شي جينپيڭ 2 - رەتكى جۇڭگو - تىنىق مۇحيت ارال ەلدەرى سىرتقى ىستەر مينيسترلەرى ماجىلىسىندە جازباشا ءسوز سويلەدى
2022.05.31 16:24 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 30 - كۇنى، بەيجيڭ. مەملەكەت ءتوراعاسى شي جينپيڭ 5 - ايدىڭ 30 - كۇنى جۇڭگو - تىنىق مۇحيت ارال ەلدەرى سىرتقى ىستەر مينيسترلەرىنىڭ 2 - رەتكى ماجىلىسىندە جازباشا ءسوز سويلەدى.
شي جينپيڭ مىنالاردى اتاپ كورسەتتى: جۇڭگو مەن تىنىق مۇحيتتاعى ارال ەلدەرىنىڭ دوستىعى ارىدان باستاۋ الىپ، تاۋ مەن تەڭىزدەردەن ەندەي ءوتتى. تاياۋ جىلداردان بەرى جۇڭگو مەن تىنىق مۇحيتتاعى ارال ەلدەرىنىڭ ءبىرىن - ءبىرى قۇرمەتتەيتىن، بىرگە داميتىن جالپى بەتتىك ستراتەگيالىق سەرىكتەستىك قاتىناسى ۇزدىكسىز دامىپ، سۇبەلى تابىستارعا قول جەتكىزىپ، وركەندەپ كەلە جاتقان ەلدەر سەلبەستىگىنىڭ، ءوزارا پايدا جەتكىزىپ، تەڭ يگىلىككە كەنەلۋدىڭ ۇلگىسىنە اينالدى.
شي جينپيڭ مىنالاردى دارىپتەدى: جۇڭگو ۇلكەن - كىشى ەلدەردىڭ تەرەزەسى تەڭ بولۋدا باستان - اياق تاباندى بولىپ، دۇرىس ادىلەتتىلىك - مۇددە كوزقاراسى مەن شىنايى، ادال بولۋ تانىمىنان جازباي، تىنىق مۇحيتتاعى ارال ەلدەرىمەن دوستىق قاتىناستى دامىتادى. حالىقارالىق جاعداي قالاي قۇبىلسا دا، جۇڭگو قاشان دا تىنىق مۇحيتتاعى ارال ەلدەرىنىڭ مۇراتتاس جاقسى دوسى، جاپا - ماشاقاتتا بىرگە بولاتىن تاتۋ باۋىرلاسى، تىزە قوسا العا باساتىن سەنىمدى سەرىگى بولادى. 2021 - جىلى 10 - ايدا جۇڭگو - تىنىق مۇحيت ارال ەلدەرىنىڭ سىرتقى ىستەر مينيسترلەر كەڭەسى مەحانيزمى رەسمي قۇرىلىپ، جۇڭگونىڭ تىنىق مۇحيتتاعى ارال ەلدەرىمەن تىلدەسۋدى كۇشەيتۋىنە، ءوزارا سەنىمدىلىكتى ارتتىرۋىنا، سەلبەستىكتى جەبەۋىنە تىڭ دا ماڭىزدى تۇعىر ازىرلەدى.
شي جينپيڭ مىنالاردى دارىپتەدى: ازيا - تىنىق مۇحيت ءوڭىرىنىڭ ورنىقتىلىعىن قورعاۋ، ءار ەلدىڭ دامۋىن، گۇلدەنۋىن جەبەۋ − وڭىردەگى حالىقتىڭ ورتاق تىلەگى ءارى وڭىردەگى ەلدەردىڭ ورتاق جاۋاپكەرلىگى. جۇڭگو تىنىق مۇحيتتاعى ارال ەلدەرىمەن بىرگە سىن - سايىستى بىرگە قارسى الۋ سەنىمىن بەكەمدەپ، دامۋدى بىرگە كوزدەۋ ورتاق تانىمىن نىعايتىپ، بولاشاقتى بىرگە جاراتۋدىڭ بىرىككەن كۇشىن ۇيىستىرىپ، جۇڭگونىڭ تىنىق مۇحيتتاعى ارال ەلدەرىمەن تاعدىرلاس ورتاق تۇلعاسىن قول ۇستاسا قۇرۋعا پەيىل.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
