سىچۋان – شانشي توڭكەرىستىك بايىرعى رايونى جاڭا داۋىردەگى گۇلدەنىپ – كوركەيۋدىڭ جاڭا جولىمەن ءجۇردى (جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ − بايىرعى رايونداردىڭ جاڭا بەت - بەينەسى)
«حالىق گازەتىنىڭ» تىلشىلەرى گاۋ بيڭ، ۋاڭ يۇڭجان
2022.05.27 21:45 كەلۋ قاينارى : حالىق تورابى
جاز باسىنداعى سىچۋان - شانشي بايىرعى توڭكەرىستىك رايونىندا اسقار تاۋلار جاسىل جەلەك جامىلعان. سىچۋان ولكەسى باجۇڭ قالاسى تۇڭجياڭ اۋدانىنىڭ سىچۋان - شانشي توڭكەرىستىك بازاسىنداعى قىزىل ارميا قۇرباندار قابىرستانىندا كوپتەگەن ادام قۇربانداردى قۇرمەتپەن كورۋدە.
«جەر توڭكەرىسى سوعىسى كەزىندەگى 2 - ۇلكەن سوۆەتتىك رايون رەتىندە، سىچۋان - شانشي بازاسى باشان تاۋىنىڭ وڭتۇستىك باۋرايىنا ارقا سۇيەپ، شىعىس سىچۋان ويپاتىنا كوز سالدى، جەر ءتۇزىلىسى وتە قاتەرلى ەدى، اسكەرلەر قۋاتتى، ءمىنىس اتتار جاراۋ بولاتىن، ماۋ زىدۇڭ جولداس ونى <ياڭزى وزەنىنىڭ وڭتۇستىگى مەن سولتۇستىگىندەگى جانە جۇڭگونىڭ وڭتۇستىگى مەن سولتۇستىگىندەگى سوۆەت توڭكەرىسىن دامىتۋدىڭ كوپىرى> دەپ القاعان بولاتىن» دەپ تانىستىردى سىچۋان - شانشي توڭكەرىستىك بازاسىنىڭ كونە جۇرتى (باجۇڭ) باسقارۋ مەكەمەسى باستىعىنىڭ ورىنباسارى شۋە يۋانشۇن.
1932 - جىلى 12 – ايدا قىزىل ارميانىڭ 4 - باعىت ارمياسى سىچۋاننىڭ تۇڭجياڭ دەگەن جەرىنە كىردى، وسىدان كەيىن كوپ وتپەي سىچۋان - شانشي ولكەلىك ۋاقىتتىق توڭكەرىستىك كوميتەتى تۇڭجياڭ قالاسىندا قۇرىلدى. ءبىر جىلعا جەتپەيتىن ۋاقىتتا سىچۋان - شانشي سوۆەت رايونىندا 23 اۋداننىڭ سوۆەت اكىمياتى قۇرىلدى، جالپى اۋماعى 42 مىڭ شارشى كيلومەتر، حالىق سانى شامامەن 5 ميلليون بولدى.
توڭكەرىس ورلەۋى كوتەرىلىپ، باشانداعى نەشە ءجۇز مىڭ پەرزەنت ەشتەڭەدەن تايىنباي توڭكەرىسكە ات سالىستى. قىزىل ارميا قۇرباندار قابىرستانىندا قازىر 25 مىڭنان استام قۇربان ءۇن - ءتۇنسىز جاتىر.
جوعارى قارقىندىق جولدىڭ اشىلۋىنا، ساياحات قۇرىلعىلارىنىڭ كەمەلدەنۋىنە ىلەسە، بايىرعى رايونداعى قىزىل ساياحات كۇن سايىن گۇلدەنە ءتۇستى. «2021 - جىلى ءبىز ءبىر ميلليون 300 مىڭ ادام - رەتتەن استام ساياحاتشى قابىلدادىق، 9 مىڭنان استام ۇيىرمە قابىرستانعا زيارات ەتىپ كەلدى. بيىل كوكتەم مەرەكەسى كەزىندە 100 مىڭنان استام ساياحاتشى تۇڭجياڭعا كەلىپ، سول ءبىر شۇعىلالى ءداۋىردى ەسكە الدى» دەپ تانىستىردى شۋە يۋانشۇن.
