەل قاتىناسىنىڭ اقاۋسىز، ورنىقتى دامۋىن ساقتاپ، جۇڭگو - گەرمانيا قاتىناسىنىڭ ورنىقتىلىق، سىندارلى، جەتەكشىلىك رولىن ويداعىداي ساۋلەلەندىرۋدى ەرەكشە قاجەت ەتەدى، بۇل ەكى ەل حالىقتارىنا ءتيىمدى بولىپ قانا قالماستان، دۇنيە ءجۇزىنىڭ بەيبىتشىلىگى مەن تىنىشتىعىنا دا ماڭىزدى ۇلەس قوسادى.
شي جينپيڭ بىلاي دەپ دارىپتەدى: وتكەن 50 جىلدان بەرى جۇڭگو - گەرمانيا قاتىناسى جوعارى دەڭگەيدە اينالىس جاسادى، ەكى جاق ناقتى سەلبەستىكتى ۇزدىكسىز تەرەڭدەتۋ ارقىلى بىرگە دامۋدى، تابىسقا بىردەي قول جەتكىزۋدى ىسكە اسىردى، مۇنداعى شەشۋشى ءتۇيىن ءوزارا قۇرمەت ەتۋدە، سەلبەسىپ تەڭ يگىلىككە كەنەلۋدە تاباندى بولۋدا، وسى باعالى تاجىريبە مەن ماڭىزدى پرينسيپتە باستان - اياق تاباندى بولۋ كەرەك. جۇڭگونىڭ جۇڭگو - گەرمانيا قاتىناسىن دامىتۋداعى اۋەلگى ماقساتى وزگەرمەيدى، گەرمانيامەن سەلبەستىكتى كۇشەيتۋدەگى شىنايى تىلەگى وزگەرمەيدى، جۇڭگو مەن گەرمانيانىڭ اناعۇرلىم كوپ ماعىنالى ءىرى ىستەردى بىرگە ىستەۋى جونىندەگى سەنىمى وزگەرمەيدى. ەكى جاق پىكىرلەسۋدىڭ، سەلبەستىكتىڭ نەگىزگى اۋەنىنەن جازباي، ەكى جاقتى تىلدەسۋ، سەلبەستىك مەحانيزمىنەن ويداعىداي پايدالانىپ، كليمات وزگەرىسىنە توتەپ بەرۋ، ماكرولىق ەكونوميكا ساياساتى، فينانس ورنىقتىلىعى، ەنەرگيا حاۋىپسىزدىگى، استىق حاۋىپسىزدىگى، كاسىپ تىزبەگىنىڭ، قامداۋ تىزبەگىنىڭ ورنىقتىلىعى سياقتى سالالاردا پىكىرلەسىپ، جۇڭگو - گەرمانيا قاتىناسىنىڭ مازمۇنىن ۇزدىكسىز بايىتۋى كەرەك. ءوزارا ءتيىمدى سەلبەستىكتىڭ كومەسكى كۇشىن ىشكەرىلەي اشىپ، جاسىل قورشاعان ورتانى قورعاۋ، قىزمەت وتەۋ ساۋداسى، جاساندى زەردە، سيفرلاندىرۋ سياقتى جاڭا تەحنيكا سالاسىنداعى سەلبەستىكتى بەلسەنە كەڭەيتۋ كەرەك. جۇڭگونىڭ جاڭا دامۋ جاعدايىن جەدەل قالىپتاستىرۋى گەرمانيانى قامتىعان ەلدەرگە اناعۇرلىم كەڭ بازار ورايىن ازىرلەيدى. ناعىز كوپ جاقتىلىقتى دارىپتەپ، حالىقارالىق ادىلدىك پەن ادىلەتتىلىكتى قورعاپ، بىرلەسكەن مەملەكەتتەر ۇيىمىنىڭ حالىقارالىق ىستەردەگى ۇيىتقىلىق ورنىن قول ۇستاسا قورعاپ، حالىقارالىق قاتىناستىڭ نەگىزگى ولشەمىن قورعاپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، دۇنيە ءجۇزىنىڭ تەپە - تەڭ، سايكەستى، قامتىمدى دامۋىن جەبەۋ كەرەك. گەرمانيانىڭ دۇنيە جۇزىلىك دامۋ باستاماسى مەن دۇنيە جۇزىلىك حاۋىپسىزدىك باستاماسىن بەلسەنە قولداپ جانە وعان ات سالىسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋىن قارسى الامىز.
