«ادامزات ءدوپ كەلگەن سىن - سايىسقا دۇنيە جۇزىلىك تۇرعىدان وي جۇگىرتتى (داڭعىل جول ساپارى)
«حالىق گازەتىنىڭ» ءتىلشىسى پىڭ مين
2022.05.25 16:44 كەلۋ قاينارى : حالىق تورابى
مەكسيكانىڭ بۇرىنعى جۇڭگودا تۇراتىن باس ەلشىسى لي زىۋىن قازىر مەكسيكا سىرتقى ساۋدا، قارجى قوسۋ جانە تەحنيكا كاسىپورىندارى القالار كەڭەسىنىڭ ازيا - تىنىق مۇحيت رايونى كوميتەتىنىڭ ءتوراعاسى بولدى. «ءتوراعا شي جينپيڭ ۇزاقتى بولجايدى، يدەياسى پاراساتتى، ماعان تەرەڭ اسەر قالدىردى». «حالىق گازەتى» ءتىلشىسىنىڭ سۇحپاتىن قابىلداعاندا، لي زىۋىن ءوزىنىڭ نازارىنداعى جۇڭگونىڭ مەملەكەت باسشىسىن وسىلاي سۋرەتتەدى.
2009 - جىلى 2 - ايدا مەكسيكا ۇكىمەتىنىڭ ۇسىنىسى بويىنشا، سول كەزدەگى جۇڭگونىڭ مەملەكەت ءتوراعاسىنىڭ ورىنباسارى شي جينپيڭ مەكسيكادا رەسمي ساپاردا بولدى. لي زىۋىن ەسكە الىپ بىلاي دەدى: سونىڭ الدىنداعى ءبىر جىلدا حالىقارالىق فينانس داعدارىسى تۋىلىپ، ءار ەلدىڭ ەكونوميكاسى مەن حالىق تۇرمىسىنا اۋىر ىقپال جاسادى. «جۇڭگو سول رەتكى ساپار ارقىلى مەكسيكا ۇكىمەتىنىڭ داعدارىسقا توتەپ بەرۋ شارالارىن ۇعىسىپ، ەكى جاقتى ساۋدا اۋىس - كۇيىسىن كۇشەيتىپ، ەكى ەل ەكونوميكاسىنىڭ ارتۋىن جەبەۋدى ءۇمىت ەتتى».
«بۇل مەنىڭ ءتوراعا شي جينپيڭمەن تۇڭعىش رەت كەزدەسۋىم ەدى». لي زىۋىن سول كەزدى ەسكە الىپ بىلاي دەدى: «ول مەكسيكا - جۇڭگو كاسىپورىنشىلارى وتكىزگەن تۇسكى قوناعاسدا ءسوز سويلەدى. ءسوزى ىقشام دا تۇجىرىمدى، وي جەلىسى ايقىن، ءتىلى قاراپايىم ءارى ادامدى جەلپىندىرەرلىك بولدى. ول وتە قاجىرلى ەدى، ءوزىنىڭ نە ىستەمەكشى ەكەنىن، قايتكەندە ءوز مەملەكەتى مەن حالقىنا وسكەلەڭ جاۋاپتى بولاتىنىن انىق بىلەتىن؛ سونىمەن بىرگە، ول اشىق، بۇكپەسىز، كەڭ پەيىل بولدى. ءبىز باسقا ەلدىڭ تاجىريبەسىن مۇقيات ۇيرەنەتىن، جەكەلىك باۋراۋ قۋاتى مىعىم باسشىنى كوردىك».
