كىشكەنە «مەندى» ۇلكەن «مەنمەن» توعىستىرىپ، ءبىزدىڭ داۋىردەگى ادامدارعا ءتان تاريحي ۇلەس قوسۋدى مۇرات ەتۋىمىز كەرەك (تاپسىرىقتى امالياتتا ايگىلەگەن 10 جىل)
«حالىق گازەتىنىڭ» ءتىلشىسى ۋ شاۋمين
2022.05.24 16:46 كەلۋ قاينارى : حالىق تورابى
2019 - جىلى 1 - ايدىڭ 17 - كۇنى باس شۋجي شي جينپيڭ تيانجين نانكاي داشۋەسىنە كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. ەلەمەنتتىك ورگانيكالىق حيميا مەملەكەتتىك ءتۇيىندى تاجىريبەحاناسىندا باس شۋجي وقىتۋشى - وقۋشىلاردى ۇيرەنۋدىڭ، كۇرەسۋدىڭ ناقتى نىساناسىن ۇلتتىڭ گۇلدەنۋىنىڭ ۇلى نىساناسىمەن بىرلەستىرىپ، كىشكەنە «مەندى» ۇلكەن «مەنمەن» توعىستىرىپ، ءبىزدىڭ داۋىردەگى ادامدارعا ءتان تاريحي ۇلەس قوسۋدى مۇرات ەتۋگە شابىتتاندىردى.
باس شۋجيدىڭ ىقىلاستى ءتالىمى نانكاي داشۋەسى حيميا شۋەيۋانىنداعى ورگانيكالىق حيميا كاسىبىنىڭ دوكتورانتى ۋ شيۇڭنىڭ دوكتورلىق وقۋ سەنىمىن بەكەمدەدى. 3 جىلدان بەرى ۋ شيۇڭ عىلمي زەرتتەۋگە بار ىنتا - پەيىلىمەن ات سالىستى، ول: «جاڭا داۋىردەگى جاس رەتىندە مەملەكەتكە شامامنىڭ جەتىسىنشە ۇلەس قوسۋ − شەكسىز داڭق» دەدى.
باس شۋجي شي جينپيڭ نانكاي داشۋەسىنە كەلگەن كۇنى الاڭعا وقۋشىلار لىق تولدى، كوپشىلىك: «باس شۋجي، سالەمەتسىز بە»، «باس شۋجي، جاپا شەكتىڭىز» دەپ داۋىستاپ، «جۇڭحۋانى سۇيەمىن، جۇڭحۋانى كوركەيتەمىن» دەپ ءبىر اۋىزدان ايقايلاپ، «مەن جانە مەنىڭ وتانىم» ءانىن دە شىرقادى.
نانكاي داشۋەسىندە باس شۋجي شي جينپيڭ بىلاي دەپ اتاپ كورسەتتى: وتانشىلدىق − جۇڭحۋا ۇلتىنىڭ ۇلتتىق جۇرەگى، ۇلتتىق رۋحى، سوتسياليزمنىڭ قۇرىلىسشىلارىن جانە ءىزباسارلارىن تاربيەلەۋدە، ەڭ الدىمەن، وقۋشىلاردىڭ وتانشىلدىق سۇيىسپەنشىلىگىن جەتىلدىرۋ كەرەك. جوعارى مەكتەپ پارتيا ۇيىمدارى مەكتەپتىڭ پارتيا قۇرىلىسى قىزمەتى مەن يدەيا - ساياسي قىزمەتىن مىقتى يگەرۋدى مەكتەپ باسقارۋدىڭ، مەكتەپتى جونگە سالۋدىڭ نەگىزگى ونەرى ەتۋى كەرەك.
شي جينپيڭ باس شۋجيدىڭ تاپسىرىعىن ەستە بەرىك ساقتادى، 2021 – جىلى 9 - ايدىڭ 7 – كۇنى 2021 – جىلعى جاڭا وقۋشىلاردىڭ ساباق باستاۋ سالتىندا جۇڭگو ينجەنەريا اكادەمياسىنىڭ اكادەميگى، نانكاي داشۋەسىنىڭ مەكتەپ مەڭگەرۋشىسى ساۋ شۋەتاۋ جاڭا وقۋشىلارعا «وتاندى ءسۇيۋ» دەگەن نەگىزگى تاقىرىپتاعى «العاشقى ساباقتى» ءوتتى.
