مەملەكەتتىك ساياسي كەڭەس قوس اپتالىق كەڭەس اڭگىمە ءماجىلىسىن اشتى
«تورەلىك ايتۋ زاڭىنا وزگەرىس ەنگىزۋ» توڭىرەگىندە ۇكىمەت ءىسىن كەڭەستى، ۋاڭ ياڭ ءماجىلىستى باسقاردى
2022.05.31 16:38 كەلۋ قاينارى : حالىق تورابى
«حالىق گازەتى»، 5 - ايدىڭ 30 - كۇنى، بەيجيڭ (ءتىلشى فىڭ چۇنمەي). ساياسي كەڭەسى مەملەكەتتىك 13 - كەزەكتى كوميتەتىنىڭ 63 - رەتكى قوس اپتالىق كەڭەس اڭگىمە ءماجىلىسى 5 - ايدىڭ 30 - كۇنى بەيجيڭدە اشىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى. ول مىنالاردى دارىپتەدى: شي جينپيڭ زاڭمەن جونگە سالۋ يدەياسىن ۇيرەنىپ، دايەكتىلەندىرىپ، تورەلىك ايتۋ ەرەكشەلىگىن، زاڭدىلىعىن جانە دامۋ بەتالىسىن يگەرىپ، جۇڭگونىڭ ءىس جۇزىندىك جاعدايىن تياناق ەتۋ مەن حالىقارالىق تاجىريبەلەردەن ۇلگى الۋدى ۇشتاستىرۋدا تاباندى بولىپ، ەل ىشىندەگى تورەلىك ايتۋ مەن شەتەلگە ساياتىن تورەلىك ايتۋدى ءبىر تۇتاس ىلگەرىلەتىپ، ولقىلىقتاردى تولىقتاپ، ءالسىز بۋىنداردى كۇشەيتىپ، ابزالدىقتى بەكەمدەپ، كەڭەسۋ، ۇسىنىس بەرۋ تۇعىرىنان ويداعىداي پايدالانىپ، جۇڭگوشا سوتسياليستىك تورەلىك ايتۋ زاڭ - ءتۇزىمىن كەمەلدەندىرۋگە ۇلەس قوسۋ كەرەك.
ساياسي كەڭەستىڭ 10 مۇشەسى مەن مامان - وقىمىستى ماجىلىستە كەڭەس بەرىپ، ءسوز سويلەدى، 80 گە جۋىق مۇشە مەملەكەتتىك ساياسي كەڭەس مۇشەلەرىنىڭ مىندەت وتەۋ تۇعىرىندا پىكىر ايتتى. كوپشىلىك بىلاي دەپ قارادى: قازىر اتقارىلىپ وتىرعان تورەلىك ايتۋ زاڭى اتقارىلعان 20 نەشە جىلدان بەرى ازاماتتىق ىستەر، ساۋدا ىستەرى داۋ - شارىن شەشۋ، ەكونوميكالىق، قوعامدىق دامۋعا قىزمەت وتەۋ جاقتارىندا ماڭىزدى رول اتقاردى؛ سونىمەن بىرگە، دەلو قابىلداۋ كولەمى ءبىرشاما تار بولۋ، تورەلىك ايتۋ قۇرىلىمدارىنىڭ سيپاتى ايقىن بولماۋ، تورەشىلەردىڭ قاتىستى بەلگىلەمەلەرى كەمەلدى بولماۋ، ءادىليالىق قولداۋ، قامتاماسىزداندىرۋ مەن باقىلاۋ مەحانيزمى كەمەلدى بولماۋ، حالىقارالىق تورەلىك ايتۋ ەرەجەسىمەن تولىق ۇشتاسپاۋ سياقتى ماسەلەلەردىڭ ورىن تەۋىپ وتىرعانىن، جاعدايدىڭ دامۋى مەن تورەلىك ايتۋ امالياتىنىڭ قاجەتىنە ۇيلەسپەيتىنىن، ونى وزگەرتۋگە، كەمەلدەندىرۋگە تۋرا كەلەتىنىن كورە ءبىلۋىمىز كەرەك.
