تەك سەنىم بولسا بولعانى، سارى توپىراقتى التىنعا اينالدىرۋعا بولادى (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» تىلشىلەرى شۇي يۇنپيڭ، شاۋ يۇيزى
2022.05.25 16:26 كەلۋ قاينارى : حالىق تورابى
حىبەي ولكەسىنىڭ فۋپيڭ اۋدانى − باس شۋجي شي جينپيڭنىڭ بۇكىل پارتياعا، بۇكىل ەلگە كەدەيلىكتەن ارىلتۋدان قامال الۋعا جۇمىلدىرۋ بۇيرىعىن تۇسىرگەن جەرى.
2012 – جىلى 12 - ايدىڭ 29 - كۇنىنەن 30 - كۇنىنە دەيىن باس شۋجي شي جينپيڭ قاقاعان ايازعا قاراماي، قارلاتىپ فۋپيڭ اۋدانىنا كەلىپ قىزمەت تەكسەردى. باس شۋجي قىستاققا، وتباسىلارىنا بارىپ، ناعىز كەدەيلەردى كورىپ، اۋىلداستارمەن بىرگە كەدەيلىكتەن ارىلىپ، اۋقاتتانۋ شاراسىن اقىلداستى.
فۋپيڭ اۋدانى لۇڭچۋانگۋان قالاشىعى لوتوۋان قىستاعىندا باس شۋجي شي جينپيڭ تاڭ رۇڭبيننىڭ ۇيىنە، تاڭ زۇڭشيۋدىڭ ۇيىنە بارىپ، سۇپىدا مالداس قۇرىپ، اۋىلداستارمەن قول الىسىپ، تۇرمىس جاعدايىن ەگجەي - تەگجەيلى ۇعىستى.
ول كەزدە تاڭ زۇڭشيۋ توزىعى جەتكەن كونە تام ۇيدە تۇرىپ، جاپا - ماشاقاتقا شىداپ ەگىن سالاتىن، جىلدىق كىرىسى 2 مىڭ يۋاننان اسپايتىن.
«تەك سەنىم بولسا بولعانى، سارى توپىراقتى التىنعا اينالدىرۋعا بولادى». باس شۋجي شي جينپيڭ بىلاي دەپ دارىپتەدى: ءبىز قيىنشىلىعى بار بۇقاراعا ايرىقشا نازار اۋدارىپ، ايرىقشا قامقورلىق جاساپ، ايرىقشا كوڭىل ءبولىپ، ءتۇرلى ءادىس - امالمەن كومەكتەسىپ، ولاردىڭ مۇڭ - مۇقتاجىن شەشىپ، بۇقارانىڭ مۇڭ - مۇقتاجىن قاي - قاشان دا كوكەيىمىزدە ساقتاپ، پارتيا مەن ۇكىمەتتىڭ مەيىرىن بارشا وتباسىلارىنا جەتكىزۋىمىز كەرەك.تاپسىرىقتى ەستە بەرىك ساقتادى، فۋپيڭداعى قالىڭ كادر - جۇرتشىلىق جۇدىرىقتاي جۇمىلىپ، كەدەيلىكتەن ارىلتۋدان قامال الۋدىڭ دابىلىن قاقتى.
جاڭادان ءۇي سالىپ، جول جاساپ، كاسىپ سالاسىن گۇلدەندىردى ... قىسقا عانا بىرنەشە جىلدا لوتوۋان قىستاعىندا زور وزگەرىس تۋىلدى. 2016 - جىلعى مەملەكەت مەرەكەسىنەن كەيىن تاڭ زۇڭشيۋدى قامتىعان 247 قىستاق تۇرعىنى ىركەس - تىركەس جاڭا ۇيگە كوشىپ كىردى، تۇرمىستارى دا جاڭا بەينەگە شومدى.