2013 - جىلى 4 - ايدا مەكسيكانىڭ سول كەزدەگى زۇڭتۇڭى ەنريك پەنيا نەتو جۇڭگودا مەملەكەتتىك ساپاردا بولدى ءارى بو - اۋ ازيا تالقى مىنبەرىنىڭ 2013 - جىلعى جىلدىق ماجىلىسىنە قاتىناستى، لي زىۋىن ساۋدا سالاسىنىڭ ۋاكىلى رەتىندە سەرىك بولدى. «ءتوراعا شي جينپيڭ تالقى مىنبەرى جىلدىق ءماجىلىسىنىڭ اشىلۋ سالتىندا: ءبىز ءبىر جەر شارى قىستاعىندا جاساپ جاتىرمىز، تاعدىرلاس ورتاق تۇلعا تانىمىن بەرىك ورناتىپ، ءداۋىر اعىمىنا سايكەسىپ، دۇرىس بەتالىستى يگەرىپ، تار جول، تايعاق كەشۋلەردەن بىرگە وتۋدەن جازباي، ازيا مەن دۇنيە ءجۇزىنىڭ دامۋىن ۇزدىكسىز تىڭ ساتىعا كوتەرۋىمىز كەرەك دەپ دارىپتەدى» دەدى لي زىۋىن.
بو - اۋ ازيا تالقى مىنبەرىنىڭ جىلدىق ماجىلىسىنە تۇڭعىش رەت قاتىناسقان مەكسيكانىڭ زۇڭتۇڭى رەتىندە پەنيا بىلاي دەپ دارىپتەدى: لاتىن امەريكاسىنداعى جاڭادان گۇلدەنگەن ەكونوميكالىق تۇلعالار مەن ازياداعى جاڭادان گۇلدەنگەن ەكونوميكالىق تۇلعالار سەلبەستىك ورىستەتۋگە مۇقتاج. لي زىۋىن بىلاي دەدى: پەنيا زۇڭتۇڭنىڭ جۇڭگوعا ساپارلاي كەلۋدەگى ماقساتى جۇڭگونىڭ تاجىريبەلەرىنەن ۇلگى الىپ، بىرگە دامۋدى قاراستىرۋ. ەكى ەل باسشىلارىنىڭ كەزدەسۋى كەزىندە پەنيا زۇڭتۇڭ ءتوراعا شي جينپيڭدى مەكسيكادا ساپاردا بولۋعا ىستىق ىقىلاسپەن ۇسىنىس ەتتى، «ءتوراعا شي جينپيڭ ۇسىنىستى قۋانا قابىلدادى. ەكى ەل قاتىناسىنىڭ جەدەل دامۋىن ىلگەرىلەتۋ ءۇشىن، ءسوز جوق، تەمىردى قىزۋىندا سوعىپ، اۋقىمعا قاراي العا باسۋ كەرەك».
2013 - جىلى 6 - ايدا ءتوراعا شي جينپيڭ مەكسيكادا مەملەكەتتىك ساپاردا بولدى. قىسقا عانا ەكى اي ىشىندە ەكى ەل باسشىلارىنىڭ ءوزارا ساپاردا بولۋى جۇڭگو مەن مەكسيكا قاتىناسىنىڭ دامۋىن جەبەۋگە ايرىقشا ءمان بەرىپ وتىرعاندارىن ايگىلەدى. ءدال وسى رەتكى ساپاردا جۇڭگو مەن مەكسيكا قاتىناسى جالپى بەتتىك ستراتەگيالىق سەرىكتەستىك قاتىناسقا كوتەرىلدى. «ءتوراعا شي جينپيڭ بىلاي دەدى: دوستار دوستىعىن قارتايعانعا دەيىن جالعاستىرۋى، دامدەس بولۋدىڭ قادىر – قاسيەتىن ءبىلۋى كەرەك. مەكسيكا مەن جۇڭگو اراسىنداعى دوستىق − توتەنشە باعالى دوستىق. ەكى ەلدىڭ دۇنيە جۇزىلىك ەكونوميكانى جونگە سالۋدى كەمەلدەندىرۋ، عالامدىق جونگە سالۋ جۇيەسىنىڭ وزگەرىسىن ىلگەرىلەتۋ سياقتى دۇنيە جۇزىلىك كەلەلى كەڭەستىك تاقىرىپتاردا كوپتەگەن ورتاق مۇددەسى مەن جاۋاپكەرلىگى بار». لي زىۋىن بىلاي دەدى: وسى رەتكى ساپاردان كەيىن كوپ وتپەي، ەكى ەلدىڭ قاتىستى تاراۋلارى كوپتەگەن جۇلگەلىك كەلىسىمگە نەمەسە سەلبەستىك كەلىسىمىنە قول قويىستى، تىنىق مۇحيت ءبولىپ تۇرعان ەكى ەل بارعان سايىن جاقىنداي ءتۇستى.
