وڭدەلگەن جانار مايدىڭ باعاسى بيىل 9 ـ رەت قىمباتتايدى! 92 - ءنومىرلى بەنزين «9 يۋاندىق داۋىرگە» قادام تاستايدى
2022.05.30 10:47 كەلۋ قاينارى : حالىق تورابى
جۇڭگو اقپارات تورابىنىڭ 5 ـ ايدىڭ 30 ـ كۇنى بەرگەن حابارى. 5 ـ ايدىڭ 30 ـ كۇنى ساعات 24 تە ەل ىشىندەگى وڭدەلگەن جانار ماي جاڭا كەزەكتى باعا رەتتەۋ تەرەزەسىن اشادى. كوپتەگەن قۇرىلىمداردىڭ جالپىلىق مەجەلەۋىنشە، وڭدەلگەن جانار مايدىڭ بولشەك ساتىلۋ باعاسى بيىل 9 – رەت قىمباتتايدى.
وسى كەزەكتى باعا ەسەپتەۋ پەريوتى ىشىندە رەسەي مەن ۋكراينا قاقتىعىسى تولاستامادى، ەۆروپا وداعىنىڭ رەسەيگە قاراتقان جازالاۋىنىڭ ىقپالى ۇزدىكسىز جالعاسۋدا، ءىشىنارا ەلدەر بيىل جىل سوڭىنان بۇرىن رەسەي مۇنايىن يمپورت ەتۋدى توقتاتۋدى جوسپارلادى؛ سونىمەن بىرگە، رەسەي دا ەۆروپانىڭ كەيبىر ەنەرگيا كاسىپورىندارىن جازالاۋدى جاريالادى، بازار قامداۋدىڭ قيىنداۋىنان الاڭدادى. بۇدان سىرت، ازياداعى ىندەت جاعدايى بىرتىندەپ باسەڭدەدى، مۇناي سۇرانىمىنىڭ بولاشاعى جاقساردى، سونداي - اق جازعى سۇرانىستىڭ قاۋىرت مەزگىلى تاياپ قالدى، اۆتوموبيلدەردىڭ جانار ماي سۇرانىمى جوعارىلاپ، قامبادا باسىلىپ قالۋ مولشەرى تومەندەپ، قامداۋ ءبىرشاما تاپشى بولۋ نەگىزگى جاعدايى كورنەكتىلەندى؛ ونىڭ ۇستىنە OPECنىڭ قامداۋدى لايىقتى ارتتىرۋعا تاباندى بولۋ پوزيتسياسى سياقتى فاكتورلار حالىقارالىق مۇناي باعاسىنىڭ جوعارى دەڭگەيدە اينالۋىن ساقتاۋدا تىرەك بولدى.
الايدا، ءىشىنارا باعاعا ءتيىمسىز حابارلاردىڭ فاكتورى مۇناي باعاسىنىڭ قىمباتتاۋ كەڭىستىگىن شەكتەدى، مۇنىڭ ىشىندە ەكونوميكانىڭ قۇلدىراۋى مۇناي باعاسىن تەجەدى؛ مايمىل شەشەگى ۆيرۋسىنىڭ ءورشۋى دە مۇناي سۇرانىمىنىڭ بولاشاعىنىڭ تۇراقسىزدىعىن ارتتىرىپ، مۇناي باعاسىن قىسىمعا ۇشىراتتى.
ساناقتا كورسەتىلۋىنشە، بەيجيڭ ۋاقىتى 5 - ايدىڭ 27 - كۇنىنە (جۇما) دەيىن WTI دىڭ وڭدەلمەگەن مۇنايدىڭ مالىمدەلگەن كەسىكتى باعاسى ٵر باررەلى 115.07 ا ق ش دوللارى بولىپ، ارتۋ مولشەرى % 0.86 بولعان؛ بەرات وڭدەلمەگەن مۇنايدى مالىمدەلگەن كەسىكتى باعاسى ٵر باررەلى 119.43 ا ق ش دوللارى بولىپ، ٶسۋ مولشەرى %1.73 بولدى.
جينليانچۋاڭنىڭ ەسەپتەۋىنە نەگىزدەلگەندە، 5 - ايدىڭ 27 - كۇنى 9 ـ قىزمەت كۇنىنە دەيىن، مۇناي سورتىنىڭ ورتاشا باعاسى ٵر باررەلى دوللارى 112.20 ا ق ش دوللارى بولىپ، وزگەرۋ مولشەرى %4.60 بولعان، وڭدەلگەن جانار مايدىڭ جىل ىشىندە 9 ـ رەت قىمباتتاۋى ۋاعىندا جۇزەگە اسىرىلادى، مەجەمەن وسى رەتكى بولشەك ساتۋ باعاسىنىڭ قىمباتتاۋ مولشەرى تونناسى 380 يۋان اينالاسىندا بولادى. مەجەمەن قازىرگى ماي باعاسىنان ٵر ليترىنە 0.28 - 0.32 يۋان قىمباتتايدى.
