- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(18)
2013.04.19 13:05
ناۋرىز ۇسىنىسى
قۇدايبەرگەن مۇقامەتبەك ۇلى
تىرىلىڭدەر ارۋاقتار تىرىلىڭدەر،
جۇمىر باستى قازاقتىڭ ءدۇبىرىن كور.
اساۋ بۇلتتى قۇلاتىپ حانتاڭىرگە،
پەرىشتەلەر تەز جەتىڭدەر جۇگىرىڭدەر.
ناۋرىزدى تويلاسىن ولگەندەر دە،
بارىپ قايتشى ەسىم حاندى كومگەن جەرگە.
ءاز بابام تىقىرشىپ تا جاتقان بولار،
باتاسىن بەرىپ قايتسىن ەرمەندى ەلگە.
ءسۇيىنبايدى شاقىرىڭدار، شاقىرىڭدار،
جامبىل دا كەلىپ قالار اسىعىڭدار.
قىزىل بارىس يەسىن ەرتىپ كەلسىن،
تىرىلەر ناۋرىزعا شاشىلىڭدار.
ابىلايدى الدىرىڭدار سۇراپ تۇرىپ،
بۇقاردى ەرتىپ بەرى اعىلسىن قىرات قۋىپ.
اسەت تە اسەم جىرمەن الديلەسىن،
اقاندا قۇر جاتپاسىن قۇلا ات ءمىنىپ.
قۇنانباي دا ورنىنان تۇرىپ كەلسىن،
ابايدى قالدىرماسىن، سىلىكپەسىن.
كەرەي مەن ءاز جانىبەك قالسا بولماس،
دەشتى قىپشاق تۋلارىن ءىلىپ كەلسىن.
بۇل دۋماندا ەشكىمدى ەشكىم نالتپاسىن،
ەسىم حان جيەمبەتپەن جارىسپاسىن.
تولەگەن قىز جىبەكپەن تابىسقاسىن،
حانتاڭىرگە جينالسىن قورىقپاسىن.
سالقام جاڭگىر جەدەل جەتسىن شابىسپاسىن،
تاۋكە قارت تەزدەتپەسە نامىسقا سىن.
قابانباي قۋباسىنا قامشى باسسىن،
اۋىلعا جەتە بەرە دابىستاسىن.
تاڭجارىق جەلكەلەمەي پاڭ قۇرداسىن،
اسقا كەلسىن جىرلارى جاڭبىرلاسىن.
جەلمايانى جەلدەتسىن اسان جىراۋ،
جەر ۇيىق دەپ بالقان تاۋدا قاڭعىرماسىن.
اۋزىنان لاعىل ءسوزدى توگىپ ەرەن،
قازىبەك تە كوسىلسىن ەلىمە كەڭ.
انەت بابا، تولە ءبي، ايتەكە ءبي،
ءبىر جولاتا تورلەتسىن توبىمەنەن.
كەتبۇقانىڭ جۇرەگىن دىرىلدەتىپ،
ماعجان ولەڭ وقسىن دۇرىلدەتىپ.
ءبىر جان مەن سارا كەلىپ قايتا ايتسسىن،
تاستاسىن التى الاشتى دۇبىرلەتىپ.
سەگىز سەرى شاكىرتتەرىن جيىپ كەلسىن،
ايتاتىن لەبىزدەرىن ءتۇيىپ كەلسىن.
ايگەرىم، توعجاندار دا تەرىس كورمەي،
ناۋرىزدىڭ كوجەسىن قۇيىپ بەرسىن.
شەيتتەر قۇلاتپاستان نامىستارىن،
جاندىلارعا تانستىرسىن ارىستارىن.
سەكۋندقا اربالعان اڭعال ۇرپاق،
ۇعىپ السىن جاقىندارىن الىستارىن.
قۇرمانعازى، تاتتىمبەت الىپتارىم،
دومبىرانىڭ كورسەتسىن قاعىستارىن.
نۇرعيسانى جانىنا الىپ ءشامشى كەلسىن.
ۇساق-تۇيەك شارۋاعا جابىسپاسىن.
ساۋمال-ءشۇبات توقتاماي سارقىراسىن،
جىلاندار بىزدەن قورقىپ قالتىراسىن.
«ناۋرىز» دەپ ءولى-ءتىرى ءبىر تويلايىق،
جەر شارى شىداماسا پارتىلاسىن.
(اۆتوردىڭ ادىرەسى: قۇلجا اۋداندىق 3-ورتا مەكتەپ ادەبيەت گرۋپپاسىنان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
