مەملەكەتتىك كەڭەستىڭ كەڭسە مەڭگەرمەسى « ٶزى سالعان ۇيلەردىڭ حاۋىپسىزدىگىن ارناۋلى جونگە سالۋدىڭ مەملەكەتتىك قىزمەت جوباسىن» باسىپ تاراتتى
2022.05.28 20:33 كەلۋ قاينارى : حالىق تورابى
شينحۋا اگەنتتىگىنىڭ 5 - ايدىڭ 27 - كۇنى بەيجيڭنەن بەرگەن حابارى. تاياۋدا مەملەكەتتىك كەڭەس كەڭسەسى « ٶزى سالعان ۇيلەردىڭ حاۋىپسىزدىگىن ارناۋلى جونگە سالۋدىڭ مەملەكەتتىك قىزمەت جوباسىن» (تومەندە قىسقارتىلىپ «قىزمەت جوباسى» دەلىنەدى) باسىپ تاراتتى.
«قىزمەت جوباسىندا» بىلاي دەپ اتاپ كورسەتىلدى: مەملەكەت بويىنشا ءوزى سالعان ءۇي حاۋىپسىزدىگىن ارناۋلى جونگە سالۋ قىزمەتىندە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شىرعالاڭنان تەرەڭ ساباق الىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا، دامۋ مەن حاۋىپسىزدىكتى ءبىرتۇتاس جوسپارلاۋعا، الىس پەن جاقىندى ۇشتاستىرۋعا، ۇستىنەن وڭاۋ مەن تۇبىرىنەن وڭاۋدى ۇشتاستىرۋعا تاباندى بولۋ كەرەك. جەرگىلىكتى پارتكومدار مەن ۇكىمەتتەردىڭ قاراستى جەردىڭ جاۋاپكەرشىلىگىن قاتاڭ تياناقتاندىرىپ، «كىم يە بولسا، سول جاۋاپتى بولۋ، كىم پايدالانسا، سول جاۋاپتى بولۋ، كىم باسقارسا، سول جاۋاپتى بولۋ، كىم تەكسەرىپ بەكىتسە، سول جاۋاپتى بولۋ» پرينسيبى بويىنشا، ءوزى سالعان ءۇيدىڭ حاۋىپسىزدىك كومەسكى قاتەرىن زاڭ ـ ەرەجە بويىنشا تۇبەگەيلى تەكسەرۋ كەرەك. تۇرلەر بويىنشا جونگە سالۋدى ىلگەرىلەتىپ، قوردى ءسىڭىرۋ كەرەك. قاتىستى تۇزىمدەردى كەمەلدەندىرىپ، ارتۋ مولشەرىن قاتاڭ تىزگىندەپ، قالا مەن اۋىلدىڭ ءۇي حاۋىپسىزدىگىن باسقارۋدىڭ باياندى مەحانيزمىن بىرتىندەپ ورناتۋ كەرەك.
«قىزمەت جوباسىندا» مىنالار تالاپ ەتىلدى: جەر ـ جەر ءوز اكىمشىلىك وڭىرىندەگى قالا مەن اۋىلداعى ءوزى سالعان بارلىق ۇيلەردى ءبىر ـ بىرلەپ تەكسەرىپ، جاي ـ جاپسارىن ۇعىسىپ، ءوزى سالعان ءۇي قۇرىلىمىنىڭ حاۋىپسىزدىگى، تيجارات حاۋىپسىزدىگى، ءۇي قۇرىلىسىنىڭ زاڭدى، ۇيلەسىمدى بولۋى سياقتى نەگىزگى جاعدايلاردى جاپپاي انىقتاۋى كەرەك. رەتتەۋ ـ جونگە سالۋ ەسەپ داپتەرىن ورناتىپ، تىزىمنەن ءوشىرۋ بويىنشا باسقارۋ كەرەك. حاۋىپسىزدىك كومەسكى قاتەرى بار ءوزى سالعان ءۇيدى تۇرگە ايىرىپ جونگە سالىپ، رەتتەۋ ـ تۇزەتۋدىڭ تياناقتانۋىنا كەپىلدىك ەتۋ كەرەك. «100 كۇندىك قيمىلدى» ۇيىمداستىرىپ جانە ورىستەتىپ، الەۋمەتتىك حاۋىپسىزدىككە حاۋىپ توندىرەتىن تيجاراتتىق جەكە ءۇي سالۋدى تەز تەكسەرىپ، تەز تۇزەتىپ، تاباندا تەكسەرىپ، تاباندا تۇزەتىپ، اۋىر حاۋىپسىزدىك كومەسكى قاتەرى بار، تيجارات جۇرگىزۋ جانە پايدالانۋ شارت ـ جاعدايىن ازىرلەمەگەندەرىن پايدالانۋدى توقتاتۋ سياقتى باسقارۋ ـ مەڭگەرۋ شارالارىن دەرەۋ قولدانۋ، كومەسكى كىناراتتاردى تۇبەگەيلى جويۋدان بۇرىن قالپىنا كەلتىرمەۋ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك.
