- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(3)
2013.04.19 13:05
ناۋرىزدىڭ ناۋرىزشاسى-اي
ءالباتىر ءابىلاقان ۇلى
( شالقىما)
«ناۋرىز ايى تۋعاندا،
توي بولۋشى ەدى بۇل ماڭدا» دەپ حالقىمىز انگە قوسقانداي، كوكتەمنىڭ كول- كوسىر مەرەكەسى − ناۋرىز مەرەكەسنىڭ باستالۋىمەن ارتىنان قىلاۋلاپ تۇسەتىن اقشا قاردى «ناۋرىزشا» دەپ اتالارىمىز تەگىن اتاماعان.
كۇن ۇزارىپ، ناۋرىز مەرەكەسى باستالىپ، جەتى دامنەن قازان-قازان كوجە جاسالىپ، وعان اق تىلەكتىڭ ايعاعى قاتىق، قۇرت ەزىلىپ قوسىلىپ، ۇزاق ومىرگە نىشان بولعان مالداعى ەڭ ۇزىن جىلىك − كارى جىلىك پەن جايلىلىقتىڭ، مايلىلىقتىڭ نىشانى بولعان جال-جايا اسىلىپ كەزەكپەن كوجە بەرىلىپ، دۋماندى جىل باس كوكتەم مەرەكەسى تويلانادى، وسى دۋماندى تويدىڭ ارتىنان كۇن بۇلىڭعىرلانىپ، بولار-بولماس اقشا قار − «ناۋرىزشا» جاۋادى، ناۋرىزشادا كۇن سۋىق بولمايدى، سۋىق سىنىپ، جەر استىنان جىلۋ كەلىپ وسى تۇسكەن اقشا كوبىك قار تەزدەن ەرىپ، سايلاردان سۋ اعىپ، جاڭا تۇسكەن اقشا قار كونە ءسۇرى قاردىڭ جۇيكە-جۇيكەسىن بوساتادى، مۇنى حالقىمىز: «قاردىڭ باسىن قار الار جاۋىپ تۇرىپ، حاننىڭ باسىن حان الار شاۋىپ تۇرىپ»،-دەپ تاماشا ماقالمەن ماقامداعان.
ءيا، ناۋرىزداعى اقشا قار ۇسكىرىك اق اياز جوق جىلىمىق قىرباق، ول اقتىقتىڭ، پاكتىكتىڭ سيموۆلى، ول جاڭا ءبىر كوكتەمنىڭ جارشىسى، جاڭ ءبىر تىرلىكتىڭ باستاماشىسى، كونەنىڭ جويۋشىسى. وسى قاسيەتتى اقشا قار ناۋرىزشا جاۋعاننان كەيىن حالقىمىز توڭ كەتىپ، جەر كوگەرە باستاعاندا، بۇلاق كوزدەرىن اشىپ، سول بۇلاق جاعاسىنداعى سازداۋىت جەرلەرگە اعاش بۇتاقتارىن اكەلىپ شانشىپ اعاش ەگەدى. حالقىمىز سوندىقتان بۇل ايدى ناۋقاندى اي دەپ ءبىلىپ، وندا جاڭا جىلدىڭ ىرزعىسىن امان-ەسەن ىشەلىك دەپ بۇل ايدىڭ اتىن «ناۋرىز» دەپ اتاعان، بۇل ناۋقاندى ىرزعىلى مەرەكە بىزگە اراب-پارسى ادەبيەتى مەن ءىسلام دىنى كىرۋدەن بۇرىن بارلىققا كەلگەن ەڭ بايىرعى تاريحي تەرەڭدەگى ءداستۇرلى مەرەكەمىز.
وسى مەرەكە سوڭىندا جالعاساتىن كوكتەمنىڭ جىلىمىق اقشا قارى − ناۋرىزشا بىزدىڭ قولىمىزعا قالام العىزىپ وتىر، وسى ءبىر كوكتەمنىڭ سۇيكىمدى اقشا قارىندا:
ارۋلار، اينالايىن اقشا ماڭداي،
ارلارىڭ تازا بولسىن اقشا قارداي.
اقشا قارلى ناۋرىز كەشتەرىندە،
ءان شالقىپ، كۇي كۇمبىرلەپ جاتسا قانداي،- دەگەن تىلەك جىرلارىن ارناپ، ناۋرىزشانىڭ اقتىعىنا، پاكتىگىنە العىس ايتىپ، مەرەكە شاتتىعىن دۋمانداتا تۇسكىمىز كەلەدى.
ءيا قاسيەتتى مەرەكەمىز ناۋىزدىڭ اق ىرىستى، اق تىلەۋلى ناۋرىزشاسى-اي، جاۋا بەر، جاۋا بەر، جىلىنا جىلجىپ كەلە بەر، ىرىس نۇرىن توگە بەر!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