2016 - جىلى «سىچۋان - شانشي توڭكەرىستىك بايىرعى رايونىن گۇلدەندىرۋ، دامىتۋ جوباسى» جاريالانىپ، قىزىل مادەنيەت بايلىعىن قورعاۋدى كۇشەيتىپ، وتانشىلدىق تاربيە، توڭكەرىستىك ءداستۇر تاربيەسى جانە قىزىل ارميا رۋحاني تاربيەسى بازاسىن قۇرۋ ورتاعا قويىلدى. 2021 – جىلى مەملەكەتتىك كەڭەس «جاڭا داۋىردە توڭكەرىستىك بايىرعى رايونداردىڭ گۇلدەنۋىن، دامۋىن قولداۋ جونىندەگى پىكىردى» باسىپ تاراتتى، وندا «قىزىل ساياحاتتىڭ ساپالى دامۋىن ىلگەرىلەتۋ» ورتاعا قويىلدى. تاياۋ جىلداردان بەرى سىچۋان - شانشي توڭكەرىستىك بايىرعى رايونى قىزىل مادەنيەتتى بارىنشا ساۋلەلەندىرىپ، جالعاستىرىپ، قىزىل مادەنيەت، ساياحات بايلىعىن ىشكەرىلەي اشىپ، بۇكىل ەلگە ايگىلى قىزىل ساياحات نىسانالى جەرىن قالىپتاستىردى.
كوك تاس كەرپىش توسەلگەن جولدى بويلاپ، سىچۋان ولكەسى گۋاڭيۋان قالاسى ۋاڭساڭ اۋدانى لاۋجيە كوشەسىن سەيىلدەپ كەلەمىز، كوشەنىڭ شىعىس قاقپاسىنان قويۋ توڭكەرىستىك لەپ ەسەدى، ونداعى «جياليڭ وزەنىنەن ءوتىپ، پارتيا ورتالىق كوميتەتىن قارسى الايىق» دەگەن ۇلكەن جازۋمەن جازىلعان ۇران كونە تاريحتى كوز الدىعا ەلەستەتەدى؛ سول كەزدەگى قىزىل ارميا كيىم - كەشەك زاۆودىندا «كونە قالا تىگىنشىلىك دۇكەنى» ءالى دە جۇمىس ىستەپ تۇر؛ بۇرىنعى جۇمىسشى – شارۋا تەاتر ۇيىرمەسىنىڭ ماڭىندا 60 جاستاعى حى جيانتاڭ 30 جىلدان بەرى ۇزبەي قارما سالىپ كەلەدى، سول جىلدارى ونىڭ اكەسى قارما سالىپ، قىزىل ارمياعا قولداۋ كورسەتكەن، بۇل كۇندە دۇكەننىڭ اتى «قىزىل ارميا قارماسى» دەپ اتالادى...
1933 - جىلى 1 – ايدا قىزىل ارميانىڭ 4 - باعىت ارمياسى ۋاڭساڭعا كىرىپ، بۇل ارادا ەكى جىلدان استام ۋاقىت شايقاس جاسادى. «ۋاڭساڭ − سىچۋان - شانشي سوۆەتتىك رايونىنىڭ سوڭعى مەزگىلىندە ورتالىق قالا تۇرعان جەر، ستراتەگيالىق ورنى ماڭىزدى». ۋاڭساڭ جۇڭگو قىزىل ارميا قالاسىنىڭ ءتۇسىندىرۋشىسى حى شياۋجۇي: «سول كەزدە جەر اۋدانى 2 شارشى كيلومەترگە جەتپەيتىن ۋاڭساڭ قالاسىنا 40 تان استام ورگان، 20 مىڭنان استام ادام اعىلىپ كىردى» دەدى.
ۋاقىت زىمىراپ وتۋدە، قازىر ءار جىلى نەشە ون مىڭ ساياحاتشى جۇڭگونىڭ قىزىل ارميا قالاسىنا كەلىپ تاريحتى سەزىنىپ، بولاشاققا جول اشادى.
سىچۋان - شانشي توڭكەرىستىك بايىرعى رايونىنا كوز جىبەرسەك، جەر - جەر تۇنىق سۋ، جاسىل تاۋ − باعالى بايلىق ۇستانىمىندا تاباندى بولىپ، جاسىل دامۋدى بار كۇشپەن ىلگەرىلەتىپ، قىزىل ساياحات پەن ەكولوگيالىق ساياحاتتى ۇشتاستىرۋدىڭ سيمفونياسىن اسقاقتاتۋدا.
جاسىل تاۋلى وڭىردە جاڭا عانا جاڭبىر جاۋىپ ءوتتى، شانشي ولكەسى انكاڭ قالاسى پيڭلي اۋدانى جياڭجياپيڭ قىستاعىنىڭ تۇرعىنى، 90 – جىلداردىڭ تۇلەگى شىن شياۋيان تاۋ باسىنداعى وزدەرىنىڭ شاي باقشاسىندا سەيىلدەپ ءجۇر. جاسىل جەلەك جامىلىپ، بۇلت كوشكەن كوركەم كورىنىس اياسىندا قول تەلەفونىمەن كەسكىن تۇسىرۋدە.
