لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
ەكونوميكانى ورنىقتىرۋدىڭ ءبىر قىدىرۋ شارالارىن ىشكەرىلەي ورنالاستىرىپ، ەكونوميكانىڭ قالىپتى ارناعا ءتۇسۋىن قۇلشىنا ىلگەرىلەتىپ، اينالىمنىڭ ۇيلەسىمدى ارالىقتا بولۋىنا كەپىلدىك ەتۋدى دارىپتەدى
2022.05.24 16:50 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 23 – كۇنى، بەيجيڭ. تاياۋدا مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، ەكونوميكانى ورنىقتىرۋدىڭ ءبىر قىدىرۋ شارالارىن ىشكەرىلەي ورنالاستىرىپ، ەكونوميكانىڭ قالىپتى ارناعا ءتۇسۋىن قۇلشىنا ىلگەرىلەتىپ، اينالىمنىڭ ۇيلەسىمدى ارالىقتا بولۋىنا كەپىلدىك ەتۋدى دارىپتەدى.
ءماجىلىس بىلاي دەپ اتاپ كورسەتتى: قازىر ەكونوميكانىڭ باسەڭدەۋ قىسىمى ۇزدىكسىز ارتىپ، كوپتەگەن بازار تۇلعاسى ەرەكشە قيىنشىلىققا تاپ بولىپ وتىر. دامۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، سەنىمدى بەكەمدەپ، باتىل توتەپ بەرىپ، جاڭا دامۋ تانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، ورتالىقتىڭ ەكونوميكالىق قىزمەت ءماجىلىسى مەن ۇكىمەت قىزمەتىنەن باياندامادا بەلگىلەنگەن ساياساتتاردى جەدەل تياناقتاندىرىپ ءارى اتقارۋ تەبىنىن ارتتىرىپ، جالپى تۇلعالىق وي جەلىسى مەن ساياساتتىق بەتالىس بويىنشا باعىتتامالىلىعى كۇشتى، پارمەندى، ءونىمدى ارالىقتا تىزگىندەۋ شارالارىن قولدانىپ، ەكونوميكانىڭ نەگىزگى بەتالىسىن ورنىقتىرۋ كەرەك.
ءماجىلىس مىناداي 6 جاقتان 33 ءتۇرلى شارانى اتقارۋدى ۇيعاردى: ءبىرىنشى، قازىنا جانە قاتىستى ساياساتتار. بازار تۇلعالارىنىڭ ورنىقتى جۇمىستانۋىن كۇش سالا ورنىقتىرۋ كەرەك. ءتىپتى دە كوپ كاسىپتەردە ىركىندى قور مەن ارتقان شامانى تۇگەلدەي ورايلاستىرىپ سالىق قايتارىپ، تاعى 140 ميلليارد يۋاننان استام سالىق قايتارىپ، تۇتاس جىلدا قايتارىلاتىن سالىق مولشەرىن 2 تريلليون 640 ميلليارد يۋانعا جەتكىزۋ كەرەك. ورتا، شاعىن، ۇساق كاسىپورىنداردىڭ، جەكە ونەركاسىپشىلەر مەن ساۋداگەرلەردىڭ جانە ەرەكشە قيىنشىلىعى بار 5 كاسىپ سالاسىنىڭ قارتتاردى كۇتىمگە الۋ سياقتى قوعامدىق قامسىزداندىرۋ قاراجاتىن كەشىكتىرىپ تاپسىرۋ ساياساتىن جىل سوڭىنا دەيىن ۇزارتۋ ءارى باسقا دا ەرەكشە قيىنشىلىعى بار كاسىپتەرگە دەيىن كەڭەيتۋ، مەجەمەن بيىل 320 ميلليارد يۋاندى كەشىكتىرىپ تاپسىرتۋ كەرەك. جۇمىسسىزداردى قامسىزداندىرۋداعى جۇمىسكەرلەردى الىپ قالىپ تاربيەلەۋ كومەك قاراجاتىن قيىنشىلىعى بار قامسىزداندىرۋعا