جۇڭگو حابار اگەنتتىگىنىڭ رەتتەپ سارالاۋىنشا، بيىل جىل باسىنان بەرى، ەل ىشىندەگى وڭدەلگەن جانار مايدىڭ باعاسى 9 رەت رەتتەلىپ، بەنزيننىڭ باعاسى جيىنى تونناسىنا 1930 يۋان قىمباتتاعان، ديزەل مايىنىڭ باعاسى جيىنى تونناسىنا 1855 يۋان قىمباتتاعان. «سەگىز رەت قىمباتتاۋ، ءبىر رەت ارزانداۋ، ءنول رەت قايراڭداۋ» جاعدايى جارىققا شىققان.
وسى رەتكى باعا تەڭشەۋ جۇزەگە اسقاننان كەيىن، ەل ىشىندەگى وڭدەلگەن جانار مايدىڭ باعاسىن تەڭشەۋدە «توعىز رەت قىمباتتاۋ، ءبىر رەت ارزانداۋ، ءنول رەت قايراڭداۋ» جاعدايى جارىققا شىعىپ، بەنزين مەن ديزەل مايىنىڭ جالپى قىمباتتاۋ مولشەرى ءار تونناسىنا 2000 يۋاننان اسىپ، كولىك يەسىنىڭ ءجۇرىس - تۇرىس وزىندىك قۇنى كورنەكتى ارتادى. قازىر ەل ىشىندەگى باسىم كوپ ساندى رايونداردا 92 - ءنومىرلى بەنزين شامامەن ٵر ليترى 8.6 - 8.8 يۋان، ەگەر وسى رەتكى مۇناي باعاسىنىڭ قىمباتتاۋ مولشەرى ەڭ سوڭىندا ٵر ليترى 0.3 يۋاننان اسىپ كەتسە، ءىشىنارا رايونداردا 92 - ءنومىرلى بەنزين مەجەمەن «9 يۋاندىق داۋىرگە» تىكەلەي وتەدى.
تولايىم ساتۋدان الىپ قاراعاندا، جينليانچۋاڭ بىلاي دەپ قارايدى: نەگىزگى جاقتان ءالى دە جەتەكشى ورىندا تۇرادى، باعا ورلەۋدە بايسالدى بولادى. بايلىقپەن قامداۋ، قاجەتسىنۋ جاعىندا، جەرگىلىكتى مۇناي ايىرۋ زاۆودتارى جانە قايتا جۇمىس جۇرگىزگەن نەگىزگى تيجارات ەتەتىن مۇناي ايىرۋ زاۆودتارى كوبەيدى، جۇمىس باستاۋ مولشەرى دە جوعارىلادى، ەل ىشىندەگى بايلىقپەن قامداۋ مولشەرى جوعارىلادى، الايدا ءىشىنارا تەڭىز ايدىندارى بالىق اۋلاۋدى توقتاتۋ مەزگىلىنە ءوتتى، جازعى جيىن - تەرىن، جازعى ەگىسكە بايلانىستى ديزەل، اۋىل شارۋاشىلىعىنا پايدالانىلاتىن ماي كوبەيگەنىمەن، تۇتاس تۇلعالىق سۇرانىستىڭ جوعارىلاۋى وڭاي ەمەس. بەنزين جاعىندا دا اۋا تەمپەراتۋراسىنىڭ جوعارىلاۋىنا بايلانىستى، اۆتوموبيلدەرگە ىستەتىلەتىن اۋا رەتتەگىشكە بايلانىستى ماي ىستەتۋ مولايعانىمەن، ىندەت پەن جوعارى ماي باعاسى جەكەلىك اۆتوموبيلدەردىڭ ءجۇرىس - تۇرىسىنا ءالى دە تۇساۋ بولىپ وتىر؛ ونىڭ ۇستىنە سوڭعى مەزگىلدەگى نەگىزگى تيجارات ەتۋشىلەر كوپ جاعىنان بەلسەنە زات شىعارۋعا باسا ءمان بەرگەندىكتەن، باعانىڭ جوعارىلاۋى ءبىرشاما بايسالدى بولدى.
جينليانچۋاڭنىڭ مۇناي ونىمدەرىنە تالداۋ جاساۋشىسى ۋاڭ شان دا بىلاي دەپ قارادى: 6 - اي كىرىسىمەن بۇكىل جەر شارىنداعى ماي تۇتىنۋدىڭ قاۋىرت مەزگىلى كەلىپ، مۇناي باعاسى جوعارى دەڭگەيدە اينالىمعا تۇسەدى؛ سۇرانىم ۇشىنداعى ىندەت ىقپالى سولعىنداپ، وڭىرلەر ارا زات اينالىمى تاسىمالى، سونداي - اق جازعى ەگىس جۇمىسىنىڭ قاربالاستىعى سياقتىلار ديزەل تۇتىنۋىنا تىرەك بولادى، بەنزيننىڭ تۇتىنۋى دا ورنىقتى تۇردە جاقسارۋعا بەت الدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