2020 – جىلى 4 - ايدىڭ 21 – كۇنى باس شۋجي شي جينپيڭ جياڭجياپيڭ قىستاعىندا قىزمەت تەكسەرگەندە: ادام جاسىل تاۋدى ارداقتاسا، جاسىل تاۋ، ءسوز جوق، ادامنىڭ ءۇمىتىن اقتايدى، تۇنىق سۋ، جاسىل تاۋ − ءارى تابيعي بايلىق، ءارى ەكونوميكالىق بايلىق، − دەپ اتاپ كورسەتتى. اۋىلداستار باس شۋجيدىڭ تاپسىرىعىن ەستە بەرىك ساقتاپ، شاي ارقىلى بايىپ، شاي ارقىلى كاسىپتى گۇلدەندىرىپ، ەكولوگيانى الدىمەن ەسكەرۋ، جاسىل دامۋ جولىنا ءتۇستى.
«ۇستىنەن تاراتۋ ارقىلى زات ساتۋدا شايدىڭ ساۋداسى كۇسەت بولدى. كوك شىبىق مەرەكەسىنەن بۇرىن ءوزىمىز مانەرلەگەن شايدىڭ ءار جىڭى ءبىر مىڭ 100 يۋاننان ساتىلدى». شىن شياۋيان − اۋىلىنا قايتىپ يگىلىك جاراتقان جاس، وتباسىنىڭ 10 مۋ شاي باعى بار، اكە - شەشەسى شاي جينايدى، شاي جاسايدى، ول توراپتا ساتادى، «مەن تاعى الداعى جەردە سۇرلەنگەن ەت سياقتى ەرەكشە اۋىل شارۋاشىلىق قوسالقى ونىمدەرىن ساتۋدى ويلاپ وتىرمىن» دەدى ول.
2 جىلدان استام ۋاقىتتان بەرى جياڭجياپيڭ قىستاعىندا 350 مۋ جەرگە جوعارى ءونىمدى شاي باعى سالىنىپ، 400 مۋ كونە شاي باعى جاڭالاندى. «كەلەسى قادامدا ءبىز <شاي مەن ساياحاتتى توعىستىرۋ> جاعىندا ىزدەنىس جاساپ، ەكولوگيالىق ساياحاتتىڭ تاماشا ورايىن يگەرەمىز» دەدى جياڭجياپيڭ قىستاعى پارتيا ياچەيكاسىنىڭ شۋجيى كوۋ چيڭشين زور ۇمىتپەن.
قازىرگە دەيىن پيڭلي اۋدانىنىڭ شاي باعىنىڭ جالپى اۋماعى 200 مىڭ مۋعا كەڭەيىپ، شاي تيجارات تۇلعاسى 265 كە جەتتى. 2021 - جىلى شاي ونىمدەرىنىڭ ءونىم مولشەرى 15 مىڭ 500 تونناعا، ءونىم قۇنى ءبىر ميلليارد 570 ميلليون يۋانعا جەتتى.
سىچۋان - شانشي بايىرعى توڭكەرىستىك رايونى سالىستىرمالى ابزالدىعىن ساۋلەلەندىرىپ، جاڭا داۋىردە گۇلدەنىپ - كوركەيۋدىڭ، دامۋدىڭ جاڭا جولىن اشۋعا قۇلشىنۋدا.
2021 - جىلى سىچۋان ولكەسى، شانشي ولكەسى قاتىستى قۇجاتتاردى جاريالاپ، توڭكەرىستىك بايىرعى رايونداردىڭ گۇلدەنىپ - كوركەيۋىن، دامۋىن قولدادى. قونىس جاڭالاپ كەدەيلەردى سۇيەمەلدەۋدەن كەيىنگى سۇيەمەلدەۋدى كۇشەيتىپ، الەۋمەتتىك قىزمەت وتەۋ قۇرىلعىلارىن جوعارىلاتىپ جانە كەمەلدەندىرىپ، الەۋمەتتىك اۋماقتى جونگە سالۋدى ساپالىلاندىرىپ، بايىرعى رايونداعى بۇقارانىڭ الاڭسىز تىرشىلىك ەتۋىنە مۇمكىندىك جاسادى؛ ەرەكشە ابزال كاسىپتەردى جەتىلدىرىپ، زورايتىپ، وسى زامانعى ەرەكشە اۋىل شارۋاشىلىعىنا كۇش سالىپ، تاۋ قويناۋىن كىرىس كوزىنە اينالدىردى؛ ەكولوگيانى جونگە سالۋ مەن قورشاعان ورتانى قورعاۋدى كۇشەيتىپ، چينبا تاۋلى رايونىنداعى ورگانيزمدەردىڭ الۋان تۇرلىلىگىن قورعاۋ مەن ەكولوگيانى قالپىنا كەلتىرۋدى ويداعىداي ىستەپ، ۇرپاقتاردىڭ تۇنىق سۋ، جاسىل تاۋدان باياندى يگىلىكتەنۋىنە مۇمكىندىك جاراتتى»؛ قىزىل مادەنيەتكە مۇراگەرلىك ەتىپ جانە ونى جالعاستىرىپ، قىزىل ساياحاتتىڭ ساپالى دامۋىن ىلگەرىلەتتى ...
چىنليڭبا تاۋى قويناۋىندا تىنباي كۇرەس جۇرگىزۋ دابىلى قاعىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