قاتىناسقان بارلىق كاسىپورىنعا كەڭەيتۋ كەرەك. ورتا، شاعىن، ۇساق كاسىپورىندارعا قاراتا جوعارى مەكتەپ بىتىرگەن وقۋشىلاردى قابىلداعاندارىنا جۇمىس ورنىن كەڭەيتۋگە كومەك قاراجات بەرۋ سياقتى قولداۋ تەبىنىن ارتتىرۋ كەرەك. جەر – جەر شاعىن، ۇساق كاسىپورىنداردى، جەكەشە ونەركاسىپشىلەر مەن ساۋداگەرلەردى سۋ، ەلەكتر، گاز اقىسى، ءۇي ماياقىسى سياقتى جاقتاردان قولداۋى كەرەك. بيىل ارناۋلى قارىزدى 8 - ايدىڭ سوڭىنان بۇرىن نەگىزىنەن تولىق پايدالانىپ، قولداۋ كولەمىن جاڭاشا نەگىزدىك قۇرىلعىلارعا كەڭەيتۋ كەرەك. مەملەكەتتىڭ قارجى قۇراۋ كەپىلدىك قورىنداعى قايتالاي كەپىلدىك ەتۋ سەلبەستىك كاسىبىنىڭ مولشەرىن تىڭنان ءبىر تريلليون يۋاننان استام ارتتىرۋ كەرەك. ەكىنشى، فينانس ساياساتى. بيىل جالپىعا ءتيىمدى شاعىن، ۇساق قارىز اقشانى قولداۋ قۇرالى سوماسى مەن قولداۋ سالىستىرماسىن ءبىر ەسە ارتتىرۋ كەرەك. ورتا، شاعىن، ۇساق كاسىپورىندار مەن جەكەشە ونەركاسىپشىلەرگە، ساۋداگەرلەرگە بەرىلەتىن قارىز اقشانى، جۇك اۆتوموبيلدەرىنە بەرىلەتىن قارىز اقشانى، قيىنشىلىققا تاپ بولعان جەكەلەردىڭ تۇرعىن ءۇي قارىز اقشاسىن، تۇتىنۋ قارىز اقشاسىن بانكەنىڭ جىل ىشىندە وسىمىمەن قايتارۋ ۋاقىتىن ۇزارتۋىن قولداۋ كەرەك؛ اۆتوموبيل ورتالىق كاسىپورىندارى تاراتقان 90 ميلليارد يۋان جۇك اۆتوموبيلى قارىز اقشاسىن بانكە كاسىپورىندارى بىرلەسىپ جارىم جىل كەشىكتىرىپ، وسىمىمەن قايتارۋ كەرەك. ساۋدا پەرەۆود چەگىن تولەۋگە ريزالىق بەرۋدىڭ مەرزىم شەگىن ءبىر جىلدان 6 ايعا قىسقارتۋ كەرەك. تۇعىر كاسىپورىندارىنىڭ ەل ءىشى - سىرتىندا زاڭدى، ۇيلەسىمدى بازارعا شىعۋىن ىلگەرىلەتۋ كەرەك. ءۇشىنشى، كاسىپ تىزبەگىن، قامداۋ تىزبەگىن ورنىقتىرۋ. ءوندىرىستى قالپىنا كەلتىرۋ ساياساتىن ساپالىلاندىرىپ، «اق تىزىمدىك» كاسىپورىندارىنا قىزمەت وتەۋدى كەمەلدەندىرۋ كەرەك. جۇك تاسىمالىنىڭ ىركىلىسسىزدىگىنە كەپىلدىك ەتىپ، جۇعىمدالۋ حاۋىپ - قاتەرى تومەن رايونداردىڭ قاتىناۋ شەكتەمەسىن كۇشىنەن قالدىرىپ، ۇيلەسىمسىز جوعارى دارەجەلى بەلگىلەمەلەر مەن اقى الۋدى تۇگەلدەي كۇشىنەن قالدىرۋ كەرەك. جولاۋشى، جۇك تاسىمال شوفەرلەرى باسقا جەردە نۋكلەين قىشقىلىن تەكسەرتسە، اقىسىز بولۋ ساياساتىنان بىردەي يگىلىكتەندىرۋ كەرەك. حالىقتىق اۆياتسيانىڭ شۇعىل جاعدايعا توتەپ بەرۋ قارىز اقشاسىن 150 ميلليارد يۋان ارتتىرىپ، اۆياتسيا كاسىبىنىڭ 200 ميلليارد يۋان زايوم تاراتۋىنا قولداۋ كورسەتۋ كەرەك. ەل