«سەن جۇڭگولىقسىڭ با؟»، «سولاي!»، «جۇڭگونى سۇيەسىڭ بە؟»، «سۇيەمىن!»، «جۇڭگونىڭ جاقسى بولۋىن قالايسىڭ با؟»، «قالايمىن! وتانىمىزدىڭ گۇلدەنىپ - قۇدىرەتتەنۋىن تىلەيمىن!»... 1935 - جىلى نانكاي داشۋەسىنىڭ ساباق باستاۋ سالتىندا مەكتەپ مەڭگەرۋشىسى جاڭ بوليڭ نانكاي داشۋەسىندەگى جالپى وقىتۋشى - وقۋشىلارعا «وتاندى سۇيۋگە قاتىستى 3 سۇراۋدى» قويدى. 86 جىلدان كەيىن ساۋ شۋەتاۋ بارلىق جاڭا وقۋشىنى باستاپ «وتاندى سۇيۋگە قاتىستى 3 سۇراۋدى» قايتا ەسكە الىپ، جاڭا داۋىردەگى نانكاي داشۋەسى وقىتۋشى – وقۋشىلارىنىڭ وتاندى ءسۇيۋ، وتان ءۇمىتىن اقتاۋ جونىندەگى ەڭ كۇشتى ءۇنىن اڭعارتتى.ايتقان سوڭ ىستەۋ كەرەك. ساۋ شۋەتاۋ باستاماشى بولىپ اشقان، ەكى اكادەميانىڭ 12 اكادەميگى ساباق ەتىپ وتكەن جالپىلىق تاڭداۋ ساباعى «ءدارى - دارمەكتىڭ الدىڭعى لەگى جانە سايىسى» تاياۋ جىلداردان بەرى وقىتۋشى - وقۋشىلاردىڭ القاۋىنا بولەندى. «ايگىلى ۇستازداردىڭ رۋحى مەن ونەگەسى ارقىلى جاس وقۋشىلاردى اسەرلەندىرىپ جانە ولارعا جەتەكشىلىك ەتىپ، ولاردىڭ وتاندى ءسۇيۋ، وتان ءۇمىتىن اقتاۋ سۇيىسپەنشىلىگىن ونان ارى كۇشەيتتىك، بۇل جاڭا داۋىردەگى يدەيا - ساياسي نازاريا ساباعىنىڭ جاندى امالياتى بولدى» دەدى ساۋ شۋەتاۋ.
نانكاي داشۋەسىمەن عانا شەكتەلىپ قالعان جوق. تاياۋ جىلداردان بەرى تيانجين قالاسى پارتيانىڭ مەكتەپ قىزمەتىنە جاپپاي باسشىلىق ەتۋىن كۇشەيتىپ، جوعارى مەكتەپ پارتكومدارى ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، يدەيالىق - ساياسي قىزمەتتىڭ جالپى جاعدايىن كۇش سالا قالىپتاستىردى.
شي جينپيڭ جاڭا ءداۋىر جۇڭگوشا سوتسياليزم يدەياسىنان ۇلگى كورسەتۋ ساباعىنان 100 ساعاتتىق ساباقتى شوعىرلى ازىرلەدى؛ تيانجين قالالىق مەكتەپتەردىڭ وتانشىلدىق تاربيە وداعىن قۇرىپ، 10 نەشە وتانشىلدىق يدەيالىق - ساياسي وقۋلىعىن قۇراستىرىپ جازۋعا ۇيىمداستىردى؛ جوعارى مەكتەپتەر، ورتا، باستاۋىش مەكتەپتەر، بالاباقشالار ءبىر تۇلعالاندىرىلعان يدەيالىق - ساياسي تاربيە جۇيەسىن قۇرىپ، جوعارى مەكتەپتەردىڭ ارناۋلى يدەيالىق - ساياسي ساباعىن وتەتىن وقىتۋشىلاردى، جەتەكشىلەردى قاتارىنان تولىقتادى؛ 10 ساعاتتىق يدەيالىق - ساياسي ايگىلى ماركا ساباعىن، 100 ساعاتتىق يدەيالىق - ساياسي ۇلگى ساباعىن، مىڭ ساعاتتىق يدەيالىق - ساياسي ساپالى ساباعىن ازىرلەدى؛ يدەيالىق - ساياسي ساباعىندا ءاربىر وقىتۋشىنىڭ يدەيالىق – ساياسي تاڭداۋلى ساباعىن جاقسى ءارى اسەرلى وقىتۋىنا جەتەكشىلىك ەتتى... شي جينپيڭ جاڭا ءداۋىر جۇڭگوشا سوتسياليزم يدەياسىنىڭ نارلەندىرۋىندە وتانشىلدىق تيانجيندە جاستار مەن ورەندەردىڭ بەرىك سەنىمىنە، رۋحاني كۇش – قۋاتىنا جانە سانالى ارەكەتىنە اينالۋدا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
