شي جينپيڭ 9 - رەتكى مەملەكەتتىك ارىز - ارمان قىزمەتى ءماجىلىسىنىڭ ۋاكىلدەرىمەن كەزدەستى
لي كىچياڭ، ۋاڭ حۋنيڭ، حان جىڭ كەزدەسۋدە بىرگە بولدى
2022.05.27 21:38 كەلۋ قاينارى : حالىق تورابى
 |
5 - ايدىڭ 25 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ، حان جىڭ قاتارلىلار بەيجيڭدەگى حالىق سارايىندا 9 - رەتكى مەملەكەتتىك ارىز - ارمان قىزمەتى ءماجىلىسىنىڭ ۋاكىلدەرىمەن كەزدەستى.
سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
|
شينحۋا اگەنتتىگى، 5 - ايدىڭ 26 - كۇنى، بەيجيڭ. 9 - رەتكى مەملەكەتتىك ارىز - ارمان قىزمەتى ءماجىلىسى 5 - ايدىڭ 25 - كۇنىنەن 26 - كۇنىنەدەيىن بەيجيڭدە اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءماجىلىستىڭ ۋاكىلدەرىمەن ىقىلاسپەن كەزدەسىپ، ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى، بۇكىل ەلدەگى ارىز - ارمان جۇيەسىندەگى قالىڭ كادرلار مەن جۇمىسشى - قىزمەتكەرلەرگە شىنايى سالەم جولدادى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى لي كىچياڭ، ۋاڭ حۋنيڭ، حان جىڭ كەزدەسۋدە بىرگە بولدى.
5 - ايدىڭ 25 - كۇنى تۇستەن بۇرىن شي جينپيڭ قاتارلىلار حالىق سارايىنىڭ سولتۇستىك زالىنا كەلگەندە، تۇتاس الاڭنان دۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن اڭگىمەلەستى ءارى توپتىق ەستەلىك سۋرەتكە ءتۇستى.
گو شىڭكۇن كەزدەسۋدە بىرگە بولدى ءارى ماجىلىستە ءسوز سويلەدى. ول مىنانى اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايى مەن پارتيا 19 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ حالىقتىڭ ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، حالىقتىڭ قيىنشىلىعىن شەشۋ، پارتيانىڭ قامىن جەۋ سىندى ساياسي جاۋاپكەرلىكتى ەستە بەرىك ساقتاپ، «ارىز - ارمان قىزمەتى ەرەجەسىن» ىشكەرىلەي اتقارىپ، جاڭا داۋىردەگى ارىز - ارمان قىزمەتىنىڭ ساپالى دامۋىنىڭ تىڭ داستانىن قۇلشىنا جازىپ، پارتيا مەن مەملەكەت قىزمەتىنىڭ جالپى جاعدايىنا قىزمەت وتەۋدە، بۇقارانىڭ زاڭدى ۇقىق - مۇددەسىن قورعاۋدا، قوعامنىڭ حاۋىپسىزدىگى مەن ورنىقتىلىعىن جەبەۋدە اناعۇرلىم زور رول اتقارۋ كەرەك.
ءماجىلىس مەملەكەتتىك ارىز - ارمان جۇيەسىندەگى وزات كوللەكتيۆتەر مەن وزات جەكەلەردى ماداقتاپ - سيلادى. ماداقتالىپ - سيلانعان ۋاكىلدەر لەبىز ءبىلدىردى.
ديڭ شۋەشياڭ كەزدەسۋدە بىرگە بولدى، شياۋ جيە كەزدەسۋدە بىرگە بولدى ءارى ماجىلىستە قورىتىندى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