2014 - جىلى 11 - ايدا پەنيا زۇڭتۇڭ ۇسىنىس بويىنشا جۇڭگودا مەملەكەتتىك ساپاردا بولدى ءارى ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 22 - رەتكى بەيرەسمي ماجىلىسىنە قاتىناستى، لي زىۋىن تاعى دا بىرگە ءجۇردى. بەيجيڭدەگى يانشي كولى جاعاسىندا رەسمي توپتىق سۋرەتكە تۇسۋدەن بۇرىن، پەنيا زۇڭتۇڭ بىرگە جۇرگەن ادامداردى ءتوراعا شي جينپيڭگە تانىستىردى. «كەزەك ماعان كەلگەندە، ءتوراعا شي جينپيڭ: مەن، ارينە، ونى تانيمىن، ءبىز لي ەلشىنى بىلەمىز جانە ونى جاقسى كورەمىز، ول − جۇڭگونىڭ جاقسى دوسى دەدى». سول ساتتەگى سول كورىنىستى ەسكە العاندا، لي زىۋىن كۇنى بۇگىنگە دەيىن قاتتى تەبىرەنەدى، «ءتوراعا شي جينپيڭنىڭ دوستىق جانارىن، مەنىمەن قول الىسقانداعى شىنايىلىعىن، قاجىرلى بەينەسىن كۇنى بۇگىنگە دەيىن ۇمىتپايمىن. مەن دە ەرەكشە ماقتانىش سەزىنەمىن، بۇل مەنىڭ مەكسيكا مەن جۇڭگونىڭ دوستىعىن، سەلبەستىگىن جەبەۋ جولىنداعى قۇلشىنىسىمدى بارىنشا تۇراقتاندىرعاندىق سانالادى» دەيدى ول.
لي زىۋىن « ءبىر بەلدەۋ، ءبىر جولدى» بىرگە قۇرۋعا ايرىقشا نازار اۋدارۋدا، ول بىلاي دەپ قارايدى: بۇل باستاما نەگىزدىك قۇرىلعى، ساۋدا، قارجى قوسۋ سياقتى سەلبەستىكتەر ارقىلى مەملەكەت پەن مەملەكەت، قۇرلىق پەن قۇرلىق اراسىندا بەيبىت، ورنىقتى، بىرگە داميتىن كوپىر سالدى. «پايدامەن ەسەپتەسكەندە دۇنيە ءجۇزىنىڭ پايداسىن نازارعا الۋ كەرەك، ءتوراعا شي جينپيڭنىڭ وسى ءسوزى جاقسى ايتىلعان. لاتىن امەريكاسىنداعى جۇرتشىلىق: الەمدى يگىلىككە كەنەلتكەندە عانا، ءوز ەلىمىزگە تيىمدىلىك جاساۋعا بولادى، − دەيدى. ءبىر مەملەكەت باسشىسى ادامزات ءدوپ كەلىپ وتىرعان سىن - سايىسقا دۇنيە ءجۇزى تۇرعىسىنان وي جۇگىرتكەندە ءارى توتەپ بەرۋ شارالارىن قاراستىرعاندا، دۇنيە ءجۇزى ونىڭ جاعدايى مەن كەڭ پەيىلىن اڭعارا الادى».
(گازەتىمىزدىڭ مەكسيكا قالاسىنان جولداعان ماقالاسى)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