«قىزمەت جوباسىندا» مىنالار تالاپ ەتىلدى: ارتۋ حاۋىپ ـ قاتەرىن قاتاڭ تىزگىندەۋ، 3 قاباتتى جانە ودان جوعارى قالا، اۋىلداردا جاڭادان ءۇي سالۋدا، سونداي ـ اق تيجارات سيپاتتى ءوزى ءۇي سالۋدا، ءسوز جوق، زاڭ ـ ەرەجە بويىنشا كاسىپتىك جوبالاۋ جانە كاسىپتىك قۇرىلىس جۇرگىزۋ كەرەك. ءۇي مەنشىك ۇقىعى يەسى نەمەسە پايدالانۋشى قاتىستى تيجارات رۇقساتىن الۋدان، تيجارات قيمىلىن ورىستەتۋدەن بۇرىن زاڭ - ەرەجە بويىنشا ءۇي حاۋىپسىزدىگىن ساراپتاۋدىڭ تولىمدىلىق كۋالىگىن الۋى كەرەك. كۇندەلىكتى تەكسەرۋدى كۇشەيتىپ، ءۇي حاۋىپسىزدىگى كومەسكى قاتەرىن ۇدايىلاندىرۋ، شارلاپ تەكسەرۋ، بايقاۋ مەحانيزمىن جەدەل ورناتۋ كەرەك. زاڭعا قايشى ارەكەتتەردى تەكسەرىپ، جونگە سالىپ، جەردەن پايدالانۋ، جوبالاۋ، قۇرىلىس جۇرگىزۋ، تيجارات جۇرگىزۋ سياقتى تەكسەرىپ بەكىتۋ تاراۋلارىنىڭ حاۋىپسىزدىكتى باقىلاۋ - باسقارۋ جاۋاپكەرشىلىگىن تياناقتاندىرۋ كەرەك. ءۇي حاۋىپسىزدىگىن باسقارۋ قوسىنى قۇرىلىسىن كۇشەيتىپ، نەگىزگى ساتىنىڭ باقىلاۋ ـ باسقارۋ كۇشىن تولىقتاۋ كەرەك. ءۇي حاۋىپسىزدىگىن ساراپتاۋ قۇرىلىمدارى مەن كاسىپپەن شۇعىلدانۋشىلاردى باسقارۋدى كۇشەيتۋ كەرەك. ۇيلەردىڭ حاۋىپسىزدىك جاعدايىن مەرزىم بويىنشا تەكسەرۋ، تۇرعىن ءۇي زەينەتاقىسى جانە ءۇي ساپاسىن قامسىزداندىرۋ سياقتى تۇزىمدەردى زەرتتەپ ورناتۋ كەرەك. اۋىل - قىستاق ءۇي قۇرىلىسىن باسقارۋعا جانە قالا - قالاشىقتارداعى ءۇي حاۋىپسىزدىگىن باسقارۋعا قاتىستى زاڭ - ەرەجەلەردى جەدەل ورناتىپ جانە كەمەلدەندىرىپ، جەرگىلىكتى زاڭ - ەرەجەلەر قۇرىلىسىن كۇشەيتىپ، قالا - اۋىلدارداعى ءۇي حاۋىپسىزدىگىن باسقارۋ ءتۇزىمى جۇيەسىن كەمەلدەندىرۋ كەرەك.
«قىزمەت جوباسىندا» بىلاي دەپ اتاپ كورسەتىلدى: مەملەكەت بويىنشا ءوزى سالعان ءۇي حاۋىپسىزدىگىن ارناۋلى رەتتەۋ ـ جونگە سالۋ قىزمەتىنىڭ تاراۋلار ارا سايكەستىرۋ مەحانيزمىن ورناتىپ، ارناۋلى رەتتەۋ ـ جونگە سالۋ قىزمەتىن ۇيىمداستىرۋعا، اتقارۋعا جاۋاپتى بولۋ كەرەك. جەرگىلىكتى ءار دارەجەلى پارتكومدار مەن ۇكىمەتتەر قاراستى جەردىڭ جاۋاپكەرشىلىگىن تياناقتاندىرىپ، ارناۋلى رەتتەۋ ـ جونگە سالۋ قىزمەتىنە باسشىلىق ەتۋ گرۋپپاسىن قۇرىپ، ءوز ءوڭىرىنىڭ اتقارۋ جوباسىن جەدەل جاساپ، قىزمەت مەحانيزمىن ورناتىپ، ارناۋلى قارجى ورنالاستىرىپ، ساياسات ـ شارالاردىڭ، قىزمەتكەرلەردىڭ، قىزمەتتەردىڭ تولىق تياناقتانۋىنا كەپىلدىك ەتۋ كەرەك. ءارقايسى سالالىق باسقارۋشى تاراۋلار «ءۇشتى باسقارۋ، ءۇش ءسوزسىز بولۋ» جانە «كىم تەكسەرىپ بەكىتسە، سول جاۋاپتى بولۋ» تالابىنا ساي، كاسىپ سالاسىن باقىلاۋ ـ باسقارۋ كولەمىندەگى ءوزى سالعان ءۇيدىڭ حاۋىپسىزدىگىن باقىلاۋ ـ باسقارۋ جاۋاپكەرشىلىگىن تياناقتاندىرىپ، ارناۋلى جونگە سالۋ قىزمەتىن بىرگە ىلگەرىلەتىپ، قىزمەتتىڭ بىرىككەن كۇشىن قالىپتاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
