- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(4)
2013.04.19 13:05
كوكتەمگى ساعىنىش
الماگۇل بولات قىزى
(ورتالىق ۇلتتار ۋنيۆەرسيتەتى قازاق ءتىل-ادەبيەت فاكۋلتەتى 2012-جىلدىق اسپيرانتى)
وتانىن، تۋعان جەرىن ساتقان ادام،
قۇدايدىڭ قۇدىرەتى اتقان ادام.
جىرلادىم مەن ءسۇيدىم مەن سىرلى ولكەمدى،
ەسەيدىم جاستايىمنان جاتتاپ ولەڭ.
جازى-قىسىن اۋىلدىڭ ساعىنعاندا،
ساعىنىشىم جاناردان جاس بوراعان.
جارماسا جانىن تىككەن جانكەشتەرىم،
ەل دەسە ەرلەر جەلدەي ەسپەلەگەن،
بارماسا قۇشاعىنا تۇرا المايدى،
جەر دەسە تۋعان كوڭىل توكپەلەگەن.
شابىتىم اۋىرلايدى اۋىل جايلى،
شولدەسە كىرپىگىمدى جاسقا مالام.
شىن پەيىل جۇرەگىمەن سۇيە الادى،
تۋعان جەرگە باۋىرىن باسقان ادام.
«اركىمنىڭ تۋعان جەرى وزىنە ىستىق»،
تۋعان جەرسىز باقىت جوق باسقا ماعان.
اۋىلدان قىرىق ادىم الىستاسام،
الدىمەنەن تۇسەدى ەسكە دالام.
ارتىنا ءمىنسىز اسىل ءسوز قالدىرعان،
دالاسىنا قۋانىش قوسقان ادام.
مۇڭدانام تاماق ەمەس، تاۋىمدى ويلاپ،
ادامدار ءمىنسىز اسىل تاس قاراعان.
تاعىلىم جۇقسا دەيمىن تاۋىمدى ويلاپ،
اۋىلدى ويلاپ جوق ماعان اس تاراعان.
جاراسىم تاۋىپ تۇرار تاۋ مەن اسپان،
دالاسىن قىران-ەرتىس كەستەلەگەن.
ساقتاردىڭ سارباز حالقىن ساقتا قۇداي،
سوعىسپەن سوقىر نادان قوس پالەدەن.
كىمدەردىڭ كوزى ساعان قىزارمادى،
كوز تارتقان قارت مەكەنىم، قاسقا عالام.
قارا جىپپەن قايىڭنىڭ بۇتاعىنا،
تۋعان جەرگە تۇمار عىپ تاس قاداعام.
قىمىزدىڭ جەلىگىنە قىزعان جىگىت،
قىزدى اۋىلدىڭ قوراسىن باسپالاعان.
قىرىندا بالالىعىم قالعان ەدى،
اۋىلىمدى ساعىندىم استانادان!!
قاراما تالىمسىزگە كەشىرىممەن،
ءتالىمسىز ۇرپاق بولار نەسى ءبىر وڭ.
ەندىگى قۇربىلارىم ەسىن جيىپ،
قۇتىلسىن قۇمىرانىڭ كەسىرىنەن.
تابىلسا ەكەن اۋىزىنان ءتالىم-قۇران،
كورىنسە ەكەن مەشىتتىڭ ەسىگىنەن.
ەسىمدە ءالى ەرتەگى ۇلى اكەمنىڭ،
بەسىك جىرى كەتپەگەن بەسىگىمنەن.
اجەمنىڭ ايرانىنا تويىپ الىپ،
تومپيىپ الىپپەگە تەسىلىپ ەم.
ارمان قۋىپ مەن مىنە، الىستامىن،
قابىلدادىم ءبىلىمنىڭ اسىلىنان،
قاڭتارداعى قىراننىڭ شاڭقىلىمەن،
اق تاۋلار ايباتىڭدى اسىرىپ ەڭ.
جابىعىپ تۋعان جەرگە ساعىنىشتان،
توگىلىپ اق جاۋىنداي باسىلىپ ەم.
سارىلىپ تۇڭعىش رەت سوزعان ءانىم،
بوز بالانىڭ الدىندا توسىلىپ ەم.
ساعىنىسقان جۇرەكتەر زارىقتى ما؟
باۋىرلار جولىقتى ما عاشىعىمەن.
قارتتارىم تابىلدى ما ءبىر توبەدەن،
جوندارىم جامىلدى ما جاسىل رەڭ.
كولىندە اققۋ ۇشىپ، قازى قونعان،
قۇدايىم ايىرماسىن وسى كۇننەن.
شالماسىن تۇرىك حالقىم ءتىلىڭدى مۇڭ،
ۇمىتادى اتا سالتىن-ىرىمدى كىم؟
ۇيدەن- ۇيگە قىدىرىپ كوجە ىشەيىك،
ناۋرىز كەلدى بۇگىن قىدىرلى كۇن.
تاپپادىم كوشە بويىن كەزگەنىممەن،
كەزدىم مەن كوجە جوعىن سەزگەنىممەن.
كوجەڭىزدى ساعىندىم قايران انا،
ۇلىس كۇنى ۇسىنعان ءوز قولىڭمەن.
بورىشتارمىن ايالاپ باققانىنا،
العاش مەنى اپارعان مەكتەبىمە.
بوزداتىپ كەتتىڭ مەنى، سۋارايىن،
قابىرىڭا بوز جۋسان كوكتەدى مە؟؟...
انانىڭ ءار شاشىڭدى ءار قايىرعان،
الاقانى كەتپەسىن ماڭدايىڭنان.
جەتى دامنەن قۇرالعان استىڭ ءدامى،
كوكتەم سايىن كەتپەسىن تاڭدايىڭنان!!
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