شي جينپيڭ مىنالاردى دارىپتەدى: جۇڭگو مەن ەۆروپا − جان - جاقتى ستراتەگيالىق سەرىكتەر، جۇڭگو مەن ەۆروپا ءبىر - بىرىنە وراي جەتكىزەدى، جۇڭگو مەن ەۆروپانىڭ ورتاق مۇددەسى الاۋىزدىقتان الدەقايدا باسىم. جۇڭگو ەۆروپا وداعىنىڭ ستراتەگيالىق دەربەستىگىن قولدايدى. جۇڭگو - ەۆروپا قاتىناسى ءۇشىنشى جاققا باعىتتالمايدى، تاۋەلدى بولمايدى، شەكتەمەسىنە دە ۇشىرامايدى. بۇل − ەكى جاق ۇزاق ۋاقىت تاباندى بولۋعا ءتيىستى ستراتەگيالىق ورتاق تانىم. ەكى جاق ديالەكتيكادا، ۇزاق بولاشاقتىق كوزقاراستا، ءوزارا قۇرمەت ەتۋدە، دۇرىس تانىمدا تاباندى بولىپ، تىلدەسۋدى كۇشەيتىپ، ءوزارا سەنىمدىلىكتى نىعايتۋى كەرەك. وڭىرلىك ساياسي داعدارىس الدىندا پىكىرلەسۋ مەن سەلبەستىكتى دارىپتەپ، جۇڭگو - ەۆروپا قاتىناسىنىڭ ورنىقتىلىعى ارقىلى حالىقارالىق جاعدايدىڭ كۇردەلى وزگەرىسىنە توتەپ بەرۋ؛ ىندەتتەن كەيىنگى قالپىنا كەلۋدەگى قيىن ماسەلەلەر الدىندا، دامۋ ستراتەگياسىن ۇشتاستىرۋ مەن ساياساتتاردى سايكەستىرۋدى كۇشەيتىپ، جۇڭگو - ەۆروپا سەلبەستىگىنىڭ اشىقتىعى ارقىلى دۇنيە ءجۇزى ەكونوميكاسىنىڭ ورنىقتى ارتۋىن ىلگەرىلەتۋ؛ دۇنيە جۇزىلىك سىن - سايىس الدىندا، كليمات وزگەرىسى، باياندى دامۋ سياقتى ادامزاتتىڭ بولاشاعىنا قاتىستى سالالارعا نازار اۋدارىپ، جۇڭگو - ەۆروپا ديالوگىنىڭ كەڭ كولەمدىلىگى ارقىلى دۇنيە ءجۇزىن جونگە سالۋدىڭ ىشكەرىلەي دامۋىن جەبەۋ كەرەك. گەرمانيانىڭ جۇڭگو - ەۆروپا قاتىناسىنىڭ ورنىقتى، اقاۋسىز دامۋىنا بەلسەندى ىقپال جاساۋىن ءۇمىت ەتەمىن.