مۇشەلەر مىنانى ۇسىنىس ەتتى: تورەلىك ايتۋ زاڭىنا وزگەرىس ەنگىزۋدە تورەلىك ايتۋ، دەلو قابىلداۋ كولەمىن لايىقتى كەڭەيتۋ كەرەك، پرينسيپتىك جاقتان ىسكە قاتىستى ادامدار ءبىر جاقتى ەتۋگە ۇقىقتى ءارى الەۋمەتتىك مۇددەگە ىقپال جەتكىزبەيتىن داۋ-شارلاردىڭ بارىنە تورەلىك ايتۋعا بولادى، حالىقارادا ورتاق قولدانىلاتىن ادىستەردەن پايدالانىپ ءبىلىم مەنشىك ۇقىعى، حالىقارالىق قارجى قوسۋ، دەنەتاربيە، مونوپوليالاۋعا قارسى تۇرۋ سياقتى سالالارداعى تالاس - تارتىستى تورەلىك ايتۋ كولەمىنە ەنگىزۋ كەرەك. تورەلىك ايتۋ ءتۇزىمىن اقاۋسىزداندىرىپ، تورەلىك ايتۋ قۇرىلىمىنىڭ پايدا تابۋدى ماقسات ەتپەيتىن زاڭدىق تۇلعا رەتىندەگى ناقتى ورنىن ونان ارى ايقىنداپ، تورەلىك ايتۋ قۇرىلىمىنان شەشىم جاساۋ ۇقىعى، اتقارۋ ۇقىعى، باقىلاۋ ۇقىعى ءبىر - بىرىنەن بولىنگەن، ءونىمدى تەڭگەرىلگەن، ۇقىق پەن جاۋاپكەرلىك تەڭ بولعان زاڭدىق تۇلعانى جونگە سالۋ قۇرىلىمىن ورناتۋدى جانە كەمەلدەندىرۋدى تالاپ ەتىپ، الەۋمەتتىك سەنىمدىلىكتى جوعارىلاتۋ كەرەك. تورەشىلەردى مىندەتكە تاعايىنداۋ تولىمدىلىعىن تەكسەرۋ، تاڭداپ تاعايىنداۋ، تاربيەلەۋ، باعالاۋ سياقتى مەحانيزمدەردى اقاۋسىزداندىرىپ، تورەشىلەردىڭ ينفورماتسياسىن جاريالاۋ ءتۇزىمىن ورناتىپ، كاسىپتىك تەجەمدىلىك پەن باقىلاۋدى كۇشەيتۋ كەرەك. تورەلىك ايتۋ ءتارتىبى مەن ەرەجەسىن كەمەلدەندىرىپ، ىسكە قاتىستى ادامدارعا تورەلىك ايتۋ جاعىنان ۇنەمدى، قولايلى، جوعارى ءونىمدى قىزمەت وتەۋ كەرەك. تورەلىك ايتۋ مەن ارىز-شاعىمنىڭ قاتىناسىن رەتكە كەلتىرىپ، ءادىليانىڭ تورەلىك ايتۋدى قولداۋ جانە باقىلاۋ پرينسيبىن ايقىنداپ، تورەلىك ايتۋدىڭ زاڭ بويىنشا دەربەس ورىستەتىلۋىن قامتاماسىزداندىرىپ، تورەلىك ايتۋدى ءادىليالاندىرۋ نىسايىنان ساقتانۋ كەرەك. حالىقارالىق بىرەگەي تورەلىك ايتۋ ورتالىعى قۇرىلىسىن قولداپ، «ءبىر بەلدەۋ، ءبىر جول» بويىنداعى ەلدەردى ماڭىزدى ءتۇيىن ەتىپ، حالىقارالىق تورەلىك ايتۋ اۋىس - كۇيىسىن، سەلبەستىگىن تەرەڭدەتۋگە قولداۋ كورسەتىپ، ەلىمىزدىڭ تورەلىك ايتۋداعى حالىقارالىق باسەكەلىك قۋاتى مەن ىقپال كۇشىن جوعارىلاتۋ كەرەك. تورەلىك ايتۋ پاندەرى قۇرىلىسى مەن دارىندىلاردى تاربيەلەۋ كۋرستارىن كۇشەيتىپ، حالىقارالىق تورەلىك ايتۋدىڭ ساپالى دارىندىلار قوسىنىن قۇرۋ كەرەك. زاڭدى جالپىلاستىرۋ ۇگىت تەبىنىن ارتتىرىپ، ءتىپتى دە كوپ حالىق بۇقاراسىنىڭ تورەلىك ايتۋدى بىلۋىنە، تورەلىك ايتۋدى تۇسىنۋىنە، تورەلىك ايتۋدان بەلسەنە پايدالانىپ داۋ - شاردى شەشۋىنە مۇمكىندىك جاساۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، چىن شياۋگۋاڭ، لي بين ماجىلىسكە قاتىناستى. مەملەكەتتىك ساياسي كەڭەس ءتوراعاسىنىڭ ورىنباسارى ۋاڭ يۇڭچيڭ تاقىرىپتىق ءسوز سويلەدى. مەملەكەتتىك ساياسي كەڭەستىڭ مۇشەلەرى شۇي ليچۋان، جياڭ پيڭ، ۋاڭ زىحاۋ، ليۋ جىنيۇي، لي يۇيشىڭ، لي ۋەيبين، ساۋ ي - سۇن، ليۋ مۋرىن، جاڭ شۇيبو جانە مامان - وقىمىستىلاردان جياڭ ليلي ءسوز سويلەدى. ءادىليا مينيسترلىگىنىڭ جاۋاپتىسى قاتىستى جاعدايلاردى تانىستىردى، ەڭ جوعارى حالىق سوتى مەكەمەسىنىڭ، جۇڭگو ساۋدانى جەبەۋ قوعامىنىڭ جاۋاپتىلارى كەڭەسىپ، پىكىر اۋىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
