شينجياڭدا بيىل تۇڭعىش رەتكى كەڭ كولەمدى جوعارى تەمپەراتۋرالى اۋا رايى جارىققا شىقتى، مەجەمەن وسى اپتانىڭ سوڭىنا دەيىن جالعاسادى
2022.05.26 14:11 كەلۋ قاينارى : حالىق تورابى
انار بۇلت - شينجياڭ گازەتىنىڭ حابارى (ءتىلشى يۇي مىڭفان حابارلايدى). شينجياڭنىڭ بۇكىل ەلدىڭ جوعارى تەمپەراتۋرالى جەرلەرى قاتارىنان ورىن العان حابارىنىڭ تارالۋىنا بايلانىستى، 5 - ايدىڭ 25 - كۇنى شينجياڭ بيىل جىل باسىنان بەرگى تۇڭعىش كولەمدى جوعارى تەمپەراتۋرالى اۋا رايىن قارسى الدى. ءتىلشىنىڭ شينجياڭ اۋا رايى ستانسياسىنان ۇعىسۋىنشا، مەجەمەن تەمپەراتۋرانىڭ جوعارىلاۋ بارىسى 5 - ايدىڭ 29 - كۇنىنە (جەكسەنبىگە) دەيىن جالعاسادى ەكەن.
5 - ايدىڭ 25 - كۇنى ساعات 15تە تۇرپان قالاسى، توقسۇن اۋدانى، ءپىشان اۋدانى مەملەكەت بويىنشا ەڭ جوعارى اۋا تەمپەراتۋراسىنىڭ الدىڭعى ۇشتىگىنەن ورىن الدى. توراپتاستار قالجىڭداپ بىلاي دەدى: جول جۇرگەندە كاۋاپتان پارقىمىز تەك تۇز سەبىلمەي قالدى. بيىل تۇڭعىش رەتكى جوعارى تەمپەراتۋرالى كۇندى قارسى العان ءۇرىمجى قالاسىنىڭ كۇندىك ەڭ جوعارى تەمپەراتۋراسى 35 سەلتسي گرادۋستان اسىپ، سوڭىنان ىلەسە 4 - ورىندى يەلەدى.
شينجياڭ اۋا رايى ستانسياسىنىڭ باس مالىمەتشىسى لۇي شينشىڭ بىلاي دەپ تانىستىردى: وسى رەتكى جوعارى تەمپەراتۋرا بارىسىنىڭ جارىققا شىعۋىنداعى سەبەپ، جىلى جوعارى قىسىمدى جوتانىڭ شىعىس شينجياڭ مەن سولتۇستىك شينجياڭنىڭ ءبىر ءبولىم رايوندارىنىڭ كەڭىستىگىن مەڭگەرگەندىگىندە، ونىڭ ۇستىنە جالعاسقان ۋاقىتى ءبىرشاما ۇزاق بولعاندىعىندا. وسىدان بۇرىن بىرنەشە رەت تەمپەراتۋرانىڭ جوعارىلاۋ بارىسى بولعانىمەن، ءبارى دە شاعىن كولەمدە بولاتىن. 5 ـ ايدىڭ 25 ـ كۇنگى تەمپەراتۋرانىڭ جوعارىلاۋ بارىسى ‐ بيىل جىل باسىنان بەرگى بۇكىل شينجياڭداعى ەڭ زور كولەمدەگى تەمپەراتۋرانىڭ جوعارىلاۋ بارىسى.
تەمپەراتۋرانىڭ ناقتى جاعدايىنان قاراعاندا، وسى رەتكى تەمپەراتۋرانىڭ جوعارىلاۋى نەگىزىنەن شىعىس شينجياڭدا، سونداي - اق ىلە قازاق اۆتونوميالى وبلىسى، التاي ايماعىنىڭ باتىسى، تارباعاتايدىڭ سولتۇستىگى سياقتى سولتۇستىك شينجياڭنىڭ كوپ ساندى رايوندارىندا بولدى. ءۇرىمجى قالاسىنىڭ نەگىزگى قالا رايونىنىڭ ەڭ جوعارى تەمپەراتۋراسى 35 سەلتسي گرادۋستان اسىپ، قالانىڭ سولتۇستىگىندەگى اۋا تەمپەراتۋراسى ءتىپتى دە جوعارى بولىپ، ميدۇڭ رايونىنىڭ ەڭ جوعارى تەمپەراتۋراسى 38 سەلتسي گرادۋسقا جەتىپ، جىلى اۋا قۋاتى كۇشتى بولدى.
لۇي شينشىڭ تانىستىرىپ بىلاي دەدى: وسى رەتكى جوعارى تەمپەراتۋرا بارىسى مەجەمەن 5 - ايدىڭ 29 - كۇنىنە دەيىن جالعاسادى. 5 - ايدىڭ 27 - كۇنى جانە 28 - كۇنى ءىشىنارا وڭىرلەردە ءالسىز سۋىق اعىستىڭ اسەرىنەن تەمپەراتۋرا تومەندەپ، جاڭبىر جاۋادى. 5 ـ ايدىڭ 26 ـ كۇنى ءۇرىمجى قالاسىندا ەڭ جوعارى تەمپەراتۋرا ءسال تومەندەيدى، 5 ـ ايدىڭ 27 ـ كۇنى سەبەزگى جاڭبىر جاۋادى.
مەجەمەن 5 - ايدىڭ 27 - كۇنى تۇننەن 28 - كۇنى كۇندىزگە دەيىن سولتۇستىك شينجياڭنىڭ باتىس بولەگى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، بايىنعولين موڭعۇل اۆتونوميالى وبلىسىنىڭ وڭتۇستىك تاۋلى رايونى، قۇمىل قالاسى سياقتى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، ءىشىنارا وڭىرلەردە ورتاشا، قالىڭ جاڭبىر جاۋادى، سانجى حۇيزۋ اۆتونوميالى وبلىسىنىڭ شىعىس بولەگىندەگى تاۋلى وڭىرلەردە، قۇمىل قالاسىنىڭ سولتۇستىگىندەگى تاۋلى وڭىرلەردىڭ ءىشىنارا جەرلەرىندە نوسەر جاۋادى.
اۋا رايى تاراۋلارى مىنانى ەسكەرتەدى: شينجياڭ اۋا رايى ستانسياسىنىڭ 5 – ايدىڭ 24 ـ كۇنى ساعات 12دەن 58 مينۋت وتكەندە جاريالاعان جوعارى تەمپەراتۋرالى اۋا رايىنان ساقتانۋدىڭ سارى ءتۇستى ساقتىق سيگنالى جالعاستى كۇشكە يە بولادى. 5 ـ ايدىڭ 26 ـ كۇنى تيانشاننىڭ سولتۇستىك بەتكەيى، شىعىس شينجياڭ سياقتى جەرلەردىڭ ءىشىنارا وڭىرلەرىندە جوعارى تەمپەراتۋرالى اۋا رايى جارىققا شىعادى، ءورت اپاتى تۋىلاتىن قاتەرلى اۋا رايى دارەجەسى جوعارى بولادى، ىستىقتان ساقتانىپ، تەمپەراتۋرانى تومەندەتۋگە جانە وت ىستەتۋ حاۋىپسىزدىگىنە كوڭىل ءبولۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
