لي كىچياڭ مەملەكەتتىك ەكونوميكانىڭ جالپى جاعدايىن ورنىقتىرۋ تەلەۆيزور - تەلەفون ماجىلىسىندە مىنانى دارىپتەدى
ەكونوميكاداعى ءتۇرلى ساياساتتاردىڭ تياناقتانىپ، ونىمدىلىك جاراتۋىن تىڭعىلىقتى ىلگەرىلەتىپ، بازار تۇلعالارىن، جۇمىستانۋدى، حالىق تۇرمىسىن ورنىقتىرىپ، ەكونوميكالىق اينالىمنىڭ ۇيلەسىمدى ارالىقتا بولۋىنا كەپىلدىك ەتۋ كەرەك
حان جىڭ ءماجىلىستى باسقاردى
2022.05.26 16:12 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 25 - كۇنى، بەيجيڭ. 5 - ايدىڭ 25 - كۇنى مەملەكەتتىك كەڭەس مەملەكەتتىك ەكونوميكانىڭ جالپى جاعدايىن ورنىقتىرۋ تەلەۆيزور - تەلەفون ءماجىلىسىن اشتى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى ءسوز سويلەدى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ءماجىلىستى باسقاردى. مەملەكەتتىك كەڭەس زۇڭليىنىڭ ورىنباسارلارى سۇن چۇنلان، حۋ چۇنحۋا، ليۋ حى، مەملەكەتتىك كەڭەستىڭ مۇشەلەرى ۋەي فىڭحى، ۋاڭ يۇڭ، شياۋ جيە، جاۋ كىجى ماجىلىسكە قاتىناستى.
لي كىچياڭ بىلاي دەدى: بيىل جىل باسىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار جاق پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، قيىنشىلىقتار مەن سىن - سايىسقا، اسىرەسە، مەجەدەگىدەن ارتىق فاكتورلاردىڭ سوققىسىنا پارمەندى توتەپ بەرىپ، قىرۋار ءونىمدى قىزمەت ىستەدى. الايدا 3 - ايدان، اسىرەسە، 4 - ايدان بەرى جۇمىستانۋ، ونەركاسىپ ءوندىرىسى، ەلەكترلى جۇك تاسىمالى سياقتى كورسەتكىشتەر كورنەكتى تومەندەدى، قيىنشىلىق كەيبىر جاقتاردا بەلگىلى دارەجەدە 2020 - جىلعى ىندەتتىڭ اۋىر سوققىسى كەزىندەگىدەن دە اۋىر بولدى. دامۋ − ەلىمىزدەگى بارلىق ماسەلەنى شەشۋدىڭ نەگىزى جانە تەتىگى، ىندەتتەن ساقتانۋ - تىزگىندەۋدى ويداعىداي ىستەۋ قازىنا، زاتتىق كۇش جاعىنان قامتاماسىزداندىرۋدى قاجەت ەتەدى، جۇمىستانۋعا، حالىق تۇرمىسىنا، حاۋىپ - قاتەردەن ساقتانۋعا كەپىلدىك ەتۋ دە دامۋدىڭ تىرەك بولۋىن قاجەت ەتەدى. قازىر تۇتاس جىلدىق ەكونوميكالىق جاعدايدى بەلگىلەۋدىڭ شەشۋشى كەزەڭىندە تۇرمىز، ءسوز جوق، ۋاقىتتى مىقتى يگەرىپ، ەكونوميكانىڭ قالىپتى ارناعا ءتۇسۋىن قۇلشىنا ىلگەرىلەتۋ كەرەك. جاڭا دامۋ ۇستانىمىن جاپپاي دايەكتىلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، سەنىمدى بەكەمدەپ، قيىندىقتاردان تايسالماي العا ۇمتىلىپ، ارتۋدى ورنىقتىرۋدى اناعۇرلىم كورنەكتى ورىنعا قويىپ، بازار تۇلعالارىن ورنىقتىرۋ ارقىلى جۇمىستانۋعا، حالىق تۇرمىسىنا كەپىلدىك ەتۋگە كۇش سالىپ، جۇڭگو ەكونوميكاسىنىڭ سەرپىمدىلىگىن قورعاپ، 2 - توقساندا ەكونوميكانىڭ ۇيلەسىمدى ارتۋىن جانە جۇمىسسىزدىق شاماسىنىڭ تەزىرەك تومەندەۋىن قۇلشىنا قامتاماسىز ەتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك.