ءىشى - سىرتىنداعى جولاۋشى تاسىمال كەزەكشى ۇشاقتارىن تارتىپپەن كوبەيتىپ، شەتەل كاسىپورىندارىنداعى ادامداردىڭ بارىس - كەلىسىنە قولايلىلىق جاساۋ شارالارىن بەلگىلەۋ كەرەك. ءتورتىنشى، تۇتىنۋدى جەبەۋ جانە ۇتىمدى قارجى قوسۋ. اۆتوكولىك ساتىپ الۋعا شەك قويۋدى بوساڭسىتىپ، ءبىر ءبولىم اۆتوكولىكتەردى ساتىپ الۋ سالىعىن كەزەڭدىك تۇرعىدان 60 ميلليارد يۋان ازايتۋ كەرەك. قالا جاعدايىنا قاراي شارا قولدانىپ، ارنايى بەرىلەتىن جانە جاقسارتىلعان تۇرعىن ءۇي قاجەتىنە قولداۋ كورسەتۋ كەرەك. تەكسەرىپ بەكىتۋدى ساپالىلاندىرىپ، سۋ يگىلىگى، اسىرەسە، ءىرى تيپتەگى سۋ باستاپ سۋارۋ، قاتىناس، كونە شاعىن رايونداردى جاڭالاۋ، جەر استى جالپىلىق قۇبىر ءدالىزى سياقتى ءبىر توپ نىساندى تىڭنان باستاپ، بانكەنى كولەمدى، ۇزاق مەرزىمدى قارىز اقشا بەرۋگە جەتەكتەۋ كەرەك. اۋىل - قىستاق تاس جول قۇرىلىسىن جاڭالاۋدىڭ جاڭا كەزەكتەگى جۇمىسىن باستاۋ كەرەك. 300 ميلليارد يۋان تەمىر جول قۇرىلىسى زايومىن تاراتۋعا قولداۋ كورسەتۋ كەرەك. جىلۋ ورنىنا جۇمىس بەرۋ تەبىنىن ارتتىرۋ كەرەك. بەسىنشى، ەنەرگيا حاۋىپسىزدىگىنە كەپىلدىك ەتۋ. جەرگىلىكتى ورىنداردىڭ كومىر ءونىم مولشەرى جاۋاپكەرلىگىن تياناقتاندىرىپ، كومىر كەندەرىنىڭ ءوندىرىس قۋاتىن ارتتىرۋ ساياساتىن رەتتەپ، قامداۋعا كەپىلدىك ەتەتىن كومىر كەن رەسمياتىن جەدەل وتەۋ كەرەك. تاعى ءبىر توپ سۋ ەلەكتر، كومىر ەلەكتر سياقتى ەنەرگيا نىسانىندا جۇمىس باستاۋ كەرەك. التىنشى، نەگىزگى حالىق تۇرمىسىن قامتاماسىز ەتۋ. جۇمىسسىزداردى قامتاماسىزداندىرۋ، ەڭ تومەنگى تۇرمىستى قامتاماسىزداندىرۋ جانە قيىنشىلىعى بار بۇقاراعا كومەكتەسۋ سياقتى قىزمەتتەردى ويداعىداي ىستەۋ كەرەك. جاعدايعا قاراي قوعامدىق قۇتقارۋ جانە قامتاماسىزداندىرۋ ولشەمىن زات باعاسىنىڭ جوعارىلاۋىمەن بايلانىستىرۋ مەحانيزمىن دەر كەزىندە ىسكە قوسۋ كەرەك.
ءماجىلىسى مىنانى دارىپتەدى: جەر - جەر، تاراۋلار كوكەي تەستىلىك سەزىمدى كۇشەيتىپ، تياناقتاندىرۋدى مىقتى يگەرۋ كەرەك. قاتىستى تاراۋلار ءبىرقىدىرۋ شارانى تەز ارادا تۇرلەر بويىنشا اشالاپ، جاريالاپ اتقارۋى كەرەك. مەملەكەتتىك كەڭەس جەرگىلىكتى ورىنداردىڭ ەكونوميكانى ورنىقتىرۋ شارالارىن تياناقتاندىرۋىنا باقىلاۋ - تەكسەرۋ جۇرگىزەدى، جەرگىلىكتى ۇكىمەتتەر جەرگىلىكتى ورىنداردىڭ ءىس جۇزىندىگىنە ۇيلەسەتىن ەكونوميكانى ورنىقتىرۋ ساياساتىن جەدەل شىعارۋى كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
