التىنتاۋ مەملەكەتتىك تابيعي قورىعىندا ايۋ ءجيى بايقالدى
2022.05.25 15:14 كەلۋ قاينارى : حالىق تورابى
شينجياڭ گازەتىنىڭ 5 – ايدىڭ 23 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى جاۋ مين حابارلايدى: 5 – اي — شيزاڭ قوڭىر ايۋى قىسقى ۇيقىنى اياقتاتىپ، شار – تاراپتان ازىق ىزدەيتىن مەزگىل. جۋىردا التىنتاۋ مەملەكەتتىك تابيعي قورىعىنان ايۋدىڭ قاراسى ءجيى بايقالدى.
«ءبىر اپتادان بەرى، ءبىز كۇندەلىكتى شارلاۋ بارىسىندا ەكى رەت شيزاڭ قوڭىر ايۋىنا كەزدەستىك. ءبىر رەتىندە چۇركاكا تەكسەرۋ پۋنكتىنىڭ ماڭىندا ازىق ىزدەپ جۇرگەن ەكى شيزاڭ قوڭىر ايۋىنا جولىقتىق؛ تاعى ءبىر جولى چۋانتوۋ تەكسەرۋ پۋنكتىىنىڭ ماڭىندا، ءشوپ اراسىندا جابايى قوداستىڭ ولىگىن جەپ جاتقان شيزاڭ قوڭىر ايۋىنا كەزدەستىك. سول كەزدە مەن اۆتوموبيلدەن ءتۇسىپ، سۋرەتكە كوبىرەك ءتۇسىرىپ الايىن دەپ ويلاعانمىن، قوڭىر ايۋ ادامنىڭ جاقىنداعانىن كورىپ، توساتتان ورنىنان تۇرەگەلىپ ءبىر رەت گۇرىلدەدى دە، بۇرىلىپ جونەلە بەردى». 5 – ايدىڭ 21 – كۇنى التىنتاۋ مەملەكەتتىك تابيعي قورىعى ەسەك باتتى قورعاۋ پۋنكتىنىڭ باستىعى لي حۋاننىڭ ايتۋىنشا، قىسقى ۇيقىدان ويانعان شيزاڭ قوڭىر ايۋى جايىلىم مەن سازدى جەردەن ازىق ىزدەپ قالماستان، ادامداردىڭ بەيعام كەزىنەن پايدالانىپ، قىزمەتكەرلەردىڭ قونىستانعان ورنىنا باسپالاي كەلىپ، ازىق تاۋىپ جەيدى.
ەسەك باتتى قورعاۋ پۋنكتىنىڭ شارلاۋشىسى تۇرسىن ساۋىت: «5 – ايدىڭ ورتا شەنىندە ولار چىمانتاع اۋىلدىق ۇكىمەتتىڭ كەڭسەسى تۇرعان جەرگە بارىپ، جاتاقتىڭ ەسىگىن يتەرىپ اشىپ، دايىن كەسپە، مينەرالدى سۋ قاتارلى جەپ – ىشەتىن نارسەلەردى ‹ۇپتەپ كەتىپتى›، ءبىر ءتاۋىرى، كەڭسەدە سول كۇندەرى ادام جوق بولاتىن»، — دەيدى. ول ءۇسىپ ولگەن بىرنەشە قويدى مال قوراعا ساقتاپ قويعان، بىرنەشە كۇننىڭ الدىندا شيزاڭ قوڭىر ايۋى بىرەۋىن ۇرلاپ جەگەن.
شيزاڭ قوڭىر ايۋى — قوڭىر ايۋدىڭ جەرلىك ءتۇرىنىڭ ءبىرى، مەملەكەتتىك 2 – دارەجەلى قورعالاتىن حايۋانات. ەل ىشىندە ول شيزاڭ ءوڭىرى مەن شينجياڭداعى التىنتاۋ، كۇنلۇن تاۋى وڭىرىندە تىرشىلىك ەتەدى.
التىنتاۋ مەملەكەتتىك تابيعي قورىعىن باسقارۋ مەكەمەسىنىڭ ۇگىت – تاربيە ءبولىمىنىڭ باستىعى جاۋ شۇيدۇڭنىڭ تانىستىرۋىنشا، بىرنەشە جىلدىڭ الدىندا، تەك عىلىمي زەرتتەۋ قىزمەتكەرلەرى عانا تاۋلى وڭىردەن شيزاڭ قوڭىر ايۋىن اندا – ساندا كەزدەستىرەتىن. جۋىرداعى جىلداردان بەرى، قورىقتاعى ەكولوگيالىق ورتانى قورعاۋ تەبىنىن ارتتىرۋعا، ەكولوگيالىق ورتانىڭ بىرتىندەپ جاقسارۋىنا بايلانىستى، شيزاڭ قوڭىر ايۋىن قامتىعان ءتۇرلى جابايى حايۋاناتتاردىڭ سانى كورنەكتى ارتقان، تىرشىلىك ەتۋ ءورىسى دە كەڭەيە تۇسكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
