شەكارا ساقشى بولىمشەسىندەگى سۋرەتتى تام قابىرعا
□ انار بۇلت \ شينجياڭ گازەتىنىڭ تىلشىلەرى لۋ فىڭباۋ، سۇڭ ۋيگو
2022.05.27 14:59 كەلۋ قاينارى : شينجياڭ گازەتى
ۇلىقشات اۋدانى جىعىن شەكارا ساقشى بولىمشەسىنە بارا قالساڭىز، سۋرەت جاپسىرىلعان تام قابىرعاسى الدىمەن كوزگە تۇسەدى.
سۋرەتتە 24 جاستاعى جاڭ شيا وزەن بويىندا سىمباتىمەن كوز تارتادى؛ شۇي حۇي مەن ايەلى ياڭ لي بالالارىن كوتەرىپ تۇر، ءبىر وتباسىنداعى 3 جان اسا باقىتتى كۇي كەشكەن؛ الىمجان ابدۇۋاليدىڭ 2 قىزى اكە - شەشەسىنە سۇيەنىپ تۇر، جۇزدەرىنەن شاتتىق كۇلكىسى ەسكەن؛ حيلۇڭجياڭ ولكەسى داچيڭ قالاسىنان كەلگەن سۇن حاۋ كەمەنىڭ جاقتاۋىنا سۇيەنىپ تۇر، بويى سىندارداي كەلىستى - اق...
”ءبىز ۇزاق جىل بويى ۇيدەگىلەرمەن قاۋىشا المايتىن بولعاندىقتان، ءار ادامنىڭ تۇرمىستاعى سۋرەتتەرىن جيناپ، سۋرەت جاپسىرىلعان تام قابىرعاسىن جاساپ، اۋىلىن ساعىنعان كوپشىلىكتىڭ كوڭىلىنە مەدەت بەرۋدى ويلادىق“، - دەدى ساقشى بولىمشەسىنىڭ باستىعى الىمجان ابدۇۋالي.
ۇلىقشات اۋدانىنىڭ جىعىن اۋىلى پامير ۇستىرتىنە ورنالاسقان، ”باتىس شەكاراداعى ءبىرىنشى اۋىل“ دەگەن اتى بار. جىعىن شەكارا ساقشى بولىمشەسىندەگى حالىق ساقشىلارى حاينان، جيلين، حيلۇڭجياڭ، چۇڭچيڭ، شينجياڭ سياقتى جەرلەردەن كەلگەن، ولار ”وتاۋ ۇيلەرىنەن“ الىستاپ، ”ۇلكەن ۇيلەرىن“ كۇزەتۋدە.
ءسوز ارەدىگىندە جاڭ شيا جىلدام باسىپ جەتىپ كەلدى. تاۋلى قالا چۇڭچيڭنان كەلگەن بويجەتكەن سۋرەتتەگى بەينەسىنەن دە شيراقى كورىندى، قاس - قاباعى قيىلىپ جىميا كۇلگەن ونى كەزىندە اسكەري بولىمدە مەرگەن بولعان دەپ ەشكىم دە ويلاماس ەدى. ”مەنىڭ جاۋجۇرەك باتىر بولسام دەگەن ويىم بار بولاتىن، كىشكەنتاي كەزىمنەن باستاپ قاھارمان كەيىپكەرلەردى جىرلاعان كينولاردى ۇناتىپ كورەمىن، شەكاراداعى ساقشى بولىمشەسىنە بارىپ قىزمەت ىستەيتىنىمدى بىلگەنىمدە ىشتەي قاتتى اسىعا كۇتتىم“، - دەدى ول.
بيىل 2 - ايدا جاڭ شيا ساقشى بولىمشەسىنە تىزىمدەلەدى، ”ءسىز بىلمەيسىز عوي، باستاپقىدا كەلگەنىمدە ەر قىزمەتتەستەرىمنىڭ بارلىعى تۇكسيىپ جۇرەدى ەكەن، ولار مەنى ۇناتپايتىن بولدى عوي دەپ ويلايتىنمىن“. قىزمەتتەستەرى قۋانىشتارىن جۇرەكتەرىنە ساقتاپ، قىزمەتتە جانە تۇرمىستا ونى كىشكەنە قارىنداستارىنداي ايالاپ ءجۇردى.
شەكارا شارلاعان كەزدە جولدىڭ تەڭىز دەڭگەيىنەن بيىكتىگى 3000 مەتردەن اساتىن، بىرنەشە قادام جۇرەر - جۇرمەستەن تىنىستاپ دەم الۋعا تۋرا كەلەتىن. كەدىر - بۇدىر تاۋ جولىندا قاسات قار تىزەدەن كەلىپ، اتتاپ قالسا بولعانى اياق كيىمىڭنىڭ ىشىنە قار تولىپ، اياق توڭعاندا قالتىراپ، ابايلاماعاندا تايىپ جىعىلىپ قالاتىن، قىزمەتتەستەرى جاڭ شيانى مىقتاپ سۇيەپ، ونىڭ جىعىلىپ قالۋىنان ساقتاناتىن.
