ۋاڭ چيشان مەن برازيليا زۇڭتۇڭىنىڭ ورىنباسارى موران جۇڭگو - برازيليا جوعارى مەكتەپ كوميتەتىنىڭ 6 - رەتكى ءماجىلىسىن بىرگە باسقاردى
2022.05.24 16:55 كەلۋ قاينارى : حالىق تورابى
«حالىق گازەتى»، 5 - ايدىڭ 23 – كۇنى، بەيجيڭ (ءتىلشى ياڭ شۇن). 5 - ايدىڭ 23 – كۇنى مەملەكەت ءتوراعاسىنىڭ ورىنباسارى ۋاڭ چيشان بەيجيڭدە بەينە ەكران ءتاسىلى ارقىلى برازيليا زۇڭتۇڭىنىڭ ورىنباسارى مورانمەن بىرگە جۇڭگو – برازيليا جوعارى جىكتەگىلەرىنىڭ سايكەسۋ جانە سەلبەستىك كوميتەتىنىڭ 6 – رەتكى ءماجىلىسىن باسقاردى.
ۋاڭ چيشان مىنانى ءبىلدىردى: تاياۋ جىلداردان بەرى ءتوراعا شي جينپيڭ مەن بولسونارو زۇڭتۇڭنىڭ دۇرىس جەتەكشىلىگىندە، جۇڭگو مەن برازيليا ءبىر - ءبىرىنىڭ ءتۇبىرلى جانە ۇزاق بولاشاقتىق مۇددەسىنە كوڭىل ءبولىپ، ىنتىماقتاسا سەلبەسىپ، دۇنيە جۇزىلىك سايىستارعا توتەپ بەرىپ، جاڭادان گۇلدەنگەن ەكونوميكالىق تۇلعالار سەلبەستىگىنىڭ تىڭ داستانىن جازدى. ەكى جاقتى ساۋدا ءۇرتىس 4 جىل 100 ميلليارد دوللاردان استى، جۇڭگو ءۇرتىس 13 جىل برازيليانىڭ ەڭ ۇلكەن ساۋدا سەرىگى ورنىن ساقتادى. برازيليا − جۇڭگونىڭ لاتىن امەريكاسىنداعى ەڭ ۇلكەن قارجى قوسۋ نىسانالى ەلى. ەكى ەل ىندەتكە قول ۇستاسا توتەپ بەرىپ، عىلىم - تەحنيكا، گۋمانيتارلىق، دەنەتاربيە سياقتى سالالارداعى اۋىس - كۇيىستى جيىلەتىپ، ەكى ەل حالىقتارىنىڭ دوستىعىن كۇشەيتتى.
ۋاڭ چيشان بىلاي دەپ اتاپ كورسەتتى: قازىر دۇنيە ءجۇزى جاڭا اۋمالى - توكپەلى كەزەڭگە ءوتتى، جۇڭگو مەن برازيليا − دۇنيە جۇزىلىك ىقپالعا يە ءىرى ەلدەر، دۇرىس تاريحي بەتالىستى باستان - اياق يگەرىپ، كەلەلى حالىقارالىق جانە وڭىرلىك ماسەلەلەردە پىكىرلەسۋدى، سايكەسۋدى جيىلەتىپ، كوپ جاقتى مەحانيزم جۇلگەسىندە سەلبەستىكتى كۇشەيتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ورتاق مۇددەسىن قورعاۋ جانە جەبەۋ كەرەك. كەلەسى ايدا ەكى ەل باسشىلارى بريكس ەلدەرى باسشىلارىنىڭ كەزدەسۋىنە قاتىناسادى، ەكى جاق وسى رەتكى جوعارى دارەجەلى باسشىلار ءماجىلىسىنىڭ تابىسىن ويداعىداي تياناقتاندىرىپ، باسشىلاردىڭ كەزدەسۋىنە ويداعىداي دايىندالىپ، ەكى ەلدىڭ جانە دۇنيە ءجۇزىنىڭ گۇلدەنۋىن، جاسىل، بىركەلكى دامۋىن قۇلشىنا جەبەۋى كەرەك.
موران مىنانى ءبىلدىردى: برازيليا مەن جۇڭگو ءبىرىن - ءبىرى قۇرمەتتەيدى، ءداستۇرلى دوستىعى تەرەڭ. برازيليا جۇڭگومەن جالپى بەتتىك ستراتەگيالىق سەرىكتەستىك قاتىناسقا ايرىقشا ءمان بەرەدى. جۇڭگوعا باعىتتالعان ونىمدەردى ەكسپورت ەتۋدى كەڭەيتىپ، جۇڭگومەن قول ۇستاسا استىق حاۋىپسىزدىگى سياقتى ورتاق سايىستارعا توتەپ بەرىپ، ەنەرگيانىڭ تيبىن وزگەرتۋدى جانە تومەن كومىرتەكتى ەكونوميكانىڭ جاڭا ورايىن اشۋدى ءۇمىت ەتەمىز. جۇڭگو كاسىپورىندارىنىڭ برازيلياعا قارجى قوسۋدى كۇشەيتۋىن قارسى الامىز. قازىر دۇنيە ءجۇزى تۇراقسىزدىققا تولى، برازيليا جۇڭگومەن بىرلەسكەن مەملەكەتتەر ۇيىمى، بريكس ەلدەرى، G20 سياقتى كوپ جاقتى جۇلگەدەگى سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگى مەن گۇلدەنۋىن جەبەۋگە ۇلەس قوسۋعا پەيىل.
جۇڭگو - برازيليا جوعارى دارەجەلى كوميتەتى − ەكى ەل ۇكىمەتى اراسىنداعى قازىرگى ەڭ جوعارى دارەجەلى كەڭەس جانە سەلبەستىك مەحانيزمى. وسى رەتكى ءماجىلىس جۇڭگو مەن برازيليانىڭ ءار سالاداعى ناقتى سەلبەستىگىن جاپپاي تەرەڭدەتۋ جونىندە ىشكەرىلەي اۋىس - كۇيىس جاساپ، سۇبەلى تابىستارعا قول جەتكىزدى. ەكى جاق «2022 - جىلدان 2031 - جىلعا دەيىنگى جۇڭگو - برازيليا ستراتەگيالىق جوباسى» جانە «2022 - جىلدان 2026 - جىلعا دەيىنگى جۇڭگو - برازيليا اتقارۋ جوسپارى» جونىندە ءبىر اۋىزدىلىققا كەلىپ، الداعى 10 جىلداعى سەلبەستىك نىسانالارى مەن پرينسيپتەرىن جوبالاپ، الداعى 5 جىلداعى الدىمەن سەلبەستىك جاسايتىن سالالار مەن نىسانداردى تۇراقتاندىردى. ەكى جاق جوعارى دارەجەلى كوميتەت مەحانيزمىن ساپالىلاندىرۋ جونىندە ورتاق تانىمعا كەلىپ، قوس قابات سالىق الۋدان ساقتانۋ كەلىسىمىنە وزگەرىس ەنگىزۋ كەلىسىمىنە جانە برازيليانىڭ جۇگەرىسىن جۇڭگوعا جەتكىزۋ، تەكسەرۋ، كارەنتيندەۋ كەلىسىمىنە قول قويىستى.
ۋاڭ چيشان مەن موران ءماجىلىستىڭ ماڭىزدى ەستەلىگىنە قول قويدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