«پارتيا مۇشەلەرى باستاماشىلىق ەتىپ، قىستاق تۇرعىندارى كۇش شىعاردى». لوتوۋان قىستاعى پارتيا ياچەيكاسىنىڭ شۋجيى گۋ رۇيلي بىلاي دەدى: قىستاق بوس تۇرعان جەر بايلىعىنان تولىق پايدالانىپ، «سەرىكتەستىك + سەلبەستىك كووپەراتيۆى + شارۋا وتباسى» ۇلگىسىن قولدانىپ، ازىقتىق باكتەريا جانە تاۋلى جەر جەمىس ورمانى ەگىمشىلىگى كاسىبىن دامىتتى. 2018 - جىلى ساياحات سەرىكتەستىكتەرىن ەنگىزىپ، «كاسىپورىن + شارۋا وتباسى»“ ۇلگىسى ارقىلى ەگىنشىلەردىڭ بوس تۇرعان ۇيلەرىن جانداندىرىپ، حالىقتىق تۇسەلحانا ساياحاتىنىڭ جاڭا كۇيىن قالىپتاستىردى.
قازىر تاڭ زۇڭشيۋ قىستاق ساياحات سەرىكتەستىگىندە قىزمەت ىستەيدى، ايلىق ەڭبەكاقىسى 2 مىڭ يۋاننان اسادى.
تاماشا تۇرمىس كۇرەس ارقىلى جارىققا شىعادى. 2017 - جىلدىڭ سوڭىندا لوتوۋان قىستاعى تۇتاس قىستاقتى كەدەيلىكتەن ارىلتتى. 2019 - جىلدىڭ سوڭىندا فۋپيڭ اۋدانىنداعى 164 كەدەي قىستاق تۇگەلدەي كەدەيلىكتەن ارىلدى. 2020 - جىلى حىبەي ولكەسىندەگى 7 مىڭ 746 كەدەي قىستاق تۇگەلدەي كەدەيلەر قاتارىنان شىعارىلدى.
2021 – جىلى 2 - ايدىڭ 25 - كۇنى باس شۋجي شي جينپيڭ كەدەيلىكتەن ارىلتۋدان قامال الۋدى قورىتىندىلاۋ، ماداقتاۋ - سيلاۋ جونىندەگى مەملەكەتتىك ماجىلىستە اسقاق ۇنمەن بىلاي دەپ جاريالادى: قازىرگى ولشەمدەگى 98 ميلليون 990 مىڭ اۋىل - قىستاقتاعى كەدەي حالىق تۇگەلدەي كەدەيلىكتەن ارىلدى، 832 كەدەي اۋدان تۇگەلدەي كەدەيلىك قالپاعىن الىپ تاستادى، 128 مىڭ كەدەي قىستاق تۇگەلدەي كەدەيلەر قاتارىنان شىعارىلدى، وڭىرلىك جالپىلاي كەدەيلىك شەشىلىپ، مۇلدەم كەدەيلىكتى جويۋدىڭ جاپالى مىندەتى ورىندالىپ، تاريح بەتىندە ايشىقتالعان تاعى ءبىر دۇنيە كەرەمەتى جاراتىلدى!
وسى كەرەمەتتى فۋپيڭ اۋدانىنداعى اۋىل - قىستاق تۇرعىندارىنىڭ كىرىسىنىڭ ارتۋىنان دا اڭعارا الامىز. 2021 - جىلى فۋپيڭ اۋدانىنداعى اۋىل - قىستاق تۇرعىندارىنىڭ جان باسىندىق يگەرىلمەلى كىرىسى 2012 - جىلداعىدان 3.7 ەسە ارتىپ، 12 مىڭ 342 يۋانعا جەتتى.
كۇرەس ارقىلى كەدەيلىك قالپاعىن الىپ تاستادى، جاڭا جورىقتا جاڭا تۇرمىس كەشىرۋدە ءالى دە كۇرەسكە سۇيەنەمىز. فۋپيڭ اۋداندىق پارتكومنىڭ شۋجيى ليۋ جيڭ مىنانى ءبىلدىردى: «كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋمەن ءونىمدى ۇشتاسۋدى جۇزەگە اسىرۋدا ءبىز كاسىپ سالاسىن دامىتۋدىڭ ‹بۇيداسىن› مىقتاپ يگەرىپ، حالىقتى اۋقاتتاندىرۋ كاسىبىن الۋەتتەندىرىپ، كەدەيلىكتەن ارىلعان وڭىردەگى ەرەكشەلىككە يە كاسىپ سالالارىنىڭ ابزالدىققا يە كاسىپ سالالارىنا بۇرىلىس جاساۋىن جەبەپ، گۇلدەي جايناعان تاماشا تۇرمىس كەشىرۋگە مۇمكىندىك جاسايمىز».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