كوپشىلىكتىڭ كوڭىل ءبولۋىنىڭ ارقاسىندا، جاڭ شيا شەكارا تۇرمىسىنا تەز ۇيىرلەسىپ كەتەدى، ول بۇل ارانى ءوزىنىڭ ەكىنشى وتباسىنا بالايتىن، ”مەنىڭ ارمانىم وسى اراداعى ساقشى بولىمشەسىنىڭ تۇڭعىش ايەل بولىمشە باستىعى بولۋ“، - دەدى جاڭ شيا جارقىلداي كۇلىپ، ول ءوزىنىڭ ”قيالىن“ تيتتەي دە جاسىرمادى.
شۇي حۇيمەن جۇزدەسۋ قيىن، ول وتە قاربالاس. ءار كۇنى ساعات 8دەن 30 مينۋت وتكەندە ول جۇبايى ياڭ ليمەن بىرگە جىعىن اۋىلىنداعى باستاۋىش مەكتەپتىڭ سىرتىندا تۇرىپ، بالالاردىڭ وقۋعا باراتىن جولىندا قورعاۋشى بولادى.
ءتۇس مەزگىلىندە شۇي حۇي شارشاپ - شالدىعىپ جاتاققا قايتتى، تىلشىگە امانداسا ءجۇرىپ، ءبىر جاعىنان شىنى - اياقتاردى تازالاپ، تىلشىگە اۋىلدىڭ اق شايىن قۇيدى. شىنىن ايتقاندا، تۇستەن بۇرىن قاربالاستىققا شومعان ول تاڭعى اسىن جەۋگە ۇلگىرمەگەن ەدى. ”ۇيرەنىپ كەتتىم، قاربالاس بولعاندا وسىلاي بولىپ كەتەمىز“.
2019 - جىلى شۇي حۇي تاۋى جاسىل، سۋى تۇنىق فۋجياننان شەكاراداعى ساقشى بولىمشەسىنە كەلەدى. ياڭ لي كۇيەۋىنىڭ جاپادان جالعىز الىسقا بارۋىنا ءداتى شىداماي، تاۋەكەلگە بەل بۋىپ قىزمەتتەن بوسايدى، ەرلى - زايىپتى ەكەۋى قول ۇستاسا پاميردى قورعايدى. وسى ارادا ول ءبىر كومەكشى ساقشى بولدى، ەكەۋى ساقشى ىستەرى كەڭسەسىندەگى ”ەرلى - زايىپتى سەرىك بولعان“ جاڭا تۇرمىستارىن باستايدى.
وسىدان كەيىن ەكەۋى بىرگە مەكتەپ ورنىن قورعاپ، بىرگە مەكتەپكە بارىپ بالالارعا زاڭ بىلىمدەرىن تۇسىندىرەدى، بىرگە بۇقارانىڭ جوعالعان قوي - سيىرىن تاۋىپ اكەلۋىنە، قارىز اقشاسىن قايتارىپ الۋىنا كومەكتەسەدى... جىعىن اۋىلى ەكەۋىنىڭ ەكىنشى وتباسىنا اينالدى.
قابىرعاداعى سۋرەتتە 26 جاستاعى سۇن حاۋ سونشاما جاس كورىنەتىن، تىلشىلەردىڭ الدىندا تۇرعان ءوڭى توتىققان مىنا جىگىتتەن مۇلدە باسقاشا ەدى.
”بۇل ارانىڭ ۋلترا كۇلگىن ساۋلەسى كۇشتى، قۇمدى بوران قاتتى سوعادى، ءوزىم دە قورعانۋ شارالارىن ىستەمەگەن ەدىم، سول ءۇشىن دە كارتەڭدەۋ كورىنەمىن“، - دەدى سۇن حاۋ بەتىن ۋقالاپ. كاپەرىنە ەشتەڭە كەلەر ەمەس.
شىعىس سولتۇستىكتەن باتىس سولتۇستىككە بارعانىنا 4 جىلدىڭ ءجۇزى بولسا دا، كەزىندەگى ساپار ەستەمەسى ونىڭ كوڭىلىنەن كوتەرىلگەن ەمەس.”باتىسقا بەتتەگەن سايىن قۇلازىعان دالا، جىعىن اۋىلىنا جەتكەندە ادام سيرەپ، ورتاسى ناشارلايدى، مىناۋ مەنىڭ ەندىگى ءبىر مەزگىلدە قىزمەت ىستەيتىن جەرىم بە؟ كوڭىلىم سۋىپ سالا بەردى“. قورشاعان ورتانىڭ توتەنشە ناشار بولۋى سۇن حاۋدى ۇمىتسىزدەندىرەدى. الايدا ول شەكارا سىزىعىندا تۇرىپ، وتانىمىزدىڭ كوركەم تاۋ - وزەندەرىنە كوز سالعاندا، ىشتەي تەبىرەنىپ سالا بەردى. ”مەن وتان ءۇشىن قاقپا كۇزەتىپ تۇرعاندىعىمدى سەزىندىم، سول ساتتە كەنەت كوڭىلىم تولقىپ، جىگەرىم تاسقىنداپ، وسى ارادا تابانداپ تۇرۋدىڭ ءمانىن تۇسىنگەندەي بولدىم“، - دەدى ول.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
