- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ناۋرىزىم ــ مەرەكەم»(8)
2013.04.19 13:05
جەتى دامنەن تۋعان وي
اراي ايتىكەن ۇلى
قۇيدى اجەم كوجەسىن،
(بۇل كوجەدە قۇت بارما؟!)
جەردىڭ شارى ءوز ءوسىن،
ءبىر اينالىپ شىققاندا.
بەردى باتا اتا دا،
قوسىلعان ءبىر جاسىما.
جاۋدىڭ وعى تاسادا،
تيمەسىن دەپ باسىڭا.
بولماي تۇرىپ قولعا اپپىز،
مۇحاممەتتڭ ۇمبەتى.
جىر تۋاما تولعاقسىز،
ويلانايىن ءبىر جەتى.
بالكىم وسى جەتى ءدام،
كەلدى جەتى قۇرلىقتان.
بالكىم الەم ەكران،
تاباتۇعىن تۇرمىس ءمان.
اشىلار ما ءمانى ەندى،
تابار قانداي تالاپتى.
دەيتىن ءسوز بار الەمدى،
جەتى كۇندە جاراتتى.
جەتى ءتىلسىم جەردە ءالى،
بار-عوي وسى قوعامدا.
بۇل جەتى ءدام ەل ءدامى،
سىرلى شىعار وداندا.
جەتى قابات كوك اسپان،
جەتى قابات جەر استى.
جۇبى قانداي جاراسقان،
سوناۋ جەتى قاراقشى.
جەتى باستى ايداعار،
سانار بولساڭ ناق باسىن.
مۇڭ تىلەر جان قايدا بار؟،
جەتى جۇتتان ساقتاسىن !.
كيەلى سان وسى سان،
توتەم بولعان بارىنە.
مەن شوشيمىن شوشىسام،
قالام با دەپ كارىنە.
جەتى ءتۇس پەن جەتى نۇر،
ەگىز ۇعىم ءاسىلى.
سول بوياۋمەن جاينار گۇل،
تىرشىلىكتىڭ ءناسىلى.
قاجى بارساڭ بۇل جاقسى،
ساناۋلى وندا ءار ءىزىڭ.
مەكەدەگى ءبىر تاستى،
جەتى ايلانۋ پارىزىڭ.
جەتى ايلانىپ جەر شارىن،
جەتى جوقتى تابار كىم.
قۇتى قاشسا ورتانىڭ ،
ادامعا-ادام شاعار مۇڭ.
بارماس جەرگە بارىپپىز،
دومبىرا ۇستاپ انمەنەن.
ات وشپەگەن حالىقپىز،
جەتى جارعى زاڭمەنەن.
« كۇندە دۋمان كۇندە ولەڭ»،
بوي ۇرىپ بوس جىرتاققا.
جەتى اتاسىن بىلمەگەن،
سىن دەيدى ەكەن ۇرپاققا.
جەتى اۋدانعا تانىلساڭ،
جەتى ەلگە دە جەتەر ەڭ.
جەتىمەكتەي اھ ۇرساڭ،
جەتەسىز بوپ وتەر ەڭ.
ءبىراق تۇك جوق سەنەردە،
ەشتەڭە جوق الاڭدار.
مەن دە ءبىر كۇن ولەم دە،
جەتى بەرەر ادامدار.
ناۋرىز جىلدىڭ باسى دەپ،
ۇمسىندىردىق نۇرعا بوي.
ارالاس شاتتىق- قاسىرەت،
جەتى دامنەن تۋعان وي.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