لي كىچياڭ بىلاي دەدى: ءارقايسى تاراۋ ەكونوميكانى ورنىقتىرۋ سىندى جالپى جاعداي الدىندا جاۋاپكەرلىك ارقالاپ وتىر، ءتىپتى دە كۇشتى كوكەي تەستىلىك سەزىمدە بولىپ، ورتالىقتىڭ ەكونوميكالىق قىزمەت ءماجىلىسى مەن «ۇكىمەت قىزمەتىنەن باياندامادا» بەلگىلەنگەن ساياساتتىق شارالاردىڭ الدىڭعى جارتى جىلدا نەگىزىنەن ورىندالۋىنا كەپىلدىك ەتىپ، اتقارۋ تەبىنىن ارتتىرۋ ءۇشىن، مەملەكەتتىك كەڭەستىڭ ۇنەمىلىك ىستەر ءماجىلىسى ەكونوميكانى ورنىقتىرۋدىڭ 6 جاقتاعى 33 تارماقتى ساياساتتىق شاراسىن 5 - ايدىڭ سوڭىنان بۇرىن شىعارۋدى بەلگىلەدى، مۇندا جارامدى، ەگجەي - تەگجەيلى اتقارۋ شارالارىن مۇمكىندىگىنشە شىعارۋ تالاپ ەتىلدى. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسى ءادىسى ارقىلى ساياساتتىڭ اتقارىلۋ بارىسىن ساپالىلاندىرىپ، اتقارۋ جاعدايىن قاداعالاپ، كەمەلدەندىرۋگە تيىستىلەرىن دەر كەزىندە كەمەلدەندىرىپ، ساياساتتان يگىلىكتەنۋگە ءتيىستى تۇلعالاردىڭ قاعىس قالماۋىنا، ادامداردىڭ قاعىس قالماۋىنا، انىق تۇسىنۋىنە جانە يگىلىكتەنۋگە تيىستىلەرىنىڭ مۇمكىندىكتىڭ بارىنشا يگىلىكتەنۋىنە كەپىلدىك ەتۋ كەرەك. سوڭعى جىلدارى ءبىز اقشانى بەيپىل تاراتپاۋدان جازبادىق، ماكرولىق ساياساتتا ءالى دە كەڭىستىك بار، ساياساتتىق زاپاستى ۇزدىكسىز ويداعىداي ىستەۋىمىز كەرەك.
