شي جينپيڭ لي جياچاۋمەن كەزدەستى
حان جىڭ كەزدەسۋدە بىرگە بولدى
2022.05.31 16:22 كەلۋ قاينارى : حالىق تورابى
5 - ايدىڭ 30 - كۇنى مەملەكەت ءتوراعاسى شي جينپيڭ دياۋيۇيتاي مەملەكەتتىك قوناق ۇيىندە جاڭادان سايلانعان ءارى ورتالىق ۇكىمەت تاعايىنداعان شياڭگاڭ ەرەكشە اكىمشىلىك رايونىنىڭ 6 - كەزەكتى اكىمى لي جياچاۋمەن كەزدەستى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگى، 5 - ايدىڭ 30 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 30 - كۇنى تۇستەن كەيىن دياۋيۇيتاي مەملەكەتتىك قوناق ۇيىندە جاڭادان سايلانعان ءارى ورتالىق ۇكىمەت تاعايىنداعان شياڭگاڭ ەرەكشە اكىمشىلىك رايونىنىڭ 6 - كەزەكتى اكىمى لي جياچاۋمەن كەزدەستى.
شي جينپيڭ لي جياچاۋدىڭ سايلانعانىن جانە ورتالىق ۇكىمەت جاعىنان شياڭگاڭ ەرەكشە اكىمشىلىك رايونىنىڭ 6 - كەزەكتى اكىمى بولىپ تاعايىندالعانىن قۇتتىقتادى. شي جينپيڭ بىلاي دەدى: ءسىزدىڭ وتاندى، شياڭگاڭدى ءسۇيۋ مايدانىڭىز بەرىك، باتىلدىقپەن جاۋاپكەرلىك ارقالاپ، بەلسەنە ءىس تىندىرىپ، تۇرلىشە قىزمەت ورنىندا قىزمەت جاۋاپكەرلىگىڭىزدى ادا ەتىپ، مەملەكەتتىڭ حاۋىپسىزدىگىن، شياڭگاڭنىڭ گۇلدەنۋى مەن ورنىقتىلىعىن قورعاۋعا ۇلەس قوستىڭىز. ورتالىق مۇنى تولىق تۇراقتاندىرادى ءارى تولىق سەنىم ارتادى.
شي جينپيڭ مىنالاردى اتاپ كورسەتتى: بىلتىردان بەرى جاڭا سايلاۋ ءتۇزىمى جاعدايىندا شياڭگاڭ ىلگەرىندى - كەيىندى سايلاۋ كوميسسياسىنىڭ سايلاۋىن، 7 - كەزەكتى زاڭ شىعارۋ كەڭەسىنىڭ سايلاۋىن، 6 - كەزەكتى اكىم سايلاۋىن وتكىزىپ، تۇگەلدەي تابىسقا جەتتى. اماليات جاڭا سايلاۋ ءتۇزىمىنىڭ «وتانشىلداردىڭ شياڭگاڭدى باسقارۋىن» تياناقتاندىرۋدا، شياڭگاڭ قالا تۇرعىندارىنىڭ وزىنە - ءوزى قوجا بولۋ ۇقىعىن قامتاماسىز ەتۋدە، قوعامداعى ءار جىكتىڭ، ءار سالانىڭ ءبىر نيەتپەن سەلبەسىپ، شياڭگاڭدى گۇلدەندىرۋدەگى تاماشا جاعدايدىڭ قالىپتاسۋىن ىلگەرىلەتۋدە شەشۋشى رول اتقارعانىن دالەلدەدى. بۇل − «ءبىر ەل، ەكى ءتۇزىم» باعىتىنا، شياڭگاڭنىڭ ءىس جۇزىندىك جاعدايىنا، شياڭگاڭنىڭ دامۋ قاجەتىنە ۇيلەسەتىن ساياسي ءتۇزىم، دەموكراتيالىق ءتۇزىم، ونى، ءسوز جوق، بارىنشا قاستەرلەپ، وندا ۇزاق ۋاقىت تاباندى بولۋ كەرەك.
شي جينپيڭ مىنالاردى دارىپتەدى: بيىل شياڭگاڭنىڭ وتان قۇشاعىنا ورالعانىنا 25 جىل تولادى. 25 جىلدان بەرى كوپتەگەن بوران - شاشىندى، سىن - سايىستى باستان كەشىرگەنىمەن، «ءبىر ەل، ەكى ءتۇزىمنىڭ» شياڭگاڭداعى امالياتى كۇللى دۇنيە مويىنداعان تابىسقا قول جەتكىزدى. ورتالىق «ءبىر ەل، ەكى ءتۇزىم» باعىتىن جاپپاي دۇرىس دايەكتىلەندىرۋ بەكىمىنەن ەشقاشان اۋىتقىمادى، بۇل مايدانى مۇلدەم وزگەرمەيدى. ورتالىق ۇكىمەتتىڭ، شياڭگاڭ ەرەكشە اكىمشىلىك رايونى ۇكىمەتىنىڭ جانە قوعامداعى ءار سالانىڭ بىرگە قۇلشىنۋىندا، شياڭگاڭ بىلىقپالىقتان جونگە سالۋعا دەيىنگى كەلەلى بۇرىلىستى جۇزەگە اسىردى، قازىر جونگە سالۋ مەن گۇلدەنۋدىڭ شەشۋشى كەزەڭىندە تۇر. مەن جاڭا كەزەكتى ەرەكشە اكىمشىلىك رايون ۇكىمەتىنىڭ بيلىك جۇرگىزۋىندە، ءسوز جوق، جاڭا بەينە جارىققا شىعاتىنىنا، شياڭگاڭنىڭ دامۋىندا تىڭ داستان جازىلاتىنىنا سەنەمىن.
حان جىڭ، شيا باۋلۇڭ قاتارلىلار كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