شولتس مىنانى ءبىلدىردى: تاياۋ جىلداردان بەرى گەرمانيا - جۇڭگو قاتىناسىنىڭ دامۋى وتە جاقسى بولدى، ەكى جاق تاماشا داستۇرگە مۇراگەرلىك ەتىپ، ەكى ەل قاتىناسىنىڭ تاماشا دامۋ جاعدايىن ۇزدىكسىز ىلگەرىلەتۋى كەرەك. گەرمانيا جۇڭگومەن بىرگە ەكى ەلدىڭ ديپلوماتيالىق قاتىناس ورناتقانىنىڭ 50 جىلدىعىن قۇتتىقتاپ، ءار جىكتەگىلەردىڭ ءجيى بارىس - كەلىسىن ساقتاپ، جاڭا كەزەكتى گەرمانيا - جۇڭگو ۇكىمەتىنىڭ كەڭەسىن ويداعىداي وتكىزىپ، دۇنيە جۇزىلىك قامداۋ تىزبەگىنىڭ ورنىقتىلىعىنا كەپىلدىك ەتۋ، ماكرولىق ەكونوميكا ساياساتىن سايكەستىرۋ سياقتى ماڭىزدى كەڭەستىك تاقىرىپتار جونىندە پىكىرلەسۋدى، ساۋداعا قارجى قوسۋ، كليمات وزگەرىسى، ىندەتكە قارسى اتتانۋ، دەنساۋلىق ساقتاۋ، ەمدەۋ، وقۋ - اعارتۋ، مادەنيەت سياقتى كەڭ سالاداعى سەلبەستىكتى كۇشەيتۋدى قالايدى. گەرمانيا جۇڭگونىڭ جوعارى دەڭگەيدەگى سىرتقا ەسىك اشۋدى كەڭەيتۋگە كۇش سالۋىن قارسى الادى، بۇل گەرمانياعا ءتىپتى دە كوپ وراي اكەلەدى. گەرمانيا جۇڭگومەن كوپ جاقتى سالاداعى قارىم - قاتىناستى، سايكەسۋدى كۇشەيتىپ، ەۆروپا - جۇڭگو قاتىناسىنىڭ بەلسەندى دامۋىن ىلگەرىلەتۋدى قالايدى.
ەكى ەل باسشىلارى ۋكراينانىڭ جاعدايى جونىندە بۇكپەسىز پىكىر اۋىستىردى. شي جينپيڭ مىنالاردى دارىپتەدى: جۇڭگو باستان - اياق بەيبىتشىلىك جاعىندا تۇرىپ، ٴىستىڭ وزىندىك دۇرىس - بۇرىستىعىن شىعار ٴتۇيىن ەتىپ، دەربەس تۇجىرىم جاسايدى، سونداي - اق باستان - اياق وزىندىك تاسىلدەر ارقىلى تاتۋلىققا ٴناسيحاتتاپ، كەلىسسوزدى جەبەپ، جاعدايدىڭ باسەڭدەۋىن ىلگەرىلەتەدى. ۋكراينا داعدارىسى ەۆروپا حاۋىپسىزدىگىن تاعى دا شىتىرمان جولعا قاراي يتەرمەلەدى. قاقتىعىستىڭ ۋشىعۋىنان، ۇلعايۋىنان، ٴىستىڭ ناسىرعا شابۋىنان بار كۇشپەن ساقتانۋ كەرەك. ەۆروپا تاريحي جاۋاپكەرلىك پەن ساياسي اقىل - پاراسات ارقىلى ەۆروپانىڭ ۇزاق ۋاقىتتىق تىنىشتىعىن كوزدە ۇستاپ، ماسەلەنى شەشۋدى جاۋاپكەرلىك تاسىلىمەن ىلگەرىلەتۋى كەرەك. ەۆروپانىڭ حاۋىپسىزدىگى ەۆروپالىقتاردىڭ ٴوز قولىندا بولۋى كەرەك. جۇڭگو جاق ەۆروپا جاقتىڭ تاتۋلاسۋعا ٴناسيحاتتاۋ، كەلىسسوزدى جەبەۋ بارىسىندا بەلسەندى رول اتقارىپ، ەڭ سوڭىندا ەۆروپانىڭ تەپە - تەڭ، ٴونىمدى، باياندى حاۋىپسىزدىك جۇلگەسىن ورناتۋىن ىلگەرىلەتەدى. جۇڭگو حالىقارالىق قوعامنىڭ تاتۋلىققا ٴناسيحاتتاۋعا، كەلىسسوزدى جەبەۋگە پايدالى بارلىق قۇلشىنىسىن قارسى الادى، قاتىستى جاقتار رەسەي مەن ۋكراينانىڭ كەلىسسوز ارقىلى بەيبىتشىلىكتى جۇزەگە اسىرۋىن قولداۋى كەرەك.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار ديدارلاسۋدا بىرگە بولدى.
كەلۋ قاينارى: حالىق تورابى
 |
5 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە گەرمانيانىڭ زۇڭليى شولتسپەن بەينە ەكراندا ديدارلاستى.
سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن
|
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