لي كىچياڭ بىلاي دەدى: ورتالىق پەن جەرگىلىكتى ورىنداردىڭ بەلسەندىلىگىن ساۋلەلەندىرۋ كەرەك. جەرگىلىكتى ورىندار ءبىر جاقتىڭ دامۋىن جەبەۋ، ءبىر جاققا باقىت جاراتۋ سىندى اۋىر مىندەتتى ارقالاپ وتىر، اركىم ءوز جاۋاپكەرلىگىن ادا ەتىپ، تياناقتاندىرۋدى يگەرۋى كەرەك. قيىن ماسەلەلەردى ۇزدىكسىز شەشۋ ءار دارەجەلى ۇكىمەتتەردىڭ اكىمشىلىك قۋاتىن سىننان وتكىزگەندىك بولىپ تابىلادى. ىندەتتەن ساقتانۋ - تىزگىندەۋدى ويداعىداي ىستەۋمەن بىرگە، ەكونوميكالىق، قوعامدىق دامۋ مىندەتىن ورىنداپ، جاپپاي يگەرىپ، ءبىر جاعىمەن عانا اينالىسۋدان، ءبارىن ءبىر شىبىقپەن ايداۋدان ساقتانۋ كەرەك. جاسامپازدىقپەن قىزمەت ىستەپ، جەرگىلىكتى جاعدايعا قاراي وزىندىك ساياساتتىڭ كومەسكى كۇشىن اشىپ، بازار تۇلعالارىنىڭ قيىنشىلىق قىسپاعىنان قۇتىلۋىنا كومەكتەسۋ، قىزمەت ورنىن ورنىقتىرىپ، قىزمەت ورنىن كەڭەيتۋ سياقتى ساياساتتاردىڭ مۇمكىندىكتىڭ بارىنشا جارىققا شىعۋىنا كومەكتەسۋ كەرەك. مەملەكەت مەنشىگىندەگى كاسىپورىندار، حالىقتىق كاسىپورىندار، شەتەل كاسىپورىندارى سياقتى ءتۇرلى بازار تۇلعالارىنا بىردەي مامىلە جاساپ، ءار جاقتىڭ بەلسەندىلىگىن، جاسامپازدىعىن تولىق جۇمىلدىرىپ، بازارلاندىرۋ ءادىسى، رەفورما شارالارى ارقىلى قيىن ماسەلەلەردى شەشۋدە تاباندى بولۋ كەرەك. زات اينالىمى مەن كاسىپ تىزبەگىنىڭ جوعارعى، تومەنگى اعارىنىڭ ۇشتاسۋ، بوگەلۋ تۇيىندەرىن ونان ارى اشىپ، جۇمىستى قالپىنا كەلتىرۋدى، ءونىم مولشەرىن ورىنداۋدى ىلگەرىلەتۋ كەرەك. حالىق تۇرمىسىن تىڭعىلىقتى قامتاماسىز ەتىپ، جۇمىسسىزداردى قامسىزداندىرۋ، ەڭ تومەنگى تۇرمىستى قامتاماسىزداندىرۋ، قۇتقارۋ سياقتى قارجىلاردى دەر كەزىندە بۇقارانىڭ قولىنا تاراتىپ، كولەمدەنگەن قايتا كەدەيلەنۋدىڭ تۋىلماۋىنا كەپىلدىك ەتۋ كەرەك. مەملەكەتتىك كەڭەس 5 - ايدىڭ 26 - كۇنى 12 ولكەگە باقىلاۋ - تەكسەرۋ گرۋپپاسىن جىبەرىپ، ساياساتتى تياناقتاندىرۋ جانە سايكەستىرۋ جونىندە ارناۋلى باقىلاۋ - تەكسەرۋ جۇرگىزەدى. جەر - جەردىڭ 2 - توقسانداعى ەكونوميكالىق نەگىزگى كورسەتكىشتەرىن مەملەكەتتىڭ ساناق تاراۋلارى زاڭ - ەرەجە بويىنشا شىندىقتى ءىس جۇزىنەن ىزدەي وتىرىپ ولكە بويىنشا جاريالايدى، مەملەكەتتىك كەڭەس قاتىستى قىزمەت جاعدايىن حابارلاندىرادى.
لي كىچياڭ بىلاي دەدى: جەر - جەر، تاراۋلار شىندىققا جۇگىنىپ، ناقتى ءىس ىستەۋدە تاباندى بولىپ، ءتۇرلى قىزمەتتەردى ءىس جۇزىندىك ونىمدىلىك ارقىلى سىننان وتكىزۋى كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋىنا ساي، قيىنشىلىقتاردى جەڭىپ، ۇدەرە العا تارتىپ، ەكونوميكانىڭ، قوعامنىڭ ورنىقتى، اقاۋسىز دامۋىن جەبەۋ كەرەك.
دامۋ جانە رەفورما كوميتەتىنىڭ، قازىنا مينيسترلىگىنىڭ، حالىق بانكەسىنىڭ نەگىزگى جاۋاپتىلارى ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
